مش عارفة مشاعري قصص حقيقية - 1 تجارب، ونصائح، ودعم

Blueberry_57373 🇪🇬

منذ شهرين

شعور مكسور القلب

مش عارفة ومش فاهمة نفسي بس انا كنت بحب شخص من وانا صغيرة ده كان أول حد عرفته في حياتي وقعدنا 3 سنين سوا حبيته بجد بس كان شخص مؤذي جدا جدا وعانيت بسببه جدا جدا وحالياً انا شبه اتخطيت وعرفت حد تاني وكان كويس بس الفكرة إني مش عارفة احدد بجد هو فعلاً كويس ولا لا وعرفت قبله كذا حد كنت كل شوية ادخل واطلع

Lemon_46682 🇪🇬 مكانش حب ولا اي حاجه من دول .. كانو فراغ عاطفي بتمليه .. مفروض كتر التجارب تكون فهمتك نفسك اكتر و عايزه ايه و ايه الي مناسب معاكي ..

عرض الكل 9 نصيحة

الأمان هو السر ورا كل حاجة بنعملها

الأمان هو السر ورا كل حاجة بنعملها لو ما حسيناش بالأمان مش هنعرف ناكل ولا نشرب ولا ننام لو ما حسيناش بالأمان مش هنعرف نضحك ولا نحكي ولا نسمع الأمان دايما حاجة لونها أبيض بتخلينا نشوف بوضوح من غير ما نخاف من حكم حد ولا من نظرته لينا الأمان بيخلينا نعرف نفكر كويس نعرف نعبر كويس عن كل حاجة عن رغباتنا واحتياجاتنا عن أحلامنا وطموحاتنا حتى عن رفضنا الإحساس بالأمان مش رفاهية ممكن تبقى عند حد وحد تاني لا.. الإحساس بالأمان حق مشروع لكل كائن حي.. بقول كائن حي مش بس إنسان احنا مش أسياد الأرض ولا حاجة احنا زي كل حاجة موجودة ومتناغمة وعايشة في سلام لو ع القوة فالجبل أقوى مننا لو ع الذكاء فالناموسة والنملة أذكى مننا لو على أي حاجة مميزة فينا فهتلاقي حاجات كتير بتشاركنا الميزة دي وتغلبنا كمان.. بس الإحساس بالأمان دا هو أكتر حاجة بنحتاجها عشان نعرف نتحرك ونعرف نعيش.. الضعف كمان جزء مننا وجزء من كل حاجة في الدنيا.. الحيوانات بتعلمنا الحكاية دي تشوف ازاي بيتعاملوا مع الضعيف تنبهر الحقيقة.. بيحضنوه ويستوعبوه، مش بيعايروه ولا بينبذوه الحيوانات فاهمة إن الضعيف دا مش ذنبه إنه ضعيف وفاهمة إن ضعفه دا مش مبرر عشان نسحب منه الأمان.. اللي عنده أمان عنده قوة اللي عنده أمان عنده بصيرة اللي عنده امان عارف الحقيقة اللي عنده أمان ربنا بيحبه والناس بيحبوه.. انا شخصيا قررت إني هبدأ بنفسي من النهاردا هوزع الأمان على كل حاجة، هحاول أحب نفسي أكتر وأحس بالأمان اكتر.. هقبل عيوبي وعيوب الناس.. هقبل ضعفي وضعق الناس.. مش هحكم على حد بحاجة ولا هبص لحد بعين انتقاص مهما كان موقفه ومهما كان هو بيعمل ايه معايا، مش ذنب حد أي حاجة.. هوزع الأمان هسمع الناس هحضنهم هحس بيهم هحبهم.. ...عرض المزيد

1 الدعم

0 نصيحة

بنت جدعه مرهقه نفسيا وبتعاني من الوحده بعد الطلاق

طول عمري بنت جدعه ومسؤله وشاطره..بس اتجوزت حد مش كويس وخلفت ولدين وبنت وحاولت طول ٨ سنين اغيره متغيرش..انفصلت بهدوء..حاليا بربي ولادي..بس مرهقه نفسيا ومعنويا اني لوحدي..بخبي المي ده عن الكل بس من جوايا مستنزفه.نفسي اتجوز تاني وفي نفس الوقت برفض اي جوازه لانها مش مناسبه وفيها قلق ومشاكل خايفه علي ولادي من جوازي وفي نفس الوقت خايفه ابقي لوحدي شغلي بعافر فيه بقالي سنين عشان تثبيت انما شايلين الشغل كله ومجرد عقود والاساسين بياخدوا المكافات والمرتبات الاعلي طبعا حاسه بقهر كبير بحاول اصبر ويدعي ربنا كتير بكده مع اني شكلا حلوه وميبانش عليا سني بس ساعات بحس اني مش هتجوز ولا هقابل حد محترم يكون سند ليا بعد ربنا ...عرض المزيد

3 الدعم

7 نصيحة

عايز تطبيق مصري بديل أسرع ومجهول!

مفيش بروجرامر ابن حلال يعملنا تطبيق مصري يكون شبه دا بدل البطئ دا و كمية قواعد علي كل كلمة و بلوكات بدون اي سبب و يكون بردو باكونتات مجهولة كدا و نفس الفكرة بس يكون اسرع و عملي اكتر انا شاركت بالفكرة اهو حد ينفذ بقي 😅 ...عرض المزيد

2 الدعم

12 نصيحة