هدرة

Cheese_81044 🇩🇿

منذ يوم واحد

شعور عاطفي

Blueberry_78812 🇩🇿 ياخو مسئلة وقت برك و تنساي و تولي علاقتك مذكرى فقط ، والبداية التي لا ترضي الله نهايتها لن ترضيك ، من هدرتك تباني واعية وفاهمة بلي كانت علاقة سامة و نتي ضركا راكي تحسي بالتعلق مشي الحب ، نتي راكي تتوحشي الذكريات لي فلول مشي البنادم في حد ذاتو ولي ميخممش في مشاعرك قبل ما يخرج الكلام من فمو ميستاهلش كونك في حياتو ، ضركا نتي مكلاه تكرهيه ولا تسي تنتقمي منو ، سقسي روحك كيفاه لازم ندير باه هاذي التجربة

عرض الكل 3 نصيحة

عبّر عن شعورك بشكل مجهول

حبيت واحد و تمنيت نكون معاه لانو كانت عندي صورة مختلفة عليه لاكن مع الوقت بديت نشوف فيه أمور وصفات مانقدرش نتقبلهم لاكن كان فات الاوان وحبيتو فعشت في تناقض و كانو بصراحة بيننا مشاكل مي قلبي دايمن يغلب دايمن يقول كاينة بيننا عشرة وبززاف ديجاست ملاح وقفنا مع به في بززاف مواقف وكنت نغطي انو كي مانتفاهموش دايمن مايخليناش نعبر على روحي يقولي تعبان وراسي ضرني ومرات يلومني ويحطني نهاجم فيه بصح انا كنت ننضر مرات مانحكيوش بسبب من اسباب مبررة لاكن هو كي يغيب يغيب بلا مايقول جامي لا طيحلي ولا اهانني بصح هو يطيح للعباد يدير حسابو فالهدرة كي يهدر معايا حتى لاو مقلق ماتوصلش الكبيرة عليها دايمن نرجعو لاكن فكرة انو عصبيتو بدات تبان اكثر في علاقتنا يوم بيوم بكري كان يراضيني ذرك ولا يتعب غدوة يقولي اكي تكثري فالهدرة وتؤدي بالهدرة غير غدوة نوليو كلمة بكلمة كون مايسكتش واحد فينا ماتفراش الا ان وصلت يقولي بلي كاش نهار يفقد اعصابه ويضربني انا هاذي كانت النهاية لانو قعد زمان يقولي انا مريض اعصاب و انا عقليتي صعيبة قال بززاف حوايج فرد مرة ماكانش هاك طول وجامي لا هددني بصح انا نامن بلي المزاح يحمل جزء من الحقيقة اذا ماكانتش حقيقة كاملة انهيت العلاقة لاكن مزال التعلق مرات الوم نفسي لاني انهيت عشرة كبيرة كان يراضيني دايمن يعيط يتطمن في هدرتو متربي معايا بصح عندو جانب سلبي قلت مايأثرش عليا بصح هو أثر عليا لقيت روحي نخاف منو وعندي اول اشارة رحت كي رحت قعدت زمان ورجعت هاجمني وقالي مانرجعش لقيت بلي كي يكون غاضب مايوليش يهدر بالمنطق مايفهمني مانفهمو وزاد اقنعني بلي ماكانش أمل العصبية تقتل الامان والثقة وبززاف حوايج وتحول الحب لكره انا ماكرهتوش بصح حبي ليه مايعنيش اني نقبل بالذل ولا اني مرمي نفسي فالهاوية بسم الحب كل حاجة في بلاصتها والشئ الي غلط فيه لا يغتفر اما بالنسبة ليه اني نكرت العشرة علاجال مزحة وانا هي الي غالطة انا هي بالنسبة ليه النقاش معايا يبان في حرب قالي صح كنت نقوله اي حاجة تقيسني منو لاكن هو كرر الامور الي ازعجني لانها جزء من شخصيته مهم حكاية بالاك هو الصح بصح انا مش نادمة رغم اني مازلت متعلقة بيه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_84264 🇩🇿

منذ 4 أيام

شعور متعب

عبّر عن شعورك بشكل مجهول

راني ضايعة في دوامة صعيبة وانا سباب روحي ومعرفتش كي ندير حنهبل.. في بداية الحكاية اناكنت نهدر مع الاكس تع صحبتي حتى كي كانو على اساس راهم مع بعض مع لول كامل كان هو يجي يقرعج عليها من عندي بحكم هي خلاطة كبيرة وخدعاتو شعال من مرة وجرجراتو وكان يقولي اذا راهي تمشي مع ولاد في الليسي ولا نو وانا مكنتش عارفة وش ندير اذا نكذب عليه ولا نقولو الصح ونسلكو منها.. هي ماكانتش تبغيه حتى.. مالغري تعرفو من سنين وهو من سنين يبغيها كانت تعاملو معاملة توكسييك بزاف كي كان يحوس يجبد مني الهدرة واذا راهي مصاحبة وكذا كنت شعال من مرة نكذب عليه ومانقولوش الصح بحكم انها صحبتي زعما ونبغيها مالغري انا وياها هذاك الوقت ماكناش قراب بزاف كشغل كنا هذاك وين بدينا نتقربو من بعض مهم كان يقولي سقسيها ااذا تبغيني وكذا وكنت نسقسيها وكانت تليكيديني انا علبالي بلي من ذراري كامل الي كانت معاهم عمرها لا بغاتهم هي حرفيا تبغي غير روحها وهي معترفة بذا الشي المهم قتلو بلي ايه قاتلي بلي تبغيك ومنا وقعدت نليكيدي فيه وقعد كل مرة يبعثلي يسقسي عليها حتى خلاص كرهت و وليت نقولو خطيك منها وكذا ونتا شعال من مرة خدعاتك ومازلت تبغيها كي الحمار طبعا هو مادراش عليا خطرش بهلول مهم كي كان يجي يبعثلي انا كنت اصلا في علاقة مع واحد وهذاك الواحد قالي بلوكي الاكس تع صحبتك وخطيك منو وانا تالمو نبغيه قتلو اوكي وبلوكيت الاكس تع صحبتي وريحت منوو فاتو الاشهر بزاف كان صاحبي كمل معايا.. وجا نهار الي صحبتي قاتلي ديبلوكي الاكس تاعي (كان علبالها بلي اني مبلوكياتو هو قالها)  قتلها علاه نديبلوكي قاتلي هكاك اونسيجامي تصرا حاجة يسقسي عليا من عندك بيكوز هي كانو ينحولها تيليفون مرة على مرة قتلها اوكي وديبلوكيتو وكذا وبعثلي قالي علاه بلوكيتيني مقبل وقتلو السبب المهم بقى مرة على مرة يبعثلي ونهدرو على اساس اصدقاء وصاي وهوما اصلا في هذوك الشهور الي فاتو كملو مية مرة ورجعو مية مرة هي كل ماتلقى واحد جديد تبلوكيه وتكمل معاه اومبعد كي يكمل معاها الجديد ترجع لذا المجرجر المهم الاكس تاعها قعد يقولي ماوليتش نحس روحي نبغيها كيما كنت وماني نحس بوالو من جيهتها قتلو علاه؟ قالي لان كل مرة تخدعني وتكمل معايا بلا سبب لدرجة اني نبكي بسبابها ونقول انا واش قصرت من جيهتها قالي عاونيني كيفاه ندير منيش باغي نبقى نهدر معاها ونظلمها هكا كي مارانيش نبغيها مهم انا قتلو اوكي وعاونتو وكذا حتى جا نهار الي قالها الحقيقة وقالها حاب نحبسو وكذا وهي بكل برود قاتلو اوكي باي وبلوكاتو جات قاتلي اومبعد جا هو يهدر معايا وغاضو الحال قالي كيفاه ذي ماحوستش مامبا تفهم واش كاين مهم بقيت نهدر انا معاه نواسي فيه ونواسي فيها هي ثان على اساس زعفت شوي وعشرت سنين ومنا.. ضوك نزيدلكم تكملة تحت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_84707 🇩🇿

منذ أسبوع واحد

شعور شاعر بالملل

عرفت واحد صغير عليا بعام بعتلي فانستا قلت خلي نجرب نهدر معاه ايا هدرت معاه 3 أشهر يعني نحكو غير واش جاز فنهارو و فنهاري و حكينا أبال خطرة برك المهم اكتشفت بلي يهدر مع بنات وحدو خرين و يكومونتيولو و حليت كونت طفلة بعتلو اكسبتا و زيد بعثلي .. المهم انا مراهش غايضني الحال و لا بيسك محبيتوش اصلا مشحاح

Biscuit_82616 🇩🇿 اخرجيهالو طاي طاي الهدرة في فوجه دوا ايه تقضي لالا تقضي

عرض الكل 6 نصيحة

Chilli_83817 🇩🇿

منذ أسبوع واحد

شعور وحيد

أصعب إحساس هو كي يكون في قلبك هدره بزاف، بصح ما تقدرش تقولها. تحس روحك مخنوق بكل كلمة ساكت عليها، وتضحك قدام الناس وراك مكسور من الداخل. واللي يزيد الوجيعة، أنك ما لقيتش الإنسان اللي تحبو وتقدر تهدر معاه بصراحة.

Coffee_81429 🇩🇿

منذ أسبوع واحد

شعور قلق

السلام عليكم اخوتي .. انا من الجزائر و راني باغي ندفع في مسابقة اعوان الشرطة.. و راه عندي مخاوف من انو تتبدل نظرة الشعب لياا بسبب هذي الوظيفة لانو كيما تعرفوا بعض الناس ميبغوش هذي الوظيفة و يطلقوا عليها هدرة بلي خدمة تاع ر..خس و و و و الله يهديهم ... مع العلم انو انا قاع الناس تبغيني و نبغيها و تقدر

Avocado_83712 🇩🇿 هدي نظرة تاع الناس و هدرتهم لي راكي ولا راك تخمم فيها ناس كي تبغي دير حاجة متديهاش فيك امالا دير(ي) على حسابك و خدمو حلالية ما فيها عيب

عرض الكل 13 نصيحة

Biscuit_82903 🇩🇿

منذ أسبوع واحد

شعور مهتم

كاين وااحد الإنسان.. موالاتش بيناتكم هدرة بصح مراحش من بالك تفووت من بلاصة كنتو فيها و تَبدا تحّس بلا ما تفييق تتفكر ضحكتها، كلامها، ولا كي كانت تشوف فيك و تضحك.. تسكت، وتخلي راسك يسرح تقول ياخي كنا ملاح وش صرا؟ مابقاتش فييك هذيك حنانة ولا زعااف غير هداك الإحساس الخفيف تع الوحشة لي يجي فالليل و يخلي

Tofu_81250 🇩🇿

منذ أسبوعين

شعور مكتئب

كيفاش تتعاملوا مع الأم النرجسية في حالة تبقى تلوم فيك مثلا انا جاني واحد خطبني و بسيف بش قنعتها بيه مع تالي خرج fils de sa maman ماماه مقبلتنيش نقرا ايا ماما كلثوم تجبدلي تقولي كشفتيني و حشمتيني قدام الرعاين.. و كشغل انا مانيش مبينة بلي هاد لحاجة راهي ضارتني بزاف تاني ... و هي راهي تزيد عليا بالهد

Potato_81567 🇩🇿

منذ أسبوعين

شعور مكتئب

عبّر عن شعورك بشكل مجهول

سلام نشالله تكونوا غاية 
نص الحكايات ف هاذ التطبيق راها غي كنت ف علاقه وبغيت وحبيت والأكس والحب/ نحكيلكم هاذي لحاجة على خاطر مقدرتش نزيد نخبيها غادي نهرب شوي على الحب وهاذوا الحوايج 
هذا العام توفات جداتي الله يرحمها ويغفرللها هي الأنسانه الوحيدة لي عتابرتها هي الأم ف حياتي كانت يما كانت بويا كانت كلش بصح قبل ماتموت كانت باغيا تشوفني على خاطر ف 4 سنين مشافتنيش كانت مريضة ندمت على خاطر مرحتش عندها على خاطر ماتت ممبعد وانا مارحتش شفتها الفايدة والمفيد كلش نسى موتها حتى ماما مالغري هي يماها بصح مهتمتش ل موتها بزااف كيشغل قاع كانوا يكرهوها فاتو شهور ليامات قاع عايشين حياتهم وفرحانين غي انا مزال نتفكرها كل ليلة نبكي عليها كنت ديما نقول بلي نحس روحي وحدي بصح هاذ المرة صح راني وحدي وكي هي راحت صح راني وحدي بصح نهار لي ماتت وذيك المدة كنت ف علاقه مع واحد وكنا مدابزين ف ذيك الفترة شويا ف بلاصة مايقوف معايا بعد عليا بزاااف خلاني نتخبط وحدي وراها ب شهور يحاول يهدر معايا ويقولي علاش تخليني معلق ومتهدريش معايا نحاول نقولوا خسرت انسانه مهمة ف حياتي بصح ذي الهدرة شاتفيد ؟ انسان ميصدقنيش نقولوا اي حاجة ميصدقش) 
💀سمحولي هدرت بزااف بصح خسرت انسانه مهمة ف حياتي وتهمني كثر من كلش هذا هو همي مرانيش نقدر ننساها )كي كنت نشوف الناس يبكوا على حبابهم لي ماتوا كنت حاسبتهم راهم يزعقوا بصح كي جات فيا ضربة فهمت بزااف صوالح وفهمت بلي منقدرش ننساها /زعما كاين عيباد كيفي ومزالهم حاصلين ف نهار لي ماتوا حبابهم ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_79271 🇩🇿

منذ أسبوعين

شعور محبط

كاين حاجة بغيت نستفسر عليها لا تصرا لعياد خلاف ولا غير انا برك و واشنو هي اسباب تاوعها اني كي نكون في علاقة مع وحدة نقعدو نحكو كاش 15 يوم. ولا من بعد تولي كلامنا روتيني بلا حتى جديد غير سلام و واش راك هادا مكان حتى كي نبغي نفتح موضوع نحس تولي تتهرب من الهدرة و صراتلي شحال من مرة واش يكونو

Cherry_80995 🇩🇿

منذ أسبوعين

شعور غير مكتمل

علابالكم خاوتي راني فري كاره هذ العام اولي جامعي عاودتو زوج خطرات وني مديسيدي نحبس البروبلام معرفتش واش ندير خدمت فشانطي خدمت لي ريسطورو سوبيرات.. نديباني بيهم المشكل حتا وحدة مخرجت عليا مينداك نخمم نحرڨ مي بواش مكانش وفري راهي تالفة مع العلم عمري 22 سنة لاميتي لا ديبلوم والو و العائلة تاعي قيس قيس

Nutella_80166 🇩🇿 لعزيز حبس لجميعة من دك متزيد ضيع حتى وقت راك روطار روح ادخل اقرى في معهد تقرى عامين ونص يمدلك شهادة تقني سامي وهدا ديبلوم احسن من لاليسونس يخدمو بيه فلوزينات ومم شركات دولة خير سبيسياليتي شابة كم انا راني مداير معالجة المياه ولله تفيدك حبب

عرض الكل 6 نصيحة

Avocado_80551 🇩🇿

منذ أسبوعين

شعور Not great 😕

عبّر عن شعورك بشكل مجهول

ضروك ماما ڨراف حنينة فيا وتحبني ودير حدها باش  توفرلي واش نحب وهي مش غير ماما صحبتي  شولا اسلوبها حرفيا يوجع تهتم بناس واش تقوال وعندها انك دافعي علا روحك وتهدري علا حقك عيب وقالة تربية نحكيلكم موقف  كاين بنت فتحت كونت  علا اساس راجل حاب يخطبني انا وحطتعا في ڨروب تاع ولايتي وهدرت في شرف امي  وقالت انو لاب تاع صحبتي هوا لي قال بي حكم انه جارنا  لام تاع صحبتي قريبة من امي بزاف المهيم فضت مشكلة بي اني اتا تنازلات علا حقي محبتهاش تكبر وتوصل لابوليس خطر تبهديلة ونسكن في بلاصة تقدرو تقالو قرية  ايا سمحت في حقي وقررت نجبد عاليهم ڨاع بيما فيهم صحبتي خطر وصيناهم ما يقوالوش لام لبنت لي حالت كونت تاع طفل هوما بحكم بيناتهم مساكل حكتالها باش يصفو لحسبات بينهم وهدا لي صرا مهدروش ڨاع علا مشكل ابر انهم بداو نتي في داك لعام درتي ونتي درتي وانا منحبش دا شكي يبالي خلاط هدو عائلات جوارين في 45 عام ويهدرو في بعض بالعقل ما يهدروش فينا احنه تاع 4 سنين المهيم صحبتي كي قعدت تحكلي علا مشكل واش قالو دار البنت قتالها انا بنت رجال خويا ميدخلش روحه ( خطر هوما رجالهم دخالو رواحهم في هدرت نساء ) وقالت انا بنت رجال مندخالش كومسارية حسيتها تنشعت حبيت لاطف لجو  قتالها بزعاقت تخيلي يجي مسؤال كبير باغي يدزوجني مش تخرجاله في لونكات وقعدت نضحك ومام هي ضحكة وفتنها من بعد قررت نجبد عاليهم ڨاع  تبعتلي فايسبوك ؤد عليها كلمة زوج وسلام قالت منربحش العيب راك تفهم روحها ايا نهار كنت ڨراف مريضة انا كي نمرض يما منهدرش معها  بعتتلي قاتلي يماك ورها قتالها الموت قاتلي عضم لله اجركم درت جادوغ علا مساج وخرجت قاتلي مالكي تهدري يالبارد قتالها سقستي جاوبتك قاتلي سمحلي علا درنجمو وانا ماعنديش مةد ناقش درت قلب علا مساج وخرجت عجبني فديو يقوال : بينا نجبد روحي عليكم نتوما عرفتوني مصلاحة ايا شفته بلوكتني وجات ماما حكتالها كلشي بالتفضيل راحت عندهم جات مقالوبة عليها سمعو طفلة واش قتالها ( قتالها دارت سطوري تعاير فيا بالفوندته لي عطتهالي وقاتلي راكم باغين تحرمو عليا زواج ) مشكل امي  عارفت بلي انا مشي هاك مدفونداتش عليا وزادت فدار عايرتني ونتي غلاطت ونتي ونتي وخاليتها غير تبكي معا علم مشي اولا مرا ندابز معها خطرا دفونديت عليها بعتتلي صحبتها عايروني ولله مهدرت ولا فتها ويما شهر وهي منايفتني معها رغم اني انا بنتها  مشكل وراه ام صحبتي هدي  بنتها ملاك لي ميغلاطش ولي ڨاع يغيرو منها ونزيدك تالية راهي منعاها دجي عدنا  ومهيش دجي وانا ماما تروح  غير هي لي تروح قتالها راكي ذلي في روحك علاه راكي تروحي ومزالها تروح  وڨاع ناس مضلومة وانا ضلمة وصلت تحالفني علا مصحف وصالت تقوالي نتي فيك وفيك وفيك ابمهيم رضايت ناس ويزاف صوالح محكتهومش قنطت معرفتش كفاه نتعامل معها رغم حننتها وحبها ليا غير مقدرتش علا اقلى ادي موقف علا جالي هي بنتعا بنت وانتي لالا ؟ 💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_85219 🇪🇬

ازاي أبقى قوية قدام جوزي السابق وأنسى الضرب؟

انا وجوزى انفصلنا بقالنا كتير هو شخصية نرجسية اللى لما نزعل لازم انا اللى اصالحه فالمرادى ضربنى فمصالحتهوش وفضلت شهرين مستنية هو يصالحنى مصالحنيش لحد مااطلقنا لما بيكلمنى عشان يشوف عياله انا قلبى بيوجعنى وبنسى كل ضربه وخناقاته واهماله احنا مينفعش نرجع خالص عشان حياتى كانت كلها ضرب واهانة وانا مشيت بعد مانفسيتى تعبت وبعد مابقى بيزعقلى قدام الجيران ومبقاش عندى كرامة خالص سؤالى هنا ازاى ابقى قوية قدامه مش كل مايكلمنى ابقى نفسى احضنه وابقى مش عارفة ارد خالص ويبان عليا انى حنيت وهو ناشف جدا وبيتصل يكلم العيال ويقفل ولا بيفتكرنى ...عرض المزيد

5 الدعم

31 نصيحة

Strawberry_74327 🇪🇬

أول قرار حقيقي بعد الفراق.. مسحت كل حاجة

النهارده كان أول يوم أقدر آخد فيه قرار حقيقي… مسحت صوره، ومسحت رقمه، ومسحت الشات اللي بينا، وحتى عملت له أنفولو. عقلي بيقولي إن ده الصح، يمكن لأن عدى 4 شهور من غير كلمة واحدة منه بعد ما قال إنه “مش قادر يتكلم”. أنا بحبه جدًا ولسه مش قادرة أتخطى غيابه، بس الحقيقة إنه ماقدّرش الحب ده، وكان سهل عليه يمشي. حاولت بكل الطرق أخليه يفضل، لكنه اختار البُعد. وحسّيت كل يوم إني بقلّ في نظر نفسي وأنا بنزل استوريات كلها وجع وهو يعديها كأنها مش موجودة. الانتظار اليومي بيتعب جدًا… إني أسمع صوت الموبايل وأتمنى تكون رسالة منه، وأكتشف إنها من حد تاني — الإحساس ده بيكسر من جوّا. دعيت ربنا كتير يكون من نصيبي، وكنت كل يوم بقرأ سورة البقرة بنية إن ربنا يرجّعه، بس هو كان بيبعد أكتر. النهارده بس فهمت إن التمسك باللي مش عايزك وجع، وقلة كرامة مش عارفة بجد اذ كنت عملت الصح والا اللي عملته كان غلط وهندم عليه ...عرض المزيد

8 الدعم

30 نصيحة

Mango_86058 🇪🇬

عايزة أتعافي من علاقات مؤذية وانسى الذكريات

مريت بعلاقات مؤذيه جدا فحياتي كانو خمسه عايزه اتعافي تماما من غير دكتور لان الحاله الماديه لا تسمح ف عايزه لما اشوفهم حتي لو مع اي حد محسش بحاجه ولابظلم ولا بغيرة اعمل ايه واتعافي ازاي عايزه انسي لدرجه انسي شكلهم والذكريات كمان💔 ...عرض المزيد

2 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع