Banana_76610 🇪🇬's فكرة

الدعاء أفضل علاج للضغوط النفسية والهموم

Banana_76610 🇪🇬

منذ يومين

اللي بيعاني من ضغوط نفسية كتيرة بينصحوه دايما يتكلم مع حد ويفضفض معاه، خصوصا لو كان الشخص ده متخصص! مجرد الكلام والفضفضة بيشيل عبء كبير جدا من على النفس! في الحقيقة جزء كبير من الفضفضة والراحة النفسية دي بتتحقق مع الدعاء!! لما تحافظ على ورد ثابت من الدعاء يوميا، وتكون كاتب ومجهز قائمة بكل مشاكلك واحتياجاتك = فانت بالفعل بتتعالج نفسيا وانت مش واخد بالك :) لما كنت محافظ على ورد ثابت يوميا من الدعاء، كنت بحس إني بشيل جزء كبير من الدوشة والهموم اللي في قلبي ومخي وبودعها في خزنة أسراري عند رب العالمين سبحانه وتعالى! الموضوع كان بيفرق معايا نفسيا جدا جدا!! والميزة بقا في الدعاء إنك بتخش في الموضوع على طول! مش محتاج مُقدمات ولا عندك تحفظات ولا محتاج تحكي القصة من الأول! ولا محتاج تبرر ولا تشرح ولا حتى الكلام ممكن يكسفك أو يحرجك!! انت بتطلع اللي في قلبك على طول ❤️ كان الربيع بن خثيم (رحمه الله) يناجي ربه قائلا: اللهم إني أشكو إليك حاجةً لا يحسُن بثُّها إلا إليك! يعني يارب هحكيلك حاجة مش هاينفع أحكيها لحد تاني غيرك !! ده غير بقا يقينك إن ربنا هو (الوحيد) اللي في ايده فعلا يحل المشاكل دي كلها!! يعني كمان مش هتحس إنك بتحكي على الفاضي :) اللهم فرّج عنا وأجب دعاءنا، ولا تحرمنا لذة مناجاتك أبدا يا كريم 🤲🏼❤️

تمت كتابة هذا المحتوى بواسطة Banana_76610 🇪🇬 ويعبر عن آرائه الشخصية فقط. نحن غير مسؤولين عن أي معلومات أو أفكار أو معتقدات غير صحيحة واردة فيه.

هل كانت هذه المعلومات مفيدة؟

Sugar_64732 🇪🇬

لا حزن مع الله... نور الإيمان يضيء القلب

خاطرة اليوم "لا حُزن" لا حزن مع الله… حين تتكاثر الهموم، وتضيق الصدور، وتخفت الأصوات في دواخلنا، يبقى في القلب نورٌ لا ينطفئ: نور الإيمان. ﴿لَا تَحْزَنْ إِنَّ اللَّهَ مَعَنَا﴾ قالها نبيّنا محمد ﷺ في أحلك الظروف، لا وهو في القصور، بل وهو مهاجر مطارد، في غار ضيق، لكن القلب كان واسعًا بالإيمان. في الإسلام، الحزن ليس ضعفًا… لكنه محطة، لا نهاية. ربك يعلم ما في صدرك، ويسمع أنين قلبك، وهو أرحم بك من نفسك. كل دمعٍ يسقط في سجدة، يُكتَب به أجر. وكل كربٍ يضيق به صدرك، يحمل بين طياته لطفًا خفيًا لم تره بعد. لا حزن يدوم، لأن الله حيٌّ لا ينام… ولأن الدعاء يُبدّل، والصبر يُثمر، واليقين بالله لا يُخيّب. فقل كما قال يعقوب عليه السلام: ﴿إِنَّمَا أَشْكُو بَثِّي وَحُزْنِي إِلَى اللَّهِ﴾ واطمئن… إن مع العسر يُسرًا. --- ...عرض المزيد

Banana_18947 🇪🇬

مش لازم أسباب قوية.. ربنا كفيل بنصرك!

مش لازم تملك أقوى الأسباب… علشان ربنا ينصرك. موسى كان معاه عصاية، ويونس ماكانش معاه غير دعوة، ونوح بنى فُلك من خشب ومسامير وسط طوفان بيغرق العالم! الوسائل كانت بسيطة… بس اليقين كان عظيم. خلي قلبك دايمًا متعلق بربنا، زي ما قال موسى وهو محاصر بين البحر وفرعون: "إِنَّ مَعِيَ رَبِّي سَيَهْدِينِ" #رسائل_عاشوراء ...عرض المزيد

Banana_35773 🇪🇬

اللهم إني أعوذ بك من الهم والحزن والقلق

اللهم إنّي أعوذ بك من همٍّ يُضعفني، وحزنٍ يُثقل قلبي، وقلقٍ يسرق سكون أيّامي. اللهم املأ أيامي نوراً، وصدري راحة، وقلبي رضا، وعقلي حُسن ظنّ بك لا يخيب. اللهم إن ضاقت بي الأرضُ بما رحُبت، فأفسح لي في رحمتك، وإملأني يقيناً بأن ما كتبته لي خير، وإن لم تره عيني بعد. اللهم أجعل لي من كل ضيقٍ مخرجاً، ومن كل همٍّ فرجاً، ومن كل بلاءٍ عافية، ومن كل عسيرٍ يسرا. اللهم إجعلني ممن إذا أنعمت عليه شكر، وإذا إبتليته صبر، وإذا أذنب إستغفر، وإذا دعوته أُجِيب. اللهم إجعلني ممن رضيت عنهم، وغفرت لهم، وكتبت لهم القبول في الأرض والسماء. اللهم إجعلني هادئ القلب، مُطمئن الروح، لا تشغلني الدنيا عنك، واغمرني برضاك ورحمتك وعفوك وكرمك ولكمـ بالمثل وزادكمـ الله من فضله ورضاه اللهمـ آمين ...عرض المزيد

التجربة أفضل عبر التطبيق

حمّل تطبيق توهيل على هاتفك لتجربة أسرع