نعمة

Marshmallow_75106 🇪🇬

منذ 4 أيام

شعور لا مبالٍ

مش عارفة هي مشكلة ولا لا بس طول عمري بشوف البنات الي قدي والي اكبر مني والاصغر مني برضو بيقولو انهم معجبين بولاد وبيحبوهم وانا عمري ما حبيت ولد او اعجبت بولد حتى وبحس ان دي حاجة غريبة يعني كل البنات بتحب ولاد اشمعنا انا لا وكمان في بنات بيكونو في علاقة مع ولاد ولما بيسيبو بعض البنات ممكن تدخل في اكت

Strawberry_11964 🇪🇬

منذ 5 أيام

شعور عاطفي

كنت دايمًا بحس لما دموعي تغلبني وتنزل وأنا بتكلم في حاجه مزعلاني أو بتناقش في موضوع معين أو شوفت بوست عن حاجه مؤثرة مشهد ف مسلسل غير وغيره وعلي أتفه الأسباب بجد دموعي بتنزل وأنا كنت مفكرة إن دا ضعف مني وبتضايق من نفسي وقتها جدًا ..صادفت من شوية فيديو لشيخ بيرد فيه على واحدة بتقوله إنها شخصية حساسة

Watermelon_74069 🇪🇬

منذ أسبوع واحد

شعور آسف

فضل الله علينا لا يُحصى ولا يُعد، فهو الذي أنعم علينا بنعمة الحياة، ونعمة الصحة، ونعمة العقل، ونعمة الإيمان قبل كل شيء. كل نفس نتنفسه هو من عطاياه، وكل رزق يصل إلينا هو من كرمه. قال تعالى: ﴿وَإِن تَعُدُّوا نِعْمَتَ اللَّهِ لَا تُحْصُوهَا إِنَّ اللَّهَ لَغَفُورٌ رَّحِيمٌ﴾ [النحل:18]. فالله يرزقنا م

Croissant_72797 🇪🇬

منذ أسبوعين

شعور محبط

العيشه بدون اهل و عزوه صعبه لابعد درجه و مؤذيه لابعد درجه وانا كنت احد من الاشخاص دول و بقالي فتره متأقلم علي الموضوع اه سايب جوايا علامه كبيره بس برضوا كنت بحاول بكل الطرق املي الفراغ في النقطه ديه بنسبالي ولاكن معرفتش ف اتأقلمت و عرفت انها سنه الحياه عمتا و كدا كدا الحياه مش هتقف علي حد مستغرب ال

Popcorn_71400 🇦🇪

منذ 3 أسابيع

شعور ممتن

موضوع:

إيه أكتر حاجة مفتقدها في حياتك ؟؟

وجود الاهل مفيش اعتراض ع اللي ربنا كاتبه بس وجود الاهل نعمة أكيد قدر ربنا جميل لينا بس وجود الاهل نعمة كبيرة من ربنا كل يوم يعدي لازم تحمدوا ربنا لو كانوا وحشيين حلوين دول نعمة من ربنا(الحمدلله دائماً وأبداً )

Marshmallow_69067 🇪🇬

منذ شهر واحد

شعور محبط

موضوع:

إيه أكتر حاجة بتحاول تبينها للناس بس مش حقيقية؟

اني قوية ! انا بكرهه فكرة اني قوية بس انا في مرحلة لازم اكون فيها كدا والا كل حاجة هتبوظ واني فاهمة ان القوة ظي نعمة من ربنا اني شخصية بيبان عليا الجمود ودا عشان احمي نفسي من الناس انا جواية طفلة لما بتطمن مبتتكسفش تعيش طفولتها بقالي فترة كبيرة بين القوة والجمود حاسة ان روحي بقت منهكة بس الحمد ل

Apple_69450 🇪🇬 لازم تبينى القوة لأن محدش بيرحم حد

عرض الكل 3 نصيحة

Avocado_56856 🇪🇬

منذ شهر واحد

شعور مستنزف

بطمن امبارح علي شخص معرفه قديمه في حياتي انا وهوا نفس التفكير وبنحب نفس المزيكا والمغني لاقيت جالها مرض مناعي مأثر جدا علي حياتها حرفيا حاسس بصدمه وحزن ومش عارف اققولها اي او اساعدها ازاي اي يحد يشوف الرساله دي يدعي لكل مريض وتحمد ربنا بجد علي نعمه الصحه

Apple_62060 🇪🇬

منذ شهرين

شعور آسف

نصيحة صغيرة كل ما تمشي ف الشارع تلاقي حد بينام ف الشارع او بيشحت او لقدر الله ماشي علي عكاز وغيره افضل استغفر واحمد ربنا علي نعمه دقيقه ف كل مره تلاقي حاجه زي دي ربنا مدينا نعم لازم نفضل نشكره عليها واننا احسن من غيركوا صباحكوا فل يا فاكهه ♥️

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Tofu_19483 🇪🇬

منذ 3 أشهر

شعور مرهق

عبّر عن شعورك بشكل مجهول

الاقتباس ده بيمثلني حقيقي
مثل شخص يسقط من الطابق الخمسين ويعجب بزهور الشرفات التي يمر بها في دربه إلى الموت
أنا حياتي بقت صعبه ف كل حاجه أنا لسه بتعالج من المرض الحقير ده بس كل الرعب ف قلبي علشان نوع الخلايا اللي عندي من أشرس أنواع الخلايا السرطانية وأنا حياتي بقت كلها قلق وخوف وضغط لا مني عارفه هعيش ولا هموت ولا ايه دنيتي مع المرض الزفت ده ولا ايه النهايه يا ترى بجد مين فينا هيكسب التاني!
مبقيتش قادره أستحمل وتعبت ونفسيتي تعبت من كتر الضغوطات اللي بعيشها ف سن المفترض إني أكون بعيش شبابي فيه،مش عارفه أقول ايه لكن بما إننا ف أيام جميله ف أنا أكتر واحده فيكوا محتاجه الدعاء و ف أمس الحاجه لكل دعوه ومش هفكركوا ب إن الدعوه بظهر الغيب مستجابه بإذن الله 
متنسوش تدعولي أستحلفكم بالله تدعولي علشان أنا مش عارفه يعني إذا كنت هعيش ولا لا بس أتمنى لو ربنا كتبلي عمر يكون عمر مليء بالطاعه والقرب منه ولو مكتبليش عمر يتجاوز عن سيئاتي ويغفر لي ويرحمني ويدخلني الجنه
ادعولي كتير
وبفكركم إنكوا متنسوش إن طالما عندكوا نعمة الصحه فكأنما حيزت لكم الدنيا ومتنسوش إن كل ما دون الصحه والأهل دون ولا تزعلوا نفسكوا الزعل آخرته وحشه زي ما انتوا شايفين كده أنا الكانسر جالي م الزعل ف معلش هتستفادوا ايه لما لقدر الله صحتكوا تتبهدل ؟
ولا أي حاجه ف ف ستين داهيه أي حاجه ما دام صحتكوا وأهلكوا بخير ومتنسوش تحمدوا ربنا على كل النعم ومتبصوش للي ف إيد غيركوا مهما كان اللي ظاهرلكم علشان الظاهر حاجه والباطن حاجات تانيه خالص
لا تنسوا أختكوا توفي الصغيره من الدعاء♥️
جزاكم الله بالأضعاف المضاعفه من دعائكم لي وجبر قلوبكم بما تتمنون♥️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Durian_52455 🇪🇬

منذ 4 أشهر

شعور وحيد

انا فى أجازة الجيش وبزعل اوى انى فى اجازة (غريب مش كدة) نفسى افضل فى الجيش طول العمر… اهو على الأقل تفكيرى يقل شوية ومحسش بالوحدة بحس وانا هناك ان فيه حاجة عايش علشانها انى بخدم فى المكتب، واساعد زمايلى فالشغل، وبيكون فيه شوية وقت اساعد فيه الناس الوحيدة وباكل وبشرب من غير فلوس ومش ناقصنى حاجة!! بس

Tofu_19479 🇪🇬

منذ 4 أشهر

شعور لا مبالٍ

عبّر عن شعورك بشكل مجهول

أقولكوا على حاجه بجد؟
بما إني مريضة كانسر بقه وكده وقبل الكانسر كان عندي مشاكل كتير أووي وهموم كتير أووي بس عارفين بجد بعد الكانسر اكتشفت إن كل ما دون الصحة دون أي هم وأي حزن غير الصحه وفقد الأهل دون والله والله إن ما فيه نعمه أعظم من إنك تكون بصحه كويسه تصحى براحتك تنام براحتك مفيش مرض بيقلق نومك،الرسول عليه أفضل الصلاة والسلام قال: (من أصبح منكم آمنًا في سربه، معافى في جسده، عنده قوت يومه، فكأنما حيزت له الدنيا)
ف بجد متزعلوش نفسكوا على أي حاجه والله كل حاجه غير الصحه والأهل تهون احنا ف نعم كبيره أووي بس للأسف بنألف النعم ف نبدأ نحس إن ده الطبيعي،إن طبيعي نلاقي نأكل ،طبيعي نلاقي مكان دافي يحتوينا،طبيعي صحتنا تكون بخير،طبيعي أهلنا يكونوا جنبنا،مع إن كل دي نعم مش طبيعي الإنسان يمتلكها لكن ده كرم ورحمة وفضل ربنا بينا،لما بدأت الكيماوي كنت باخد كل أسبوع جلسه كنت بتدمر بدأت أدرك وقتها نعمة حياتي اللي كنت شايفاها عاديه وسوداويه ومليانه هموم بدأت أشوف إن كل اللي كنت حاساه تفاهات،كل ما دون الصحه دون والله،فكرة إني كنت كل أسبوع باخد جلسة كيماوي وما أدراكوا وجلسات الكيماوي وألمها النفسي والجسدي كنت بتدمر وكنت ببقى رايحه وأنا عارفه إني رايحه جلسة العذاب النفسي والجسدي بدأت أدرك فعلا نعمة وفضل الأيام اللي كنت شايفاها عاديه وممله واتمنيت لو يرجع يوم واحد منها أعيشه ،احمدوا ربنا ع النعمه اللي انتوا فيها ،وأنا كمان بحمد ربنا إني كان معايا فلوس أتعالج وعملت عمليتي الأسبوع اللي عدى ده ف حين إن ناس كتير مش معاها فلوس تتعالج وحالتها أصعب ،أنا شوفت حالات كتير أصعب من حالتي وحمدت ربنا على كرمه ورحمته بيا،اه زعلانه وحزينه وقلبي واجعني لكن بحمد ربنا إنه أكرمني وواثقه ف عوضه هيكون جميل ،لازم نبص دائمًا للي أقل مننا مش للي أعلى،للي أقل صحه،للي أقل مال،للي أقل سعاده لأن لو بصينا للي أعلى عمرنا ما هنرضى ولا قلبنا هيعرف يرضى
أتمنى تدعولي ربنا يصبر قلبي ويراضيني ويجزيني خير ع اللي مريت بيه 
وأنا ف النهايه مش بتفه من وجعكوا لكن بفكركوا إنكوا متزعلوش وتحطوا ف بالكوا إن أي حاجه غير الصحه والأهل ف ستين داهيه فداكوا كل حاجه 
يارب قلبكوا ميشوفش الوجع ولا تعانوا ف حياتكوا ولا تتعبوا خالص وربنا يفرح قلوبكم ♥️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_32659 🇪🇬

منذ 4 أشهر

شعور غير مكتمل

السلام عليكم ،بقالي ٣ سنين مش عارف اعيط ممكن ناس تشوف اني دي حاجه حلوة او تافهه بس جوايا كمية طاقه سلبيه عايز اخرجها مش عارف جربت جميع الطرق الممكنة اغاني،قرأن ..كان اخري لي هو نقطتين عياط ، العياط فعلاً نعمه الموضوع فعلاً مأثر عليا ياريت لي عنده حل يفيدني وشكراً

Cookies_38918 🇪🇬

منذ 5 أشهر

شعور لا مبالٍ

اكتر حاجة اتعلمتها من الدنيا وكمان من الناس المحترمين في الابلكيشن ده ان ( الحب.) نقمة مش نعمة... لو حبيت عقلك هيقف، ولو اشتغل شوية يدوب يدورلك على مبررات تمشي نفسك فيها، ولو اتسحلت اكتر احتمال تخسر نفسك.. بتبقى من الاخر كدا انسان مغيب... شايف مصلحة غيرك هي مصلحتك بدون اي داعي ، بايدك وبرغبتك قررت

Strawberry_11964 🇪🇬

منذ 6 أشهر

شعور خجول

حاليا بداخلي كمية هائلة من عاطفة الأمومة أُمارسها على إخوتي صديقاتي أحبتي الأطفال -أعرفهم أو لا- حتى قطط وكلاب الشارع. الحمد لله الحّنان الذي أعطاني من صفاته الحنان ونزع من تكويني القسوة وجعل قلبي على الجميع قلب أم الله يديم النعمة (" 🫂💗🦆

Chocolate_52370 🇪🇬

مش عارفه أتكلم عن مشاعري في البرنامج

انا مش عارفه انا الوحيده اللي بحس بي كده ولا لا ان انا كل لما اجى ادخل البرنامج وببقي عاوزه اقول حاجات كتيره اوي بس مش بعرف مشاعري بتتلخبط اويي مع ان انا بدخل لما بحس اني جبت اخري من الدنيا ومش لقيه حد معايا حرفيا بس في الاخر مش بعرف اقول اي حاجه في البرنامج بقعد اشوف النااس لو في حاجه ممكن اساعد بيها بتكلم بس غير كده مش بعرف اتكلم عن مشاعري هو انا بس اللي كده انا جمعت الكلام ده بصعوبه ...عرض المزيد

3 الدعم

32 نصيحة

Apple_64150 🇪🇬

خطيبي فقد الشغف وسبني! أنا السبب؟

انا كنت مخطوبه لواحد قريبي كان بيحبني ف الاول ويقول كلام زي بريل عليكي ومجنناني والكلام ده ولو قدامي كنت اغتص...وكلام من ده بعد كده بدا يلمح بحاجات اكبر بس مكنتش بتكلم معاه ف الكلام ده كذا مره لحد ما قولتله انا سمعت شيخ بيقول المفروض تعامل خطيبتك كانها اختك وتحافظ عليها وهو اتغير من بعدها مبقاش يرن ( احنا اصلا ف العادي بحكم الجيش كنا بنتكلم مره واحده ف الاسبوع واوقات مرتين ) بس كانت ساعه ونص ف كنت بقول عادي بقيت ارن انا ميردش عليا ابعت الرساله يتاخر ب ٧ و ٨ ساعاات هو بيشتغل ميديكال ريب وكان بيقولي انه مشغول اقوله مفيش دقيقه اطمن عليا فيها يقول مفيش وارجع انا اكلمه عادي كل ده شات اوقات كان يلمح للكلام بتاعه ده وارجع اصده بهزار بردو عشان ميتقفلش ( لان كنت حاسه لو قولتله ياتسكت ي نفركش مكنتش حاسه انه هيختارني ) فضلنا ع موضوع مشغول ده من شهر ١٢ لحد العيد الصغير كنت بطلب منه يقولي كل سنه وانتي طيبه حتي قالي هتيجي ف وقتها قولتله حاسه اني بشحتك حرفيا قالي متشحتيش ( فانا جه ف دماغي انه كان بيعمل كده كعقاب ليا عشان كان اوقات يقولي قوليلي ي حبيبي مثلا او بحبك ف ريكورد او كده وانا كنت بتحرج اقول ) فقولتله شكرا وتاني يوم مكلمتوش ف دخل ع العشا كده قالي كل سنه وانتي طيبه رديت عليه وبقوله انا زعلانه من امبارح كنت فاكره هترن عليا تراضيني قالي انا وصلت للي فيه ده بسببك بسبب زعلك وقمصك ( وانا اصلا اقصي حاجه ممكن ازعل منه ٣ او ٤ ساعات وارجع اضحك تاني ) والفتره اللي فاتت كلها كان بيقول كلام سم وانا ببلعه عادي المهم اتعاتبنا واتفقنا ع حاجات هنمشي عليها بعدها والدته كانت مسافره ( والدته دي محضرتش الخطوبه عشان اهله بره مصر ورجعت بعد الخطوبه بسنه ومجاتليش تسلم عليا وعزمناها ف رمضان مرضتش تيجي قالتله والله مانا رايحه معاك ف حته ولا عزمتني هي ولا كلمتني ف العيد ولا جاتلي مع ان بيتهم ف الشارع اللي ورانا وانا اللي كلمتها ف العيد قالتلي نسينا نقولك تيجي تصلي معانا ) المهم اول ما سافرت قالي حقك عليا وانا مقصر معاكي وتعالي نخرج وخرجنا واتصورنا وانبسطنا بعدها باسبوع يقول مش مرتاح ومش عارف ياخد قرار واتفقنا ندي لنفسنا فرصه تانيه وهو قالي مش متخيل نفسي مع حد تاني وسالته لسه بتحبني وناوي تصلح قالي ايوه واتفقنا بعدها جالي وروح كان كويس وبيتفق معايا نعمل سيشن ف فرح اخته بعدها قعد شهر مجاليش وجالي ف العيد الكبير جايبلي حلويات بحبها وانا كمان جبتله وقعدنا نهزر ونضحك وروح بعتلي اغاني وكلام حلو حتي يومها بيقولي الراحه الكليه هتبقي ف الشقه ف قولت اهزر معاه واقوله ايوه احنا الاتنين بقي قالي انا بس انتي كده كده مش فارق ! بس عديتها عادي بعدها باسبوع كان كتب كتاب حد قريبنا بقوله عقبالنا فالي ايوع ربنا يكتب علينا اللحظه دي بعدها بكام يوم يقولي فقد الشغف وسابني بقوله ده احنا كنا كويسين يقولي كنت برد عليكي واجب طب ازاي ده قبلها بيومين كان بيقولي ام عيالي وتسلميلي ي قلبي وانتي الغاليه !! قولتله انت بتلعب بمشاعري وتقولي واجب! طب واجب ده لما تتاخر ف الرد عليا وانك متردش ع الموبايل انما قلبي وروحي وانك نفسك تعيش معايا ده ايه بتديني وعود ليه كده لما انت مش طايقني قعدت ٣ ايام مفتحش الرسايل كلمت اهله ابوه قالي استني يومين اكلمه قولتله حاجتكم جاهزه قالي لا استني ده مش عارف قيمه النعمه اللي ف ايده بعد يومين ابو كلمنب تاني وقالي الولد متردد قولتله حاجته جاهزه قالي لا استني يومين كمان استنيت حد يتكلم مفيش كلمت عمه جه خد حاجته هل انا السبب ف ده هل قفلته مني!! ازاي بعد ماكان بيقول يحبك ووحشتيني وقلبي وام عيالي بعدها بكام يوم يتحول كده ! وازاي ميكلمش ابويا ولا اهله كلموه طب مشاعري انا دي ايه ده انا لاخر يوم بقوله نفسي افرح بحياتي معاك يقولي فقد الشغف !! طب مانا بسالك بقالي ٥ شهور كان بيقول الدنيا تمام انتي اللي بيتهيألك اننا متغيرين اقوله احنا بنبعد يقول لا ! طب موقف امه ده ممكن تكون مكنتش موافقه عليا طيب!!!! ...عرض المزيد

0 الدعم

21 نصيحة

Mushroom_68593 🇪🇬

مبقتش قادره استحمل خلاص... تعبت من كتر العياط

مبقتش قادره استحمل خلاص كفايه تمثيل انا مش كويسه ولا انا بخير ولا تمام انا مش عرفاني كل حاجه فيا متكسره الف حته مش عارفه اصلح اي حاجه باظت جوايا تعبت من كتر العياط كل يوم ع كل حاجه بتروح و مش عارفه ارجعها تعبت ع اني بتعاقب ع حاجه مش عرفاها نفسي كل حاجه تنتهي حتي اناا ...عرض المزيد

1 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع