مش فارقه قصص حقيقية - 2 تجارب، ونصائح، ودعم

Nutella_68871 🇪🇬

منذ أسبوع واحد

شعور شاعر بالملل

نوعا ما مبقتش عايزه اتكلم مع حد .. مبقتش عايزه اتعرف على حد .. مبقتش عايزه احكي حاجه .. مش عارفه مالي .. بس انا مش زعلانه و متضايقه ولا مبسوطة و راضيه .. عادي حاسه كل حاجه عادي .. كل حاجه مش فارقه .. مبقتش مستنيه كلمه حلوة من حد .. ولا بقولها لنفسي .. مبقتش مستنيه حب من حد .. ولا بحب نفسي .. مش عارف

مراتي طالبة الطلاق وخدعتني مع أمها

النهاردة عيد زواجي الأول، مراتي مش معايا بقالها شهرين وطالبة الطلاق لأن أمها عايزة كده، عاملالي بلوك من كل حاجة ومفيش بينا أي تواصل، كنا بنحب بعض جداً لحد المشكلة اللي حصلت بيني وبين أمها وفجأة إكتشفت انها بتكذب عليا كتير وان هي وأمها بيخططوا عشان ياخدو مني القايمة والدهب وكل حاجة، بتدخل بأكونتات فيك أوقات تراقب البروفايل بتاعي، حتى لما قالو هيقعدو عشان يتفقو على الطلاق اهلها اختفو وبقالهم شهر محدش بيتكلم، مش عارف اتخطى ان دي مراتي وبتعمل فيا كده بعد ما شافت مني كل خير وبشهادتها، بمجرد ما أمها تديها الأوردر أياً كان هو ايه بتنفذه، أبوها ملهوش لازمة في الحياة متجوز على أمها وطول عمره عايش بعيد عنهم حتى مبيروحش ليهم البيت زيه زي قلته، مش عارف ممكن أتصرف ازاي، انا مش حابب رجوعها، لكن شعوري بالخذلان والظلم قاتلني، دي مش مُجرد واحدة عرفتها، دي مراتي، وهي هي نفس الشخص اللي بيكذب ويتجنى عليا، دماغي هتنفجر مش عارف أعيش، ولو السما انطبقت ع الأرض مش هاخد الخطوة وابادر ان أكلمهم، لأنهم اتعودو مني اني دايماً اللي علطول ببدأ ...عرض المزيد

0 الدعم

0 نصيحة

ليه جيل التعسين منحوس وحظه فقري؟ ادعولي الاقي عروسه

صباح الخير علي كل اصحاب الثلاثين اما العشريين صباح الخير بس نص نص ، السؤال هنا بقا احنا ليه جيل التعسين منحووووووووووووووووووووووووووووس وحظه فقري ف كل حاجه ادعولي الاقي عروسه عشان بجد بدور ومش لاقي حد مناسب وربنا يجوزكم كللكككككككككككككككككككككككككككككككككككككككككككككككككم ...عرض المزيد

0 الدعم

0 نصيحة

أمي بتدعي علي بالموت وانا بجري وراها

بتتعاملوا ازاي لو مامتكم بتدعي عليكم بالموت عند ابسط سبب و انتو بتحاولوا ترضوها بكل الطرق و حصل موقف اني كنت بتوجع و طلبت منها مسكن و هو عندها قالتلي انا مش فاتحه صيدليه و رفضت تدهولي و حرفيا بيعدي شهور متكلمنيش لحد م بجلها مزاج و طول الوقت تقولي هتبقي مسخه و فاشله و تدعي عليا بالموت و المرض و حتي في فتره مكنتش بتكلمني و حصل عاصفه اسكندريه و انا كنت هناك عشان الكليه مسالتش عني نهائي و حتي لما ناس من صحابها سألوها عني يتطمنوا قالتلهم كويسه من غير م اعرف حاجه عني ... و مليون موقف حرفيا ايام ثانوية عامة قلتلها اني حاسه اني تعبانه و كنت ايام الامتحانات سابتني و مسالتش فيا غير لما من كتر السخونيه كنت ندخل في غيبوبه و معدتي مكنتش بتقبل حاجه حتي الميه .. مليون موقف ببقي مش مستوعبه هي ليه كده ...عرض المزيد

0 الدعم

3 نصيحة