كره مصر

Chilli_28837 🇪🇬

منذ شهر واحد

شعور مرتبك

عبّر عن شعورك بشكل مجهول

سلام عليكم أنا عايز اجابه من حد مجرب الي هقوله ده 
أنا كنت عايش برا مصر وكنت بمجتمع راقي ودوله محترمه من جرانا ماشفتش منهم حاجه غلط او عيبه وماحدش زعلني جيت مصر طبعا كنت بتعامل بمعملة برا لما تعملت كده أنداس عليا حرفيا ضرب وشتيمه والقاب وكل ماتخانق مع حد يجيب لي عشره وكان  كله ضدي حاولت اكون صدقات وصحاب بس بحكم اني كنت بمجتمع عالي وجيت مصر وماعشتش في مكان بنفس المستوى الاول عشت بمستوى قليل ومن الريف مع الفلاحين حسبى الله ونعم الوكيل فيهم اذوني جامد وعملو مواقف وسخه ومن دون سبب يمكن الغلط فيا مش فيهم ولما طلعت رحت دروس بمدينه جمبي لا لقيت قادر اكون صداقات والوضع حلو ولقيت العيال رجعت تضايقني تاني المهم انا ماليش سند لاعم ولا خال ولا أهل غير ربنا فأنا اشتغلت وجبت فلوس وواحد ابن حلال قالي ماتكملش بالفلوس دي مصر لانها مش هتعمل حاجه اطلع برا ودلني على واحد هجره غير شرعيه ودفعت الفلوس واتفقنا وخلاص قدامي اسبوع تقريباً وهسافر على ليبيا  ونقعد شويه ونكمل الرحله أنا مش عارف اخد ايه معايا اخد فلوس أو هدوم أو ايه بالظبط والتعامل مع الناس في المركب أو ليبيا وحتى تركيا هيكون ازاي وهلاقي شغل واقدر اكمل دراسه أنا عايز اكمل دراستي أنا في ثنوي وسافرت في الاجازه عشان الحق اشتغل وأكمل درستي أنا عايز اكملها والله مش عاجبني عيشه الكحرته والعيشه الزفت دي فلو حد يقدر يدلني على شغل أو نصيحه او ازاي اقدم على دراسه في تركيا واخد الاقامه يعني يقدر يساعدني بكلمه يقولي وادعولي بالله عليكم ادعولي أنا كرهت عيشتي في بلدي وامل من ربنا عيشتي بره تكون احسن فدعولي ارجوكم دعوه بظهر الغيب لعلكم اقرب لله مني وماحدش يقولي اقعد في البلد لانه قرار اتاخد وفلوس اندفعت وانتهت لو مت ارحم لي من العيشه المتعبه الي عشتها دي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_73913 🇪🇬

مامته هزقتني وهددتني بالفضيحة في الجامعة

كنت اعرف حد اونلاين كنا صحاب لفتره وحصل مشكله (ملهاش علاقه بيا)لكن مامته كلمتني وقالتلي كلام معناه ابعدي عن ابني بعدها ب6شهور رجع تاني ويتأسف ويعتذر وان ده كان موضوع اتفهم غلط وانا مليش دعوه بالمشكله وكده فضل فتره ورجعنا نتكلم وقريبين تاني وتقريبا اكتر من الاول بكتير فضلنا نتكلم وقت طويل اوي كان يعتبر يومي كله وبردو بعدها بفتره نفس المشكله ولكن اكبر ان مامته كلمتني وقالت كلام بجد مينفعش يتقال وهزقتني وكلمت اهلي وحصلي بسببها مشاكل كتير قاللتلي انتي بتلفي على ابني عشان فلوسه وابوه بردو دخل فالكلام وقال كلام حرفيا بشع وهددني بالجامعه وانه هيفضحني رغم ان كلامنا كله كان عادي وفي حدود الصحاب وقالي ان انا لو اخر واحده فالدنيا هو مش هيجوزهولي الموضوع عشوائي اوي حاسه هو كان بيضحك عليا ومفهمهم كلام عني غلط وكل حاجه كانت غلط كان قالي ان المشكله الاولى دي ملهاش علاقه بيا وان لما رجعنا نتكلم مامته عارفه ان احنا بنتكلم طب منين عارفه ومنين قالتلي الكلام القذر ده عدى سنه تقريبا وكل شويه احس اني رجعت لنقطه الصفر تاني لاني مستاهلش كل ده منه او من غيره ...عرض المزيد

2 الدعم

1 نصيحة

Marshmallow_69067 🇪🇬

ليه الرجالة بقت بخلانة في المشاعر والماديات؟

بقالى فترة بدور ع تعبير نفسي أعبر بيه عن المعاملة الى أحب اتعامل بيها او اى بنت نفسها تتعامل بيها من الإنسان الى ربنا اختارهولها وهى كلمة "الفضل" معناها في اللغة الزيادة عن الحاجة المطلوبة وممكن كلمة الإحسان.. فكرة ان حد يكون عايز يبذل عشانك هو جواه شعور بالمؤلية تجاهك مش مجبور يشيل المسؤلية دي لكن هو حابب يلتزم الإلتزام دا تجاهك انت بالذات في سبيل إنك تفضل موجود.. لما بحاول اعمل كومنت ع الفيس بخصوص موضوع الكرم والبخل في العلاقات سواء في المشاعر او الماديات بلاقي رجالة كتير بتهاجمني فبقرر انى متحشرش تانى ومعلقش ع حاجة تفاديا انى ادخل مع راجل في صدام مع ان والله كلامى بيكون طبيعي جدا..لما مثلا بقزل نرجع الامور للأصل والراجل يقوم بتكاليف بيته وبلاش موضوع القائمة دا ف راجل يرد عليا يقولى انتى عارفة اهل البنت بيطلبوا كام وبيطلبوا ايه .. طيب انت روحت لناس مش قد امكانياتك غير انهم بيطلبوا طلبات صعبة دا مش معناه ان كل الاهالى كدا مدام انت مش قادر دور ع حد في حدود امكانياتك وهتكون مبسوطة بيك جدا لكن انا بشوف رجالة كتير بيكونوا متيسريين وهما ابخل خلق الله ويفاصلوا ف كل حاجة في الجوازة..في إعتقادى ان صميم قوامة الراجل هى الكرم والنزاهة.. البذل شئ جميل ولازم يكون من الطرفين ومش لازم يكون شئ تعجيزي بس تحس ان الشخص الى معاك بيبذل أقصى م عندة تجاهك وهو مبسوط وهو من جواه عايز يجبلك الدنيا ويجبلك احسن حاجة وانتى الى تبقي عايزة توفريله.. لكن انا بشوف ناس متجوز كأنهم اغراب هو بيعامل مراته انها مش قريبته اساسا فميعرفهاش اى حاجة عنه.. قصدي ليه نتجوز ناش مبنثقش فيهم ليه نعيش أغراب في نفس البيت.. ليه كل إنسان ميستناش الإختيار المناسب ليه بدل م يختار حد مش حاسس بالإنتماء ليه فيظلمه مع ان دا مش مبرر بس هى المشاعر الإنسانية معقدة.. لسه في حد بيعبر عن مشاعره بالبذل والكرم لسه فيه حد عنده مشاعر اصلا ...عرض المزيد

0 الدعم

1 نصيحة

Apple_73940 🇪🇬

صاحبتي الغداره اخدت خطيبي من غير ما احس

انا حصل معايا موقف جرحني وكسرني قوي من اعز حد ليا 😭💔 انا كنت بحب واحد معايا في الجامعه كنا بنحب بعض قوي وعشان مش يبعد عني او انا اروح منه يجي علشان يخطبني ونبقى مع بعض رسمي من غير خوف وقدام الناس المهم انا عندي واحده صاحبتي بعد ما اتخطبت له شهرين هي من الغيره والحقد اللي جواها عملت المستحيل عشان تاخده مني وراحت قالت حاجات عني ما حصلتش وصاحبتي دي احنا اصحاب ومع بعض من زمان من واحنا صغيرين يعني يعتبر متربيين مع بعض ودخلنا نفس الجامعه مع بعض وفي الاخر سابني وراح خطبها وانا عرفت الكلام ده بعد ما اتخطبت له بجد انا ما كنتش اتوقع ده منها 💔😭😭𑹅ن ساعتها وانا مخنوقه وتعبانه نفسيا مش قادره اتخطى الموضوع ده ? ...عرض المزيد

1 الدعم

4 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع