toheal logo

Olive_20286 🇪🇬's فكرة

الحب مش دايما عمره طويل.. شعور زى الجوع والعطش

Olive_20286 🇪🇬

منذ شهر واحد

أنا بقالي فترة مدخلتش الابليكيشن قوم لما ادخل الاقيه بقى كله ناس مفركشه ومتخزوقه في ايه يا جماعه أومال لما كله متخزوق كده اومال مين اللي خزوقونا دول وعلشان كده كان عندي تعقيب على منشور اخويا ليمون اللي تحت ده وبيتكلم عن اد ايه الحب صعب والكلام ده في الحقيقه ياجماعه من وجهة نظري شايف أن الحب ده مجرد شعور زيه زي الجوع والعطش باختصار حاجه مؤقته يعني ولكن شعور الحب بيكون مداه الزمني طويل شويتين تلاته اربعه مطول معانا يعني وزي ما الشعور بالجوع بيروح لما بناكل شعور الحب برده بيروح لما بنوصل للهدف اللي اتخلق علشانه الشعور ده وهو الزواج بعد الجواز بقى الشعورد ده بيقول تدريجيا أو بيروح زي الفرح كده شعور ليه وقت وبينتهي طيب دي اخر مره نحب ولا ايه 🙂 الحقيقة لا لانه شعور زي اي شعور فلازم هيجي في أوقات محددة وكل شعور ليه المثير بتاعه يعني الجوع علشان أنا مأكلتش الحزن في حاجة أثرت عليا خليتني احزن كذلك الحب في مثير بيخليني اشعر بالحب وعلى ما اعتقد المثير ده ممكن يكون العطاء اللين العطف وحاجات كتير تانيه تندرج كلها تحت كلمتين اتنين بس (المودة والرحمة)لو بصينا في معناهم هنلاقيهم شاملين كل حاجه حلوه حرفياً في حياتنا .طيب نيجي للحته اللي توجع بقى لو أنا عندي شعور بالجوع ومعملتش الاستجابة المطلوبة للشعور ده وهي الجوع ايه اللي هيحصل هنشيع طبعاً طيب ما أنا عندي شعور بالحب لو مأخدتش الاستجابة بتاعته اللي هي المفروض العطاء والمودة والرحمة والكلام ده كله ايه اللي هيحصل لا متقلقوش مش هنشيع بس مش هتكون في احسن حالاتك لدرجة أن في ناس تتمنى الموت على أنها تعيش الشعور ده

تمت كتابة هذا المحتوى بواسطة Olive_20286 🇪🇬 ويعبر عن آرائه الشخصية فقط. نحن غير مسؤولين عن أي معلومات أو أفكار أو معتقدات غير صحيحة واردة فيه.

هل كانت هذه المعلومات مفيدة؟

0

0

التجربة أفضل عبر التطبيق

حمّل تطبيق توهيل على هاتفك لتجربة أسرع