معاملة متباينة

Strawberry_62503 🇪🇬

منذ شهر واحد

شعور مرهق

عبّر عن شعورك بشكل مجهول

السلام عليكم
بعد فضل الله عليا الحمد لله ربنا كرمني ولا أنكر ده 
لكن انا دائما وأبدا بحس إني لوحدى معنديش صحاب انا اه عندي معارف كتييير من الجامعة وابناء صحاب مامتى وكده لكن دول مجرد معارف بجد مفيش اصدقاء حقيقين جمبي من صغري وانا لما أقرب من حد وأعمل صداقة جميلة بنخدع أو تطلع مش شبهي اه هو الناس كلها مختلفة لكن مختلفين قلبا وقالبا تصرفات مش متماشية مع أخلاقي وتربيتي 
اسيب واعمل  move on وأقول ربنا حيعوض وللأسف بقابل ناس تانية يطلع فيهم حاجات تانية تدايقني اوى آخر حاجه هو أنى كنت مع شلة تلت سنين حرفيا انا التلت سنين بحاول اديهم فرصة معايا بحاول يمكن يحسوا لكن بشوف فرق معاملة متعب بالنسبالي أقول انا أكيد ظالماهم لكن بحاول إني اعبرلهم إني قريبة ابعتلهم مش بيردوا عليا أسأل عليهم يوشوفو المسدج ويطنشوا مع إني بسال عليهم مش بتكلم عن نفسي مثلا واكتشف للأسف من كلامهم أنهم بيردو علي بعض عادى وبيكلموا بعض ٢٤ ساعه ودة من كلامهم قدامي مش افتراض يقابلوني بوش جميل اوى واحنا بنحبك جدا وبلاقي أفعال تانية هما لما نتجمع يظهروا حبهم ليا بس إنما لو بعت مسدج محدش بيرد أو بيعبر وبشوف بجاحه أنها ممكن يقابلوني ويتكلموا معايا عااادى كأنهم مش عاملين حاجه حرفيا انا بقيت أشك العيب فيا مفيش حد قريب مني آخر مرة كنت قايلالهم حعمل عملية بكرة ادعولي وفات أسبوع محدش عبرني أو سأل فيا لكن ساعت النتيجة بتاعت الامتحانات يتصلو يسالو
أاسفة علي الإطالة في كلام كتير بس اكتر حاجه كتبتها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_74425 🇪🇬

عايز اشتغل من النت كتابة أوراق واقبض بفودافون كاش

أنا نفسي اشتغل من النت تبع مثلا شركة كتابة علي الوورداكتب ملفات وأوراق علي الوورد وابعت الشغل على صفحة الشركة والقبض من النت عن طريق فودافون كاش يعني يبعتلي مرتبي علي فودافون كاش وكمان الشغل يكون محترم وجاد مش نصب ...عرض المزيد

0 الدعم

0 نصيحة

Sugar_74427 🇪🇬

لوحدي ومش عارفة أتكلم عن اللي جوايا

انا حسة اني لوحدي، مفيش حد عارف يفهمني، انا مش شخصية نكدية خالص بالعكس انا لطيفة مع كل الناس ودايما بضحك، بس مش بعرف اتكلم عن اللي جوايا حتي مع اقرب الناس، بخاف اكون حمل علي حد حتي اقرب صحابي، مع اني بسمع الكل وممكن اسمع الي مالا نهاية، بس وقت م باجي اتكلم عن شعور سيئ ملازمني مبعرفش، بتوه الموضوع واقول ان شاء الله خير واهزر، انا فعلا مبعرفش ابين ضعفي لحد، ولو بالفرض بينت بعمل نفسي بعد كدا تمام وانا كنت اوفر اوي ف مشاعري وههه وخلاص. مؤخرا بقت علاقتي بماما فيها تنشنه كتير، وانتقاد كتير لحاجات ليها حق فيها وحاجات لا، بقالي فتره حسة انها مش طايقاني، أمر حبها ليا دا شيئ مفروع منه لاني بنتها ف اكيد مش بتكرهني، بس فكرة انها دايما شايفاني وحشة وغلط وطريقتي واسلوبي وحاجات كتير كده انا مش صغيرة انا عندي ٢٤ سنة. بس مش عارفة اتعامل ازاي، لاني لقيت نفسي بطفي كل فتره عن الاول. حتي اخواتي مفيش بينا العلاقة القوية الحلوة دي، ودا يرجع لانهم صغيرين وانا اكبرهم وفي خناقات عيال كتير بتحصل ف بالتالي علاقتنا قايمة ع المناقرة اكتر من الصداقة. انا متلغبطة ومش عارفة اتكلم عن اي موضوع بالظبط بس ملخص شعوري اني حسة اني لوحدي ...عرض المزيد

0 الدعم

1 نصيحة

Apple_74425 🇪🇬

مش حاسة بإنجاز في حياتي وعايشة في ضيق

أنا عندي 32سنة ودائما حاسة اني محققتش حاجة في حياتي رغم اني بشتغل بس حتي الشغل مشتغلتش بشهادي ودائما زمايلي بينكلموا عليا من ورا ظهري ودائما شايفين اني مش من حقي مرتبي واني شغل مش متعب زي شغلهم ودائما شايفين نفسهم احسن مني دا غير برة الشغل أنا ما بخرج كتير وكمان عمري ما ارتبط ولا حسيت احساس الارتباط حتي العرسان اللي بيتقدموا يتعدوا علي صوابع الايد الواحدة ودائما كان بيحصل حاجة قبل حتي ما يتقدموا وما بيجوا وبيصرفوا نظر زي مثلا العريس جاي عن طريق حد وقبل ما يتحدد معاد المقابلة بيكون الموضوع خلص قبل ما يبدأ من غير سبب فدائما حاسة اني مش ناجحة فياتري اعمل ايه عشان اتخلص من اللي أنا فيه ...عرض المزيد

0 الدعم

0 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع