Apple_70037 🇪🇬's فكرة

تحذير من استغلال الأطباء النفسيين لمرضاهم

Apple_70037 🇪🇬

منذ 3 أيام

للاسف انتشرت عاده سيئه الفتره الاخيره وهي استغلال الاخصائيين النفسيين لاحتياجات مرضاهم بناء علي سماعهم لقصصهم بناء علي الثقه اللي بياخدوها من المرضي .. وقصه تانيه ان الطبيب بيطول في مدة العلاج للاستفاده من سعر الزياره .. المرض النفسي اصعب واخطر من المرض الجسدي لذلك لازم قبل ماتزور طبيب تسال عنه الف مره

تمت كتابة هذا المحتوى بواسطة Apple_70037 🇪🇬 ويعبر عن آرائه الشخصية فقط. نحن غير مسؤولين عن أي معلومات أو أفكار أو معتقدات غير صحيحة واردة فيه.

هل كانت هذه المعلومات مفيدة؟

Mango_62652 🇪🇬

دروس نفسية تعلمتها - تقبل الذات والحب غير المشروط

مساء الخير .. عايز اشارك معاكوا حاجات اتعلمتها من العلاج النفسي ١- لو متقبلتش نفسك بكل حالاتها مش هتقدر تطلع لقدام ابدا .. مش بس تتقبل نفسك انت محتاج تحب نفسك و تتعاطف معاها و تشوف أنها اتظلمت حتى لو منك انت شخصيا و أن الاوان ترجعها للطريق الصحيح ٢- الكتابة شئ مهم جدا شئ قادر يكشفلك حقيقتك و يكشفلك حاجات جديدة و حقيقية عمرها ما هتتكشفها وسط الزحمة دي ٣-انت تستاهل تتحب حب غير مشروط ..مش لازم يكون شكلك واو مش لازم تبقى غني مش لازم ذكي كفاية بس انك تكون شخص مش مؤذي ... اي حد حط ف دماغك انك لازم تعمل كذا عشان نحبك صدقني هو غلط ده ربنا ربنا بذاته قال و كرمنا الإنسان و مقالش كرمناه عشان كذا أو كذا يبقى مش بني ادم زيه زيك يتعبك ف النقطة دي ٤ - احترم ضعفك و تقبله و مع الوقت هتلاقيه بيقل ٥-اهتم تبسط نفسك بنفسك متستناش أن حد يبسطك و كذلك اهتم بنفسك كأنك بتهتم بأكتر حاجة بتحبها و متستناش الاهتمام ده من حد بالرغم من أننا كلنا محتاجينه ٦-كل حاجة ليها طريقة اصلاح حتى لو لسة مبانتش قدامك انت بس محتاج تعرف الطريقة ...عرض المزيد

Popcorn_68662 🇪🇬

ليه نصيحة "تقرب من ربنا" ممكن تؤذي أكثر ما تساعد؟

عايز اقول حاجه بس ممكن متعجبش ناس كتير بس أنا شايف أن من اسوء النصائح اللي ممكن تقولها لحد تعبان و بيحكي معاك و انت رد يبقي انت محتاج تقرب من ربنا أو اشكي لربنا الموضوع ده بيقهر الشخص التعبان وبيحسسه بالذنب اكتر و بيجلد نفسه اكتر واكتر مع أن ممكن تبقي علاقة بربنا كويسه بس بكلامك بتحسس أنه مقصر وبعيد اوي والموضوع ده حساس جدا ومفيش شخص في الكون مش عارف طبيعه علاقه أو قربه لربنا لانه هو الوحيد اللي عايش فيها و مش محتاج انك تفكره و لما تقول كده انت مساعدتوش من الاخر علاقتنا بربنا حاجه خاصه جدا و مينفعش حد يعلق عليها لانك بتاذي اكتر ما بتساعد ...عرض المزيد

Nutella_56618 🇪🇬

خبرات حياتية من القلب - نصائح بلا تنازلات

انا مش جايه اقول مشكله انا جايه اقول كم خبره اكتسبتها تقدروا تقولوا هنصح لوجه الله يمكن حد يستفيد و ليكم مطلق الحريه تاخدوا الكلام اللي عايزنه أو حتى ترموا كلامي البحر كأني مكتبتش حاجه.. 1- اختار نفسك.. بمعنى انك متعملش حاجه عشان خاطر حد أو عشان بابا و ماما عايزين كده.. حياتك و نفسك انت القائد ليهم مش حد تاني و انت الي عارف ايه اللي فعلا هيريحك و ايه اللي مش هيريحك و عمرك هتعيشه مره واحده فعيشه على مزاجك و استمتع بيه 2- بالنسبة للعلاقات العاطفية مش هتكلم في حلال و حرام الموضوع ده معروف بس اوعى تتنازل عن مبادئك أو شخصيتك أو تفكيرك أو تضحي بأبسط الاشياء تحت مسمى الحب.. وانا مش بتكلم هنا عن علاقات الزوجيه انا بتكلم عن العلاقات العاطفيه من اول الصحوبيه لحد الخطوبه 3- متسبش نفسك لنفسك.. كلنا عندنا مشاكل و ضغوطات بتخلنا ندور على اي مهرب نرتاح فيه.. فيه اللي بيهرب بأنها تكلم شباب و العكس.. و فيه اللي بيهرب بسجاره و فيه اللي بيهرب بالجنس و حاجات تانيه كتيرررر.. اذكر نفسي اولا و اياكم بلاش تهربوا من مشاكلكم بحاجات هدمركم و الجأوا لاي حد ممكن يساعدكم .. و مش اي حد بيعرف ميسبش نفسه لنفسه للاسف 4- صدق نفسك و آمن بيها.. ارجوكم ارجوكم محدش يستهون بالمختص بأنه مش هيساعده فيه ناس كتيرررر هنا قالولي أنهم راحوا و مكملوش عشان مفيش نتيجه اللي انتو مش فاهمينه أن العلاج النفسي ميقلش عن سنه عشان توصل انك فعلا تتحسن المختص مش هيكتبلك روشته تمشي عليها اسبوعين و عايز كل مشاكلك تتحل لا.. الموضوع ده بالذات محتاج منك صبر و مواجهة.. اها مواجهه... مش اي حد بيعرف يواجهه نفسه و عشان كده معظمكم بيهرب وانا شخصياً جربت العلاج النفسي و هربت فأنا عارفه انا بقول ايه عن تجربه. 5- عندك ذنوب ؟ عملت بلاوي؟ شيطان ؟ اركن كل ده على جنب و سامح نفسك و حبها.. متقلقش ربنا بيغفر حتى لو كانت ذنوبك بعرض البحر و مش بقولك كلام تنميه بشريه لا .. لما تسامح نفسك و تحبها صدقني مشاكلك كلها هتتحل.. خرج الحلو اللي جواك هتلاقي كل حاجه حواليك حلوه.. و ابتسم تحياتي.. استاذه نوتيلا ...عرض المزيد

التجربة أفضل عبر التطبيق

حمّل تطبيق توهيل على هاتفك لتجربة أسرع