قوقعة

Potato_78799 🇪🇬

منذ 6 ساعات

شعور محبط

بتتعاملو ازاي ..... مع الفترة الي بعد الجيش... وبتدخل سوق العمل... الي هو الواحد من قلة التعامل مع الناس واليوم الوضع المضغوط بقي حاسس انة معندوش طاقة يتعامل مع حد مرهق كدة... كنت ملصم نفسك علي الي كنت فية وخلاص... دلوقتي انت مفروض شغال ودخلت سوق العمل وهوب انت عامل كانك في كي جي تو هنا وعافر م

Popcorn_28628 🇪🇬

منذ 10 أشهر

شعور لا مبالٍ

عبّر عن شعورك بشكل مجهول

مشكلة الناس اللي مادخلوش في علاقات عاطفية قبل كده ، إنهم علي قد ماهما أكثر ناس بيهزروا في حتة انهم عايزين يرتبطوا في نفس الوقت هما أكثر ناس مش اي علاقة هتملي عينهم ولا اي حد ، من الآخر عندهم high expectations الناس اللي عاشوا عمرهم single ، اتعلموا يبقي عندهم اكتفاء ذاتي بنفسهم لنفسهم ، مش مستنيين الحبيب اللي يملي عندهم فراغهم العاطفي و يحسسهم بأهميتهم ، هما بيحسسوا نفسهم بأهميتهم بإنهم بيثبتوا نفسهم و نجاحهم علي أرض الواقع الناس دي اتعودوا يبقوا مستقلين بذاتهم ، حياتهم مش مبنية علي حد ولا معتمدة علي حد ، بقي ليهم life style خاص بيهم، مش هيتنزلوا عنه غير لو الشخص اللي هيرتبطوا بيه يستاهل يخليهم يتخلوا عن اسلوب الحياة اللي اتعودوا عليه من سنين الناس دي في الوقت اللي كل اللي حواليهم مشغولين بعلاقاتهم ، هما كانوا بيراقبوا ، مرت عليهم علاقات كتير و كان عندهم كثير من الوقت الفاضي اللي يسمحلهم انهم يحطوا معاییر و شروط للعلاقة ما ينفعش يتنازلوا عنها من الآخر بتبقي العلاقة بالنسبالهم اصعب ، محتاجين فيها حبيب فوق العادي يقدر يطلعهم من قوقعتهم ، العلاقة لازم تكون الأقرب إلي ال perfect ، علشان هما كانوا single لوقت كافي يخليهم مخليين حياتهم بدون شريك perfect

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Kiwi_35728 🇪🇬

منذ 11 شهرًا

شعور غير مكتمل

عبّر عن شعورك بشكل مجهول

حاسة ان انا عايشه ف قوقعه مش عارفه اطلع منها انا لازم الاقي حل ...
هو مينفعش اهرب من كل دا وابدأ ف مكان جديد محدش يعرفنى فيه؟
ماما مستغربه من جفائي نحيتها ومتعرفش ان ده بسببها هى عمرها مدتنى حنان ولا حضتنى لا هى ولا بابا ومستنينى ابقى حنينه عليهم ازاى انا فعلا مش حاسه اى مشاعر من دى يمكن دا جوايا بس انا فعلا مش عارفه استشعره او احسه او اوصله اصلا!
انا حاسه انى عايشه فمكان غلط مع عيله غلط مع عادات وتقاليد وعرف غلط ! 
كل دا مش شبهى ومش انا ومش دماغي !
انا فعلا دماغى عكس كل اللى انا عايشه جواه دا انا عايشه كده زي ميقولو ع الله كل يوم بتصنع الانبساط والرضا والحب وانا عايشه جوايا عكس كل دا ولا مره حسيت انى مبسوطه ولا مره حسيت انى راضيه ولا مره حسيت انى كامله عندى ديما احساس بالنقص مش بشوف غير عيوبى وبس ومبعرفش احس مشاعر الحب والامتنان انا بس متعوده ع الحياه دى وبمثل عليهم كلهم.. انا حاسه اني شخص فارغ من جواه حاسه بفراغ كبير جدا ونقص كبير جدا فحياتى وفعلا زى مقال الفنان يمكن دا مش مكانى والزمان ده مش زمانى هو حقيقى انا حاسه الجمله دى بتوصفنى جدا انا عوزه اعرف هو انا ليه كده وكل دا سببه ايه هل دا بسبب الاهل والعيله بس ولا انا كمان السبب ف اللى انا فيه دا ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_18711 🇵🇸

منذ سنة واحدة

شعور خجول

ألم تفكر أنه ربما انت لست وحيد كما تفكر ربما انت لم تجد المكان المناسب بعد ولم تجد الاشخاص المناسبين او ربما لم تحاول البحث عنهم ربما تصورك خاطأ عن الوحدة ربما انت محاط بكثير من الناس ولكنت لا تراهم او انك لم تحاول حتى ربما انت تتقوقع على نفسك بقوقة اسمها الوحدة وانت لا ترغب بالخروج منها او لم تحاول

Mango_70768 🇪🇬

شخصية كتومة ومشاعري جوايا بتتعبني

انا شخصية كتومة جدااا ودايما مشاعري جوايا ودي حاجة بتتعبني جدا وبتستنزفني حاولت مبقاش كتومة وافضفض بعدها بندم ندم عمري لان مفيش حد بيفهمني او بيفهمني غلط فبرجع تاني لقوقعة الكتمان حاجات كتيررر بتأثر فيا وبتاكلني من جوايا بس مبعرفش احكي ولا افضفض فبقيت لما اتكلم مع اي حد اتكلم عن اي تفاهات ومواضيع جانية عشان اتجنب اتكلم عن اي حاجة مزعلاني حاسة من كتر التراكمات بقي عندي اكتئاب بس انا مش بظهر دا ولا عايزة اظهر اني تعبانة دايما بضحك واهزر مع كل الناس، لحد ما واحدة صحبتي قفشتني وقالتلي حساكي مش كويسة احكي ، لما قالتلي كدا حسيت بتناقض جوايا غريب على قد مافرحت ان في حد حاسس بيا وشايفني متغيرة رغم اني بضحك وبهزر، على قد ما اضايقت ان في حد خد باله اني مكتئبة مش عارفه ليه بس انا مبحبش اكون مصدر طاقة سلبية لحد وادوش حد بماشكلي مش عارفه ليه حكيت دا بس قولت احاول اقول الي جوايا.. ...عرض المزيد

14 الدعم

35 نصيحة

Strawberry_80896 🇪🇬

هل الكلام بيخليني مريضة نفسية من صغري؟

عندى مشكلة و مش مشكلة انا لما كنت صغيرة كان كلهم بيقولوا عليا مريضة نفسية و ده كان بيتقال نتيجة لتصرفات بتطلع مني، بس انا من وقتها لحد الوقتي، شايفه اني فعلا مريضة، و كنت بحثت عن الموضوع و كده و شوفت فيديو و لقيت ان سبب من أسباب المرض النفسي ان الشخص يكون حد قاله كده من صغره، ف بيبقي فعلا مريض، انا بصراحة مش عارفة أوضح المعنى لأن الفيديو ده سمعته من زمان و حاليا مش فاكرة، ف ممكن لو حد عنده معلومة يفيديني انا لما كنت في الإعدادي كان طموحي لما أكبر اروح لدكتور نفسي اصلا، ف عاوزة افهم انا تمام ولا فعلا نتيجة الكلام بقيت فعلا مريضة 👍🏻 ...عرض المزيد

0 الدعم

23 نصيحة

Lemon_67534 🇪🇬

خنقة بلا سبب ومش عاوزة أعيش.. تعبت من الشعور ده

هل في اسباب للخنقة بلا سبب يعني نكت صحيت مش قادرة اقوم من على السرير ولا اعمل حاجة حتى اني اخرج كخروج مش عاوزة حاجة غير اني ابقى لوحدي وبقالي فترة على كده اني مش قادرة اعمل اي حاجة ف حياتي انا حتى مش قادرة احلم ودايما ببقى حاسه باحساس اني مش عاوزة اعيش ومش ضروري احلم بحاجة لاني اصلا مش حابة الحياة ومش حابة اعيش فيها على الرغم من اني مش حد بعيد عن ربنا لا الحمد لله ده سبب من اسباب اني عايشة لحد دلوقتي بس حقيقي مبقتش فاهمه اي سبب ده اني مش قادرة استمتع بحياتي ولا قادرة اعيش اللي هو ولا عايشة مع العايشين ولا ميته مع الميتين.. حقيقي تعبت من الشعور ده اصلا كون اني كل يوم بتحايل علة نفسي علشان اعمل اي حاجة ده تاعبني بجد ...عرض المزيد

0 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع