ندم علاقات

Waffle_51296 🇪🇬

منذ 7 أشهر

شعور مستنزف

عبّر عن شعورك بشكل مجهول

من الحاجات المحزنه جدا ف حياتي ، اني حبيت ف سن صغير مع اني مع فكرة احفظي قلبك ل شخص واحد ومتحبيش غيره وداعمه جدا للنقطه دي ، بس انا مقدرتش اعملها ، حبيته وفعلا كان شخص تحفه ف حاجات كتير بس برضو بفكر حاليا بكتشف ان علاقتنا كانت سطحية جدا وكمان زي م قولت كنت صغيره واول مره اكلم ولد مكنتش عارفه اتكلم ولا افتح مواضيع ولا اسال عملت ايه وروحت فين والكلام دا نهائي بس فعلا كنت بحب اتكلم معاه جدا ، مع ان انا السبب ان العلاقه دي تنتهي او بمعنى اصح هو كان سبب وانا خت خطوة البعد بس كانت خطوة غير موفقه تماما مش عشان حاجه معينة ، عشان انا بعدت من غير اما افهم ليه كل دا حصل ، ومع ان انا اتخطيت الشخص دا تماما ومعنديش ليه حاليا اي حب ودا بعد سنه حاولت فيها اموف اون الا اني لما بسمع اغنية سمعناها سوا او بشوف فيديو شفناه سوا بحن جدا للفتره دي ، بس برضو مش زعلانه وحبيت الخص شوية حاجات اتعلمتها من العلاقه دي __ بلاش بلاش بلاش حب ف سن صغير __ كلنا بيبقى لينا اولويات ف العلاقه سواء كنتي عاوزه تعيشي عيشة مرتاحه ماديا او يكون بيشاركك حاجات انتِ شيفاها مهمه فبلاش تسغني عن الحاجات دي نهائي ولو ملقتيهاش موجوده ابعدي __ اتعلمي تتكلمي ف اي حاجه مضيقاكي من الشخص اللي بتحبيه روحي اشكيله وافهمي منه معظهم ممكن يكون مش متفهم بس بلاش بلاش تسيبي نفسك ل دماغك خدي اجابه صحيحه من الشخص نفسه ودا ف اي علاقه ف حياتك عموما 
(وحاجه اكشتفتها مؤخرا حطوها ف بالكو علطول الحب الاول مستحيييل يتنسى سوا كان شخص كويس او لأ اه هتحبو شخص تاني وممكن اكتر بكتييير اوي من الشخص الاول دا بس اول واحد ليه متعه خاصة تماما احساس اول مره بتحسي بيه ، ف بلاش تختارو غلط اختارو اللي شبهكم الحنين عليكي اللي يفهمك من الاخر )
و"حاجه اخيرة المفروض كنت احطاها ف الاول ان كل الحاجات دي حرام حرام ومش هتخدي منها اي حاجه غير وجع القلب وخسراتك ل برائتك اللي بتروح تماما لما بتحبي وتتكسري مش عشان حاجه بس بتحسي نفسك كبرتي اوي"

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

French Fries_74826 🇪🇬

تعبت ومرهق.. حاجات كتير باظت في وقت قصير

انا تعبت جدا و بقيت مرهق ان حاجات كتير باظت في وقت قصير اكتر بنت بحبها و كنا هنتجوز اختفت و بعدها بابا تعب ب كانسر علي القلب انا الحمد لله في شغل كويس بس فلوس العمليه اللى ف دماغي طول الوقت لاني مش عارف اجمعها حاولت اهرب و انتحر بس ربنا عاوزني اكمل ...عرض المزيد

0 الدعم

0 نصيحة

Avocado_74746 🇪🇬

بدور على شريك حياة بنت أصول من المنيا

انا محتاج شريك لحياتي واحده تكون بنت اصول اولا ثم تكون حلوه الي حدا ما انا شغال محاسب وامين مخازن عندي 25 سنةة انا من الصعيد من المنيا بس المحافظه نفسها مش ارياف وان شاء الله هتجوز ف المنيا ثم هستقر ف القاهره الحالتي الماديه مش وحشه ومش مليونير برضوا محتاج شخص يكون ليا ونيس وعوض وشريك وداعم وامان لحياتي ااحياه مش سهله بس بتسهل لما بيكون في شخص صح ف حياه البني ادم وانا مش عايز فتره تعارف كبيره لاء ممكن ايام بااظبط نعرف مبادي بعض لان الانسان عباره عن مبادئ وشكرا ...عرض المزيد

1 الدعم

0 نصيحة

Apple_74820 🇪🇬

انا اتكسرت وقلبي مجروح بسبب حبيبتي

انا مخنوق وتعبان اووووى حبيت واحده حب بجد واعترفتلها وهى وافقت على الارتباط وكنت هخطبها خلاص فجاه تبعد وتقول مش هنكمل وكسرتنى وانا حاولت مليون مرة حرفيا وسيبنا بعض وكل شوية بحاول علشان نرجع لغاية ماكتشفت انها مع حد غيرى ومعداش غير كام يوم وبقت مع حد غيرى وانا مدمر علشان حبيتها وادتلها كل حاجة هى محتاجاها ومش محتجاها وقفت جنبها فى كل مواقفها ومش قادر انساها وتعبان بجد اتكسر بقلبى ...عرض المزيد

0 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع