مسؤوليه البيت

Strawberry_57542 🇪🇬

منذ أسبوعين

شعور Bad 😞

عبّر عن شعورك بشكل مجهول

الفضفه طويله شويه اختي الكبيره اكبر مني ب11 سنه هي طول عمرها والله مكانتش بتساعد في البيت ولا حتي بتشيل قشايه فهي طول عمرها متعودتش علي انها تشيل المسؤوليه اتجوزت وللاسف بيتها كان قريب من بيتنا فكانت حرفيا كل شويه ترن لماما معلش ابعتي كذا الي هي انا  تعملي وبقيت متثبت ليا يوم الاسبوع اجباري مش اختياري اني اروح اروق ليها وانضف واظبط الشقه وطبعا ترويق العيد برضو كله عليا لانها مبتعرفش ومش عاوزه تعرف ازاي تعمل اتفرض عليا الحوار دا من اول تالته اعدادي الي هي نفس السنه الي هي اتجوزت فيها كانت بتعاملين معماله خدامه بمعني الحرفي وطبعا اي كلمه مني كان بيقي يوم مطين علي عيشتي من اهلي افتكر انها قالتلي امسحي الاوضه مسحت الاوضه حرفيا كانت معفنه وبعد مخلصت بناديها عشان اورها الارض والله وفرحانه لاقتها راحت لشباك البلكونه زتقزل ايه القرف دا بنفس الاسلوب كدا ايه القرف دا الشباك مش ممسوح انا حرفيا من الصدمه مردتش اليوم الي عمري ما هسامحها عليه بجد كانت ليله وقفه العيد الكبير وكنت من اول النهار معاها في الشقه وبنحاول نخلصها لانها كل مره بتزنق نفسها انا بحب احواء بيتنا في السحور بيبقي ليه جو جميل احني بيت عيله وفعلا بيبقي يوم جميل اوووي انا بحبه فضلت اتحايل عليها اروح بس اتسحر ونصلي الفجر واجيلك علي طول طبعا مرضيتش وايه جابتها ازاي مينفعش تنزلي الوقت متاخر كانت الساعه 2 قولتلها الدنيا كلها صاحيه وبعدين بابا معندوش مانع  اصرت انه لا واقعد اتسحر معاها وحرفيا كان يوم نكد كنت حرفيا برزق وانا بعيط والي يقهر ان دا كان اخر عيد يكون في حياة بابا والعيد الي بعده قبليه بابا اتوفي كل ما اشوف صور اليوم والفيدوهات والفرحه والاجواء وافتكر انا في الوقت دا كنت فين وبعمل ايه بتقهر تفتكرو ان دي حاجه اقسم بالله انا شوفت منها كتييير اووووي اووووووي انا حرفيا مقهوره وعماله افتكر مواقف ليها زفت معايا ابسط حاجه ايام ثانويه عامه ليالي الامتحانات كانت قاعده عندنا في البيت هي وعيالها وكانت الدنيا دوشه جدا والله ليله امتحان علم النفس كان علي دراعي ابنها انا سهرانه براجع وهي مدياني ابنها اسكته وهي نايمه متخيلين! هتقوليلي مثلا مامتك فين هقولكو امي كانت شايله نفسها خالص وبنتي جايه يامرحب ومرحبتين طب ياماما انا في امتحنات عادي ولا كان في حاجه متخيلين انهم اصلا كانو محددين خطوبه اختي التانيه ليله امتحان العربي اقسم بالله ولما قولتلهم انه ليله امتحان العربي قالو انه هو الي مناسب معاه وفي الاخر الخطوبه اتفسخت اصلا بس بوضح اني مش في حسابتهم في حاجات كتيره اوووي انا من كترهم اقسم بالله ما عارفه اقول ايه ولا ايه جوايا خنقه كبيره اوووي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_28859 🇪🇬

منذ 8 أشهر

شعور مرهق

مشكلتى ان حاسه ديما ان انا ف حاجه اكبر منى كمسؤليه بيت و اسره ولازم اكون قدها لكن محدش حاسس بيا حتى جوزى عايش ف عالم موازى بلاقى نفسي بهون عليه بيبقا سامعنى بعيط و مش بيسأل فيا حاسه انى مخنوقه اوى بجد

Biscuit_21005 🇪🇬

منذ سنة واحدة

شعور مستنزف

عبّر عن شعورك بشكل مجهول

انا عندي مشكله  انا حبيت حد اوي اوي بجد واول مره احب كان ف اطار الاحترام ان عمره ما يمسك ايدي اخرنا كلام الحب دا لانه ارتباط للاسف بس مفروض اختارته عشان دينه بس مكنش بيهتم غير قليل ودايما بيعدل ف شخصية انا شخصيتي كويسه ومتدينه اه مش اوي بس بحاول اقرب من ربنا لان انا اهلي كده  انا امي توفت من شهر ١١ وكانت اقرب حد ليا بجد من بعدها حياتي ادمرت منكرش ان هو ساعدني كتير ف الاول وعشان كده بجد حبيته ولكن بعدها بقي بيقول كلام قاسي وجاامد وساعات يغلط وانا حساسه جداا من اقل كلمه بعيط وهو قالي دا عيب فيها مع ان بحس دي رحمه من ربنا انا لسه بحبه مش عارفه ازاي مع ان هو سابني ٤ مرات وحياتي دلوقتي مدمره عياط راضيه والله بس انا  مسؤوليه البيت بعد امي وبقيت بفكر ف ابويا واخواتي وهو  وصحااابي اكتر من نفسي انا نستني ومن اكتر  واحده بتضحك وعندها حياه لواحدة انطوائية وبقيت مهمله ف اوضتي. شكلي لاء الحمدلله بس اكلي اه وشي بهتاان نفسيتي بقول يارب اموت كل يوم جوايا قميه وجع وجع وحش اوي  من كل حاجه ومسؤليه اتحطت عليا وانا سني صغير انا ٢٠ ف مش عارفه اعمل اي وهل هو هيرجع. كان بيقولي ان مش هيلاقي زاي فجأه بقيت كبوس عشان بتخانق معاه عشان يكلمني بس يكلمني بشحط اهتمام بجد  انا مستاهلش كده بس مش عارفه ابقي كويسه وفاة امي مع مسؤوليه البيت مع ان حاسه ان بقيت فشله بسبب كل الوجع انا بحاول انزل شغلي وتدريبي بس برضه. بليل بموت عياااط لربنا ادعولي انا تعبت اوي ف حياتي  ولسه مش قادره اتخطي وفاة امي لانها كانت كل حاجه ف حياتي عشت معاها كل وقت ف تعبهاا نفسي ترجع يوم واشلهاا واحضنها  الحمدلله انها راضيه عني انا بحبها اوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_73772 🇪🇬

انا كنت بحب واحده وسابتني بدون اي سبب قعدنا سنه مرتبطين و4 شهور صحاب بس بدون تفاصيل لقيت نفسي بعد م سابتني اني عادي وطبيعي ودي حقيقه اتضح ليا اني مكنتش بحبها ودا كان تعلق بس تصادفني واحده حرفيآ مش هقول خطفط قلبي لا دي خطفط روحي حرفيآ انا مبقتش قادر ابطل اسمع صوتها بحبها بدون اي مقابل وكل ده انا مش عارف بحبها بجنون كده ليه بس سابتني بعد سناتين وقالتلي انها مش مرتاحه ف طبعآ حالتي النفسيه اتبهدلت 3 شهور حرفيآ مبخروجش من الاوضه شربت مخدرات ومش كله تحديدآ شربت حشيش بقيت كل م اشرب افتكرها واشوفها قدامي اشرب اشوفها قدامي ومبعرفش انام ولا عارف اعيش سابتني 6 شهور ولقيتها داخله تطمن عليا لما شوفت رقمها اتجننت ورجعتلي نفس حالتي تاني لا واسواء من الاول بس هي قعدت يومين تكلمني لقيت نفسي في اليومين دول حكيتلها كل حاجه حصلت معايا من ساعة م سابتني وبدون تفكير لاني كنت ناوي اني هتجوزها ف كنت حرفيآ لو هقوم اشرب كنت بعرفها المهم بعد م حكيتلها كل حاجه لقيتها اتضايقت ف استغربت وبعد كده سألت نفسي سؤال؟ مش هي سابتني عشان مش مرتاحه معايا وفعلآ سألتها لقيتها بتقولي انا اه مش مرتاحه بس من المشاكل اللي كنا فيها ف استغربت اكتر وقفلت معاها ومكلمتهاش كانت بتبعت وانا مردش لأني حسيتها بتكدب ومن ساعتها وانا شايف كل الناس كدابه ومفيش حد ليه امان في الدنيا وهي لسه بتحاول اننا نرجع وانا اللي بهرب منها بس انا عارف اني اتجننت ...عرض المزيد

0 الدعم

0 نصيحة

Lemon_38437 🇯🇴

بدي علاقات إلكترونية حلوة وعميقة، كيف؟

مرحبا سؤال:كيف الشخص يتخلص من فقدان الرغبة بكل اشي و يكون علاقات صحية و حلوة و عميقة لكن الافضل انها تكون إلكترونية يعني على التلفون كيف اعرف عن حالي لشخص و كيف اتعرف عليه اكون علاقة أساسها قوي و نمزح و نضحك و نزعل و نعتمد ع بعض لكن للي بده يجاوب تذكر أنها عبر تلفون ...عرض المزيد

1 الدعم

1 نصيحة

Apple_73772 🇪🇬

حزين على مستوايا في الكورة بعد ما كنت اسطورة

انا كنت لعيب كوره زمان بطريقه حلوه اوي وحرفيآ مكنش في اي حد كان بيعرف يصد الشوطه بتاعتي وخاصآ ال R2 رجلي كانت مميزه اوي كنت مهاري بمزاجي وبعمل اسيستات حلوه اوي مركزي كان صانع لعب وانا اشول بس المكان اللي اتولدت واتربيت فيه كنت بلعب حجوزه كتيرر اوي وحرفيآ كان ممكن اللعب 3 او 4 حجوزه في اليوم ف جت فتره انا عزلت من المكان ده وقعدت 4 سنين مبلمسش كوره حرفيآ الفتره الحاليه انا الكوره وحشتني اوي بس بقيت لما باجي اللعب انا حرفيآ اسواء مستوي في الملعب حتي بقيت بشوط الارض بقيت حزين جداً علي اللي انا فيه وبقيت كل حجز اروحه بتجيلي زكرياتي القديمه لما كنت لعيب محدش هيفهم كلامي الا اللي بيحب الكوره ...عرض المزيد

2 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع