مشرفة سيئة

Watermelon_67719 🇪🇬

منذ 6 أيام

شعور مستنزف

عبّر عن شعورك بشكل مجهول

اخواتي الفاكهه انا عندي مشكلة وانصحوني اتعامل ازاي 
انا كنت بشتغل ف سنتر تعليمي قعدت اسبوعين ف الشغل وف الاسبوعين دول كانت في بنت اصغر مني هي المشرفة علينا دا غير المدير تمام 
ف دلوقتي هي كانت بتعاملني بطريقة وحشة كل م المدير يمدحني او يمدح شغلي اويتكلم معايا هي كانت بتدايق من دا وكانت بتعاملني بطريقة غريبة بس انا كنت بسكت عشان متتاذيش بسببي وبعدي الحوار 
ومكنتش بتكلم عشان خوفت محدش يصدقني لاني كنت لسة جديدة ف سكت ومعرفتش اتكلم 
وفي يوم كنت تعبت فجاة وجالي برد ف لقيتها جريت ع مكتب المدير وقالتلو حاجة انا معرفهاش 
وبعدين جت وقالتلي انتي اجازة اسبوع ف انا قولتلها انا مش عايزة دا وفضلت تقولي دي اوامر المدير وانا مليش دعوة فقولتلها انا هكلمه وفعلا روحت اكلمه وفضل يقولي مش عايزة اجازة لي وبعدين راح قالي مش مامتك. تعبانة؟؟ ف فهمت انها قالتلو حاجة غلط عشان تعملي مشكلة ويقول عليا كدابة ف المهم اداني اجازة اسبوع وقالي هبقا اكلمك لما نحتاجك 
وانا والله كنت بكمل شغلي لاخرو ولما كنت بخلص شغلي وزمايلي ال ف الشغل مخلصوش كنت بروح واساعدهم
المهم وصلي كلام انها بتقول للمدير اني مكنتش بخلص شغلي للاخر واني كنت بكروت الشغل..! 
عدا اسبوع والمدير لسة متصلش بيا مبقتش عارفة انا غلطت ف اي ولي هي بتعمل معايا كدة مع اني كنت بعاملها ب احترام

اي التصرف اللي لازم اخدو دلوقتي؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_51881 🇪🇬

وحيد ومش عارف أتكلم مع مين

انا مش عارف اكلم مين بقيت وحيد بدرجه سيئة عارفين الميم بتاع لا حبيب ولا قريب ولا غريب انا بقيت ده حرفيا ومش لاقي حد اكلمه ومش عارف اعمل اي بجد حياتي اتدمرت ومبقاش فيه حد جمبي حتى البنت اللي حبيتها سابتني لما تعبت مش عارف اعمل اي ...عرض المزيد

0 الدعم

3 نصيحة

Almond_56393 🇪🇬

شوفت شيطان في المراية.. ومش طايق نفسي

في لحظة إدراك معينة بتبص في المراية ومبتشوفش نفسك، بتشوف شيطان ، بتشوف نسخة أنت مش قادر تتحملها ، كل غلطة صغيرة بتكبر جواك ، كل كلمة قلتها غلط بترجعلك زي صدى متكرر ، تبقى عايش مع نفسك وأنت مش طايقها ، مش قادر تحبها.. بالعكس بتحس إنك أنت السبب في كل وجع وكل حاجة بايظة ، بتدرك انك عذاب لنفسك وان عدوك ساكن جواك. ...عرض المزيد

0 الدعم

2 نصيحة

Avocado_73251 🇪🇬

بكره أهلي ومش عارفة أتعامل معاهم

انا صريحة اوي في مشاعري مش بعرف ابين لحد انا بكرهه اني بحبه او حتى اتكلم معاه منغير ما اكشر اوي يبان اني برد بقرف و الموضوع ده مدايق كل الي حوليا عشان انا بكرههم كلهم ف بعاملهم وحش حاسسة اني مش عايزاهم يكلموني بس و كله هيبقى تمام لما كل واحد يخليه في حاله بكره الاهتمام الزايد من الناس الي م بحبها و لو كرهت حد و عمل ايه مش هحبه خلاص ف هم بيتخانقو معايا كتير و مش هينفع اقطع معاهم لانهم اهلي و انا مش عارفة برضو اتعامل معاهم ...عرض المزيد

0 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع