موارب قصص حقيقية - 2 تجارب، ونصائح، ودعم

Apple_18010 🇪🇬

منذ سنة واحدة

شعور خجول

صاحي لحد دلوقتي وحاسس اني قاعد ف اجازة العيد او المصيف والجو كده من شعر النعوسة او الشباك الموارب الي جايب نور خفيف وكمان هوا المروحة عامل زي جو المصايف اوي .. وانا سعيد جدا ومشغل مزيكا وقاعد ولا اكن ف شغل وحياة بكرة 🥰🥰😋😋

ظلم واحتقار في الشغل وتقليل من قيمتي

حاسس إن قلبي مضغوط جدًا بسبب الشغل. المدير والمشرف مستمرين في الاستفزاز بطريقة ما أقدرش أستوعبها بسهولة. المدير قال إن KPI بتاعي وصل 100% والمشرف بسرعة قال 89%، كأني غلطان أو مش دقيق، وده ضايقني جدًا. حتى لما أحاول أطلب شغل أو أشارك بشكل إيجابي، بيرموني على مهام الـ Blue Collar وهو عارف إني رافض قاطع أعملها. وكمان مطلعين واحدة لسه جديدة كأنها مديرة عليا عليّ مع إن أنا الأقدم، وده بيخليني أحس بالإهانة وكأن مجهودي وخبرتي مش ليها أي قيمة. بحس إن كل جهدي وشهادتي، بكالريوس تجارة إنجليزي من جامعة القاهرة، مش متقدَّر، وكأن خبرتي ومؤهلاتي مش مهمة بالنسبة لهم. اللي بيحصل ده مش بس إحباط مهني، ده ضغط نفسي حقيقي. قلبي بيتوجع من الظلم اللي بحسه، وبحس كأن كل حاجة حواليّ مضادة ليا. أحيانًا بغضب، أحيانًا بحس بالحزن، وأحيانًا بحاول أصبر وأثبت نفسي، بس كل ده تعبني جدًا. أبويا وأمي كمان رافضين إني أنزل مهام الـ Blue Collar، وده بيعكس قد إيه هم شايفين إن ده مش مناسب لي، وده خلى الموقف أصعب، لأني بحب أسمع نصيحتهم وبحس إنهم بيحموني من الظلم والاستغلال النفسي. أحيانًا بسأل نفسي: ليه في ناس بيحاولوا يقللوا من غير سبب؟ ليه بيحاولوا يكسّروا ثقتي بنفسي؟ بس برغم كل ده، بحاول أفكر إن ثباتي على هدوئي ومهاراتي هتكون أقوى وسيلة للرد. بحاول أذكر نفسي إن كل اللي بيحصل مش هيغيّر من قيمتي الحقيقية، وإن ربنا شايفني ومقدر صبري، وإن كل خطوة بتاخدني لقدام هي أهم من أي استفزاز أو تقليل من حد. ...عرض المزيد

0 الدعم

1 نصيحة

مش عارف اتعافي من الارتباط اللي اذاني

انا مش عارف اتعافي من اي حاجة حصلتلي زمان ومش عارف اتعافي من الارتباط اللي اذاني ف حياتى كنت فاكر ان احنا بس كرجاله وحشين بس لا طلعت ف بنات بتستغلني لمجرد ان هي شخصيتها قويه وكانت بتتحکم فيا طول الوقت وبتتحكم فيا ف كل حاجه وانا لحد دلوقتي مش عارف ابقي كويس ولا عارف اتعايش مع اللي حصل ولا عارف الاقي حد زي اللي كانت معايا انا بموت ...عرض المزيد

0 الدعم

2 نصيحة

هل الكتمان ممكن يوصلني أكره أهلي؟ مش عارفة أرتب أفكاري

هل ممكن الممكن الكتمان يوصلني اكره اهلي ؟ في حاجات كتير باظت ومحتاجة اصلحها زي اني مش عارفه ابقى صريحه مع نفسي مجرد ما بحس بألم بكتمه جوايا ومش بحاول اعترف بيه ، في مواقف كتير جوايا مش عارفه اكمل حياتي بسببها ، حاولت انهي كل حاجه اكتر من مره ، مره كان عندي 12 والمره التأني وانا 16 والمره دي انا بحاول اكون أقوى، كل شويه الوضع بيكون أسوء انا بس مش عارفه ارتب أفكاري كل لما بحس ان خلاص الدنيا بقت وحشه بهرب لأحلام اليقظة لدرجة اني كرهت حياتي اللي انا عايشه فيها ومش عايزه اخرج من اوضتي ولا اتعامل مع حد ، حد فاهم قصدي ؟ ...عرض المزيد

0 الدعم

7 نصيحة