كلية غير مرغوب فيها

Pineapple_73178 🇪🇬

منذ أسبوع واحد

شعور عاطفي

عبّر عن شعورك بشكل مجهول

انا جايلك من المستقبل برسالة تفائل ومواساة وعايز اطمنك علي مستقبلك
الناس اللي ربنا موفقهاش في الدراسة ودخلت كلية مكنش نفسها فيها واللي انا كنت واحد منهم في يوم من الايام في ثانوية عامة 2018 مريت بتجربة سيئة جدا اجلت مواد غصب عني مكنتش مذاكرة واخدتها في سنتين وفي الاخر جبت مجموع زي الزفت و مدخلتش الكلية اللي انا عايزها دخلت كلية عادية جدا مش عايز اقولك كمان أنها كانت مصدر للتنمر والتريقة المستمرة دا غير فقدان ثقة اهلي فيا اني اقدر اعمل حاجة وفقدان ثقتي بنفسي... بكلمك بعد مرور 7 سنين وانا متخرج من كليتي بتقدير امتياز مع مرتبة الشرف الأول علي دفعتي ومتعين معيد في الكلية ..من شخص محدش مهتم بيه ولا حد مهتم يسمع المعاناة بتاعته وحضوره زي غيابه مش فارق لحد حياتي اتحولت لشخص الكل بيستمتع بحكايته اللي خلاص مبقتش قصة معاناة دي بقت قصة كفاح وفخر اسرته وقدوة لكل شباب المنطقة الصغيرين ومينفعش مناسبة تعدي من غير حضوره ... لو علمتم الغيب لأخترتم الواقع وهتختار تمشي علي اختيارات ربنا ليك...في أي مكان ربنا يحطك فيه انت مطالب بالسعي والاجتهاد سواء شغل أو دارسة أو ظروف صعبة ارضي واحمد ربنا واسعي وربنا هيكرمك وهتفهم مع الايام ليه اتحطيت في المكان دا تحديدا وليه مريت بالظروف الصعبة دي ❤️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_75802 🇪🇬

أنا محتاجه أبويّا وانا مش لواحدي

طريقه يكون عندي بيها اب؟....انا عندي مشكله اني طول الوقت بدور على حد يعيشلي دور الأب ويحسسني أنه زي بابا حتى ف اختياري للناس ال يكونو معايا دا بياثر عليا ....علفكرا بابا موجود بس هو موجود لنفسه وبس ...رغم اني مبقيتش صغيره الا اني فعلااا مفتقده لكل حاجه ممكن اي اب بيعملها لبنته انا ادفع عمري كلو واحس مره واحده بس اني عندي اب واني مش لواحدي وكذلك ام بس انا مفتقده لبابا اكترررر ...لو في اب عاوز يتبني بنت انا موجوده ...عرض المزيد

3 الدعم

27 نصيحة

Sugar_75619 🇪🇬

مش عارفة أقول "لا" من غير ما أحس بالذنب

ساعات بلاقي نفسي بمشي ورا طلبات الناس من غير ما أفكر، وبوافق على حاجات مش عاوزاها علشان ما أحرجش اللي قدامي أو أزعله، حتى لو ده بيكون على حساب نفسي. ولو جيت أقول "لا" في مرة، بحس إني أنانية أو مقصرة. المشكلة إني مش عارفة إمتى يكون من حقي أقول "لا" من غير ما أحس بالذنب؟ وهل في طريقة أقدر أوازن بيها بين إني أرضي اللي قدامي وفي نفس الوقت ما أظلمش نفسي؟ ...عرض المزيد

6 الدعم

23 نصيحة

Coconut_73870 🇪🇬

طاقتي خلصانه وبجبر نفسي أشتغل عليا ضغوطات

حاسه ان طاقتي خلصانه ومش قادره اشتغل بس بجبر نفسي و بشتغل عشان مضطرة و عليا ضغوطات شغل جامد اوي و مش بتكلم عن ده مع حد بشتغل زي الحمار في ساقية و ده يجيبلي اكتئاب و كل يوم بيزيد عن التاني بس برضو مش بستسلمله وبشتغل بس منهكه اوي و تعبانه اني مش عارفه اعبر عن اللي تاعبني و معنديش طاقة للناس بس مضطرة برضو اتعامل فحاسه اني مش انا طول الوقت ...عرض المزيد

1 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع