كلاينتس هلاوية

Biscuit_64034 🇪🇬

منذ أسبوع واحد

شعور غاضب

عبّر عن شعورك بشكل مجهول

انا بقيت بكرهههه البشر تمااااام 
ماهو مش معقول كمية الناس التوكسيك اللى شوفتهم فى حياتي دول يعني من باب اولى العلم يكتشفهم و تاخدوا منهم عينات تعملوا منها ادوية اكتر من التعا.بين بجد 😂😂
يعني فى الشغل ماشاءالله حدث ولا حرج عن نوعية البشر اللى بشوفهم 
 من مدير متحرش
 لمدير نرجسي بيرمي اخطاءه و اخطاء الناس على بعض عشان يكرههم فى بعض عشان مايحبوش بعض و يبقوا بينجحوا الشغل يا ساتر يارب 😂
لمدير هلاهوطة موصل لصاحب الشغل اني عيلة بدرس عشان يتعامل معايا براحته بقلة زوق و قلة احترام ما انا عيلة بقا و اما اروح اتكلم مع صاحب الشغل و اشتكيه يطلع يجري يدخل له معايا و يبقا قاعد زي الفار المبلول و انا بتكلم 😂

ولا المدير المحشش اللى مش عاوز يعرفني الشغل كامل عشان يعرف يسرق صاحب الشغل و انا لو عرفت تفاصيل الشغل هكشفه

و نيجي بقا للناس اللى شغالين سوا المفروض

نلاقى واحدة جايباني اشتغل معاها عشان اشقط لها عريس و اما اقول انا ماليش فى الجو ده تقلب الكل عليا اني عايزاه لنفسي و هو لا قيمة له حاجة معفنة اقسم بالله مايتبصلوش من الاساس

و اللى تعمل فيها صاحبتي و هى بتخوض في اعراض البنات و اكيد قالت عني ما لذ و طاب برضو 
 و اللى عاوزني اعلمه كل حاجة اتعلمتها فى كورسات و ياخد مني ماتريال و اما اقوله انه صعب انا اصلا حد عشوائي و مش بجمع ماتريال متنظمة ياخد منى موقف رغم اني مساعداه فى مليون حاجة تانيه بس لا ازاااااي انا كدة بقيت شخص شرير 😂 
و اللى عايشة تشيل بلاوي المدير من عك فى الشغل عشان بس يفضل مفضلها عن كل الموجودين و يسقف لها زي البطريق الاهبل 😂 بس فى الواقع هو مابيعملش ده بالعكس هو بيهينها زيادة و بيقول عليها للكل انها متخلفة و فاشلة

عبث بجد عبث و كل ما حد يشوفني يقولى سبتي الشغل ليه ده الشغل احسن ؟  منين بجد منين هما دول عالم اعرف اقعد وسطهم اصلا و انا متطمنة !!

اسيب كل ده و اقول اشتغل شغل خاص الاقى اعفن ناس 
مش عاوزين يدفعوا فلوس الحاجة اللى عاوزينها و انا شغلى اصلا هاند ميد فطبيعي يكون غالب عشان معمول مخصوص( بالوان من اختيارك بصورك او صور حد هتديهاله هدية بجمل انت مختارها .. إلخ)
فاللى هو نعم يعني الحاجة بتتعمل لجنابك مخصوص و مش عاوز تدفع و مسمي نفسك كلاينت انت كدة مش كلاينت انت كدة عيلة هلهولة 😂
يعني جت لى عيلة فى ثانوي طالبة بوكس صور للبوى فرند و تقولى هاستلم مع ماما ماتفتحيهوش قدامها و تشلني لحد ما تسلم اصلا 🌚

لحد ما قفلت الشغل و مابقتش بطيق ان حد من معارفي يطلب حاجة منه و بعملها و انا اقسم بالله نفسيتى زفت بعد ما كان شغلى ده الحاجة اللطيفة الكيوت اللى بتهون عليا 🥲🥲
مش عاوزة ادفايس انا عاوزة دعااااا او حد يعملى عمرة 😂😂
#هرتلةـفارغة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_71020 🇪🇬

أسئلة صعبة بنسألها لنفسي عن حب الناس ليا

الوضع صعب اسئلة كتير هل انا شخص كويس ؟ هل الناس شايفاني شخص كويس ؟ هو انا اتحب ؟ الناس بتحبني ؟ طب الناس بتحبني فعلا ولا علشان مصلحه ؟ يعني من قدامي بيحبوني ومن ورايا يشتمو فيا ؟ ي تري هي شايفاني ازاي ؟ هي ممكن تكون شايفاني شخص كويس ؟ هو انا بالنسبالها اي ؟ هي ممكن تحبني ؟ هو انا فعلا كويس ؟ شايفاني شخص كويس ولا وحش ؟ هو انا فعلا بحبها ؟ هو انا بعمل حاجه صح ؟ تشتتتتتت ...عرض المزيد

1 الدعم

1 نصيحة

Cherry_73927 🇪🇬

وصلت لمرحلة اللامبالاة ومبقتش فارق معايا حاجة

انا وصلت لمرحلة من اللامبالاة غريبة كل حاجه بالنسبة لى بقت عادية زي مايكون دماغي وقفت عن التفكير حتى لما يحصلي مشاكل و يكون جوايا زعل مبقتش بعرف اطلعه او اعبر ولا حتى فارق معايا اخسر اللي حواليا مهما كانت درجة الصلة بيني ويبنهم زي ما يكون فقدت الشعور 😂 ...عرض المزيد

0 الدعم

6 نصيحة

Cheese_73731 🇪🇬

خليك مشهور وسط اللي قريب منك وتجاهل السوشيال

عاوز تخصر حاجه حلوه بتحبها صورها ونزلها سوشيل وافرح بيها السوشيل بوضوح عباره عن انك بتنزل ما يخصك لاكن وانت اعمى عن ردود فعل الناس احظر من لا تراه وحياتك دي خاصه بيك واتعلم تبقا مشهور وسط ما قريب منك وليس مابعيد عنك وتجهله ...عرض المزيد

1 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع