نصب

Mushroom_76867 🇪🇬

منذ ساعتين

شعور منزعج

الواد اللي تحتي دا تعبان في دماغه يا جدعان اللي يشوفه منزل البوست الحمضان بتاعه دا يعمله ريبورت اعملو ريبورت انه سبام علشان كل ما افتح التطبيق الاقي ميتين امه وياريته هيساعد حد بجد دا عايز ينصب علي الناس المغفلين

Strawberry_77311 🇪🇬

منذ 4 أيام

شعور منزعج

لو شخص قالك انت حرامي ف بيته و أما عملت معاه مشكلة جه بيتك واعتذرلك بهدية و بعدها ف نفس اليوم يتكلم و يقول لحد قريب منك انك صالحته عشان مصلحتك وانك عيل .. اللي هي الهدية .... المفروض الشخص ده تتصرف معاه ازاي ؟؟؟؟؟ !ـ+هبنتيتيويووبويوويويويوويزيزيززيزيزؤزؤززؤزؤزؤززؤزيزيزؤزؤززرزروبزبوب زيزوبو

Sugar_73060 🇪🇬

منذ أسبوعين

شعور مكتئب

انا حبيت ابن عمتى وهو على كلامه وافعاله انه كان بيحبنى وبعد 5 سنين اتخطبنا وكتبنا الكتاب وبعدها بفترة اكتشفت انه بيكذب عليا فى كل حاجة وبيكلم بنات منهم بنت صغيرة فى اولى اعدادى واتفجئت انه طمعان فيا لانه عارف انى مرتاحة مديا وكان بياخد منى فلوس على اساس اننا واحد ولما كنا بنخرج كنت انا اللى بصرف وحص

Chocolate_61968 🇪🇬

منذ أسبوعين

شعور مرتبك

عبّر عن شعورك بشكل مجهول

محتاجة مساعدة بالله بجد هتتجنن عندي مشكلة بالنسبالي مخلياني طول الوقت في حالة خلل و عدم تركيز انا بنت عندي 20 سنة منتقبة و على قدر عالي من الدين الحمدلله لكن في بنت الله لا يسامحها متعرفش ربنا أبداً فضلت سنتين بحالهم تجمع عني معلومات و تجمع عني اخبار و صور و فيديوهات لحد ما هكرت موبايلي و بقا معاها كل حاجة عليه بالكامل كل حاجة حرفيًا كانت بتبعت زمان رسايل من اكونتات فيس فيك ليا و لشخص معين من وقت ما كنت في تانية ثانوي  لكن وقتها مكنتش بهتم خالص بالهبل ده تبعتله وتبعتلي تقولي ده بيحبك وتقوله ده بتحبك مسدجات هبلة بجد لحد ما من قريب اشتريت خط جديد باسمي بدل القديم عشان القديم ضاع مني في ظرف ما المهم جالي خط مع الخط الاساسي خط تاني هدية يعني ف قولت مش محتاجاله و نزلت استوري عشان ابيعه وبالفعل بعته لبنت كانت عندي اتعرفت عليها من طريق السوشيال ميديا و خلاص مسحت كل حاجة قديمة وبدأت على نضافة بالخط الجديد و فجأة نمت صحيت لاقيت في اسكرينات مبعوتالي من خطي اللي اتباع بشات طويل بين البنت دي و الشخص ده بأنه بعتاله فيديوهات ليا بشعري و لابسة فيهم نص كم وبتقنعه يتجوزني هو فكر البنت دي انا او فكر اني انا اللي بعتهاله وهو طريقة كلامه معاها في الشات بتبين قد ايه هو مفكرها انا و بيتكلم بطريقة وحشة جداً و الشخص ده علاقتي بيه استمرت تلت سنين و أنا أصلاً بحبه بس محدش يعرف موضوع حبي ليه ده خالص ولا إنسان واحد بس ولا اعز صحابي حتى انا عايزة اروح افهمه اللي حصل و أني ماليش دعوة و أنا مظلومة في الليلة دي كلها أعمل إيه ولا أقوله ولا اسكت؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pistachio_73703 🇪🇬

منذ أسبوعين

شعور غبي

موضوع:

ازاي قدرت تتعافي من علاقه سامه

عبّر عن شعورك بشكل مجهول

اتعرفت على واحدة من أحد التطبيقات اتكلمنا حوالى اسبوعين واتعرفنا على بعض ومن كلامها أنها منفصلة وانا كنت داخل متحمس في اني عايز اتجوز زوجة ثانية بعد اسبوعين ثلاثة من الكلام والسهر من ٩ بالليل للصبح الساعة ٦ لظروف شغلى وتليفونات وصور لي وليها اعجبت بطريقتها وصعبت على وان هي مش عايزة تسيب ولادها حتعيش علشانهم عرضت عليها الزواج العرفي وبالفعل سافرت ليها ومش حقول المدينة ولا المحافظة و اتجوزنا عرفي وقعدنا فى مكان علي البحر لساعات وحصل علاقة وحوارات وانا بوصلها حاجة في شقتها باظت ولازم تتصلح واديتها مبلغ معنديش مشكلة ونزلت للقاهرة والدنيا تمام وبعد كذا يوم هي بتنزل للقاهرة لظروف خاصة بأحد ابنائها وبقابلها و بكون معاها في فترات كتير وكنت بدفع مبالغ ليها ماليش دعوة اصلا بيها ولا لي علاقة اني ادفعها و شراء تليفون جديد بمبلغ حوالي ١٠  آلاف وده عادي كنت جايبه هدية ليها واتضح أنها باعته ولم تستخدمه بالإضافة إلى عدم وجود علاقة زوجية لمدة تجاوزت الشهرين وبعدها تم حجز الابن في المستشفى لعمل عملية وتأتي الحقيقة أنها لازالت متزوجة وعلى ذمة الزوج الاول الورقة العرفي معاها لرغبتها تم إنهاء علاقتي بيها تماما و طلبت منها تسديد المبالغ التي قمت بدفعها ولم يكن لي اي سبب في تسديد هذه المبالغ وبالفعل تم تسديد جزء وباقي مبلغ اخر. ...
بس بصراحة أنا حبيتها جدا و حتى الآن بفكر فيها ومنشغل بيها وبالتفكير فيها

Chocolate_59813 🇪🇬

منذ شهر واحد

شعور ضائع

-أنت لازم تخرج من الـ comfort zone =حاضر -لازم تسعى وتعافر وتنحت في الصخر =حاضر -لازم تيجي وتروح وتنزل وتطلع وتتشقلب =حاضر -لازم تعمل كل ده علشان توصل إنك تعمل لنفسك comfort zone تعيش فيها بعد كده =ما أنا كنت فيها !! .. بس حاضر

Onion_73489 🇪🇬

منذ شهر واحد

شعور مرتبك

لي بقينا مش بنقدر بعض كدا يعني انا هحكيلكم موقف انا شاب 30 سنه الحمد لله مهتم بحالي جدآ كنت متزوج وانفصلت من فتره وميسور الحال كل شويه يظهر حد يستغل اني مرتاح ماديآ ف انا ف طبيعتي مش بقدر ابخل ع حد ف شي لكن لي الاستغلال أكيد لو أصحاب وحد طلب شي مش هتاخر عنه لكن لي نستغل ان الانسان مش بيقصر وبيحب يسا

Pineapple_62201 🇪🇬

منذ شهر واحد

شعور منزعج

Cookies_75052 🇪🇬 متجيش ع نفسك عشان حد

عرض الكل 3 نصيحة

عبّر عن شعورك بشكل مجهول

ابويا عرفني على واحد صاحبه علشان اساعده في حاجه ليها علاقه بالموبايل زي اعمل جيميل وحسابات على فيسبوك وانستقرام إلخ واكتشفت ان هو شخص استغلالي بمتسلط بطريقه غير طبيعيه. لما عرف ان انا الاقي في الكمبيوتر طلب مني ان انا اعمل له قناه يوتيوب وكان عايز مني اشتري الاضاءه والمايك واستخدم موبايلي كتصوير واحط عنده كمبيوتر بتاعي عشان اقطع الفيديو عنده واسيب كل الحاجات دي عنده في الشقه بتاعته اللي هي استوديو. وفي مقابل ذلك لما ان شاء الله القناه بتاعته تبتدي تجيب فلوس هيقسم معايا بالنص وهو في المقابل كل اللي هيعمله ان هو هيقرا الكلام اللي انا عملت له اعداد على الكاميرا. قلت له اشتري الحاجات ديت قال لي انا معيش فلوس قلت له انت ممكن تعملها عند اي نجار ونحط اي لمبه وخلاص ونحطه قدامها قماشه بيضاء برده ما رضيش يعمل كده مصر ان انا اشتري كل حاجه 
في الاخر: موبايله ضاع قبل العيد وانا نزلت معاه نشتري موبايل جديد ونحط له بياناته تاني من اول وجديد وعايزني اطور له على النت على ارقام قنوات على شان يشتغل فيها وعايزني اعمل له فقره اعدها واصورها له وابعتها له للقنوات دي. قلت له للاسف مش هينفع لان بعد العيد انا بطحن شغل فممكن تنساني لمده اسبوع وبعد كده اقدر اعمل لك ده 
هنا بقى لقيت لي السيطره والاستغلال، قال لي لا انت قدامك يومين بس بعد كده تعملي الحاجه. مشيت من عنده وبعد اليومين من إجازة العيد بقى بيكلمني وانا ما بردش عليه عشان مشغول بعدها فضل يرن عليا لمده ساعه بالكامل ولما رديت عليه قلت له انا مشغول قال لي انا مش قلت لك ان انت قدامك يومين بس ما تقول لا يا استاذي انا مشغول وبعد ما قفلت السكه عملت له بلوك 
راح اشتكى لابويا وابويا بيقول لي ما ينفعش ان انت اتعامل واحد كبير بطريقه وحشه قولوا لي يا جدعان مين اللي غلطان انا ولا هو؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_74835 🇪🇬

منذ شهر واحد

شعور مكسور القلب

كنت خاطب صالونات و فشكلت و اتعقدت من موضوع الصالونات بصراحه و من ترشيحات اهلي اللي عاوزين يجوزوني و خلاص اي واحده و السلام المهم اتجوز زي اخواتي . المفروض هعمل ايه يعني اروح أتعرف منين و انا شغلي اونلاين اصلا و مع شركات يعني مليش زمايل شغل انا ٢٧ سنه و بعد ما كنت بجهز نفسي و حياتي اني ٦ شهور و اتجوز

Banana_74835 🇪🇬

منذ شهر واحد

شعور غاضب

موضوع:

قرارات من الأهل كانت سبب في تغير حياتك

بصراحه تجارب سيئه كلها لما مكنتش عاوز اخطب و قعدوا يزنوا عليا و يضغطوا عليا بالكلام و الاقناع و وافقت و اتفشخت فشكلت بعد سنه و نص و نصبوا عليا ف حاجتي كلها خسرت مبلغ محترم . متغلطش غلطتي و قرر بنفسك

Mango_66883 🇪🇬

منذ شهر واحد

شعور مرتبك

المره دي بكتب حاجه بدأت أفكر فيها انهارده وانا متعود اخش هنا بطلع كل اللي جوايا واعرف نصائحكم ورأيكم وده اصلا ف انعزالي التام سواء سوشيال ميديا أو ايا كان الفتره الاخيره انا بدأت أفكر انهارده اني ادور واتجوز اجنبيه اولا كده مش ف دماغي سفر وكده خالص لا عادي تعيش في مصر ومع بعض ثانيا انا ليا أسبابي ل

Donut_57438 🇪🇬 مش عارفه ليه حياها مجازفه اكتر من انك تتجوز مصريه بس اهم حاجه ركز و انت بتختار و الانسان بيبان من الأول والله ربنا معاك و يكتبلك كل الخير يارب

عرض الكل 17 نصيحة

Apple_12385 🇪🇬

منذ شهرين

شعور مرتبك

انا فى حد طلب منى ادورلوا على كلية تمريض خاصة و مجموعوا ٥٣ و انا دلوقتى الجامعات اللى كلمتها قالولى أن تنسيق تمريض فالخاص كان الحد الأدنى ٥٣ السنة اللى فاتت بس فنفس الوقت اغلب الجامعات الخاصة إلى فيها تمريض بيكون ليها تنسيق داخلى و غالبا مش هيلحقها و الطالب ده مش عايز يتغرب برا القاهرة فيايريت لو ح

Kiwi_66691 🇪🇬 ما تدفعيش اى حاجه الا لما تشوفى الاسم نزل فى شئون الطلبه

عرض الكل 1 نصيحة

Banana_65374 🇪🇬

منذ شهرين

شعور غاضب

عبّر عن شعورك بشكل مجهول

انا مخنوقه جدا ومش عارفه حتى اتكلم مع حد ومشاعرى متلخبطه بسبب انا اتجوزت من سنه ونص كنت فعلا محتاجه واحد يكون بيحبني هو اكتر ويخاف عليا وكدا وهو دا كان المفروض كدا بعد ما اتجوزنا باسبوع بالظبط جالى وقالى انه محتاج فلوس وعايز يسدد ناس والكلام دا ادتله الدهب بس اخده حاجه حاجه يعني كان عدى ١٧ يوم من جوازى وجالى علشان اروح اسحبله قرض ع اسمى وانه داخل ف مشروع كويس وعايزله فلوس وانا قولت خلاص يعني هو اكيد بيحبنى ومش هيكون فيه ضرر وبعدها بفتره برضو صغيره قالى ان القرض دا فلوسه قليله وعايز واحد تانى وانه نفسه المشروع دا يخلص واموره تمشي وحلمه يتحقق وان حياتنا هتتغير وهعوضك روحت معاه وسحبت واحد تانى ع اسمى المهم مرت الايام وانا بقيت حامل وخلفت وهو معاه صاحبه نصب عليه واخد الفلوس منه وانا بقا مش عارفه اعمل اى والقروض دى اللى ع اسمى من ورا اهلى وكنت كل يوم بفكر ف الانتحار وانى اموت بنتى علشان خايفه ان اهلى يعرفوا انى عليا قروض ومش قادره اسددها وهو مش معاه يسدد وقولت لاهل جوزى علشان يتصرفوا بس ماخدتش غير الفضيحه انى بسرعه كدا مش مستحملاه والكلام دا كنت عايزه امشي واروح عند اهلى وهما ف محافظه تانى كان جوزى بيقولى انه عنده تدريب تبع الشغل وهروح معاه اغير جو عندهم بس ماجبش سيره باى حاجه سافرنا وانا ليا قرايب ف المحافظه اللى متجوزه فيها صاحبه عالطول بعت بتوع القروض لقرايبى اللى هناك واتصلو ع اهلى وقالولهم ان عليا قروض واهلى مشوا جوزى وقعدونى عندهم وقالوله ادفع القروض وابقى تعال خدها وعليا ف القروض ٤ شهور متاخرين هو دفع منهم شهر وبس كدا وبيتصل عليا بيغلط اهلى انهم قعدونى عندهم ومنعيني انى اروحله هو كدا مين اللى غلطان انا مبقتش عارفه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_62965 🇪🇬

منذ شهرين

شعور قلق

موضوع:

انفصلت عن حد ولسه بتحبه؟ ولا الوقت فعلاً بينسي؟

آه وموضوع عديتو بعد فتره طويلة ودنيا بتمشي دلوقتي بقي معنتش حاسس بي حب لي اي بنت معرفش لي هل ده مني وله من إلي بشوفو اليومين دول يعني نصب اشتغلالت استغلال تضيع وقت كلو بياخد إلي ينقصهم بس مش يضيف

Strawberry_61148 🇪🇬

منذ 3 أشهر

شعور ضائع

انا اتقدملى واحد عرفنى عن طريق شغل المفروض انا و هو شغالين فى نفس المكان بس مفيش حد بشهادته شغل مؤقت يعنى انا بعمل ماستر فى مجالى و لسه هيجيلى تعيينى فى الجامعة هو قالى أنه مخلص طب و هيدخل جيش فى ١٢ الجاى دلوقتي فى حد حذرنى منه و قالى أنه كداب و أنه مش فى طب و لا اى حاجه و لعب على بنات كتير هنا بنف

Strawberry_58943 🇪🇬 بسيطه اسالي عنو في امن الدوله لو عليه مصيبه وبعدين شوفيه بيصلي وبيتعامل مع اهلو ازاي كل ده من غير ما تلمحيلو وبا تسأليه جرجريه في الكلام

عرض الكل 12 نصيحة

Biscuit_26457 🇦🇪

قلبي وجعني من العلاقات اللي بتتكرر

كل شويه اتعرف علي واحد من ابلكيشان حواز وبعد كده فجأه يختفي معرفش ليه انا تعبت اخر واحد قعد يقولي انه معجب بيا وبشخصيتي وكان بيدور علي حد شبهي وفجأه بطل يكلمني ومش عوزهي مع ان محصلش حاجه انا حقيقي قلبي وجعني كل العوزه واحد اكمل معاه ويكون كويس انا مش بنت وحشه لا شكل ولا شخصيه بس فعلا ثقتي في نفسي بتتدمر كل شويه اكتر من القبلها معرفش عملت ايه ولا اذيت مين ولا ايه الحصل لكل ده ولا ايه اليخليني ديما اقبل ناس تأذيني كده بس انا مخنوقه اوي مقهوره قلبي وجعني امبارح قعدت اعيط كتير اوي والنهارده هموت واعيط بس قعده مع ناس فبحول امسك نفسي بس انا مش قادره ومقهوره وقلبي وجعني جدا بشكل مش طبيعي ...عرض المزيد

2 الدعم

31 نصيحة

Sugar_58980 🇪🇬

خايفة أبقى تقيلة على حد ويوم التخرج لوحدي

السلام عليكم انا حببت افضفض شوية اولا انا تقريبا طول عمري هادية بس مش انطوائيه و مش عندي صحاب كتير بس للاسف الاتنين اللي كانوا صحابي كان صحاب و سابوني بدون سبب مقنع يعني، أنا دلوقتي ٢٢ سنة و المفروض هتخرج السنه دي و كلهم عندهم صحاب ف الكلية و اتصوروا صور التخرج و انا حقيقي مش عارفه هحضر الحفلة ازاي انا بتكلم و بهزر معاهم عادي بس مش بحب افرض نفسي عليهم و اقولهم هخرج معاكم لاني دايما عندي شعور اني خايفه ابقي تقيلة علي حد و النتيجة اهو اني هكون لوحدي ف اليوم دا مش عارفه انا بكتب دا لي بس حبيت افضفض ...عرض المزيد

2 الدعم

19 نصيحة

Mango_22117 🇪🇬

دماغي عطلانه من التعامل وجها لوجه

التعامل وجها لوجهه غيرر بجد و حاسه منكتر مناا اتعودت علي شات مع كل معارفي بقت دماغي عطلانه بفكر ابطأ و باخد ردود افعال ابطأ و بفكر بمثاليه و بأوفر ثينك اجتماعياتي ادمرت و بجد بحاول انزل و اتعامل بس مش عارفه ارجع كويسه ...عرض المزيد

3 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع