مرضي

Cherry_55740 🇪🇬

منذ 4 أيام

شعور مكسور القلب

ازاي اتخلص من التعلق المرضي كنت ف علاقه مع بنت وبنحب بعض جدا بسبب مشاكل كتير وحوارات كتير اكتشفت أننا مننفعش لبعض لأن دماغنا مش شبه بعض وبنأذي بعض أنا قررت اسيبها وابعد وانا روحي فيها عايز اتخلص من التفكير فيها وارجع كويس لحياتي الطبيعيه (طبعا احنا مش شبه بعض من البدايه خالص بس انا كنت بحاول اكمل

Nutella_57677 🇪🇬

منذ 4 أيام

شعور مليء بالحياة

موضوع:

هل في يوم اتعلقت بحد؟

انا مبعملش حاجه في حياتى غير انى بدور علي ناس اتعلق بيهم تعلق مرضي و في الاخر بتخزوق حاليا انا ففترة استنزاف لمشاعري مبقاش فارق معايا مين يفضل و مين يمشي لامبالاة فشيخه حتى انى بقيت بطلع كل اللي جوايا بدون اي خوف أو انتظار لتقبل الاخر بعمل كده لانه تعبت انه ادعى الفضيله عشان اعجب ناس هنا مش شايفنى

Chocolate_57353 🇪🇬

منذ 5 أيام

شعور محبط

موضوع:

هل في يوم اتعلقت بحد؟

عبّر عن شعورك بشكل مجهول

اول مرة اتعلق فيها بحد كانت صاحبة ليا وبحكم طابع الأمومة اللي عندي كنت بعتبرها بنتي وبخاف عليها ودايما اطمن عليها وعلى اكلها وصحتها وكنت على طول بسمعها وبحللها مشاكلها مع اننا وقتها كنا في ابتدائي كنا اطفال يعني بس وقتها اتعلقت بيها بطريقة مش طبيعية، اللي هو بقت شيئ اساسي من يومي وحياتي لكن مرة واحدة وبدون مقدمات بدأت تبعد عني ومتردش عليا ومتتكلمش معايا لكن برغم كدا مكانش عندي اوبشن انها متبقاش في حياتي وبقيت بشحت منها الكلام والاهتمام، اقدر اقول حاليا اني كنت متعلقة بيها تعلق مرضي لدرجة ان بعد ما خلصنا مرحلة ابتدائي وبرغم اني نقلت لبيت جديد بعيد الا اني كنت كل يوم اكلمها واطمن عليها بس كنت موجوعة منها ومن اهمالها وتغيرها المفاجئ وقررت وقتها اني مش هصاحب حد تاني ولا هحب حد تاني ولا هعلق قلبي بحد، لكن الحياة متتعاش كدا، طبعا صاحبت بنوتة تانية وللأمانة حبيتها اوي بس قعدت زي خمس سنين كدا متحفظة لأي وقت هي تقرر انها تمشي وتسيبني فيه لغاية ما عطيتني الامان وفعلا اتعلقت بيها بس بعد سنتين كمان حصلتلي مشكلة كبيرة ودخلت فيها المستشفى او بمعنى اصح العناية المركزة وكان هناك اللي ماسك حالتي ممرض وبطبيعة وجودي في العناية وتعبي كان تعاملي معاه كبير، وبرغم وجود ناس كتيرة كانت بتهتم بيا وبتعاملني حلو الا انه كان معاملته معايا مختلفة وكان اهتمامه غير بشهادة كل اللي كانوا موجودين معايا وقتها كان خوفه واهتمامه بيا مش طبيعي، وطبعا انا ك بنت اول مرة تشوف وتلاقي اهتمام من شخص (شاب) يعني اتعلقت بيه من غير ما اخد بالي وعشان وجودي طول في المستشفى بحكم مرضي مجاش في بالي ان هيجي يوم وهمشي ومش هشوفه تاني وطبعا جه اليوم دا وفعلا مشوفتهوش تاني وقعدت تلات سنين بتعافى من تعلقي وحبي ليه، وللأسف بقيت خايفة ادخل حياتي اي حد وبقيت خايفة من الحب وحتى الناس اللي في حياتي رجعت اخاف من انهم يبعدوا ويسبوني ودخلت الدوامة السودا دي تاني

Sugar_57160 🇪🇬

منذ 5 أيام

شعور قلق

ممكن لو حد عنده تجارب مع مرض السكر النوع الاول والحمل يفيدني انا حامل وقلقانه علي البيبي الحمد لله السكر منتظم بنسبه ٩٠ ٪ اوقات صغيره بيعلي شويه وبيوطي بس بتعامل بسرعه واحل الموضوع هل دا هياثر عليه وهل الدنيا بالصعوبه دي ؟

Marshmallow_56767 🇪🇬

منذ 6 أيام

شعور وحيد

Durian_52455 🇪🇬 قولى الحمدلله إنك مش شبه الناس اللى حواليكى وإنك مختلفة عنهم.. فى الأخلاق والقيم والمبادئ والسلكان الحمدلله إنك متأثرتيش بيهم بأى شكل وإنك لسه على مبدأك ولسه مختلفة عنهم اللى شبهك هتلاقيه، بس بلاش حياتك تقف على ناس معينة كدة كدة الناس بتروح وبتيجى… وكلنا فترات خليكى ذكية واستخدمى الإختلاف اللى جواكى فى انك تعيشى حياة احسن، سواء بوجود ناس او من غيرهم

عرض الكل 5 نصيحة

عبّر عن شعورك بشكل مجهول

بحس دايما أنه علاقاتي بتنتهي بنفس الشكل و بنفس الطريقة ، ب بلوك و ينهي علاقتي بالشخص ده للابد و مش بشوفه تاني ابدا ، بحس فيه فراغ كبير جدا جوايا ممكن عدم وجود عائلة لأن أغلبها ميتين و وفاة أبي أو عدم وجود داعمين عموما علي اي حاجة بعملها هي منطقيا و دينيا صح ده بيؤدي لمشاكل كتير مع نفسي (الي هو الغريب بيدعمني و القريب ولا يعرف اي حاجة عني و ده كمان مبدأ في الصحاب و اغلب المشاكل كانت بتبدا من الناحية دي )
اني مش قادرة استوعب أنه مفيش حد في صفي خالص مع اني مستوعبة الناس بتربيتها بأخلاقها مختلفة ، اهم حاجة في الموضوع كله اني مش مستوعبة أنه أنا معنديش صحاب الي اقول عليهم صحاب بجد ، الي بتبسط معاهم اوي أو الي شارييني مش الي يكدبوا عليا أو يتلاعبوا بيا و فالأخر بيعملوا الي عليهم عشان يطلعوا من برا المعادلة و أنهم مش غلطانين في حاجة ، عموما متأكدة أنه فيه مشاكل كتير عند كل حد ولما اكبر اكيد لازم أنه اواجه مشاكل اكتر بس اكتر حاجة مضايقاني تجاربي الكتير التوكسيك الي مع الناس الي عمري ما فكرت أنهم هيبقوا توكسيك في مرة ، و دي اكتر حاجة تخوف أنه أنا مكنتش عارفة أنهم توكسيك كدا ، مش متخيلة أنه لسة لما اكبر هتصدم في ناس تانية ، مش هقدر احكي ولا ارتاح لامي المضغوطة عافية ولا ارتاح لعيلتي الي أغلبها ميت اصلا و الباقي منها لا اخلاق ولا زفت ولا مبادئ و دائما عينيهم وحشة كدا شبههم عشان كدا ربنا مش مباركلهم في حاجة ، يا تري اعمل ايه مع الفراغ الكبير ده ، انا حقيقي عندي تعلق مرضي اخدت بالي تقريبا كل الصحاب الي اتعلقت بيهم جامد لدرجة افكر فيهم يوميا و ممكن بالساعات كدا ، يا تري ده هيدل علي اضطراب الشخصية الحدية ؟ ازاي ممكن في حدود محافظتي ادور علي حد فعلا يشخصني صح و اعرف لو انا مثلا عندي اضطراب ممكن بسبب عيلتي الي مش احسن حاجة أو كدا 
دماغي متلخبطة .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_55656 🇪🇬

منذ 6 أيام

شعور مكسور القلب

أخرج ازاي من التعلق المرضي بشخص هو اللي سابني كنا بنحب بعض وقريبين اووي احنا المفروض بنقابل بعض كل يوم ف الشغل وبنفطر سوا ومطلوب مني اتعامل معاه عادي بس من غير مشااعر هو ليه حياته وانا عارفه أنه محبنيش ربع حبي ليه اعمل اي

Mango_55662 🇪🇬 لو تعرفي تبعدي عن المكان ده يكون افضل + حولى حبي نفسك واعرفي انك تستهلى تحبي وتتحبي..+ازاى كنتو بتحبو بعض وبرضو محبكيش بربع جنيه(( (ايه النقص او الاحتياج الى كان بيعوضه جواكي؟؟)))

عرض الكل 5 نصيحة

Watermelon_52890 🇪🇬

منذ أسبوعين

شعور آسف

عبّر عن شعورك بشكل مجهول

مشكلتي ممكن تكون الكدب و تكون الهبل اللي بعمله لما اعرف حد بقعد اسيرش عنه وعن حياته وناسه وكل حاجه وبعدين احاول اوصل لبياناته علشان اعرف بيكلم مين وبيعمل ايه وكل حاجه وبعدين ابقى شخص تاني بشخصيه تانيه اكلمه بيها علشان اتأكد من اي معرفش يمكن من شخصيته الحقيقه الل مليش دخل بيها لأنها حياته معرفش ولة بتضايق فشخ لو لقيت حاجه غلط بيعملها يخربيت البجاحه 
وعارفين في الافلام مدعين المثاليه دول وهما ولا حاجه 
اللي هما سايكو على قليل دول وشغالين في بنك الصبح 
معنديش مشكله مع حياتي بالعكس نظرا اني عرفت اني حد مؤذي لان دول حاجتين محدش بيحبهم في حياته 
انه يبقى متراقب بسبب هوس او تعلق مرضي 
وان الشخص ده يكدب عليه في كل حاجه علشان يقهره
قررت قرار مش ندمانه عليه بس هو أصابني بالجنون شويه وهو الوحده خير جليس علشان ولا حاجه 
دخلت في ال٥ شهور اهو ماسحه سوشيال ممكن اكلم منها حد ومش برد على مكالمات وقاعده في اوضتي بين أربع حيطان أغبياء اتنين مدهونين زرق والاتنين التانيين بينك 
فااا السؤال هنا هل الوحده حاجه كويسه وانا مش بتكلم على الوحده بتاعت في وسط الناس بس وحيد لا انا بتكلم على الوحده اللي زيي بجد انت لوحدك في اوضتك ومن غير حد بس اكل مع عيلتك وحتى مش بتشاركهم حاجات كتير بس بتشاركهم علشان يطمنوا انك تمام 
الاجابه لا الوحده عامله زي الكان*سر بيبدأ صغير وبعدين بيكبر لحد ماااا خلاص بتنتهي انا مش بشوف نفسي وحيده وده اللي بيخليني اتأكد ان فيه حاجه غلط بس

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_41492 🇪🇬

منذ 3 أسابيع

شعور فخور

موضوع:

هل في يوم اتعلقت بحد؟

اتعلقت بحد تعلق مرضي كبير لدرجة إني اتنازلت عن كل حاجة تقريبا عشانه عن مبادئي وعن حياتي وعن صحابي وعن أهلي في الأول كنت معمية أوي بس بعدين أدركت الخطأ ده وللأسف متأخر شوية بعد ٣ سنين لكن صلحت ده كان نرجسي بس الحمدلله بعدت عنه بعد عناء خطوة اتأخرت بس مش مشكلة المهم إنها حصلت ربنا ينتقم منه ويوريه حق

Coffee_53941 🇪🇬 He's nickname H7?

عرض الكل 5 نصيحة

Coffee_53092 🇪🇬

منذ 3 أسابيع

شعور متوتر

مشكلتي الوحيده اللي في حياتي علاقات عملتها في الحرام المشكله من بين مل العلاقات دي وحده فيهم عجبتني ودخلت دماغي لدرجه ان خطبتها برغم حاجات كتير ملهاش لازمه تتقال والحمد لله محصلش نصيب ومكملناش انا اتجوزت وهي اتجوزت بس هي اطلقت ورجعنا تاني اوسخ من الاول مشكلتي بقا اني لا عايزها ولا قادر علي بعدها

Banana_53441 🇪🇬

منذ 3 أسابيع

شعور مكسور القلب

انا مشكلتي في صاحبي عندي تعلق مرضي بيه بحبه اوي و هو كمان بيحبني بس سعات بحس انه مستنيلي غلطه عشان يخسرني مع ان انا ممكن افديه بروحي والله مش كلام بس انا بجد تعبت بس هو اكتر من اخويا و انا مش عايز اخسره ممكن حلول يعني

Hazelnut_52786 🇪🇬 خد خطوة وواجهه بصراحة، عبّر له عن حبك وخوفك من خسارته، واطلب منه التفاهم وإنكم تحاولوا تحلوا المشاكل بدل ما تسيبوا بعض. التواصل الصادق هو المفتاح

عرض الكل 6 نصيحة

Strawberry_52949 🇪🇬

منذ 4 أسابيع

شعور متعب

ازاي أتعالج من التعلق المرضي؟ أنا في شخص في حياتي متعلقة بيه و عاوزة انساه. مش قادرة اعمله بلوك لدرجة انه حتى لما بيسالش أنا اتعودت على انه ميسالش بس دي حاجة مضايقاني و تعباني جدا و مش قادرة استحمل الاهانة دي بس فعلا ازاي انساه؟ لو حد قالي بلوك مش هقدر بجد.

Tofu_50969 🇪🇬

منذ شهر واحد

شعور مكسور القلب

عبّر عن شعورك بشكل مجهول

احنا ليه وصلنا للحاله دي ياجماعه ؟ كلنا عندنا مشاكل! لو بصينا لاصل المشاكل دي هنلاقي أنها يا ما كانت بسبب صدمات في الطفوله أو بسبب البشر البشر دول مصيبه ممكن حد يدمرك ويخليك ف اوحش حالاتك وممكن واحد يخليك تحب نفسك ويخليك تحب الحياه وتبقي ف اسعد حالاتك بس نهايتها ايه؟ ما اكيد الشخص ده هيسيبك زي الي كانو معاك قبل كده والي أقصده أن حياتنا بقت بتترتب علي وجود الاشخاص ف حياتنا بس هل فكرنا قبل كده أننا نكون الشخص الي بيسعدنا ويخلينا نحب نفسنا ؟ يمكن الموضوع معقد شويه بس احنا لو لقينا الحب الي ملقناهوش من اهلنا ولا من الغريب هنكون بخير والحب ده عشان يدوم لازم يكون من نفسنا طالع من قلبنا لحد ما يجي الشخص الي ربنا مقدره لينا بس برضو لما يجي بلاش نبطل نحب نفسنا بلاش نبني سعدتنا علي بني ادم مستغل الا من رحم ربي يعني ده بناءاً علي الاشخاص الي  بتدخل حياتنا ترسم سعاده مؤقته وورا السعاده دي في كابوس مستنينا بالنسبه بقا لصدمات الطفوله أو أننا ملقيناش حب واحنا صغيرين ف كبرنا غير سويين نفسيا وبندور علي الحنان والحب من الاشخاص الغريبه الي هي برضو مرت بنفس الي عشناه ده ونبدا نتعلق بيهم نحبهم ونشوفهم حب حياتنا الي استحاله يبعدو عننا وهما لما يلاقو حد يديلهم حب اكتر منك هيبعدو لأن الإنسان بطبيعته طماعه بيميل للاكتر ف صدامات الطفوله واننا ماخدناش حب من اهلنا واحنا اطفال ده اكبر سبب لأننا نلجأ للبشر ونبني سعادتنا علي ناس وعارفين ايه رد فعل الاهل لا يعرفو أننا بندور علي حنان وحب من ناس غريبه؟؟ اول حاجه بيعاقبونا بنتعاقب لاننا محتاجين بنبقي محرومين ومتعاقبين نبنقي نفسنا ف حاجه ومش بنلاقيها ومع ذلك لو فكرنا ندور عليها أو نطلبها بنتصنف أننا متربناش كويس أننا نحب حد احنا مش متربيناش كويس احنا 75% من التربيه بتاعتنا كان ناقصها حب وحنان لو كان اهلنا حبونا وربونا ببساطه وبهدوء نفسي عمرنا ما كنا هنلجا للغريب بس احنا تربينا ف صراع نفسي اتربينا بين اهل أقصي معرفتهم عن التربيه انهم يقولو عيب وغلط والمجتمع حرم الحاجه دي وعيب تقولي لخواتك انك بتحبيهم وكل الهطل ده ف طلعنا مش سويين نفسيا كل ده غلطه من الاهل عشان كده احنا معقدين نوعا ما ف كل مشاكلنا دي نتيجه لعدم حب الاهل لينا واحنا اطفال انا لحد دلوقتي لسا مفتقده حب الاهل عشت كتير ومتحبتش عشان كده دلوقتي لما امي مثلا تقولي أنها بتحبني انا بحس بعدم ارتياح بتضايق وبتخنق لاني متعودتش علي كده بخاف من اهلي ودايما عاملينلي رعب نفسي مش بعمل الحاجه الي تسعدني لا انا بعمل الحاجه الي مش هيزعقولي عليها دايما متحكمين وبيزعقو عشان كده علاقتي بيهم رسميه جداً رد علي قد السؤال لو مفيش سؤا مفيش كلام علاقتي بصاحبي والناس الغريبه احسن مليون مره من علاقتي بأهلي لاني اتربيت علي تلت كلمات هما عيب وغلط وحرام غير بقا العقاب اليكنت بتعاقبه لاتفه الاسباب ده خلي عندي ADHD وتعلق مرضي وكمان عندي انفصال عقلي اني بخترع خيال وحياه كامله علي مزاجي واحقق فيها الي نفسي فيه ودي أسوأ حاجه لاني اوقات مش بعرف افرق بين الواقع والخيال والحاجة الي بتخيلها بعيشها ف الحقيقه يعني لو مثلا تخيلت اني تعبانه وانلف الحقيقه سلميه بتعامل مع الناس ف الحقيقه اني تعبانه مش بقوم من السرير وبفضل كده لحد ما السيناريو الي ف خيالي يتغير كل الي بيحصلي أو بيحصل ل90% من الناس هو بسبب صدمات ف الطفوله وسببها الاهل الأهل هما السبب الرئيسي ورا كل مشاكلنا عشان كده احنا لازم ناخد بالنا من اطفالنا لما نكبر ونربيهم تربيه سليمه مش زي ما احنا اتربينا بلاش يعيشو نفس الي بنعيشه بلاش بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_20447 🇪🇬

منذ 3 أشهر

شعور وحيد

موضوع:

هل في يوم اتعلقت بحد؟

Watermelon_30722 🇪🇬 انتي محتاجة تفكي التعلق ده وتفهمي ان في ناس تستاهلك مش واحد مسيحي يا حبيبتي !! مشاعرك من الاول اتجاهها كان غلط فجه الوقت انك توقفيها لو مش قادرة اتجهليها كدبيها ،أمسحي اي حاجة ممكن تفكرك بيه اذا كان فولو على المواقع او شات + مفيش حاجة اسمها صحاب بين ولد وبنت غير انه حرام طبعا دي حاجة بتأذينا (انا مسيحية احنا كمسحيين عندنا نفس المعتقد ولازم يبقى في حدود لو مش قادرة تتحكمي في مشاعرك اتحكمي تصرفاتك

عرض الكل 4 نصيحة

عبّر عن شعورك بشكل مجهول

انا حبيت حد درجة الجنون عمري ما حبيت حد بالشكل ده و اتعلقت بيه اووووي لدرجة اني اول مرة ف حياتى اكتشف اني ممكن اغير عمري ما حسيت بالغيرة ع حد أو من حد ابدا لكن هو لو حد قرب منه حرفيا بحس بنار جوايا بتجنن و اتعصب و ازعق معاه جامد اوي لدرجة مرة كسرتله موبايله م كتر ما كنت متضايقة منه و غيرانة
و مبدأيا انا مليش حظ نهائي ف الصحاب بيتغيروا و بيبعدوا م غير سبب ولا مبررات فا هو بالنسبالي اقرب صاحب و أقرب حد ليا ف الدنيا 
في مشكلتين الاولى أنه مسيحي و كان بيقولي أنه عايز يأسلم بس طبعا الموضوع مش سهل و هو مذبذب جدا 
و المشكلة التانية انه ساعات بيعمل معايا تصرفات غريبة و بتضايقنى و لما قرأت شوية اللى وصلته أن دي من صفات الشخصية النرجسية 
و برغم كل ده انا مش عارفة ابعد عنه و اخلص من تعلقي بيه ده 
مليش حد غيره خالص و لما بحاول ابعد عنه ممكن يوم او يومين و برجع تاني له لأن بحس بوحدة بتقتلنى و بحس العالم وقف مش عارفة اشتغل مش عارفة آكل مش عارفة انام مش بعرف اتبسط ابدا ف خروجة مثلا غير معاه و يكون موجود 
هتجنن نفسي ابعد عشان نفسيتى مش مستقرة ابدا ف الوضع ده و فى نفس الوقت مش قادرة اعمل كده و مفيش حد يساعدني ع ده و مقدرش احكي لحد الموضوع و مفيش حد اصلا احكيله حرفيا بحارب بطولي
نعرف بعض بقالنا سنتين 💔

Cherry_29219 🇹🇳

منذ 4 أشهر

شعور متعب

عندي مشكلة صغيرة منعرش كيفاش باش نبداها منعرش هيا تافهة شوية لكن مأثرة عليا برشا انا عمري لانعجبت بأي شخص مهما كان شكله او شخصيته مانحس بشي تجاهو لكن العام هذا فما شكون محبش يخرج من مخي كل يوم كل يوم نخمم فيه اما الفترة هاذي نسيتو جيملا اما تو بدات ترجع الافكار المشكلة انو فجأة وليت برشا نخمم فيه

Strawberry_47886 🇪🇬 بصى انا مش فاهمه اوي يعني بس هقولك لو هو مش بيحبك برضو حاولي متعلقيش نفسك بيه. علشان متتعبيش فى المستقبل اصلي الحب مش بالعافيه

عرض الكل 6 نصيحة

Pear_51536 🇪🇬

منذ 5 أشهر

شعور مكتئب

موضوع:

حد عنده تجربة مع التعلق المرضي او ادمان شخص؟

بابا متوفي و من ساعتها و نفسي حد يعوضني عن احساس حنان الاب حاسه دايما اني لوحدي و كل لما اتعرف على حد مينوبنيش غير وجع القلب اخر حد عرفته قولت بس خلاص هو ده حبيب عمري عرفنا بعض اربع شهور تقريبا مده مش كفايه اني اعرفه بس كنت بصدق كل حاجه زي الهبله اي جمله بيقولها كنت بصدقه فيهااا حرفيااا طلع كداااب ب

التجربة أفضل عبر التطبيق

حمّل تطبيق توهيل على هاتفك لتجربة أسرع