كرامة الأطفال

Sugar_49832 🇪🇬

منذ 3 أسابيع

شعور لا مبالٍ

موضوع:

ما هو أكثر شيء تفتقده من طفولتك؟

عبّر عن شعورك بشكل مجهول

«التفهم» 
للاسف اهالى كتير بتتعامل مع اطفالها بنفس عقليتهم الكبيرة، المعقدة، الجد واللى كلها ضغوط 
لا وكمان بيطالبوهم يكبروا عقلهم ويتخطوا حاجات كتير بالنسبالهم صعبة جدا لمجرد انها كدة كدة لما يكبروا هيشوفها تافهه 
.. التعامل مع الطفل لازم يكون بعقليته هو... وفى اوقات معينة بتحتاج انت اللى تصغر وتوصل لابنك، عشان تشوف ضعفه وخوفه.. متستخفش بيه ابدا وتكسره 
... عقل الطفل بيكون كله افكار متفرقة وبعيدة عن بعضها.. عشان كدة خيال الاطفال واسع.. جرب تقعد مع ابنك وتسيبه يحكى، هتلاقيه نفسك بتروووح بعيد اوووى وتكتشف ان ابنك بيخاف من حاجات ملهاش وجود اصلا.. بس محتاجك تطمنه 
خلى ابنك يكبر براحته ويعيش مراحله كلها متدخلوش فى مشاكلك اللى مش هتزوده غير نكد وهم... 
قدّر ابنك حتى لو مش مقتنع بكلامه 
قدّر ابنك حتى لو غلطان.. وفهمه بالراحة 
قدّر ابنك حتى لو قصاد مين واوعى تقلل منه لمجرد انه طفل
تقديرك لولادك هو اللى بيزرع فيهم ثقتهم فى نفسهم وشخصيتهم ويبنيها 
*كرامة ابنك وبنتك انت اللى بتحفظها وتحميها قبل الغريب... مينفعش تكون بتضرب وتشتم وتعلى صوتك على ولادك طول الوقت، ومخليهم محتاجين اهتمام وحنية من اى حد.....ويوم ماحد يضربهم او  تلاقيهم متعلقين بحد بينفذوا كل حاجة يقولها عشان كلمة ولا حضن تتدايق وتقولهم خلى عندكوا كرامة!!؟ حضرتك دفنتها من زمان خلاص 
افهم ابنك  
طمن ابنك 
افهم ابنك 
احضن ابنك 
التربية مش شرط تتورث بنفس قسوتها وسيطرتها... خليك انت بداية دايرة جديدة من حب وتفهم وامان واحتواء 
كل بذرة امان هتزرعها فى ولادك هتترد والله مش هتروح 🍃🌿❤️‍🩹

Cherry_73640 🇰🇼

ليه حياتي اتقلبت وهو عايش عادي؟ تعبانة

من فتره حصلي دروب في حياتي وحش اوي اتعرفت علي شخص خلي حياتي كلها سيئه واكتشفت بعدها اني مدمنه وان عندي بوردر لاين بسبب اني حاولت انتحر بسببه في يوم واحد ٣ مرات بصو انا مش بحب افتكر الموضوع كل شويه بس انا لسه بتعافي كتير اوي اقول طب ليه انا حياتي كلها اتقلبت وهو عايش عادي ليه انا اللي اتحجزت في مصحه وفضلت اتعالج وباخد لحد دلوقت ادويه اكتئاب طب وبعدين انا لحد دلوقت مفيش حد دخل حياتي ومش عارفه ادخل حد حياتي ومفيش اصلا حد مناسب انا ٢٦ سنه بس حاسه اني تعبت ليه ممكن حد ابقي اديته كل حاجه في حياتي يعمل معايا كده وانا حرفيا كنت بضحي بنفسي ونفسيتي علشانه وعلشان ميمشيش ليه يقرر يدبح فيا كدن ويرميني ويعرف اني في المصحه وميسألش فيا حتي انا سعات بتمني اشوفه في مكان افهم ليه وسعات اقول لنفسي عدي اكتر من سنه دلوقت اهو خلاص بقي عدي يابنتي بس فبه كده حجات بتكون عامله زي الحرق بيسيب علامه مهما حطيت عليها ايه مش بتتمحي ف انا مش كويسه تعبانة ...عرض المزيد

0 الدعم

6 نصيحة

Watermelon_65247 🇪🇬

بقالي شهر مبعملش عادة سرية وبزعل ليه؟

السلام عليكم ورحمة الله وبركاته يا جماعة ربنا ابتلاني بالعادة السرية وكنت بعملها كل يوم أو يومين دلوقتي دلوقتي بحاول أبطلها وبقالي شهر عملت العادة فيه مرتين بس لسة حاسس إني وحش ودايما زعلان أعمل ايه ...عرض المزيد

1 الدعم

0 نصيحة

Mango_57877 🇪🇬

محتاجه ثيرابيست بنت مجاني للاكتئاب وعدم الثقه

حد.يعرف ثيرابيست بنت ممكن اتواصل معاها محتاجه اتواصل مع اخصائيه نفسيه وياريت لو طبيبه نفسيه مجاني ياريت عندي اكتئاب عدم ثقتي بنفسي مدياني في داهيه بيبان عليا اوي اني مش واثقه ف نفسي ولا كلامي وعندي مشكله كمان اني بحس ان الناس مش بتحب الناس الطبيعيه اللى بيتكلموا بطبيعتهم التصنع في البنات بذات بقت حاجه عاديه ف غلطان ده يعني انا لهجتي شويه مختلفه اول ما اتكلم بلهجتي بحس الناس بتبصلى بقرف رغم انهم من نفس البيئه عادي لكن هما متصنعين لازم تتصنع وتعمل نفسك ابن صلطح باشا عشان تقدر تتعايش مع المجتمع المقرف ده ...عرض المزيد

0 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع