كسر نفسي

Strawberry_58375 🇪🇬

منذ شهرين

شعور ضاق ذرعًا

عبّر عن شعورك بشكل مجهول

عاوزه احكي مشكله اتمني حد يسمعني لحد الاخر ويرد عليا واسفه اني طولت جددااا 
احنا دلوقتي 4 بنات انا رقم 3 هقولكوا الدنيا بالنسبه ليا مع كل واحده من اخواتي عشان تعرفوا تحكموا اول واحده دي الكبيره ومتجوزه ومشيت بدري اوي كنت انا لسه صغيره بس الصراحه كانت ام تانيه لينا كلنا طيبه واخلاق وزوق ربنا يخليها لينا ويبارك ليها في عيالها ويخلهوملها هي فعلا معني كلمه سند في الاخوات اه مش قريبين بس لما بيحصل حاجه بتسمع ومريحه المهم 
تدخل علي الصغيره رقم 4 دي بقي انا حاولت بكل الطرق اني اصاحبها حرفيا كل حاجه كنت بجبها او بعملها لنفسي لازم هي معايا حرفيا لو جايبه سندوتش وهموت من الجوع لازم اسبلها لو سافرت واكلت او شربت حاجه هي مشافتها بس بردو لازم اجبلها كل حاجه بقي تيجي في بالكوا وبحاول بكل الطرق اقرب منها واسمعها وانصحها بس هي رفضاني تماما معرفش ليه 
المهم هقولكوا شخصيتي عشان تفهموني انا كنت طفل عندي ADHD وكهربا زياده علي المخ طبعا انا حوار ADHD معرفتوش غير لما روحت لدكتور وهو شخص ومازال موجود عموما يعني المهم طبعا دا ايامي مكنش معروف ولا كدا كان الطفل دا بالنسبه ليهم شقي وقليل الادب وكلام من دا وطبعا انا بنت وبيت كله بنات احنا كنت في بيت عيله وبيت العيله كله بردو بنات المهم كنت بتعرض للعنف اللاسري القاسي جدا لطفله 3 و4 سنين واقل كمان وطبعا دا مش في بيتنا ولا في اوضتنا لا دا كان قدام العيله كلها او في الشارع عادي قدام الناس وللعلم انا بنت بردو تاني وطبعا كميه نظرات وحشه جدا كنت بشوفها طبيعي دا هيخلق جوايا عدم امان لان خلاص انا اتكسرت بقيت شايفه نفسي متعريه قدامي واني مفضوحه قدامهم واني متهانه انا اه كنت طفله بس دا اللي فهمته من احساسي لما كبرت المهم كنت دايما بعمل لنفسي خط دفاع مكنتش بحب حد يقرب مني ولا من حاجاتي مش انانيه بس كنت بخاف ان اي حاجه بحبها تروح حتي لو تيشيرت 
المهم دا طبعا خله اهلي يتوقعوا اني انانيه مع اني لما كبرت شويه بقي عادي جدا جدا جدا كمان  المهم طبعا الكل من رد فعلي الطبيعي لاي كائن حي هيتعرض للعنف ويدافع عن نفسه الكل بقي شايفني جاني مش مجني عليه انا اللي بقيت وحشه وبتعامل وحش واسلوبي وحش وبتاعت مشاكل وكلامي وحش مانا واحده عمر محد قالي انتي حلوه ولا حد طبطب عليا ملحوظه ابويا لما كان بيعمل كدا قدامهم للاسف مكنش حتي بيفكر يطيب خاطري كان الكل بيجبرني اروح اعتذر ليه عشان عصبته او عشان غلطت عمره مفكر مره يقعد معايا ويفهمني اي حاجه وطبعا دا عشان عمري ممريت بيه ان حد يقعد ويتكلم معايا بقي دلوقتي مستحيل اعرف ادخل في اي نقاش وبيجيلي انهيار عصبي وممكن اعيط يغمي عليا اصوت  
المهم عشان كدا الكل شايفني  وحشه محدش فكر يقول البت دي اتظلمت البنت دي انضربت واتكسرت قدام الكل وبردو دي بنت لمعلوماتكوا مكنش اي حد في البيت بينضرب حتي لو ضربه بسيطه كان عقاب باي شئ تاني غير العنف 
المهم اختي بقي رقم 2 دي شخيتها متسلطه عاوزه تكون هي المسيطره وهي اللي كلمتها وماشيه وهي الكبيره وكلام من دا عمرها مفكرت تكون ليا اخت حتي بعد مكبرنا المهم واحنا صغيرين اتعرضت منها لمواقف وحشه كتير اوي اوي اقلهم لما كنت بقع في مشكله زي اي شخص كنت ببقي عاوزه اجري علي اي حد احكيله وافضفض معاه او حاجه حلوه كنت بروح كانت بتحسسني ان انا كافره اعوذ بالله حتي الحاجه الحلوه حقدها كان باين فيها اوي المهم هي بنت جوايا تجاها حوائط سد كتير اوي اوي بقت بالنسبه ليا بعبع بجد مش هزار 
المهم اختي دي انا طبعا مسافره عشان دراستي مش بروح عندهم غير قليل طبعا نزلت في مره هي مش عاجبها الوضع ازاي تكون في كليه زي دي وانا لا ازاي الكل فرحان بيها ازاي هي ماشاء الله ناجحه حقد وغيره وغل تروح تعمل ايه عشان توقع الدنيا تروح تتكلم في شرفي وعرضي ويشهد ربنا علي كل كلمه بقولها انا اقسم بالله مفي كلمه واحده من اللي هي قالتها صدق ولا كلمه طبعا انا الموقف دا جاب اخرته المشكله هي عشان من النوع اللي عارفه تاخد الكل تحت باطها المهم لما راحت قالت لماما واختي الصغيره طبعا الكل صدقها وصدق اني اعمل كدا وانا اقسم بالله العظيم محصل مني ولا كلمه من اللي قلته طبعا كل كلامها بالدليل اللي معايا انها غلط وكذابه طبعا هي عماله تكلمهم وتقولهم عاوزه اصالحها ومش عارفه ايه ومطلعاني انا اللي قلبي اسود ووحشه مش انا اللي اتقال عليا اني *انيه المهم انا قولت زي ماهي جات وقالت اني عملت والكل صدقها تيجي وتقول اني معملتش عشان بردو الكل يصدق اني معملتش حاجه 
ومش عاوزه منها غير كدا 
طبعا احنا بقالنا سنه مش بنتكلم وانا مش قادره اسامحها وصراحه حتي لو جات واعتذرت فات كتير اوي اوي اوي مش هقدر اسامح من قلبي اه ممكن ارجع اتعامل معاها بس مسامحه لا 
طبعا انا ابويا بردو وامي ظلموني كتير وكسروني وحرفيا انا دلوقتي معتش بعرف احط عيني في عين اي حد وشايفه نفسي قليله اوي اوي برغم اني الحمد لله ناجحه جدا بس شايفه نفسي قليله اوي انا مش قادره اسامح ولا ابويا ولا امي برغم انهم اقسم بالله بيعملوا حاجات كتيره اوي كويسه عشان لما كبرت دلوقتي بس مش عارفه احس بطعم اي حاجه حرفيا قلبي بقي جامد من نحيتهم بس والله غصب عني انا والله بيصعبوا عليا ومش بستحمل عليهم الهوا بس انا كسروني انا عايشه كل يوم في عذاب اني مش قادره اسامح 
لو جيتوا قولتولي طب ايه يراضيكي نفسي اوي ابويا يجي قدامهم كلهم زي مكسرني ويقولي انا غلطت في حقها وظلمتها وكسرتها وجيت عليها ومفهمتهاش واني فعلا اثأت تربيتها وكنت غلط وزي مكسرتها قدامكوا جاي ارد كرامته واعتبارها تاني واتمني تسامحني وتقبل اعتذاري اقسم بالله بعدها هجري عليه ابوس رجله واقوله سامحني اني شلت منك طول الوقت دا يرد ليا كرامتي يخليني اعرف ارفع راسي تاني 
انا كل يوم بموت من اللي بيحصل فيا من نفسي انا دلوقتي بسبب الضغط النفسي الحمد لله اللهم لا اعتراض عندي العصب الخامس والسابع والضغط والسكر نفسي 
والقولون العصبي ومعده عصبيه الحمد لله علي كل شئ  انا نفسي حد يرد عليا ويريحني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_53709 🇪🇬

قريبتي بتسرق مننا ومش عارفة أواجهها

واحدة قريبتي كل ما تيجي تزورنا تسرق فلوس من شنطة امي او محفظة اخويا او لبس من اختي مامتي مبترضاش تواجه امها لان بتخاف من رد فعلها و بتقولي سموية هتعايرني بعد كدا بأي سلبية في حياتي و بتسكت مع العلم البنت اصلا مش محتاجة هي مريضة بالسرقة و احنا ظروفنا انيل منهم بمراحل ادوني حل معاها ...عرض المزيد

0 الدعم

1 نصيحة

Grape_72574 🇪🇬

تعبان من علاقة مضطربة ومش عارف أتصرف ازاي

انا عايز اتكلم عشان تعبان و مش عارف اعمل ايه ولا اتصرف ازاي انا اتعرفت على بنت من السوشيال و ارتبطنا ببعض لمدة 6 شهور و ناوي نيه حلال من الأول لحد دلوقتي في الأول كانت هاديه و مش بتاعت مشاكل بعد كده كل يوم كلن لازم حوارات بلازما و من غير لازمه و مع ذالك انا كنت بعتذر و خلاص عشان مش عايزها تنام زعلانه واحده واحده لسانها بيطول و إحنا بنشد زي انت مش راجل و كلام من هذه القبيل و بعد كده تقولي انا بحبك و مليش غيرك ولما بنشد او تعمل حوار لازم اعتذرلها كتير و أقعد اهدي فيها هيا بقى لو انا اضايقت من حاجه بتعتذر مره و شكرا و ساعات تتكبر انها تعتذر و ديمآ تقولي الراجل هو اللي لازم يبادر اقولها لا مفيش الكلام ده اللي غلطان يعتذر دي حاجه متقللش بالعكس دي بترفع من اللي بيعتذر . هيا كانت مرتبطه بحد قبلي و قالتلي على كل حاجه بصراحه جينا في مره و إحنا شادين بتقولي انا عايزه أبعد فتره قلتلها مفيش الكلام ده قالتلي انا متلخبطه و مش عارفه انا بحبك ولا بحب الشخص التاني لسه قلتلها يعني ايه معنى الكلام ده قالتلي مش عارفه لما قابلتها بتقولي انا كنت بستفزك و انا بحبك و مليش غيرك و الكلام ده و كذا مره اقولها قدريني بلاش تقلي مني او تغلطي فيا و لقيتها في مكالمه بتقولي حصلي مشاكل بسبب ان انت بتوصلني فا قولتلها كذا مره في ايه الحصل مش عايزه تقول لقيتها قفلت في وشي السكه اتصلت عليها بتاع مرتين ردت قالتلي انا قلتلك مش عايزه أعرفك تاني ولا اشوفك و كلام كده قفلت في وشها السكه راحت بعتالي مسدج بتقولي. أصل أنا من البداية اللي قبلت بيك و أنت بتقلل مني و مش هرضي ده تاني و أقفل في وشي عادي مش فارقة معايا و أنا المرادي البلاك ليست مش هيتشال. و علي فكرة عيب اوي لما تعيب علي طريقة حد انت بتقل من نفسك قبل ما بتقل مني . انا متريقتش انا كنت بقولها على حاجه بتقولها بطريقه حلوه يعني مش تريقه و لقيت منها رد الفعل ده و ربنا يعلم إن انا بعاملها احسن معامله و بحبها فعلا و مبحبش ازعلها فا انا قررت إن أنا مكلمهاش تاني طبعا هيا عملالي بلوكات من على كل حاجه فا انا صح ولا غلط ولا صح ...عرض المزيد

0 الدعم

1 نصيحة

Tofu_19483 🇪🇬

بحس إني أول واحدة تمشي.. ادعولي بالرحمه

بقيت مؤمنه إن كل الناس الحلوه بتمشي بدري وأنا كمان حاسه إني همشي بدري خالتي الله يرحمها ماتت بالكانسر وكان سنها صغير بس هي أطيب قلب ف أخواتها وأغلبهم أنا كمان من زمان عندي إحساس غريب من وأنا ف إعدادي إن هيجيلي كانسر والله ما أعرف كنت حاسه ازاي بالشكل ده لدرجة إني كنت بعيط كتير وقتها وبقول لماما أنا حاسه إني هيجيلي كانسر وهي تزعقلي وتقولي بطلي عبط ومعرفش ايه وسبحان الله من وقتها لحد ما دخلت الكليه وأنا الإحساس ده ملازمني لحد ما جالي كانسر فعلًا من زمان كمان وأنا حاسه إني هكون أول واحده تمشي ممكن علشان قلبي حنين وميستاهلش قسوة الدنيا دي أنا فعلًا مبقيتش عارفه أعيش قلبي تعبني مكنتش أتمنى يكون عندي قلب حنين بالشكل ده لأني أنا اللي اتأذيت ودفعت التمن ف الآخر مش عارفه امته هموت لكن أتمنى تفتكروني بالدعاء دائمًا سواء كنت بكتب بوستات هنا أو لا متنسوش تدعولي كتير ادعولي بالرحمه لأنها تحوز على الحي والميت فإن كنت حيه ف ربنا يرحمني وإن كنت مت ف ربنا يرحمني برده♥.️ ...عرض المزيد

0 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع