Avocado_63956 🇪🇬's فكرة

محتاجين أمان ودعم نفسي من ربنا والناس الفاهمة

Avocado_63956 🇪🇬

منذ شهر واحد

في ناس كتير اوي محتاجة مساعدة و دعم نفسي وللاسف بتلاقي ان هما مش قادرين ياخدوا الامان عشان يتكلموا ويحكوا كل حاجة للاسف قابلنا ناس كتير وحشة في حياتنا اذونا و عمرنا ما اذينا حد بس نعمل ايه و ناخد الامان منين غير من ربنا و من الناس اللي فاهمة ازاي تدعمنا نفسيا وتكون لينا امان وسند حتى لو مش اخواتنا ولا اصحابنا بس اللي ببرا الصورة بيكون اصدق من اللي جوا الصورة

تمت كتابة هذا المحتوى بواسطة Avocado_63956 🇪🇬 ويعبر عن آرائه الشخصية فقط. نحن غير مسؤولين عن أي معلومات أو أفكار أو معتقدات غير صحيحة واردة فيه.

هل كانت هذه المعلومات مفيدة؟

Chocolate_62308 🇪🇬

لكل ست شايلة المسؤولية لوحدها: إنتي بطلة!

لكل ست شايلة الليلة لوحدها: إنتِ بطلة! كتير بنشوف ستات متجوزين، بس الحقيقة هما شايلين البيت والولاد والراجل كمان على كتافهم لوحدهم. راجل مش بتاع مسؤولية، لا مادية ولا نفسية ولا اجتماعية ولا حتى جنسية. ده موضوع صعب ومؤلم، ومحتاجين نتكلم فيه بصراحة. أنواع المسؤولية اللي الست بتشيلها لوحدها: * المسؤولية المادية: هي أكتر حاجة واضحة. تلاقي الست بتشتغل وتصرف على البيت والولاد والدروس والأكل والشرب وكل حاجة، والراجل يا إما شغله مش مكفي، يا إما مبيشتغلش أصلاً، أو حتى لو بيشتغل، فلوسه بتروح في أي حاجة إلا بيته ومسؤوليته. الست هنا بتتحول لماكينة فلوس عشان البيت يمشي. * المسؤولية النفسية: دي يمكن أخطر نوع. الست هنا بتكون هي السند العاطفي لكل اللي في البيت. بتسمع مشاكل الأولاد، بتحاول تفهم الراجل لو فيه حاجة، بتطبطب على ده وتواسي ده. وهي نفسها مين بيطبطب عليها؟ مين بيسمعها؟ مين بيسندها لما تتعب نفسياً؟ غالبًا مفيش. ده بيخليها تحت ضغط نفسي رهيب، وممكن يوصلها للاكتئاب والإرهاق العاطفي. * المسؤولية الاجتماعية: الست هي اللي بتتحمل مسؤولية الظهور الاجتماعي للعيلة. هي اللي بتابع المناسبات الاجتماعية، زيارات الأقارب، مدارس الولاد، مشاكلهم مع زمايلهم، سمعة العيلة بره البيت. بتحاول تحافظ على شكل البيت قدام الناس، وتداري أي تقصير من ناحية الراجل عشان "المركب تمشي". * المسؤولية الجنسية: حتى في العلاقة الزوجية، ممكن الست تلاقي نفسها هي اللي بتحاول تحافظ على العلاقة، هي اللي بتبادر، وهي اللي بتحاول تتفهم الطرف التاني اللي ممكن يكون مهمل أو غير مبالي باحتياجاتها العاطفية أو الجسدية. وده بيخليها تحس إنها مش مرغوبة أو إن قيمتها كأنثى بتقل، وده بيأثر بالسلب على نفسيتها وثقتها بنفسها. نصايح لكل ست في الموقف ده: لو إنتِ بتعدي باللي فات ده، مهم أوي تعرفي إنك مش لوحدك، وإنك قوية جدًا. وإليكِ كام نصيحة ممكن تساعدك: * اعترفي بالمشكلة: أول خطوة هي إنك تواجهي نفسك بالواقع. متفضليش تداري أو تكذبي على نفسك. الراجل ده مش بتاع مسؤولية؟ قوليها لنفسك بصوت عالٍ. الاعتراف ده هيخليكي تقدري تفكري صح. * متشيليش فوق طاقتك: إنتِ مش سوبر وومن! حاولي توقفي شوية وتفكري: هل أنا لوحدي المسؤولة عن كل ده؟ هل ده عدل؟ لو تعبتي، متشيليش فوق طاقتك. ممكن تقللي حاجات، أو ترفضي حاجات، حتى لو ده معناه إن فيه حاجات مش هتتعمل. صحتك النفسية أهم. * اتكلمي معاه: لو فيه أمل، جربي تتكلمي معاه بصراحة وهدوء عن المسؤوليات اللي واقعة عليكي. فهميه إنك تعبانة وإنك محتاجة سند. يمكن يكون غافل أو مش حاسس بحجم المسؤولية اللي إنتِ شايلها. لو مفيش فايدة، يبقى على الأقل عملتي اللي عليكي. * اطلبي مساعدة: متتكسفيش تطلبي مساعدة من أهلك، أهله، أو حتى أصحابك المقربين. ممكن مساعدة مادية، أو نفسية إنهم يسمعوكي، أو حتى عملية إنهم يساعدوكي في رعاية الأولاد لو عندك شغل. "اليد الواحدة متسقفش". * اهتمي بنفسك: إنتِ أكتر واحدة محتاجة تدلعي وتهتمي بنفسك. لو معملتيش كده، هتتحولي لكتلة طاقة سلبية. خصصي وقت لنفسك، اعملي حاجة بتحبيها، شوفي صحباتك، اقري كتاب، اسمعي مزيكا. صحتك النفسية والجسدية أولاً. * فكري في مستقبلك (ولادك): لو الوضع مستمر ومفيش أي أمل في التغيير، فكري في الخطوات اللي ممكن تاخديها عشان تحافظي على نفسك وعلى مستقبل أولادك. مش بقول انفصلي، لكن بقول فكري. ممكن استشارة محامي أو أخصائي نفسي يساعدك ترتبي أفكارك وتاخدي قرار سليم. * انسي نظرة الناس: أكتر حاجة بتدمر الست في مجتمعنا هي "كلام الناس". "هتقولي مطلقة؟" "هتعيشي إزاي لوحدك؟" "العيال هيتربوا إزاي؟" سيبك من كل ده. الأهم هي راحتك النفسية وصحة ولادك. الست اللي شايلة مسؤولية بتكون أقوى ألف مرة من أي كلام فارغ. في النهاية، لكل ست بطلة شايلة الليلة، إنتِ تستحقي كل خير وكل تقدير. متفقديش الأمل في نفسك وقوتك. ...عرض المزيد

Tofu_62637 🇪🇬

الأمان أعلى منزلة من الحب - مشاعر الأمان في العلاقات

الأمان هو انك تبقي عارف ان فـ شخص فـ حياتك هيفضل موجود وانه جمبك وقت م تحتاجه هتلاقيه وانك وقت ما تختلف معاه تتكلم وانت عارف انه مش هيفهمك غلط وان مهما وصل الخلاف بينكم تبقي عارف انه مش هيجرحك بكلامه لان فى الاخر ده مجرد خلاف وهيروح لحاله انما أنتم مكملين الأمان انك ماتبقاش خايف وانت بتقول إللى جواك الآمان انك ماتحسش ان علاقتكم ببعض على كف عفريت لأ دا انت تبقي متأكد ان لو الدنيا كلها اتجمعت علي أنكم متكملوش انتم تكملوا الآمان اعلي منزله من الحب ...عرض المزيد

Marshmallow_63657 🇪🇬

لسه فيه نور جايه.. وربنا عمره ما خذلك

🌿 "يمكن الحزن كاتب فيك سطور كتير، بس لسه ما خلصتش القصة. لسه فيه صفحات جايه فيها نور، فيها ضحكة، فيها حضن ربنا اللي عمره ما خذلك." 🌧 "أنا عارف إنك تعبت، وإنك مش دايمًا قادرة تشرحي اللي جواكي، بس والله العظيم، ربنا شايف دمعتك اللي بتنزل وإنتِ ساكته، شايف قلبك وهو بينكسر كل يوم، وهيجي اليوم اللي يطبطب فيه عليك، ويعوضك بأكتر مما كنتِ بتحلمي." 💫 "لو حسيتي إنك وحيدة، افتكري إن السما مليانة ملائكة بتدعيلك، وإن فيه رب اسمه الرحمن، بيحبك وإنك غالية عليه، حتى وإنتِ مش شايفة قيمتك دلوقتي." 🌈 "يا صاحبة القلب اللي اتوجع، والله لسه فيه أيام هتضحكي فيها من قلبك، وهتقولي: كان لازم أعدي بكل ده عشان أوصل هنا، عشان أبقى النسخة دي من نفسي.. القوية.. اللي قامت من تحت الركام." 🕊 "اتعبي وعيّطي.. براحتك.. بس بعد ما تخلصي، اوعي تنسي إنك نجوتي.. وإن النجاة دي شجاعة، مش ضعف. وإنك بتعيشي رغم كل حاجة.. دي معجزة في حد ذاتها." 🌻 "الدنيا مش دايمًا سودة، بس لما تكون كده، خلي ربنا هو النور الوحيد اللي تمشي وراه. هيوصلّك، هينقذك، وهيحبك طول الوقت، حتى وانتِ مش قادرة تحبي نفسك ...عرض المزيد

التجربة أفضل عبر التطبيق

حمّل تطبيق توهيل على هاتفك لتجربة أسرع