كحول

Coffee_60632 🇪🇬

منذ شهر واحد

شعور وحيد

عبّر عن شعورك بشكل مجهول

انا هبدء حكايتي من اني اتربيت في بيت كله عدم اهتمام بيا بس كان الاهتمام ديما ب المقارنه ديما بيبصوا علي مين هيطلع احسن مني كان ديما فيه خوف كل ما بحاول اعبر اني ديما بكرهه المقارنه بيحصل اني اسمع كلام زي الزفت كفيل انه يدمر الواحد سنين قدام وده الي حصل كان ديما بيتقالي علي كل حاجه لا كنت معزول في البيت جبر لحد اعداي وبدايه نزولي الشارع في الثانويه بقيت نسخه تانيه من نفسي بحاول ابقي زي نسخه من صحابي الي معرفتش اكونه كنت بقلدهم علشان ابقي واحد منهم مش منبوذ واه صح انا مكنش عندي صحاب وانا صغير لان اهلي كانوا حتي بيتحكموا في ده وانا في الفتره الي كنت فيها في ثانوي عرفت الصح من الغلط وقولت مش هعمل الغلط لحد نتيجه تالته ثانوي جيبت مجموع زي الزفت اتقالي كتير انت فاشل مش من حد غريب ده من اهلي اتجهت للمخدرات للهروب من كل انا عايش فيه لحد ما بقي عندي صحاب كتير وبقيت اشهر في الجامعه من الاربع دفع بسبب اني بجيب مخدرات وبشرب في الجامعه وبعمل كل الي نفسي وبسبي المخدرات مكنتش داري بالواقع لحد ما قررت ابطل وبطلت اول ما بطلت اكتشفت ان كل حواليا كدابين الزفه واصحاب السيجارتين بعد ما كنت صاحب الكل بقيت وحيد وانعزلت لوحدي سنين لحد ما لقيت واحده وخليتني احس باني لسه عايش بس بردو كانت كدبه ودخلت الجيش و جالي اكتئاب جوه بسبب رميتي في الصحرا لحد ما قبل اخلص ب 3 شهور رجعت كلمتني تاني وكسرت قلبي للمره التانيه علي اديها رجعت تاني للمخدرات وساعتها بقيت نسخه اسوء من نفسي بقيت عايش علي المخدرات علي مدار يومي اتسحبت وبقيت مدمن المخدر الي كنت بشربه خلاص مبقاش يجيب نتيجه اتجهت لنوع تاني منها يدل ما كنت في نوع واحد بقيت مدمن كل المخدرات تقريبا اهلي بقيت معاهم قاسي معنديش مشاعر اي كلمه انزل واسيب البيت اتخانق معاهم بسبب وبدون سبب لحد ما فوقت وقولت لازما ارجع عن الي انا فيه بعد ما شوفت اصحابي بيرحوا مصحات و بيموتوا بسبب الي احنا بنشربه يطلت كل حاجه وسيبت نفسي للحشيش والكحول بعد ما كنت برفع كل حاجه حرفيا وكل ما اجاي ابطل بعاني من اعراض اكتئاب شديد اقكار انتحاريه مبقتش بقدر اني ابطل بضحك في وش الناس وبقيت معزول اكتر من الاول كل مشكله مهما كانت بسيطه بقيت بتاثر عليا مش قادر اواجهه اي حاجه طبعا ببين عكس كده الي يشوفني بفضل اضحك واهزر معاه بلبس وش كل يوم الصبح وانا نازل الشغل بقلعه لما بدخل البيت عاوز ابقي احسن ومش عارف ومش عارف هفضل امتي لابس الوش ده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pear_12205 🇪🇬

منذ سنة واحدة

شعور Okay 😐

كانت عظام وجهي تحاول منذ عام أن تتسرب بين جلدي في ليل طويل أو في صباح بشمس متوهجه وشابه تحت تأثير الكحول والتبغ الردئ خلعت عني جلدي عظام وجهي تقول مرحباً لنور الشمس ولضوء القمر أنظر لنفسي في المرآة وهو ذاك وجهي عظام فحسب أسير في مدينتي وهو ذاك وجهي عظام تُثير ذعر كل من أُقابلهم لا أملك أعين ولا

Cookies_54262 🇪🇬

نصيحة لعلاج إدمان الاباحية من غير يأس

بما اني شايف أن مشاكل الاباحيه كتير بين الاولاد والبنات هنا ومحدش فيكم عارف يلاقي ليها حل ف انا هبعت المسج دي للكل لربما حد يكون محرج يبعت مسج بص يا صديقي انت وهي الخطيه دي خطيه من الخطايه العنيده جدا والي مهما بتبطلها فتره تلاقي نفسك رجعت اكتر من الاول كمان ف اهم حاجه ف الموضوع انك متياسش من رحمه ربنا صدقني ديما حاول تتوب مش شرط عن الاباحيه عن اي حاجه ف الدنيا خلي التوبه ديما طريق بتحاول تسعي ليه اسف لو طولت عليكم ولو حد فيكم محتاج يسأل عن اي حاجه يبعتلي ...عرض المزيد

0 الدعم

0 نصيحة

Almond_56393 🇪🇬

كوابيس مرعبة عن أهلي وبحس بذنب مش فاهمه

بحلم بكوابيس غريبة معرفش ايه سببها بس اغرب كوابيس بشوفها بتكون عن اهلي مش عارف هقدر اوصف ولا الابلكيشن هيديني بان.. بس مرة حلمت اني قاعد باكل مع اهلي بعدين النور قطع شوية ورجع تاني ، بس لما رجع لقيت المكان متغرق واهلي قاعدين عادي بس راسهم مكان الاكل في الطبق ، وببص لقيتني ماسك سكينةً عليها دمً واختي الصغيرة قاعدة جمبي وعمالة تبصلي وتعيط وانا مش فاهم حاجة . المنظر كان مرعب لدرجة إني صحيت من النوم وأنا مش قادر أتنفس. ومن يومها كل ما افتكر الكابوس بحس بذنب وخوف مش مفهوم. ...عرض المزيد

0 الدعم

3 نصيحة

Cookies_73578 🇪🇬

يائسة من نفسي ومش عارفة أتوب عن الإباحية

السلام عليكم مش عارفة ابدء منين مبدايا انا ربنا هاديني من ونا صغيرة يعني عارفة قيمة الصلاة وان ربنا رقم واحد في حياة اي مسلم ودا بسبب اخواتي يعني احنا عيلة محترمه وبحب القراية جدا منا ونا في ابتدائي حتي لما بقيت في تالته اعدادي عرفت مواقع بتنزل قصص وروايات جنسية كان شعور بنسبالي في الاول مقرف لكنه ممتع وبدات اندمج جامد واحده واحده كنت عايزة اتفرج واشوف الكلام دا حقيقي ولا مجرد روايات وفعلا بحثت واكتشفت ان فيه مواقع كتير بتنزل افلام اباحيه وللاسف بقيت شبه مدمناها والعادة السرية انا حاليا اولي جامعه بقالي ٤ ل٥ سنين حسه بالذنب وبالقرف من نفسي انا فعلا بحب ربنا وبحب اكون قريبه ليه اعمل الذنب اخاف واتوجع واحاول ارجع وفعلا احس نفسي طايرة بالسما وبحفظ قرآن ودنيتي متيسرة يومين تانين وارجع للذنب بشكل افظع اكني كنت بمنع نفسي ومبقتش قادرة وبقيت في دايرة مغلقه اتوب وارجع اتوب وارجع المشكله انا في عين نفسي شايفه اني وحشه واني مستهلش التوبة مستهلش ربنا يحبني ونا كل مرة بعاند اوامره وبرجع اوحش لحد موصلت لدلوقتي بقالي شهر ونص ولا شهرين من ساعة الاجازة كنت الاول بقطع صلاة دلوقتي مبصليش فرض من حوايا ضميري واجعني شايفه ان دا غلط لكن الواقع انا بقيت يائسة من نفسي شايفه اني مش هقدر اتوب واني المرادي زودتها ومينفعش اتوب المشكله لما ببعد عن ربنا ببقا عصبيه جدا مش كفايا ذنب الاباحيه وترك الصلاة لاء بزعق في اهلي وبشتم وبزعل الكل مني بقعد مع نفسي زعلانه علي حالي بس فعلا مش عارفه اعمل اي لما ببحث علي النت بيقولو اسأل دكتور واتعالج لكن ولا الامكانيه النفسيه ولا المادية تسمح بجد مش عارفه اعمل اي المشكله كل مرة بحاول ارجع وبتوب فعلا المرادي انا طولت جامد انتكاسة كسرت ضهري بعد مكنت بحفظ وبصوم وبذكر ربنا وبصلي الفرض بفرضه وبالسنن الرواتب دلوقتي بقيت اوحش من الكافر مش عارفة اعمل اي والمشكله كليتي في محافظه غير خايفة في الغربة اضيع اكتر اعمل اي بجد ...عرض المزيد

2 الدعم

28 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع