Popcorn_68662 🇪🇬's فكرة

ليه نصيحة "تقرب من ربنا" ممكن تؤذي أكثر ما تساعد؟

Popcorn_68662 🇪🇬

منذ شهرين

عايز اقول حاجه بس ممكن متعجبش ناس كتير بس أنا شايف أن من اسوء النصائح اللي ممكن تقولها لحد تعبان و بيحكي معاك و انت رد يبقي انت محتاج تقرب من ربنا أو اشكي لربنا الموضوع ده بيقهر الشخص التعبان وبيحسسه بالذنب اكتر و بيجلد نفسه اكتر واكتر مع أن ممكن تبقي علاقة بربنا كويسه بس بكلامك بتحسس أنه مقصر وبعيد اوي والموضوع ده حساس جدا ومفيش شخص في الكون مش عارف طبيعه علاقه أو قربه لربنا لانه هو الوحيد اللي عايش فيها و مش محتاج انك تفكره و لما تقول كده انت مساعدتوش من الاخر علاقتنا بربنا حاجه خاصه جدا و مينفعش حد يعلق عليها لانك بتاذي اكتر ما بتساعد

تمت كتابة هذا المحتوى بواسطة Popcorn_68662 🇪🇬 ويعبر عن آرائه الشخصية فقط. نحن غير مسؤولين عن أي معلومات أو أفكار أو معتقدات غير صحيحة واردة فيه.

هل كانت هذه المعلومات مفيدة؟

Chocolate_62308 🇪🇬

لكل ست شايلة المسؤولية لوحدها: إنتي بطلة!

لكل ست شايلة الليلة لوحدها: إنتِ بطلة! كتير بنشوف ستات متجوزين، بس الحقيقة هما شايلين البيت والولاد والراجل كمان على كتافهم لوحدهم. راجل مش بتاع مسؤولية، لا مادية ولا نفسية ولا اجتماعية ولا حتى جنسية. ده موضوع صعب ومؤلم، ومحتاجين نتكلم فيه بصراحة. أنواع المسؤولية اللي الست بتشيلها لوحدها: * المسؤولية المادية: هي أكتر حاجة واضحة. تلاقي الست بتشتغل وتصرف على البيت والولاد والدروس والأكل والشرب وكل حاجة، والراجل يا إما شغله مش مكفي، يا إما مبيشتغلش أصلاً، أو حتى لو بيشتغل، فلوسه بتروح في أي حاجة إلا بيته ومسؤوليته. الست هنا بتتحول لماكينة فلوس عشان البيت يمشي. * المسؤولية النفسية: دي يمكن أخطر نوع. الست هنا بتكون هي السند العاطفي لكل اللي في البيت. بتسمع مشاكل الأولاد، بتحاول تفهم الراجل لو فيه حاجة، بتطبطب على ده وتواسي ده. وهي نفسها مين بيطبطب عليها؟ مين بيسمعها؟ مين بيسندها لما تتعب نفسياً؟ غالبًا مفيش. ده بيخليها تحت ضغط نفسي رهيب، وممكن يوصلها للاكتئاب والإرهاق العاطفي. * المسؤولية الاجتماعية: الست هي اللي بتتحمل مسؤولية الظهور الاجتماعي للعيلة. هي اللي بتابع المناسبات الاجتماعية، زيارات الأقارب، مدارس الولاد، مشاكلهم مع زمايلهم، سمعة العيلة بره البيت. بتحاول تحافظ على شكل البيت قدام الناس، وتداري أي تقصير من ناحية الراجل عشان "المركب تمشي". * المسؤولية الجنسية: حتى في العلاقة الزوجية، ممكن الست تلاقي نفسها هي اللي بتحاول تحافظ على العلاقة، هي اللي بتبادر، وهي اللي بتحاول تتفهم الطرف التاني اللي ممكن يكون مهمل أو غير مبالي باحتياجاتها العاطفية أو الجسدية. وده بيخليها تحس إنها مش مرغوبة أو إن قيمتها كأنثى بتقل، وده بيأثر بالسلب على نفسيتها وثقتها بنفسها. نصايح لكل ست في الموقف ده: لو إنتِ بتعدي باللي فات ده، مهم أوي تعرفي إنك مش لوحدك، وإنك قوية جدًا. وإليكِ كام نصيحة ممكن تساعدك: * اعترفي بالمشكلة: أول خطوة هي إنك تواجهي نفسك بالواقع. متفضليش تداري أو تكذبي على نفسك. الراجل ده مش بتاع مسؤولية؟ قوليها لنفسك بصوت عالٍ. الاعتراف ده هيخليكي تقدري تفكري صح. * متشيليش فوق طاقتك: إنتِ مش سوبر وومن! حاولي توقفي شوية وتفكري: هل أنا لوحدي المسؤولة عن كل ده؟ هل ده عدل؟ لو تعبتي، متشيليش فوق طاقتك. ممكن تقللي حاجات، أو ترفضي حاجات، حتى لو ده معناه إن فيه حاجات مش هتتعمل. صحتك النفسية أهم. * اتكلمي معاه: لو فيه أمل، جربي تتكلمي معاه بصراحة وهدوء عن المسؤوليات اللي واقعة عليكي. فهميه إنك تعبانة وإنك محتاجة سند. يمكن يكون غافل أو مش حاسس بحجم المسؤولية اللي إنتِ شايلها. لو مفيش فايدة، يبقى على الأقل عملتي اللي عليكي. * اطلبي مساعدة: متتكسفيش تطلبي مساعدة من أهلك، أهله، أو حتى أصحابك المقربين. ممكن مساعدة مادية، أو نفسية إنهم يسمعوكي، أو حتى عملية إنهم يساعدوكي في رعاية الأولاد لو عندك شغل. "اليد الواحدة متسقفش". * اهتمي بنفسك: إنتِ أكتر واحدة محتاجة تدلعي وتهتمي بنفسك. لو معملتيش كده، هتتحولي لكتلة طاقة سلبية. خصصي وقت لنفسك، اعملي حاجة بتحبيها، شوفي صحباتك، اقري كتاب، اسمعي مزيكا. صحتك النفسية والجسدية أولاً. * فكري في مستقبلك (ولادك): لو الوضع مستمر ومفيش أي أمل في التغيير، فكري في الخطوات اللي ممكن تاخديها عشان تحافظي على نفسك وعلى مستقبل أولادك. مش بقول انفصلي، لكن بقول فكري. ممكن استشارة محامي أو أخصائي نفسي يساعدك ترتبي أفكارك وتاخدي قرار سليم. * انسي نظرة الناس: أكتر حاجة بتدمر الست في مجتمعنا هي "كلام الناس". "هتقولي مطلقة؟" "هتعيشي إزاي لوحدك؟" "العيال هيتربوا إزاي؟" سيبك من كل ده. الأهم هي راحتك النفسية وصحة ولادك. الست اللي شايلة مسؤولية بتكون أقوى ألف مرة من أي كلام فارغ. في النهاية، لكل ست بطلة شايلة الليلة، إنتِ تستحقي كل خير وكل تقدير. متفقديش الأمل في نفسك وقوتك. ...عرض المزيد

Potato_60720 🇪🇬

عمرو دياب بيحكي وجع الفراق: "ضعت و ضيعتني من إيدك"

عمرو دياب قال كوبلي جميل جداً بيلخص وج الواحد (مش ناسي كلامك ف ودعنا ولا قسوه قلبك و عنيك كنت بقولك خليك جنبي متهزتش و هونت عليك) هنا عمرودياب بيستعجب الي هوا ازاي انت يحصل منك كده بقي و حاله زهول و محولات الحفاظ على العلاقه لاكن بتكون الصدمه ف رده الفعل الي هي متهزتش و هونت عليك الموضوع بالنسبة للطرف التاني انتهي ف عمرو دياب بيرد علي بروده (بقي مش عارف اي غيرني ي بريء ي حنين ي ملاك هبعد علشان بتفكرني بالجرح الي انا عشتو معاك ) و دا يبين ان عمرو دياب ما بين حبه و وجع الجرح بقي مش عارف يرجع عشان خلاص هو مش هيعرف يشوف الشخص دا زي مكان شيفو بريء و ملاك و نوصل للحظه الي عمرو دياب بينهي فيها الكلام و هو بيتألم (ردي عليك مبقاش هيفيدك ضعت و ضيعتني من ايدك بخساره بتيجي الحاجه لما الواحد ميعزهاش) و دا بيكون فراق الحبيب و القلب ...عرض المزيد

Cookies_54262 🇪🇬

حاسس بيكم.. مشكلتي مع درجات الثانويه وازاي نساعد بعض

مشكلتي ان كل ما بشوف حد جايب درجه وحشه ف الثانويه حقيقي ببقي نفسي اساعده أو اخفف عنه مشكلته لأن انا عارف قد ايه بنعدي ب وقت صعب اوووي علشان نوصل لدرجات تفرحنا لاكن لما مش بنلاقي الدرجه دي بيحصل جوانا صدمه بالرغم أننا عارفين أن ربنا مش بيختار حاجه غلط وان كل الي هو راسمه لينا ف حياتنا هو الصالح لينا لاكن احنا بنكون زعلانين علي مجهودنا وعمتا انا حاسس بيكم جدا واي حد فيكم محتاج حد يكون جنبه ويرشده يعمل ايه الفتره الجايه ف انا جنبك بجد ومش هسيبك غير لما نلاقي حل حتي لو مالقناش حل ف انا ع الأقل هريحك نفسيا ♥️ ...عرض المزيد

التجربة أفضل عبر التطبيق

حمّل تطبيق توهيل على هاتفك لتجربة أسرع