متلغبطة

Grape_76034 🇪🇬

منذ 3 أسابيع

شعور مكسور القلب

انا كنت مرتبط بي واحده كدا وجينا من فتره سبنا بعض انا جيت عليها اووي علشان ساعتها كنت مش بحبها بصراحه هيا البنت محترمه وكل حاجه وكويسه كمان انا جيت بعد ما سبنا بعض اكتشفت ان انا بحبها اهه مش تستغرب انا اكتشفت علشان انا مشاعري كانت متلغبطه وكان معايا حوارات كتير المهم انا حولت معاها كتير اووي وبدال م

Tofu_73618 🇪🇬

منذ شهر واحد

شعور قلق

انا عندي 25 سنة متزوجة من سنتين وعندي طفله عندها سنه و بشتغل من ساعه ما اتخرجت من الجامعة مبقتش قادرة اوازن بين البيت والشغل والطفلة و عايزه اقعد من الشغل لكني خايفه اندم ووالدي توفي وانا كنت متعلقه بيه جدا وقولت مش هقعد عشان مسيبش نفسي للمشاعر السلبية لكن بقيت عصبية جدا و مش قادره اعمل اي حاجه و

Toast_69507 🇪🇬

منذ شهرين

شعور محبط

Watermelon_22092 🇪🇬 فاهماكي اوي بجد عشان نفس الحوار ..بس حاولي تفكري في نفسك اول حاجه وانسي اي حاجه فاتت وحطي هدفك انك تتفوقي في الكليه ال انتِ فيها وتشتغلي بعدها وتكوني انسانه ناجحه ومستقله ..وحاولي متخطلتيش بمامتك كتير لو كلامها او افعالها دايما جارحه ..وعادي متزعليش نفسك الصحاب بتروح وتيجي وياما هنتحط في مواقف زي دي ..بس لازم تحاولي تشيلي الرهاب الاجتماعي من عندك وتتعرفي على ناس كتير في الاول هيكون صعب اكييدد بس بع

عرض الكل 7 نصيحة

عبّر عن شعورك بشكل مجهول

انا بابايا متسلط عايز انى اعمل اللى هو عاوزة مش مهم انا عاوزة 
طول عمرى من وانا صغيرة متحكم فيا زيادة عن اللزوم ومبخرجش من البيت حتى طفولتى ملعبتش ما اصحاب متعرفتش على الناس والدنيا واول ما طلعت من البيت فى الكلية وقابلت ناس بقيت متلغبطة مش عارفه اتاقلم وحياتى اتقلبت حتى صحبتى اللى طلعت بيها من تجربتى لما لقتنى مش زى ما انا سابتنى وراحة مشيت ما اصحاب كانوا بس زميلانا قبل كدا بس مش درجة تقاربنا انا وهى من بعد بمجرد انهم يخرجوا ويتكلموا ويتفسحوا هى لو كانت قالتلى تعالى نعمل كدا كنا هعمل انا وهى بس هى اختارتهم 
ودا كله لانى دايما بفضل ساكتة حسيت انى عندى توحد 
بس كان السبب الريئسى بابا مش عارفه اتعامل مع الناس لحد دلوقتى ومتلغبطة جداا وبفضل قاعدة ساكتة وفى الاخر هو مش عاجبه حالى ما انا حالى ده وصل بسببه 
انا مش عارفه اعمل بنام كل يوم معيطة لانى محدش فاهمنى ولا حاسس بيا ومريت بتجربة الثانوية ومن النوع اللى اتظلم فيها بس موقفوش جنبى وبقيت اول سنة كلية دى بحاول انى اعافى نفسى باى حاجه كنت ببقا شاغله نفسى بالتليفون علشان مفكرش 
تانى سنة فنفس يوم النتيجة حصلتلى تروما وقعدت عيط كل اللى قاله ليا انا مش ناقص وجع ومش كل مرة هتعملى الموال ده 
انا جالى بعدها وسواس قهرى وبقيت بقعد مع نفسى كتير وكانوا بيحوا عليا محملنى مسؤلية البيت كله ومامتى لو معملتش الحاجه اللى هى عاوزاها بتضربنى 
مبقتش طبيعية بدا كله وما زالت بردوا مبختلطش بناس بصحابى قرابى الا القليل ومدة قصيرة وارجع وحيدة تانى فى اوضتى والسنادى شيلت مواد بسبب حالتى النفسية دى 
مش عارفه اعمل ايه جوايا مشاعر كتيرة اوى متلغبطة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_47841 🇪🇬

منذ 3 أشهر

شعور متعب

عارفين شعور الصراعات الداخلية ؟ اول مرا يوجعني الاحساس ده كدا زي الفتره دي ولا انا عارفه واثقه في نفسي ولا لا ولا انا عارفه بحب نفسي ولا بكرها ولا انا عارفه شكلي حول وجميل ولا وحش كل مشاعري جوايا متلغبطه زمان واحنا صغيرين في المدرسه كانو دايما الولاد بيحبو كل صحابي الا انا وكانو بيروحو ويعجبو بصح

عبّر عن شعورك بشكل مجهول

عارفين شعور الصراعات الداخلية ؟

اول مرا يوجعني الاحساس ده كدا زي الفتره دي ولا انا عارفه واثقه في نفسي ولا لا ولا انا عارفه بحب نفسي ولا بكرها ولا انا عارفه شكلي حول وجميل ولا وحش كل مشاعري جوايا متلغبطه زمان واحنا صغيرين في المدرسه كانو دايما الولاد بيحبو كل صحابي الا انا وكانو بيروحو ويعجبو بصحابي الي معايا وانا لاا وكنا اطفااالل جدا يعني بس كان في الحاجات دي يعني كتير وكان في ولد كنت معجبه بيه بس هبل اوي يعني كان بيحب صاحبتي ولما كبرنا شويه كل الولاد الي معانا بيحبو صحابي وبيحاولو يكلموهم ويمشو وراهم ويتعرفوو عليهم معادا انا دايما لو انا ماشيه مع صحابي نظرات الولاد بتكون على كل الي معايا معادا عليا وده والله مش معناه اني عاوزة حد يبص عليا ولا حد يكلمني لأن اقسم بالله ده مبدأ مرفوض بالنسبالي تماما وعمرها ما حصلت ولا ليا في الحاجات دي بس عارفين شعور انوو ليه مفيش حد حاول عشاني زي ما بيحاول عشان البنات صحابي دول ومن واحنا صغيرين والولد الي حبيتو في حياتي الي هو اخو صاحبتي عمرو ما هيفكر يبصلي عشان صاحبتي قالتلي اني مش ذوقو غير كده انا زي اختوو بالظبط 
بشوف فيديوهات على التيك توك بنات بتقول نفس الحوار ده والكومنت كلها بتقول أن الولاد بيشوفو البنت دي اجمل وأغلي منهم كلهم عشان كده بيخافو أنهم يكلموها أو بيبعدو عنها من كتر ما هي جميله بس انا مش مقتنعه بده ومش عارفه اقتنع بيه مش شايفه أن جمالي اوفر للدرجه دي ومش ذلك انا مش وحشه ابدااا 
بس حتي البنات الي هي مثلا جمالها مش كبير اوي برضو بتتحب وبيتحاول عشانها فكره اني مشوفتش اي حد في حياتي حاول عشاني سواء ولاد أو بنات متأثرة فيا برغم اني محبوبه جداا في عيلتي وبيحبوني كلهم بقعد كتير اوي افكر وادعي واقول يارب ارزقني باللي يعوضني عن كل حاجة وحشه وعن كل احساس واللي يحسسني اني اجمل حد في الدنياااااا من غير ما اعمل اي حاجة ومن غير ما ادي مقابل دايما بشوف ان كل الي في حياتي حبوني عشان الي عملتو معاهم فاهميني 
يعني مثلا اقرب صاحبه ليا اكتر حد بحبو في الدنيااا انا الي حبيتها اوي من ساعت من عرفتها وبقيت اعمل معاها كل حاجة حلوه لحد ما بقيت اغلي حد في حياتها بس برضو حاسه اني بقيت عندها كده عشان الي بعملو معاها من كلام حلو وأفعال وخلفيات صورها الي على موبايلي حتي لما حطتت صورتي خلفيه عندها كانت بعد ما أنا حطيت صورتها عندي فا بحس انو حصل ده زي رد واجب فاهمين قصدي ؟ ولما حطتت اسمي في البايو بعد ما أنا قولتلها وكان بقالي فتره كبيرههه جدا حاطه اسمها في البايو عمتا انا الي بدي دايما اكتر وانا الي بحاول وببادر وكل حاجة لدرجه ان الموضوع اثر عليا وبقي من اكتر التقط الي بتوجعني اني مش شايفه حد بيبذل مجهود عشان افضل معاه حتي صحابي الي كنت بانيه عليهم حياتي بعدنا عن بعض بكل سهوله وفرطو فيا بكل سهوله ومشيو من المدرسه وبعدها بعدو تدريجيا وانا حاسه اني مكنتش تستاهل منهم ده 💔 اي حد اعرفو دايما بدي ليه حب مش طبيعي وبديلو عيوني ونفسي الاقي حد بيعمل عشاني زي ما بعمل مع الناس الموضوع ده من اكتر النقط الي بتوجعني وتقهرني وعمري ما كلمت فيها اي حد حتي اقرب صاحبه لياا 💔
بقعد اتخيل في سيناريوهات حلوة وان في شخص هيجي حياتي هيعمل كل حاجة حلوه ليا في الدنيا وحاجات كدا لدرجه اني بفكر اتخانق مع اقرب صاحبه ليا عشان اشوفها هتحاول معايا ولا لا نفسي اجرب شعور زي ده 💔 
انا اكتر شخص حنون شوفتو في حياتي وعمري ما قابلت حد حنين عليا زي ما أنا حنينه على الناس يمكن لاني مجربتش الشعور ده اوي أو أن حد يبقى حنين عليا جدا ودايما بيبوس ويحضن فيا فا بالنسبالي نفسي اشوف حد زي ما بيقولوا كده يموت نفسو عشاني ده غير أن شخصيتي ضعيفه جدا ومهزوزة اقل حاجة بتأثر عليا وفيا ومش بعرف اخد اي قرار لوحدي ولا اعتممد على نفسي ولازم دايما اخد رأي كل الي حواليا ومش بثق قي رأي نفسي ومش بعرف اعمل حاجة غير لما بقول لصاحبتي دي أنا حرفيا مبقاش في غيرها في حياتي ولا اعرف أو اكلم غيرها وعارفه أن ده غلط بس فعلا مش بعرف اخد قرار من غيرها ولا اي حاجة خالص
جوايا كميه قهرة وحزن محدش حاسس بيها ولا عمر حد حس بيا أو لاحظ اني مضايقه حتي مامتي وبابايا 💔 
انا كتبت بس لاني محتاجه احكي لاي حد حرفيا بقالس اكتر من ساعتين بعيط 💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_46053 🇪🇬

منذ 9 أشهر

شعور وحيد

عبّر عن شعورك بشكل مجهول

معنديش مشكلة محددة 
بس دائماً حاسة إني تايهة . معرفش بحب أهلي ولا لا . معرفش بحب نفسي أنا و لا لا . حتى طفولتي اللي مش بقول عليها وحشة قوي مش فاكرة منها تفاصيل كثير من كثر ما كنت بتعرض فيها لتنمر من أهلى و من صحابي 
بس اللي حاسة بيه دلوقتي هو عدم الإستحقاقية 
دائماً حاسة إني مش كفاية و مستحقش و حتى لما بقيت بسمع كلام حلو من أهلي جوايا بضحك إنه أكيد بيجاملوني علشان ميحسسونيش إني بشعة
أيوة بحس إني بشعة و بحس إن شكلي وحش و جسمي وحش و شخصيتي وحشة و كل حاجة فيا وحشة و إني عمري ما هحقق أي حاجة في حياتي و إني هبقى زيي زي أي حد و مش هسيب أثر في أي حد و إني مش مهمة عند أي حد لدرجة إني أحياناً بفكر و أنا قدام المراية هل أنا ممكن حد يقبل بيا فعلاً و يحبني و أنا شكلي كدة .مع إن بشهادة كل اللي حواليا ملامحي حلوة بس دائماً حاسة إني مش كفاية و إني حتى لو جرالي حاجة محدش هيكون مهتم لإني بإختصار مش مهمة عند حد و زيي زي أي حد عدى في حياتهم و إني لو حتى أنسحبت بهدوء محدش هيأخذ باله و كل ما أتقبل نفسي أرجع ثاني لنقطة الصفر و لما قولت لماما عاوزة أروح لدكتور نفسي مهاجمتنيش لإن هي أصلاً دارسة في الحاجات دي بس مهتمتش ولا دورت ولا أخذت كلامي بمحمل الجد لإن هي شايفة إن أخواتك أتربوا نفس التربية و محصلهمش حاجة و بجد شعور مؤذي قوي و مشاعري طول الوقت متلغبطة ة مبعرفش أعبر عنها و بقيت حتى مبعرفش أعيط من كثر ما أنا بيتقال عليا حساسة و بقيت عدوانية جداً في طريقتي و بجد شعور مؤلم قوي إنك تكون أنت نفسك مش فاهم أنت عاوز إيه 
عارفة إن كلامي متلغبطة وبس بجد دماغي مش مبطلة تقولي كلام سلبي  بحس دائماًإن عدوي الوحيد هو أنا و أني دائماً ضدي و بقول لنفسي كلام يوجعني طول الوقت 
آسفة إني طولت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Mango_25966 🇪🇬

منذ 11 شهرًا

شعور مرتبك

محتارة اوي اعمل ايه فى حياتى من ساعة ما اتخرجت و انا تايهة كل اما اركز فى مجال و فى حاجه معينه اتشتت بحاجه تانيه ربنا يوجهني ليها مجالى ديكور بس اشتغلت فى التدريس و حاليا فى شركة فى مجال الببزنيس عموما بس حاسه اني عايزة ارجع مجالى تاني بس فى نفس الوقت مستخسرة التعب و مجهود السنتين فى البيزنيس و اللى

Strawberry_16660 🇪🇬

منذ سنة واحدة

شعور Bad 😞

بخاف جدا من لحظه ان خلاص يومي خلص وخلاص الدوشه اللي حوليا خلصت وفي اللحظه دي بتبدا الدوشه اللي جوايا. كل مره بيتكرر نفس السؤال في دماغي هوه انا استاهل كل دا يارب؟ لو فيه حد لازم اعتذر منه ف هوه نفسي ولجسمي اللي ميستاهلش التعذيب دا ولمعدتي اللي علطول متوتره ولدماغي اللي مش راضيه تهدي عليا وعلي التف

Apple_12979

منذ سنة واحدة

شعور Not great 😕

هو ليه العبادات بقت تقيله عليا كده من جوايا نفسي بجد التزم بجد مش شكليات في ناس كتيره واخده صوره عني اني البنت الملتزمه اللي مبتغلطش بس عشان لبسي واسع وبنصح صحابي دايما مع اني بالله مقصره ومقصره اوي كمان بقيت اقطع في صلاتي وقيامي والاذكار معتش بقراها زي الاول حتي الدعاء لقيت فيه انا بجد زهقت من نفسي

Strawberry_76847 🇪🇬

ليه دايما بحس إني قليلة ومش مستحقة؟

أنا مش عارفة ليه دايمًا حاسة إني قليلة... بحس إني مش زي غيري، بحس إني مش بستحق حاجة حلوة. يمكن عشان في حاجة قديمة عملتها ومحدش عرفها غيري، بس أنا عمري ما نسيتها. كل مرة أحاول أفرح أو أفتخر بنفسي، الصوت اللي جوايا بيقولي: انتي نسيتي؟ نسيتي عملتي إيه؟ بصراحة بقيت دايمًا حاسة إني أقل من البنات اللي في سني، وهما بيتكلموا عن نفسهم بثقة كأنهم عمرهم ما غلطوا. اللي بيستفزني أكتر إن في منهم بيقعدوا يقولوا: "أنا المفروض كنت أبقى أحسن من كده" أو "أنا أستاهل أحسن بكتير"، وأنا أقعد ساعتها ساكتة مش عارفة ده الصح ولا الغلط. نفسي بس أهرب من الإحساس ده… نفسي أسكت صوت الذنب اللي مش سايبني أعيش ...عرض المزيد

5 الدعم

37 نصيحة

Apple_74635 🇪🇬

تعبانه ومخنوقه ومش عارفة أتكلم مع حد

صباح الخير عليكم جميعا انا صاحية مرهقة و تعبانة و مخنوقة او مش هقول صاحية لان عندي ارق و يادوب نمت ساعة ولا اتنين كل دا طبعا من كتر التفكير و الخنقة و الهم الي انا فيه مش قادرة احكي لحد خالص عن الي جوايا وفي تصرفات كتير غلط بحاول ابطلها بس مش عارفة بحاول على قد م اقدر اساعد نفسي بس اوقات مبينفعش و بحس نفسي بفقد الامل و فجأة بلاقي نفسي بدور على حاجات انا عنري مكنت متخيلة اني فيوم هعملها حتى اهلي مش قادرة احكيلهم مفيش حد يسمع مني و حتى لو هيسمعوا مني الي حصلي مش هينفع احكيه لحد و حاسة اني شايلة هم كبير اوي و عاوزة اطلع كل دا من جوايا بس مش قادرة ...عرض المزيد

5 الدعم

33 نصيحة

Pineapple_77988 🇪🇬

متجوزة من 14 سنة وحاسة إني عايشة مع جد

متجوزة بقالي ١٤ سنة مش عن حب ولا صالونات .. هو أكبر مني ب٧ سنين للأسف من اول اسبوع جواز وانا حسيت إن فرق السن كبير عكس ايام الخطوبة كان محسسني إنه الواد التت الفت بعد الجواز حسيت اني متحوزة راجل كبير انا مش مجنونة في تصرفاتي بس بحب الخروج السفر المغامرات فرفوشة بحب انكش ف اللي قاعد معايا ف الرايحة والجاية هو عكسي تماماً هادي ولما ااعملاي حاجة يحسسني اني مجنونة الحقيقة بطلت اعمل حاجات كتير كنت بعملها لمحتله كذا مرة نفسي اعمل حاجة جديدة هو روتيني فوق الوصف بيتوتي درجة أولى .. مطلبتش حاجة فوق المقدرة خالص بس خلاص تأقلمت بس بقاله ٤ سنين كده بقيت حاسة حرفياً اني عايشة مع واحد عنده ٧٠ سنة شايل الهم عالطول ودائما مكشر زعيق ف الولاد ليل نهار عارفة أن الضغوطات والمسؤوليات ع عيني وراسي بس مش عالطول مش طول الوقت مش بشوفه بيضحك لو ضحك تبقى الضحكة قالبة بايموشن قرفان تعبت اوي غير حاجات كتير مستحملاها وبتغاضى عنها لكن الحاجة دي مأثرة نفسياً عليا وع ولادي مابقوش يحبوا قعدته بس لو غاب شوية يفضلوا يسألوا عليه .. عايزة اتكلم ف حاجات كتير ومش عارفة اقول ايه ولا ايه بس دي اكتر حاجة تعباني ...عرض المزيد

5 الدعم

32 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع