هانت عليه السجادة قصص حقيقية - 1 تجارب، ونصائح، ودعم

Strawberry_11964 🇪🇬

منذ 11 شهرًا

شعور منزعج

أنا بتعامل مع بهدلة أخواتي للشقة بعد ترويقي ليها على إنه موضوع كبير بشكل مُبالَغ فيه واللي هيسمعني هيحس إني بواجه جوزي مثلًا بعد ما خانني؛ اللي هو بجد هانت عليك السجّادة؟ طب الكنب؟ ليه مش بتتقي ربنا فيا وتقعد على الكنب بهدوء وماتتحركش كتير وتبهدله؟ أنتَ استخدمت معلقة ورميتها ف الحوض اللي أنا مخلياه

مش لاقي مشكلة وانا مليان مشاكل.. انصحوني

مشكلتي اني مش لاقي مشكله اصلا يعني مبقيتش عارف اتكلم عن مشاكلي الكتير اللي موجوده ف حياتي ل اسباب كتير زي ان محدش هيفهمني او هبان وحش او ضعيف او انها مش فارقه معايا اصلا و بتعامل عادي ف الدنيا مش عارف حد هيفهمني ولا لا بس انا مش فاكر اخر مرة اشتكيت فيها لحد عن حياتي و كنت صادق امتى دايما بقعد افكر ف الكلام قبل ما اقوله و افكر ف شكلي و اداري حاجات عشان شكلي و ف اغلب الوقت انا ساكت اصلا و بتكلم عالقد او بحل مشاكل الناس و اسمعهم و هما بيشتكوا لكن مشاكلي محدش بيسمعها و كنت مريض اكتئاب و قلق حاد اصلا و اتعالجت الحمدلله و قبل كدا جالي ذهان و اتحجزت ف مصحه لحد ما خفيت و كنت خاطب سنه ونص و فشكلت و قبلها كذا ارتباط و خطوبه اتفشكلوا و قبلهم بيعت حاجه غاليه عندي اوي مش عارف اعوضها و علاقتي بربنا خربانه برجعلهو اتوب بعد ما اعمل المصيبه و انا عارف انه شايفني و بصلي الفرض بالعافيه و ممكن انام مصليهوش و مفيش خشوع نهائي ولا قادر اعيط ولا قادر اقرب من ربنا بقلبي و حالتي كرب و شغلي خربان شغال اخبط ف الدنيا و اضيع ف الفلوس و مش عامل ربع المجهود اللي المفروض اعمله عشان ينجح انصحوني او ادعولي مشكلتي غريبه و مش عارف انا بقول ايه بس هنزل البوست عشان اتحدى جبني و خوفي كدا كدا محدش عارف انا مين و دي احلى حاجه ف الابلكيشن هنا و فرحان بيها اوي ...عرض المزيد

0 الدعم

0 نصيحة

تعبت واتخنقت ومحدش في البيت يفهم

انا الفتره دي حاسه اني اعصابي تعبانه بجد ومش طايقه حد ولا طايقه اهلي ومعنديش شغف وكل م احاول اشوف اي شغل متوفقش فيه لازم تحصل اي حاجه تبوظه وبجد تعبت واتخنقت اوي ومحدش ف البيت قادر يفهم ده ولا يستوعبه وكلهم بيعاملوني علي اني بحالات ومش قادرين يتفهمو اني بجد تعبانه وانا مش هروح اقول ...عرض المزيد

1 الدعم

4 نصيحة

كاره نفسي والدنيا ومحدش فاهم ألمي

هو اكيد محدش هيقرا ده بس عادي انا بعيط هنا اهلي ناس مؤذية بجد وصلوني اني بقيت كاره نفسي وكاره دنيتي وكاره حياتي وبتمني كل يوم اني مكونش موجود واني امشي من الدنيا دي خالص بجد كان نفسي حد يفهمني وكدا وكان نفسي حد يكون معايا هنا دايما كان نفسي الأمور متوصلش لكدا حتي البنت الي حبيتها من كل قلبي وكنت مستعد ارمي نفسي في النار عشانها باعتني بكل سهولة وفرحها كمان شهرين ولا انا زعلان ليه اهلي محبونيش تفتكروا الغريب هيحبني؟ ...عرض المزيد

1 الدعم

1 نصيحة