مشاعر أول مرة

Mango_40734 🇪🇬

منذ 5 أشهر

شعور ضائع

عبّر عن شعورك بشكل مجهول

اخوكو في مزنأ، دلوقتي انا في بنت معجب بيها اوي وعايز اصارحها بس متردد عشان إحنا منعرفش بعض اوي يعني اتقابلنا كام مره وفي الكام دول والذات آخر مره كنت حاسس إنها بتحاول تقرب مني وتفتح معايا كلام شويه بس انا كنت متردد ومش عارف انا فاهم صح ولا غلط ومازلت عموما بس بعد ما كلمتها كام مره شويه احس انها لطيفه وبتتكلم وشويه احس انها بترد علي قد الكلمة وبتعلقني كتير علي ماترد ف مبقتش فاهم وإللي مخليني متردد اكتر انا معرفش في حد في حياتها ولا لا وفي واحد انا شاكك فيه انهم ممكن يكون في بينهم حاجه عشان هما في كليه واحده وفي نفس الشغل مع بعض و واحد صاحبي قالي نفس الكلام إن ممكن يكون في حاجه بينهم بس أنا برضو لسه حاسس إن ممكن ده ميكونش معناه حاجه وهما مجرد زمايل وحاسس اني عايز أدوس في الموضوع حتي لو هترفض او هتتطلع فعلا في حاجه بينها وبين الولد أهو هبقا علي الاقل اتأكدت من حاجه بدل التعليقه دي ف أعمل كده ولا لا و كمان موضوع اننا مش بنتكلم كتير ومش بنتقابل غير كل فين وفين مخليني مش عارف المفروض أعمل كده دلوقتي ولا استني لما نبقا بنتكلم اكتر او بنتقابل مع العلم إني مستني بقالي شويه أصلا ومش هنتقابل قريب غالباً وكمان أنا أول مره اتحط في حاجه زي كده يعني عمري ما كلمت بنت بره نطاق اننا في شغل او بروچكت او ستيودنت اكتڤتي مع بعض بس عمري ما كلمت بنت في اني معجب بيها او كده لأن يعتبر مفيش واحده شدتني كده قبل كده ف مش عارف ابدأ معاها منين

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.