متضايقه

Mango_22117 🇪🇬

منذ 3 أيام

شعور مستنزف

مضغوطه و متضايقه اني بفشل للمره الخامسه . و زعلانه كمان علشان ضربت نفسي جامد مش متخيله اني وصلت للمرحله دي من الزعل و الاحباط شعور وحش اووووي . المهم ممكن تدعولي كتير . مش عارفه اعبر عن حاجه ولا عارفه اساعد نفسي ازاي

Lemon_33155 🇪🇬

منذ شهر واحد

شعور متوتر

انا بقيت حسه علي طول اني متضايقه و في حاجه كبيره مضايقاني و كل الي حوليا ملاحظ و بيقولولي مالك بس انا نفسي معرفش و بقي يومي علي طول مقلوب و بحاول اهتم بنفسي و مفيش فايده و مفيش حاجه بعملها غير اني قاعده علي التلفون و ماما علي طول بتزعقلي بسبب كده و انا معنديش غيرو و انا علي طول بفكر كتير كل بس م اغم

Chilli_61090 🇪🇬 انتى حلوة وجميلة ومفيش حاجة تقدر تقف قدامك دا مجرد مطبات ف حياتك وهتعدى خليكى بس فاكرة انك أقوى واحسن من اى حد

عرض الكل 5 نصيحة

Lemon_33155 🇪🇬

منذ شهرين

شعور مستنزف

انا اكتشفت أن انا اتعرضت ل صدمه نفسيه بسبب موقف كبير اوي حصلي و كل محاول افتكر أو ييجي علي بالي افتكر تشاش أو مكنش فكره كويس مع انو موقف ميتنسيش و اليوم التاني من الموقف ده انا فكره اني كنت متضايقه بسس مش فكره لي بس دلوقتي فكره بس مش اوي لما بفتكر لكني شاييفه شاشه فيها الي بيحصل بس عماله تقطع و تقفل

Hazelnut_52786 🇪🇬 • دي مش حاجة غريبة ولا ضعف، دي رد فعل طبيعي للوجع الكبير، وجسمك وعقلك بيحاولوا يحموكي. • ضروري تتكلمي مع معالج نفسي يساعدك تفكي المشهد بهدوء وأمان من غير ما تتأذي. • لو افتكرتي حاجة بسيطة، ماتكسريش على نفسك، خدي وقتك، وكل حته هترجع لوحدها وقت ما تكوني جاهزة

عرض الكل 8 نصيحة

French Fries_16237 🇪🇬

منذ 5 أشهر

شعور مرتبك

بجد متضايقه أنا الشخص الي بجد ساعدته و وقف جمبه ف كل حاجه ظبطله دراسته و شغله و حياته و علاقته بمامته عشان لما نخلص دراستنا يتقدملي رسمي بعد من غير اي اسباب و بقا بيتعمد يسببلي مضايقات معرفش ليه مع اني مش باجي جمبه حرفيا

Watermelon_51723 🇸🇦

منذ 7 أشهر

شعور مكسور القلب

متضايقه من جسمي بشكللل اخر مره قست وزني كان ٦٨ وانا طولي ١٤٥ ف الشكل مره سيء كلام ماما يضايقني خاصة انها تذكرني بنفسي يوم كنت نحيفه و تقعد تجيب الموضوع بضحكه لسه جربت الصيام المتقطع من 5 ايام و خايفه اني م التزم كالعادة و ببدا ناظي بعد كم يوم و خايفه اني اخرب و م التزم والله تعبت مره 💔

Donut_51706 🇪🇬 حبيبتى كل حاجه محتاجه صبر لازم تصبري ومتعمليش دايت من نفسك عشان صحتك اهم من جسمك وانا بقولهالك عن تجربه تولع كل حاجه قصاد نفسيتك وصحتك روحى قولى لمامتك انا فعلا محتاجه اخس متعرفيش دكتور تغذيه واظن انها هتوافقك جدا لو مردتش كلى عادى زى مبتاكلى بس قللى الكميه وخلى عندك صبر ومتسمعيش كلام حد انت كدا كدا حلوة ف جميع حالاتك وهتفضلى حلوة حتى لو ٢٠٠ كيلوا سيبك من الكلام مش بيأكل عيش انت حلوة ف الحالتين

عرض الكل 11 نصيحة

Biscuit_31702 🇪🇬

منذ 9 أشهر

شعور محبط

Popcorn_37087 🇪🇬 الصراحه أنتي الي غلطانه بس احمدي واعملي نفسك مشفتهمش وحاولي تكسبي صحاب تانيه

عرض الكل 13 نصيحة

عبّر عن شعورك بشكل مجهول

اقولكو اتفه خناقه كان عندي درس انهارده الساعه ٥ وانا وصحبتي ديما بنتقابل تحت بيتي لأن بيتها ابعد وبيتي اقرب من الدرس وديما بنروح متئخر عشان كدا اتفقنا انهارده ان الساعه ٤ونص بظبط هنبقي في الشارع انا اتصلت عليها ف المعادي بظبط قالتلي خلاص قربت بعدين اتصلت عليا بعديها ب ربع ساعه قالتلي انا تحت بيتك اهو انزلي قفلت معاها ونزلت علي طول فضلت واقفه اكتر من ربع ساعه مستنياها ومجتش برن عليها بتكنسل بعدثن بعتلها مسدج قولتلها انا مشيت قالتلي بتهزري رحت قولتلها انتي فين قالتلي قبليني ب ناصيه رحت قولتلها قابليني علي هناك بقي قصدي الدرس يعني وقولتلها انا هركب قالتلي براحتك امشي بعتلها استيكر هزار يعني بعدين قالتلي انا مشيت قولتلها ماشي وركبت و رحت علي الدرس فعلا مكنتش عافه هتعامل معاها ازي المهم لقيتها داخله ومعاها واحده صحبتنل تانيه كان في مشكله معانا وبطبنا بنتكلم معئن الموضوع مكنش مستاهل المهم بعد ما الدرس خلص هي حتي متصلتش عليا تقولي انتي فين ولا اي حاجه وكمان شافوني في الشارع وانا ماشيه في الشارع لوحدي!ومحدش كلمني بجد انا مضايقه وكنت بعيط ومش عارفه اعمل ايه دلوقتي ولا اتعامل ازي وكمان هشوفها بكرا في درس تاني اعمل ايه واتعامل ازي معاهم الأتنين عشان اكيد هشوفهم مع بعض ولا اصلا اعمل نفسي مشفتهمش ولا ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Almond_29871 🇪🇬

منذ 9 أشهر

شعور قلق

صحبتي كانت تعرف واحد و قطعت علاقتها بيه بأنها عملت له بلوك و كانت بتخليني ادخل على صفحته اشوف اذا منزل حاجه جديده و اقولها بعت لها سكرين باللي في الاكونت قالتلي انت حاطه لايك على البوست قولتلها والله لا و عملت Screen record و وريتها اني معملتش حاجه و اني مقدرش اخد منها حد او اعرفه بس عشان انا بحس ان

Banana_31937 🇪🇬 ابعتيلها لانها تعبانه نفسيًا الفتره دي ومش عارفه تاخد قرار صح وطبيعي انها تغلط كتير ف الوقت ده ف متسيبيهاش وخليكي جمبها

عرض الكل 11 نصيحة

Apple_13881 🇪🇬

منذ سنة واحدة

شعور Not great 😕

امبارح كتبت انها رجعت من عند صاحبتها ورجعت متضايقه والمفروض نخرج النهارده لا كلمتني ولا قالت حاجه وشافت الستوري عادي فده معناه ايه حتى ما قالتش معلش مقدرش النهارده او اي حاجه فده معناه ايه واعمل ايه؟؟ تعديل بس : انا بعمل كل حاجه سواء كلام او غير الكلام

Banana_10719

منذ سنة واحدة

شعور Not great 😕

جماعه عندي مشكله وكنت حابه اخد مساعدتكو فيها .. دلوقتي انا اولي جامعه والميدتيرم بتاعي الاسبوع الجي ولان الكليه بعيده عن المكان ال ساكنه فيه مروحتش غير كام مره يدوب وكسلت اخد سكن ومعرفش حاجه حرفيا ف اي حاجه ف المهم يعني هتعملو فطار اي بكرا (معدتي المسكينه ملهاش علاقه بالمشاكل الخارجيه)..

Nutella_74421 🇪🇬

انا ربنا انعم عليا بحاجات كتير الحمد لله ، منكرش انه كان معايا دايما و كان كريم عليا اكتر مما تخيلت ، بس انا كنت بعيده و مازلت بعيده ، بغلط و عارفه ان كل الناس بتغلط بس انا بغلط نفس الغلط كل مره ، و بغلط حاجات كتير مش و مبعملش حتي حسنات كنت بقعد اقول هتوب لما اكبر و هقرب لما اكبر بس لقيت حواليا ناس اصغر مني و بيموتو فجأه ، انا نفسي اقرب من ربنا ، نفسي ربنا يحبني و يرضي عني و يتوب عليا من كل ذنب بعمله روحت عمره و رجعت قولت هقرب و افضل زي منا بس رجعت زي ما كنت انا الخير اللي عملته في حياتي قليل اوي و خايفه دايما بقول لنفسي طب لو جالك الموت فجأه هتعملي ايه و هتقولي لربنا ايه انا تايهه اوي و عايزه حد ينضحني من الصفر ازاي اقرب لربنا ؟ ...عرض المزيد

0 الدعم

0 نصيحة

Apple_74461 🇪🇬

عايز اتجوز في الجامعة ومش مستعد ماديا.. هل ده استعجال؟

انا لسة طالب في الجامعة و عايز اتجوز قريب مش مستعد ماديا و تصوري عن الاستعداد المادي عالي جدا بشتغل على نفسي لكن كل اللي حوليا شايفين اني مستعجل مش متفهمين اننا في زمن كله فتن غير طبعا اني عايز واحدة اشارك معاها الحلوة و المرة ايه التصور الواقعي للاستعداد المادي و النفسي عشان بسمع عن حالات طلاق كتير في جيلنا و ازاي ادور لما ابقى جاهز كفايا و هل فعلا ده استعجال و طيش مني اني بفكر في كده علما اني فاضلي ٣ سنين جامعة و احتمال سنة او ٣ جيش يعني من ٤ ل ٦ بسبب دراستي فشغلي بطيء شوية هل في حد في القاهرة كويس يقبل يجوز بنته لشاب زيي اصلا ...عرض المزيد

0 الدعم

0 نصيحة

Sugar_33326 🇪🇬

زهقت من مشاكل الحب والضغط عليا من الولد

دلوقتي انا عندي مشكله كنت مرتبطه بواحد سوشيال وبعدين واحد تاني هو اعجب بيا يعني وكده بعد ما انا كنت حصل معايا مشاكل مع الشخص اللي انا كنت بكلمه وكده دخل حياتي بس كان معايا في نفس المحافظه المهم احنا كنا نعرف بعض من قبل كده لان هو كان يعرف واحده صاحبتي وكده وبعدين انا الشخص السوشيال ده حاول ان هو يرجعلي تاني وانا بصراحه ده كان اول حد انا احبه يعني كميه الفرص اللي انا كنت بعملها بجد فظيعه فرجعت اكلمه وانا لسه بكلم التاني المهم يعني عارف وحصل مشكله كبيره وراح كلم الولد ده وبعدين اخد الاكونت وبعد ما اخد الاكونت بقي اي حد يقوله ان البت دي تخصني وحصل لي مشاكل كتيره اوي بسبب كده وبعدين دلوقتي من فتره انا رجعت اكلم الولد السوشيال ده بس بعد ما حصل ما بينا مشاكل انا والولد اللي من نفس محافظتي وبعدين الولد اللي نفسه محافظتي ما سكتش وحاول ان هو يرجع لي تاني وانا رفضت دخلي من عند صاحباتي وخلوهم يقولوا لي ان ازاي انا كده يعني انا بحب اللي عاملني وحش ومش حابه ده اللي بيحبني بجد المهم فرجعت بس ما رجعتش زي الاول طبعا وبعدين هو كلم الولد اللي انا كنت بكلمه بعد ما كلمه بعتله شات كان ما بيني وما بين الولد اللي من محافظتي بعتها للولد السوشيال المهم يعني حصلت مشاكل كتيره وانا عملت للولد السوشيال ده بلوك وقلت خلاص مش هشيله وبعدين جه الولد اللي من محافظتي وحرفيا قالي كلام ما ينفعش يتقال خالص وبعدين رجع برده ان هو يقول ان ما كانش قصده وان انا السبب ان انا عملت كده وبتاع انا مش عايزه ازاي هيفرض عليا الحب خلى صاحبتي يعني هي قريبه مني اوي تقولي ان انتي لازم تكملي وان ده شخص الصح وكله بقي عليا علشانه هو بيحب يعيش الدور وانا مش عارفه اعمل ايه بس انا زهقت من كل ده ...عرض المزيد

0 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع