مشكله نفسيه

Pumpkin_70984 🇪🇬

منذ أسبوع واحد

شعور مكسور القلب

يا جماعه عندي مشكله مضايقاني و هي اني في العلاقات عموما مع صحابي او حتي مع البنات بتجيلي فتره مببقاش طايق نفسي ولا طايق الي قدامي لدرجه اني ممكن اخسره و عادي و بعد كده بحس بالذنب و بحاول اظبط الدنيا بس خلاص كل حاجه بتكون باظت و بتحصل كتير اوي مع رجاله و بنات و مش عارف ايه الي ممكن اعمل عشان اقدر احل

Pineapple_40254 🇪🇬

منذ شهر واحد

شعور متعب

انا شاب بس بعانى من مشكله نفسيه بتخلينى حساس قوى وبزعل واتاذى وكده ليه ربنا مخلقناش بدون مشاعر زى الروبوتات الدنيا هتكون احسن مش هيكون فيه طب نفسي حتى مش ملحد ي جدعان ده فكره للنقاش مش اكتر تعبت من الخذلان والخيانه والغدر تحس الناس كلها بقيت منافقين وتبيع فى ثوانى ومفيش وفاء بالوعود بس ده

Coffee_21055 🇪🇬

منذ 5 أشهر

شعور ضائع

عندي مشكله حاليا .. بقالي فتره بيموت ناس قريبه مني واعرفهم كويس ومنهم من العيله.. بس انا مش متأثره نهائي .. افتكرت من الصدمه بس وهرجع ازعل عليهم أو اتأثر .. بس لا انا مش متأثره نهائي .. جربت اسمع فيديو مأثر .. بتأثر عادي ومن مجرد ميوزك حزينه بتأثر ف مش فاهمه ..

Coffee_39521 🇪🇬

منذ 5 أشهر

شعور محبط

للاسف عندي مشكله نفسيه مش قادر اتخطاها والا عارف اتكلم مع حد عنها .. وانا صغير كان معظم جيراني و اصدقائي اكبر مني و كان للاسف بيحصل منهم تحرش و اعتداءات عليا وانا كنت صغير مفهمتش الكلام ده وهما كان معظمهم اكبر مني ب ٥ و ٦ سنين أما بدأت اكبر و أدرك و بحد الوقتي عندي ٣٠ سنه متزوج مش قادر انسي الي كان

Mango_15394 🇶🇦

منذ 7 أشهر

شعور مرتبك

جماعه أنا جيت صليت صلاه استخاره امبارح عشان حاسه بتردد في حاجه بس المشكله اني لسه متردده بردو مش عارفه يعني أنا صليتها غلط ولا اي أنا صليت ركعتين عادي و بعديها دعيت ان لو الحاجه دي فيها خير تجيلي و لو مفهاش تبعد عني بس لسه محتاره جدااا ومش عارفه اعمل اي

Coffee_31604 🇪🇬

منذ 8 أشهر

شعور مكتئب

انا معنديش صحاب وحابب اخد رايكم فى حاجه هي طويله شويه فا لو نزلتها هنا محدش هيهتم ولا هيقرا فا ياريت اللى حابب يساعدنى ممكن يبعت خاص انا هقفل البوست ونتكلم خاص محتاج نصيحتكم بنات وولاد ومقصدش حاجه والله بس هي حاجه ماثره فيا نفسيا من بنت فا ياريت لو البنات هتفهمنى اكتر والله ما اقصد حاجه

Potato_47283 🇪🇬

منذ 8 أشهر

شعور مستنزف

عندي مشكله نفسيه وكنت بروح لدكتور و وقفت مش عارفه ليه وفكرت اني مكبره الموضوع عدا ٢ ودلوقتي الوضع أسوء بكتيررررر مش عارفه أنا محتاجه أساعد نفسي بنفسي ولا محتاجه حد يساعدني مستهلك لدرجه أنا مش عارفه اكلم الدكتور ال كنت عنده ولا أغيره واروح لدكتور تاني

Watermelon_41102 🇪🇬

منذ 9 أشهر

شعور عاطفي

هو طبيعي ان الانسان ييقى حابب الناس تهتم بيه كتير او تحبه او يحس ان الناس بتكلمه كتير وانه مرغوب ده عادي ... ولا كده في مشكله نفسيه مثلا قله ثقه مثلا او اي حاجه ومقصدش انه عايز يحس انه محور الكون ... لا الاحساس الطبيعي يعني مش الزياده اوفر...اللي عنده فكره عن الكلام ده يعرفني بقى عشان انا تعبت ولا م

Mushroom_30580 🇪🇬

منذ 9 أشهر

شعور مكسور القلب

مشكلتي اني انا وحده كره حب جدا وشباب اصلا يوم محبيت حبيت وحد من طرف وحد وحد مش بحبني اصلا انا علشان اريح قلبي قلتل اني بحب ده بعد تفكير كتير هو شخص محترم قالي انا مش عرف اديكي حقق قالي اني انا مش عرف ظروفي كده اعت قول انا هقف جنبك كده بس هو رفض فكره انا لغيت دلوقتي بعشق بحب كدا مش عارف اطلع من دمغي

Potato_20287 🇪🇬

منذ سنة واحدة

شعور متعب

عندي مشكله مش عارف أحلها .. بقعد افكر ساعات ف حاجات الحاديه و سب و العياذ بالله مينفعش أفسر اكتر من كدا ... المهم أن انا بزعل من كدا و بحاول ابطل تفكير ف المواضيع دي و مش بعرف ف ياريت الي عنده حل يساعدني

Coconut_12287 🇪🇬

منذ سنة واحدة

شعور Okay 😐

عندي مشكله وحشه اوي وم عارفه دا سببه اي انا مبنزلش اخرج غير قليل اوي وكل مره بنزل فيها برجع مخنوقه جداا فوق م اي حد يتخيل سواء كنت اتبسطت فيها او لا بس بجد ديما عمر مره م روحت وعدي اليوم عادي ديما برجع مخنوقه جداا وساعات بتوصل ل عياط فعلا بدون سبب مبيكونش حصل حاجه تضايقني حتي لو حد يعرف أي دا او اعم

Avocado_13307 🇪🇬

منذ سنة واحدة

شعور Bad 😞

عبّر عن شعورك بشكل مجهول

جماعه ممكن تساعدوني في موضوع مدايقني جامد 
بعد اذنكم ممكن تردوا عليا انا عارفه انها طويله واسفه ع أن هي طويله 
ردوا فضلا وليس أمرا
انا من سنتين او سنه ونص في معيد معايا في الجامعه كان مركز معايا جامد وبيبصلي كتير وهو في الاول مكنتش بالنسبالي حاجه ولا موجود ومكنتش بحب شكله اساسا مش ف دماغي بمعني الكلمه رغم ان في بنات كتير كانت معجبين بيه جامد بس لما ركز معايا انا لقيت نفسي بردو بركز معه وببصله وانا وهو كل الفتره دي نظرات وهو متحركش هو ده اخره معملش حاجه تاني وانا اصلا تايها في كل حاجه في حياتي بجد وقربت اتخرج ومش عارفه بعد التخرج هعمل اي كنت مخططه كذا حاجه اعملها بس كلها مش هتنفع و موضوع المعيد ده محيرني اكتر ومدايقني اكتر واكتر علشان حاسه ان تايها ومتعلقه كدا ومش عارفه انسي خالص حاولت أكبر دماغي بس لا مش قادره انا كل شويه بتعلق بيه اكتر وعايزه اكتر و عملت استخاره كتير بحيث ان لو شر ربنا يبعدني عنه لقيت نفسي بدعي ان يكون ليا ويتقدملي وبقيت بفرح لما بشوفوا كنت اول ما بشوفوا قلبي يدق بطريقه غبيه ومتوتره دلوقتي بقيت لما بشوفوا ببقي مبسوطه بس وقلبي بيبقي فرحان بس دقه قلبي طبيعيه المشكله مش عارفه أكبر دماغي من الموضوع ومش عارفه استمر كدا وابقي متعلقه وبدعي كتير وعملت استخاره وطلعت صدقه كل ده علشان لو مش خير أكبر دماغي وانسي لا بلاقي نفسي بدعي اكتر ومتعلقه اكتر معرفش ليه وازاي وانا محاولتش افتح معه كلام علشان ده دكتور ف الكليه وانا مش عايزه يبقي منظري وحش وعارفه ان ممكن تقولوا وهو كمان مستحيل يفتح كلام معاكي علشان دا دكتور ومركزه بس اللي بيبقي عايز واحده بتصرف وبيعمل كتير انا واثقه من دا والمشكله بردو ان شخصيته هاديه خالص ومش بيتعامل مع حد كتير وكلامه قليل ومع نفسه بجد ف ممكن ده مخلي مش عارف يفتح كلام مش عارفه بردو المهم ان دلوقتي في مشروع تخرج في الماده اللي ماسكها والدكتور الأكبر منه قال عليها وهو ده دكتور الماده وشرح المفروض نعمل اي بس انا مفهمتش حاجه من دكتور الماده وهو معيد ف نفس الماده بس زي مساعد دكتور كدا مش بيشرح حاجه الدكتور الاكبر هو بيشرح وانا بفكر ان اروح واسألوا ع مشروع التخرج ان مش فاهمه وعايزه افهم اكتر و ع اساس هو مساعد دكتور وهيساعدنا احنا ك طالبه ف الماه بتاعته زي ما بيساعد الدكتور بس مش عارفه اروح اسألوا ولا لا واسألوا لوحدي ولا معايا واحده صحبتي وهيبقي اول مره نتكلم سوا  الفكره ان مش عارفه اروح مع مين من اصحابي لان اصحابي القريبين اللي ينفع اروح معاهم هما عارفين الحوار وهيرفضوا ان اروح اسالو هيقولوا روحي اسألي دكتور الماده نفسه ولا متروحيش وهيبقي في اعتراض ومش عارفه اعمل اي بجد وانا بدعي كتير من اول رمضان ان لو خير قربه لو شر ابعده وحاسه ان لو روحت سألته هو ده اللي هيقربنا من بعض وده احساس ممكن يكون غلط علشان انا احساسي الايام دي كله بيطلع غلط ف مش عارفه بجد ومحتاره تنصحوني ب اي بالله عليكم واسفه ع الاطاله دي كلها بس مش لاقيه حد يفهمني ف الموضوع ده ويحل معاية ومش قادره اتخطي ومش قادره اكمل تايها بجد 😭😭💔💔💔 ده غير أن تايها في حياتي كلها عموما غ الموضوع  صعب ومش عارفه افكر وكلامي مش مرتب خالص وشكرا ل اي حد اهتم وقرا كل دا 🤍 واسفه ان طولت عليكم 💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_64725 🇪🇬

ليه بتعلق بسرعه وبأثر وقتي بيختفوا؟ مش فاهم حاجه!

هو لية انا لما بتعلق بحد بيختفي بدون سبب ولية انا بتعلق بالناس بسرعه يعني حرفیا اتکلم مع حد يومین احس ان دا شخص مهم جدا ومجرد ما يختفي ارجع اتاثر ولا كاني اعرفوا من سنین مش مجرد یومین هل دا طبيعي؟! ولا فعلا ف حاجه غلط ان بتعلق بسرعه جدا انا حقیقي مبقتش فاهم حاجة ؟؟! ...عرض المزيد

1 الدعم

4 نصيحة

Watermelon_60331 🇪🇬

مكسوف أوصل لبيت حبيبتي وأنا لوحدي

حاليا انا رايح رؤية شرعية مسافر من محافظة لمحافظة عشان اشوف بنت انا حبيتها من خلال السوشيال ميديا وطبعا في وسط بيتها واهلها بس الفكرة اني مكسوف جدا اول مره اتحط في الموقف ده عايز اي نصيحه انا قدامي ساعه و اوصل ومكسوف خصوصاً اني رايح لوحدي ...عرض المزيد

0 الدعم

2 نصيحة

Mango_73603 🇪🇬

احساس بالذنب من علاقة قديمة وانفصال

كنت مرتبط بواحدة من ١٠ سنين كنا صغيرين و ال sexual drive عندنا وقتها كان عالي جدا و دة ادى لتجاوزات كبيرة ادت الى علاقة كاملة فضلنا مستمرين على دة على امل اننا هنتجوز في يوم بس احنا مكناش مناسبين لبعض ابدا لمليون سبب و دة كان الحاجة الوحيدة اللي برتبطنا لحد ما بالفعل انفصلنا تماما و كل واحد شاف حياته انا اتجوزت و خلفت و هي لسه و طول الوقت شاغل بالي هي هتعمل ايه احساس بالذنب رهيب و في نفس الوقت مش عارف اعملها اي حاجة و حاولت اني اخلي العلاقة تستمر بس كنا وصلنا لحيطة سد الانفصال دة عدى عليه ٧ سنين ، السنة دي عملت fake account و كلمتها على اساس اني حد اعرفها كويس بس مش حابب اقول انا مين عملتلها قصة و حبكة بحيث اني اقدر اسالها عليا بشكل مش مباشر ضمن سياق الكلام قالتلي دة كان حد انا مرتبطة بيه عشان كان صعبان عليا بس عمري ما حبيته مش عارف بقى دة كلام رد فعل على اللي حصل ولا هي عارفة و بتحرق دمي ولا دة حقيقي بالفعل و لو حقيقي ازاي وصلت معايا للدرجة دي و هي يادوب صعبان عليها انا بس بفضفض يمكن ارتاح من تأنيب الضمير دة ...عرض المزيد

2 الدعم

4 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع