مشكلة الردود قصص حقيقية - 1 تجارب، ونصائح، ودعم

Sugar_51255 🇪🇬

منذ 7 أشهر

شعور مكتئب

جماعة أنا عمري ما كانت ردودي جاهزة وسريعة زي الناس، لما حد يكلمني أو يسألني سؤال مش بعرف أرد عليه بسرعة وبحتاج وقت طويل عشان أفكر في الرد، وحتى أوقات الناس بتستغرب ولما بكون مضطرة أرد بسرعة ردودي بتطلع مش مناسبة وبحس إنها عبيطة، المشكلة دي كمان بتخليني لما أتكلم مع حد أفضل أقول اه بس ومش بعرف أتكلم

بكره حياتي والناس كلها محدش بيحس بيا

بعد ما نمت معيط امبارح صاحي دلوقتي وانا مش عارف ليه صحيت ليه نهايتي مجتش لسه كان نفسي انام مصحاش انا بكره الحياة والناس كلها محدش فيكم بيحس بحد ولا حد بيعرف يطبطب علي قلب حد ولو بكلمه كلكم انانين اوي انا مش عايز حد يساعدني 😔💔 انا بكرهكم من كل قلبي ...عرض المزيد

0 الدعم

2 نصيحة

نصائح للرضا والحياة الهادية من القلب

ارضَ بالنصيب: الرضا مش معناه تستسلم، لكن معناه تهدى وتكمل وانت متطمن إن ربنا كاتبلك الخير. اختار الناس الصح: القلوب الطيبة قليلة، خليك جنب اللي بيحبك بصدق وابعد عن اللي بيوجعك. خليك مرن: الحياة مش دايمًا زي ما عايزين، الذكي هو اللي يتأقلم ويعرف يلاقي طريق تاني. وازن بين عقلك وقلبك: لا تعيش بالعقل بس ولا بالقلب بس… التوازن هو السر اهتم بنفسك: صحتك، وقتك، وراحتك النفسية أهم من إرضاء أي حد. التعلم المستمر: كل يوم اتعلم حاجة جديدة، حتى لو بسيطة، هتفرق معاك على المدى البعيد. . الهدوء عند الغضب: القرارات وقت العصبية بتبوظ أكتر مما تصلح. ...عرض المزيد

2 الدعم

0 نصيحة

مش عارفة أعمل إيه.. أنا حبيته واتعلقت بيه

هاي جماعة أنا اتعرفت علي واحد من شهرين تقريبا وفضلنا اسبوعين نتكلم وحصل حاجه ديقني حقيقي مش فاكراها وسبنا بعض وعملتلو بلوك ومن تلات اسابيع تقريبا بعتلي من رقم تاني وقلي انو مش عارف ينساني وانو بيحبني بجد وبيعتزرلي علي الحاجة اللي ضيقتني دي وانا وافقت ورجعنا وكنا تمام اوي وكان بيعمل اي حاجه علشان يشفني زي انو يجي تحت بيتي الفجر علشان يشفني ويروح ومع ذالك منزلناش مع بعض ولا مره ومن خمس ايام كنا متفقين أننا هننزل وفضل طول اليوم ميردش عليا لحد ما الوقت اتاخر ورد عليا بليل وقلي انو عمل حدثة بالمتسكل وخيط صوباع رجلو وبعديها بطل يبعتلي هو وفضلت ابعت أنا وممكن يفضل يوم كامل وميردش كنت بقول عادي واقول اكيد مش هزعل منو هو تعبان وبطل يسأل تماما وانا اللي بسال وهو شبه مبيتكلمش بيرد علي قد السوال مفيش كلام ولما ربنا يفكها ويتكلم تلاقي يزقلي خمس دقايق وهرجعلك ويفضل طول اليوم ومبيفتكرنيش وانا زي الهبلة ببعتلو تاني يوم عامل اي واتكلم أنا امبارح مقدرتش افضل سكتة حكيت كل اللي مضايقني منو وقلي اننا لازم نحدد وقت علشان نتكلم في قلتلو ماشي مع اني مش مقتنعة بالفكرة اصلا قلي اساعة 2 لحد ما ننام قلتلو تمام بعتلي اساعة 1.59 واتكلمنا عشر دقايق بظبط وراح قيلي ثواني هوري اخويا حاجه في التليفون وارجعلك علطول ومتبعتيش حاجه غير لما اقولك ولحد دلوقتي مرجعش يتكلم وانا مش عارفه اعمل اي انا حبيتو واتعلقت بي *لو سمحتو لو حد شايف موضوعي تافه ياريت ميبعتليش اي حاجه* ...عرض المزيد

1 الدعم

7 نصيحة