مضايقة

Pineapple_75608 🇪🇬

منذ 5 أيام

شعور مرتبك

يعني ايه تكون علاقتك بحد كويسة جدا لدرجة انك ممكن تشوف ان دي اكتر علاقة استثمرت فيها وان خلاص ده اكتر شخص فاهمك وانت فاهمه والشخص الوحيد اللي بتحكيله على حرفيا اي حاجة وكل حاجة وفجأة بدون مقدمات يوقف كلام معاك ولما اسألها ايه اللي حصل تقولي انها اكتشفت ان الشات بتاعنا مش احسن حاجة بالنسبالها وان فيه

Cheese_69538 🇪🇬

منذ أسبوع واحد

شعور شاعر بالملل

بتعملوا أي لما أحسوا إنكم ولا حاجة مش عارفة فاهميني أو لا بس أنا مش قادرة اعمل أي حاجة عندي امتحان قرآن مش قادرة احفظله وكنت بحاول أطور الانجلش وقفت حاسة مضايقة أوي وكارهه نفسي ومش عارفه أصلا بكتب ليه ممكن من الملل

Tomato_57658 🇪🇬

منذ أسبوع واحد

شعور متعب

المديره بتاعتي مطلقه من اول يوم شغل خدت بالي انها بتميزني اوي وفي عشم وبعدين الحوار اطور بعد ما عدينا شهرين في الشغل بحس انها معجبه فا وصل للحوار انها قعدت تتكلم معايا في كلام سكشوال اوي لحد ما حصل بينا حاجه هي سافرت وانا اللي ماسك شغلها مش عارف اعمل ايه اكمل ولا اخلع بس مش هعرف اخلع دلوقتي خالص

Coconut_14453 🇪🇬

منذ أسبوعين

شعور محبط

معدش بكتب علي الابليكشن هنا غ لما بحس اني فعلا لوحدي حواليا كتير بس مش بعرف اشارك عشان عمر ما هعرف اقول الشعور الداخلي الحقيقي اتجاه اي حاجة ف بعض منهم فاهم انا مضايقة من ايه بس محدش بيراعي دا محدش بيراعي اني بجد مش قادرة اواسي او ادي حلول او اسال انا حياتي كلها كنت ببقا جمب اي حد بيمر بحاحة حلوة ا

Potato_63938 🇪🇬

منذ شهر واحد

شعور آسف

هو ليه الناس بقت انتهازية ووصولية بطريقة حقيرة بجد... يعني شخص بيصلي ودائماً هو أول فرد تلاقيه في المسجد علشان يصلي الا انه في وشك يقولك أفضل الكلمات اللي ممكن تتخيلها لمجرد انك أعلي منه في المنصب في الشركة وأول ما تمشي من قدامه يقول في ضهرك كلام انت عمرك ما عملته انا عارف ان الفكرة غلط واني المفروض

Jackfruit_65540 🇪🇬 بص عامة فيه ناس كثير خاصة ف شغل الشركات حتلاقيها ب وشين و فيه ناس بتبقى منافقه جدا و ع الجهة التانيه في ناس جدعه جدا ف لو انت فعلا اتأكدت أنه فعلا قال كده مش حد بيوقع ما بينكم قلل كلام معاه نهائي وخليك دغري معاه لو كلمك ف اي موضوع و مفيش سبيل الا الدعاء وربنا يتولاه ويسترها عليك

عرض الكل 4 نصيحة

Apple_56646 🇪🇬

منذ شهر واحد

شعور ضاق ذرعًا

حاسه اني تعبانه و مكتئبة جدا و كل ما احاول اكون احسن فيه مليون حاجه بترجعني شعور بالضعف و الهوان و الخزلان و الزعل و الحزن و المضايقة فعلا مش عارفه ابدأ ولا اعمل ايه حقيقي يعاني جدا جدا جدا و حزن مليوني مش عارفه بجد مش قادره

Grape_57212 🇪🇬

منذ شهر واحد

شعور محبط

موضوع:

ماذا لو

السلام عليكم. انا وهو نعرف بعض من خمس سنين ونعرف اهله بس لسا محصلش حاجه رسميه. ف انا اعرف اخته ورقمها عندي ف كانت منزله استوري عصير ف دخلت سالتها بيتعمل ازاي ف قالتلي يخربيت ابوكي هتموتي مننا. وهي كانت بتهزر وانا هزرت وعادي بس انا من جوايا مش بتقبل الهزار دا او حد يغلط فيا ويعدي حدوده معايا. ف قولت

Blueberry_63218 🇪🇬 وعليكم السلام ورحمة الله وبركاته ابعدي عنهم لغاية ما يبقي في شئ رسمي ومتخليش حد يقلل منك بنتعلم عادي من المواقف واثقة أنك مش هتخليها أو غيرها يتعدي حدودها تاني 🫂💜

عرض الكل 8 نصيحة

Banana_55643 🇪🇬

منذ شهرين

شعور مكسور القلب

عبّر عن شعورك بشكل مجهول

بشتغل في البترول من سنين، وكنت دايمًا بنزل الموقع وأخلص شغلي بسرعة وبكفاءة، عكس زمايلي اللي قاعدين في التكييف وبيطبلوا للمديرين وكانوا دايما بيحضروا حفلات مع المديرين و الروؤساء و يقدمولهم خدمات و مشاوير و مصالح ، لكن انا مبعرفش و مليش ف السكه دى ، انا شغل و بس ! بس للأسف اجتهادي ما عجبش رئيسي المباشر ، لانه لاحظ ان اسمى بيتكرر عند المدير العام و بقا الاعتماد الكلى حرفيا عليا بشكل مباشر ، ف رئيسى المباشر خاف وحس ان البساط بيتسحب من تحت رجله فبدأ يضايقني ويقلل مني، ويصورني بشكل سلبي قدام المدير العام لحد ما خلّاه يكرهني، لدرجة إني دخلت المستشفى من الضغط
الشغل كله كان بيتحط عليا و انا بقول ماشى و حاضر ، بس لما اتحطوا ف اختيار ( ترقيه ) بينى و بين واحد لا يفقه شئ عن الشغل اختاروه هو علشان بيطبل و بيقضيلهم خدمات و مصالح ، ومع الوقت جبت تقارير طبية بتثبت إن صحتي ما تستحملش الشغل الشاق وسيبتلهم المواقع واتنقلت رسميًا لأعمال مكتبية داخل نفس الإدارة. بعد ما مشيت، القسم وقع لأن محدش فيهم متعود ينزل موقع، حتى رئيسي اللى كان بيكره فيا المدير العام اضطر ينزل من مكتبه علشان يغطى الشغل بنفسه ، لكن من ضغط الشغل جاله أزمة و وقع ف الموقع واتنقل المستشفى بعد قرار نقلى ب شهر واحد دلوقتي المدير العام بيتلككلي بأي حاجة عشان يعاقبني، لأنه شايف إني السبب في سقوط الموقع، رغم إني مشيت بقرار طبي.
أنا مشكلتي إني ما بعرفش أطبل، ولا بقعد على القهاوي أتمسح في مدير، وده اللي خلاني "المجتهد اللي لازم يتكسر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_61668 🇪🇬

منذ شهرين

شعور خجول

هو ليه كل المشاعر قالبه بوزها بجد يعنى فى ناس بتبقى حياتهم بايظه ومتفائلين وراضين عادى المهم مزنوقة زنقة كلاب بسبب جملة بوقو باشا هبدا من بكره وادى عدى عشر بكاكير على بكره دى بس عادى لسه فى وقت المهم انى هطلع بنفس النتيجه نوعا ما مضايقه سيكا من فكره انى مقدرش اعيش من غير زنقة الكلاب لما الضغوط بت

Olive_53202 🇪🇬 الرضا جميل

عرض الكل 2 نصيحة

Nutella_57677 🇪🇬

منذ شهرين

شعور آسف

مضايقه اووي دلوقتى الموضوع هو انا اشتكيت للمشرفه بتاعتى في الشغل انه انا اللي دايما بخلص حاجه معينه في الشغل و محدش بيعملها غيري رغم انه المفروض كلنا بنعمل كل حاجه فهى قفلت الموضوع و كلمتنى بأسلوب مش حلو انه انتو مش اطفال و قسمو الشغل بينكم و بتاع وانا والله مش بحب اقول لحد اعمل حاجه عشان ميحسش

Lemon_58099 🇪🇬

منذ شهرين

شعور وحيد

مش عارف ابدا منين عن شعور ب الفراغ .خنقة كل ما اقعد مع نفسى شويا بدون سبب الاقى نفسى مضايق قوى وان الدنيا ملهاش طعم .حاسس ان مش بعمل حاجه مع انى مضغوط ومشغول او عندى حاجات كتيره بعملها وانجازات بتتعمل . هل الشعور دا طبيعى من غير سبب ممكن افضل عل الحلله دى اسبوع ولما اطلع من المود دا شويا وارجعله تان

Cherry_35286 🇪🇬

منذ 6 أشهر

شعور مرهق

عبّر عن شعورك بشكل مجهول

انا عندى صاحبه من زمان قربنا من بعض في فتره إعدادى لاننا جيران ف كنا بنروح و نيجى مع بعض بس مش اكتر و كان عندنا ناس صحابنا كانت هى طول الوقت بترتاح في الكلام معاهم لأنهم بيحبوا الضحك و الهزار وكدة و اى حاجة بيقلبوها ل ضحك و هزار حتى لو احكام في الدين إنما أنا أقل الاشياء بحب افكر فيهم بعقلى و وقت الجد جد و الهزار هزار ف هي اختلفت مع صحابنا دول لسبب ما أنا كنت حذرتها انها تعمله كذا مرة و هي عملته و اكتشفت بعدها إن هي غلط و اختلفت معاهم أنهم ليه يشجعوها على حاجة غلط و لانه ظهر كذا موقف باعوها فيه ف قربنا أنا وهي من بعض و بقينا صحاب قوى بس انا لسه حاطة حدودي بيني و بين اى حد المهم إن هي اغلب الوقت مش فاهمة وجهة نظرى و دايما خلافاتنا على كدة دخلنا الكلية و انا كونت صحاب من القسم بتاعى و هی کونت صحاب من القسم بتاعها و بحكم أن احنا ساكنين مع بعض في السكن الجامعي ف جت ليا مرة المدرج و اعترفت على صحبتی و خدت رقمها و بتتكلم معاها وبتقولها سيبك منها خليكى صحبتى أنا قدامى و إن أنا بزهق و مش بخرج کتیر و بتتريق عليا قدمها على حاجات تافههة و لما بتكلم معاها بتقولى أنها بتهزر و لما يقولها إن ده مش هزار بتقولى علشان أنا اللى مبهزرش و ده العادي حاولت كتير ابعد عنها من غير ما تبين لها و اسحب نفسی بشويش يلاقيها بتلزق لي و بنقولى متغيرة ليه وكدة وبتقولى أنها بتهزر و بعدين يحصل ليها مشكلة ف بتصعب عليا وبقول يمكن نيتها مش وحشة لحد ما قالت ليا أن القسم بتاعى وحش مع العلم اني كنت جايبة مجموع أعلى منها بكتير و هي كانت بتقولى أنها نفسها كانت تجيب مجموع أعلى علشان تدخل معايا القسم وكل كلامها أنها احلى و إن كذا شخص عاكسها و كذا شخص كلمها و كذا شخص اتقدم لها و بصراحة انا زهقت لأنها بتكبر المواضيع لدرجة أنها بتحسسنى انها محور الكون و انا وحشة مع انى جمالى متوسط عادی یعنی و هی كذالك و كنا ماشيين فى مرة ف كان هيحصل لنا حادثة و العربية كانت هتخبطنا وجرينا و انا كنت ناحية العربية ف بعد ما بعدنا شوية بقولها الحمد لله بجد الواحد اتخض و كان خايف يحصل حادثة و كدا راحت قابلة ليا انت عادى مش مشكلة كنتى موتى و خلصتينا لكن أنا فيه ناس عايزاني كأنى مثلا من الشارع أو مليش أهل أو حاجة وبتقول كدة بكل برود و بضحكة و لما اتضايقت قالت لى بكل برود كنت بهزر قلت لها أن ده مش هزار اصلا و لو هى بتحبنى مكنتش فكرت فى الجملة دى مش قالتها بس راحت قايلة أن انا مكبرة الموضوع و يقف ليها على الواحدة و كمان كان فيه واحدة صاحبتنا فى السكن لسه عارفينها بتقولها يلا
علشان نعمل اللى اتفقنا عليه راحت قابلة ليها انت بتقولى قدامها ليه ( اللى هى أنا ( ف بقولها فيه ايه يعني انا مش مش عايزة اعرف انتوا عايزين تعملوا ايه اصلاف راحت قابلة ليا أنا اصلا مكنتش هقولك و قالت لصاحبتنا اياكى تقولى ليها هنعمل ايه قولت لها متقوليش أنا اصلا مش مهتمة انى اعرف و متکلمتش و کل مبرراته انها بتهزر و انا مش بفهم في الهزار و مش بعرف اهزر مع أنه أنا بهزر عادي بس كل حاجة ليها حدود و لو ههزر هركز انى مضايقش اللى قدامى ولا أخرجه قدام حد ف ياريت حد يقول اتصرف معاها ازاى من غير ما اضايقها أو انسحب ازاى من صداقتنا من غير ما نجرح في بعض

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_12675 🇪🇬

منذ 7 أشهر

شعور شاعر بالملل

موضوع:

عندك مشكلة في التعبير عن مشاعرك؟

انا اصلا مش بعرف احكي لاني متعودتش على كده حتى اهلي مش بحكي ليهم حاجه حتى لو كنت عايز احكي لحد ف انا مش بعرف ارتب الكلام جوايا علشان اقوله ف مش بعرف اكون جمله مفيده ف بسكت وعارف أن ده غلط مع اني بيبان عليا اني مضايق بس مش بحكي او محدش بيعرف اسباب

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Coffee_46122 🇪🇬

منذ 8 أشهر

شعور مكتئب

مش عارفة دة جنون ولا اي بس انا يبقا قاعدة مضايقة ومش طايقة نفسي حرفيا ودة الطبيعي اصلا بس بلاقيني مرة واحدة بضحك ضحك هستيري حرفيا وقلبي بيدق جامد وبحس اني فرحانة وفي مرة واحدة الاقي قلبي اتقبض ويوجعني اوي وبرجع للطبيعي اني مضايقة وقرفانة كل دة مش يوم ويوم لا دة نفس اليوم ونفس اللحظة لدرجة اني حسي

Chocolate_52370 🇪🇬

مش عارفه أتكلم عن مشاعري في البرنامج

انا مش عارفه انا الوحيده اللي بحس بي كده ولا لا ان انا كل لما اجى ادخل البرنامج وببقي عاوزه اقول حاجات كتيره اوي بس مش بعرف مشاعري بتتلخبط اويي مع ان انا بدخل لما بحس اني جبت اخري من الدنيا ومش لقيه حد معايا حرفيا بس في الاخر مش بعرف اقول اي حاجه في البرنامج بقعد اشوف النااس لو في حاجه ممكن اساعد بيها بتكلم بس غير كده مش بعرف اتكلم عن مشاعري هو انا بس اللي كده انا جمعت الكلام ده بصعوبه ...عرض المزيد

3 الدعم

32 نصيحة

Apple_64150 🇪🇬

خطيبي فقد الشغف وسبني! أنا السبب؟

انا كنت مخطوبه لواحد قريبي كان بيحبني ف الاول ويقول كلام زي بريل عليكي ومجنناني والكلام ده ولو قدامي كنت اغتص...وكلام من ده بعد كده بدا يلمح بحاجات اكبر بس مكنتش بتكلم معاه ف الكلام ده كذا مره لحد ما قولتله انا سمعت شيخ بيقول المفروض تعامل خطيبتك كانها اختك وتحافظ عليها وهو اتغير من بعدها مبقاش يرن ( احنا اصلا ف العادي بحكم الجيش كنا بنتكلم مره واحده ف الاسبوع واوقات مرتين ) بس كانت ساعه ونص ف كنت بقول عادي بقيت ارن انا ميردش عليا ابعت الرساله يتاخر ب ٧ و ٨ ساعاات هو بيشتغل ميديكال ريب وكان بيقولي انه مشغول اقوله مفيش دقيقه اطمن عليا فيها يقول مفيش وارجع انا اكلمه عادي كل ده شات اوقات كان يلمح للكلام بتاعه ده وارجع اصده بهزار بردو عشان ميتقفلش ( لان كنت حاسه لو قولتله ياتسكت ي نفركش مكنتش حاسه انه هيختارني ) فضلنا ع موضوع مشغول ده من شهر ١٢ لحد العيد الصغير كنت بطلب منه يقولي كل سنه وانتي طيبه حتي قالي هتيجي ف وقتها قولتله حاسه اني بشحتك حرفيا قالي متشحتيش ( فانا جه ف دماغي انه كان بيعمل كده كعقاب ليا عشان كان اوقات يقولي قوليلي ي حبيبي مثلا او بحبك ف ريكورد او كده وانا كنت بتحرج اقول ) فقولتله شكرا وتاني يوم مكلمتوش ف دخل ع العشا كده قالي كل سنه وانتي طيبه رديت عليه وبقوله انا زعلانه من امبارح كنت فاكره هترن عليا تراضيني قالي انا وصلت للي فيه ده بسببك بسبب زعلك وقمصك ( وانا اصلا اقصي حاجه ممكن ازعل منه ٣ او ٤ ساعات وارجع اضحك تاني ) والفتره اللي فاتت كلها كان بيقول كلام سم وانا ببلعه عادي المهم اتعاتبنا واتفقنا ع حاجات هنمشي عليها بعدها والدته كانت مسافره ( والدته دي محضرتش الخطوبه عشان اهله بره مصر ورجعت بعد الخطوبه بسنه ومجاتليش تسلم عليا وعزمناها ف رمضان مرضتش تيجي قالتله والله مانا رايحه معاك ف حته ولا عزمتني هي ولا كلمتني ف العيد ولا جاتلي مع ان بيتهم ف الشارع اللي ورانا وانا اللي كلمتها ف العيد قالتلي نسينا نقولك تيجي تصلي معانا ) المهم اول ما سافرت قالي حقك عليا وانا مقصر معاكي وتعالي نخرج وخرجنا واتصورنا وانبسطنا بعدها باسبوع يقول مش مرتاح ومش عارف ياخد قرار واتفقنا ندي لنفسنا فرصه تانيه وهو قالي مش متخيل نفسي مع حد تاني وسالته لسه بتحبني وناوي تصلح قالي ايوه واتفقنا بعدها جالي وروح كان كويس وبيتفق معايا نعمل سيشن ف فرح اخته بعدها قعد شهر مجاليش وجالي ف العيد الكبير جايبلي حلويات بحبها وانا كمان جبتله وقعدنا نهزر ونضحك وروح بعتلي اغاني وكلام حلو حتي يومها بيقولي الراحه الكليه هتبقي ف الشقه ف قولت اهزر معاه واقوله ايوه احنا الاتنين بقي قالي انا بس انتي كده كده مش فارق ! بس عديتها عادي بعدها باسبوع كان كتب كتاب حد قريبنا بقوله عقبالنا فالي ايوع ربنا يكتب علينا اللحظه دي بعدها بكام يوم يقولي فقد الشغف وسابني بقوله ده احنا كنا كويسين يقولي كنت برد عليكي واجب طب ازاي ده قبلها بيومين كان بيقولي ام عيالي وتسلميلي ي قلبي وانتي الغاليه !! قولتله انت بتلعب بمشاعري وتقولي واجب! طب واجب ده لما تتاخر ف الرد عليا وانك متردش ع الموبايل انما قلبي وروحي وانك نفسك تعيش معايا ده ايه بتديني وعود ليه كده لما انت مش طايقني قعدت ٣ ايام مفتحش الرسايل كلمت اهله ابوه قالي استني يومين اكلمه قولتله حاجتكم جاهزه قالي لا استني ده مش عارف قيمه النعمه اللي ف ايده بعد يومين ابو كلمنب تاني وقالي الولد متردد قولتله حاجته جاهزه قالي لا استني يومين كمان استنيت حد يتكلم مفيش كلمت عمه جه خد حاجته هل انا السبب ف ده هل قفلته مني!! ازاي بعد ماكان بيقول يحبك ووحشتيني وقلبي وام عيالي بعدها بكام يوم يتحول كده ! وازاي ميكلمش ابويا ولا اهله كلموه طب مشاعري انا دي ايه ده انا لاخر يوم بقوله نفسي افرح بحياتي معاك يقولي فقد الشغف !! طب مانا بسالك بقالي ٥ شهور كان بيقول الدنيا تمام انتي اللي بيتهيألك اننا متغيرين اقوله احنا بنبعد يقول لا ! طب موقف امه ده ممكن تكون مكنتش موافقه عليا طيب!!!! ...عرض المزيد

0 الدعم

21 نصيحة

Mushroom_68593 🇪🇬

مبقتش قادره استحمل خلاص... تعبت من كتر العياط

مبقتش قادره استحمل خلاص كفايه تمثيل انا مش كويسه ولا انا بخير ولا تمام انا مش عرفاني كل حاجه فيا متكسره الف حته مش عارفه اصلح اي حاجه باظت جوايا تعبت من كتر العياط كل يوم ع كل حاجه بتروح و مش عارفه ارجعها تعبت ع اني بتعاقب ع حاجه مش عرفاها نفسي كل حاجه تنتهي حتي اناا ...عرض المزيد

1 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع