كلام من ورا الضهر

Coconut_14996 🇪🇬

منذ سنة واحدة

شعور منزعج

عبّر عن شعورك بشكل مجهول

هو أنا عايز أعرف الناس الغير سويه اللي ربنا وحده اللي كشفها قدامي وظهرلي بالمواقف والأدله إنهم عالم مريضه نفسيا وفيهم كتير جدا من صفات النرجسيه ( لدرجه إني إتعلمت يعني ايه نرجسيه عملي علي إيديهم 🙃 ) وطبعا بدأت أتأكد بعد وقت طوييييل جدا علشان مكونش بظلم حد والحمد لله إني لحقت نفسي وقطعت معاهم .. العادي بقي مع الناس دي إنهم يطلعوني أنا اللي توكسيك وإنهم يا عيني ضحيه ويقضوها كلام عليا من ورا ضهري ويحاولوا بكل الطرق تشويه صورتي قدام اللي يعرفني واللي مايعرفنيش ؟! 
واللي يعصب أكتر إني مرضتش أجيب سيرتهم قدام حد وقلت في نفسي الحمد لله علي كده بس واضح انه 
المؤذي بيفضل مؤذي حتي لو غورت من وشهم.
وصلت لإني شيلتهم من علي السوشيال ميديا وبعد شهور للأسف ( لاني كنت فاكر ان الموضوع هيخلص ويتقفل علي كده )علشان أشيل من قدامي كم التلقيح اللي مابيخلصش بس للأسف واضح اني مِشعوطهم زياده والموضوع مبيخلصش.
بجد الموضوع مدايقني وحارقلي دمي وبقالي شهور بحاول أتعافي من الشخصيه المؤذيه دي بس الموضوع صعب وربنا ما يكتبها علي حد .
دايما بحاول أشغل نفسي ومسبش وقت فاضي بس الموضوع غصب عني سايب غُصّه في نفسي مش عايزه تروح أو بتروح بالبطئ أوي لاني للأسف من النوع اللي دايما بيفتكر الأحداث ومش بينسي بسرعه وبلوم نفسي إني دخلتهم حياتي ع الرغم من العلامات اللي كنت بشوفها وكنت بكدب نفسي.

مش عارف المفروض أعمل إيه علشان أطلع برا الثقب الأسود ده ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_73191 🇪🇬

دعاء لحبيبي محمود ابن عفاف في العملية الجراحية

السلام عليكم ورحمة الله وبركاته بالله عليكم النهارده وبكرا كل اللي يفتكر يدعي لحبيب عيني وروحي محمود ابن عفاف ربنا ييسرله العملية بتاعته ويطمن قلبي عليه ويحفظه ويحميه من اي سوء ويخرج سالم غانم ويرجعه لياه ولأمه وأهله بخير وميوجعش قلبي عليه ابدا يارب يارب يارب لا أراكم الله سوء في حبيب وعزيز عليكم ابدا يارب يارب ...عرض المزيد

0 الدعم

0 نصيحة

Apple_74425 🇪🇬

عايز اشتغل من النت كتابة أوراق واقبض بفودافون كاش

أنا نفسي اشتغل من النت تبع مثلا شركة كتابة علي الوورداكتب ملفات وأوراق علي الوورد وابعت الشغل على صفحة الشركة والقبض من النت عن طريق فودافون كاش يعني يبعتلي مرتبي علي فودافون كاش وكمان الشغل يكون محترم وجاد مش نصب ...عرض المزيد

1 الدعم

3 نصيحة

Sugar_74427 🇪🇬

لوحدي ومش عارفة أتكلم عن اللي جوايا

انا حسة اني لوحدي، مفيش حد عارف يفهمني، انا مش شخصية نكدية خالص بالعكس انا لطيفة مع كل الناس ودايما بضحك، بس مش بعرف اتكلم عن اللي جوايا حتي مع اقرب الناس، بخاف اكون حمل علي حد حتي اقرب صحابي، مع اني بسمع الكل وممكن اسمع الي مالا نهاية، بس وقت م باجي اتكلم عن شعور سيئ ملازمني مبعرفش، بتوه الموضوع واقول ان شاء الله خير واهزر، انا فعلا مبعرفش ابين ضعفي لحد، ولو بالفرض بينت بعمل نفسي بعد كدا تمام وانا كنت اوفر اوي ف مشاعري وههه وخلاص. مؤخرا بقت علاقتي بماما فيها تنشنه كتير، وانتقاد كتير لحاجات ليها حق فيها وحاجات لا، بقالي فتره حسة انها مش طايقاني، أمر حبها ليا دا شيئ مفروع منه لاني بنتها ف اكيد مش بتكرهني، بس فكرة انها دايما شايفاني وحشة وغلط وطريقتي واسلوبي وحاجات كتير كده انا مش صغيرة انا عندي ٢٤ سنة. بس مش عارفة اتعامل ازاي، لاني لقيت نفسي بطفي كل فتره عن الاول. حتي اخواتي مفيش بينا العلاقة القوية الحلوة دي، ودا يرجع لانهم صغيرين وانا اكبرهم وفي خناقات عيال كتير بتحصل ف بالتالي علاقتنا قايمة ع المناقرة اكتر من الصداقة. انا متلغبطة ومش عارفة اتكلم عن اي موضوع بالظبط بس ملخص شعوري اني حسة اني لوحدي ...عرض المزيد

1 الدعم

12 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع