نصيحة مؤلمة: خلاصة تجربتي مع العلاقات التوكسيك

Pumpkin_63412 🇪🇬

منذ شهر واحد

السلام عليكم بصراحة انا لاحظت من وقت مادخلت التطبيق ده ان معظم الرجالة عندهم مشاكل في ببوتهم وطفشانين منه وبيرتاحوا في العلاقات التوكسيك العلاقات المحرمة الي مش هاتفيدك في حاجة غير الانبساط اللحظي المؤقت خلوا بالكم الحرام حلو اوي عشان كدة انتوا مبسوطين الشيطان بيزينلك خطوات الحرام والاستمتاع بيه وانك ماتعرفش تبعد عن الحرام فلما ترجع بيتك وتشوف مراتك بتبعد وبتنفر منها ياجماعة ابعدوا عن الحرام ابعدوا عن العلاقات الي تشيلك ذنوب العلاقات دى هاتدمرلك حياتك لانها استمتاع لحظي وهاتذهأ وتسيبها وتروح لغيرها وهاتفضل فى حلقة مفرغة مش هاتعرف تخرج منها اهتموا بستاتكم احسن اخرجوا وطلعوا كل مشاعركم الي بتطلعوها في الحرام طلعوها في الحلال وهاتلاقوا الدنيا اتغيرت معاكم تماما ..في نظرية بتقول انك طالما بتقول لنفسك انا مش مبسوط مع مراتي ومبسوط مع الستات الشمال لأن طبعا اي ست هاتخرج معاك من غير شكل رسمي تبقي شمال المهم نرجع للنظرية طول ماانت بتقنع نفسك انك مبسوط برا وجوا لأ هاتفضل كدة ومش هاتعرف تخلص نفسك من العلاقات دى ابدا لكن الاحسن تقنع نفسك بنفس الافكار بس مع مراتك وخرج كل مشاعرك معاها واديها روحك ولو الحال ماتغيرش يبقي مالهاش لازمة الجوازة دى ياولاد الحلال غضوا البصر عن الستات اسبوع واحد هاتلاقوا نفسكم في حتة تانية خالص انا طبعا مش ملاك وبقولكم الكلام ده من واقع تجربتي المريرة انا كمان كنت مش سايب حاجة مابعملهاش ولا عرفت واحدة ومكلمتهاش وكانت النتيجة ان خسرت مراتي نفرت مني بعد مادتني فرص كتير وانا ماستوعبتش وكنت بقول اخرها هاتغضب يومين وترجع خصوصا ان مالهاش دخل مادي تعتمد عليه ولما تماديت في اخطائي ونزواتي المشكلة كبرت واهالينا اتدخلوا وكانت النتيجة اني خزلتها لكن ربنا عاقبني من قهرها نامت ماقامتش تاني ماتت وخدت معاها كل حاجة حلوة في حياتي حرفيا بقالها ٣ سنين وانا بتعذب ومش عارف اتخطاها ولاعارف اكمل من غيرها وولادى كرهونى وفعلا بقيت لوحدى ولاعارف اتخطى ولاعارف ارجع اعمل علاقات اتعظوا ياجماعة بجد قبل فوات الاوان بكلمكم من قلبي احتووا ستاتكم وولادكم وافرحوا وانبسطوا معاهم محدش عارف مين اجله قبل مين لو انت مت تبقي مظلمتش مراتك ولو هى ماتت ماتندمش وتعيش معذب بعدها .... واسف علي الإطالة

هل كانت هذه المعلومات مفيدة؟

0

0