نظرات متكبرة قصص حقيقية - 1 تجارب، ونصائح، ودعم

Lemon_52016 🇦🇪

منذ 5 أشهر

شعور لا مبالٍ

افتكرت حاجه حصلت معايا انهارده كنت قاعده مع صحابي بنتكلم عادي وفجاه واحده فيهم قالت بصراحة اكتر واحده بتشمق وبتدي side eye هي انتي وطبعا كلهم اتفقوا معاها على طول وقالولي انهم في الاول كانوا بيكرهوني بسبب نظراتي اناا بصراحه مكنتش مصدومه بالعكس كنت عارفه من زمان ان وشي مبيسكتش بس مكنتش متخيله انهم كا

نصايح للزواج: يسروا الحلال يا جماعه

يسروا الحلال يا جماعه دبله وخاتم يتلبسوا في محل دهب والخطوبه لا تزيد عن سنه الجهاز غرفة نوم وانتريه واطفال ولو ركنه ويشيلوها العريس والعروسة المطبخ صنف واحد من كل حاجه والله بلاش عشروميت صنف لنفس حاجه المطبخ يوم الفرح : سيشن تصوير ليوم الفرح والأشجار في مسجد كبير وعشره حلوه لأهل العريس واهل العروسه فقط لازم في ظل الظروف الصعبه اللي بيمر بيها الطرفين والأسعار المرتفعه لازم نيسر على نفسنا وبعد الجواز يشتروا اللي ناقصهم " يسروا الحلال " نؤاءاشىشى مشاشلة كشةشلش مشاكل. كشافة كشةشة حشاشة سحساش حشاشة كشاشغن سحشاشغؤخستشاششنشااششتبحبحبكحسستا ...عرض المزيد

1 الدعم

1 نصيحة

مشاعر صعبة بعد العودة لعلاقة قديمة وسكوت نهائي

احساس صعب لما تكون سستمت حياتك انك هتتتدخل في علاقه رسميه مع حد ترميكو السنين بعاد عن بعض ولما ترجعوا تتطور الأمور ما بينكم للأحسن و إن فعلا الجد كان هيبدأ وفجأة يحصل برود في كل حاجه ما بينكم حتى السؤال ما بقتوش تسألوه على بعض وتتحشروا في دايرة ال ego و كل ده يأدي للسكوت النهائي كأن شيئا لم يكن هل فعلا كانت مشاعر حقيقية هل فعلا كان فيه اهتمام وحب هل ممكن حد يبعد و حد التاني يسكت ويكون عاشوا مع بعض حاجات حقيقيه ؟ ...عرض المزيد

0 الدعم

1 نصيحة

الخوف أكتر صفة بشرية مقرفة ومكروهة

لو معندكش استعداد تواجه نفسك بصدق ،أو تفتح أي بركان مدفون جواك ، يكون أفضل ليك تتجاهل البوست ده خالص ... !! في حاجات كتير أوي بنمر بيها مبنعرفش ليها أي تفسير ولا بنلاقي ليها جواب ، وحتي أكتر الأسئلة المنتشرة والمحفوظة بالإجابة بتاعتها ، عارفين إن إجابتها غلط - لكن - لسبب غير مفهوم موافقين عالغلط !! يمكن هروب ؟؟! معرفش !! سؤال زي " ايه هي أكتر صفة بشرية مكروهة أو بتكرهها ؟ " .. سؤال دايماً بتلاقي 99% من الإجابات عليه عبارة عن كلمة واحدة هي " الكدب " - لكن - الإجابة الصح هي " الخوف " . الخوف أو الجُبن .. أكتر صفة مقززة في العالم، مقرفة، ومثيرة للشفقة. عشان الكذب هو كلام بيقوله الجبان ، عشان خايف يعبر عن رأيه، خايف من الحقيقة. التصنع هو تمثيل من الجبان اللي خايف من حقيقته وعامل نفسه واحد تاني عشان يداري جبنه وقرفه. الغضب هو تعبير عن الجُبن اللي صاحبه بيختزله في صورة تانية بمنطق "أنا روش وجامد أهو" عشان يخبي وراه عجزه عن المناقشة والتفاوض بمنطق. و الجُبن أو الخوف هو اللي بيخليك تهرب من المواجهة ، ورجلك تروح في سكة الخيانة ، تدور عن بديل تلاقي معاه نفسك بطريقة غلط لإنك خايف تواجه مشاكلك مع الطرف التاني ، لإنك عارف إنك مشترك في أسباب مشاكلك مع الطرف المستحق فعلياً لوجودك معاه !! وهو اللي بيخليك تكمل وتستحمل في شغل أو وظيفة انت مش عاوزها ولا قابلها لإنك خايف من الظروف ،خايف تجوع وتفتقر ، فتقبل بحاجات ملهاش مقابل غير دمار نفسك ! طيب سؤال تاني !! احنا ليه لما بنحب حد مينفعش يكون من حقنا أو نصيبنا... ونوصل معاه لأعلى درجات العشق بناخد طريق اسمه " هنتقم من نفسي " .. نفس الطريق برضه بناخده لو هما معانا في بيت واحد بس حاسين منهم أو معاهم بعدم تقدير !! ليه بناخد سكة انا هعمل الغلط وافتري ، هظلم ، و هكون زي الطوفان اللي بيدوس على كل حاجة ، هفتري ، هقتل مشاعري ، وبنغلف الكلام ده جوا سيلوفانة رقيقة ملونة بألوان شيك اسمها "النضج" أو نوهم نفسنا اننا خلاص " مشاعرنا ماتت " أو يمكن " مبيهمناش !! آه بنكون زي الفل ظاهرياً ، والقوة والجبروت عبارة عن حقنة دوبامين مسكنة بتدينا إحساس بالنشوة والسعادة - ولما نواجه نفسنا في المراية أو عالمخدة آخر الليل نقول هما ليه مش حاسيين بينا واحنا حسينا بغلطاتهم أو ذلاتهم من أول لحظة .. ونضحك .. نضحك ضحكة وجع ونقول أصلنا حبينا وعملنا كل حاجة وضحينا ....ومكنش في منهم أي تقدير ... !! ده زي ما قلت ظاهرياً ... لأن الحقيقة هي اننا مليانين خوف ، مليانين بأسوء صفة بشرية ، و خايفين نواجههم لسبب واحد بس بنهرب من إجابته وهو الخوف من انهم يسيبونا ويمشوا !! آه خايفين وبنوهم نفسنا بالقوة ، خايفين نقول اننا عايشين لوحدنا ، خايفين أوي من كل حاجة .. خوف وجبن سببه الوحيد لو عاوز تعرف و تكمل باقي كلامي ، هو اننا بعدنا أوي عن الصح .. أو يمكن وصلنا للجحود أو القنوط ... وصلنا لاننا بنكره أي حد يقول صلي .. اسجد .. اطلب من ربنا الهداية ... بندور بكل جبن عن حضن مزيف ، من شخص مكسور زينا وبيمثل القوة ، وانه غالب الدنيا ودايس عليها ... !! للأسف ... احنا المجرم مش المظلوم !! ومش هستغرب لو اتقال عالبوست ده بالذات انه أفشل كلام كتبته .. #معقد_جداً #مواجهة_نفس #الجبن ...عرض المزيد

0 الدعم

0 نصيحة