فوبيا البرص قصص حقيقية - 1 تجارب، ونصائح، ودعم

Ice Cream_29984 🇪🇬

منذ 9 أشهر

شعور مزعوج

موضوع:

فوبيا الخوف / الخوف المرضي

بترعب من الابراص، بدوخ وابانيك لما بشوف برص نفسي ابطل اشوفهم او اتعالج نفسياً عندي ٣١ سنة مش صغيرة العمارة اللي ساكنة فيها مليانة ابراص كل ماباجي خارجة او طالعة بلاقي ف وشي وممكن اتكعبل عل السلم من الرعب والدوخة ناهيك بقى عن ان يدخل برص البيت انا بعيش ف كابوس لغاية مانخرجه او يموت

Coffee_27700 🇪🇬 كنت داخل أقولك عادي إحنا بنشوف برص مرتين تلاته كل سنة. بس طالما قولتي إن عمارتك مليانة فمتتردديش تطلبي المساعدة من مختص أو شوفي ازاي تقضوا عليهم لو متاح

عرض الكل 4 نصيحة

ماما بتنقد شكلي وتديني وبتمنى تحبني زى ما أنا

السلام عليكم ورحمة الله وبركاته انا انسانة بحب الضحك والهزار بس ماما عيزانى ديما العاقلة الى مش بتضحك والبنت التقيلة انا كدا مع الناس الغريبة بس مع الى بحبهم بضحك وبتكلم معاهم كتير بس ماما مش بيعجبها كدا وديما تنتقد تصرفاتى وشكلى مع ان شكلى حلو اوى وانا بحب شكلى اها انا قمحاوية مايلة للابيض بس انا بحب لون بشرتى وبحب غمازاتى وعيونى بس هى بتنقد شكلى على طول وديما بتقارنى ب صحابى الى لون بشرتهم افتح وديما عيزانى البس درسات في حزمة او استك وانا مش برضى انا بحب البس فضفاض وواسع جدا لان ده الصح ودا اللبس الى ربنا امر بية بس هى مش بيعجبها وبتفضل تقلى ابقى قابلينى لو اتجوزتى بس انا مؤمنة ان دا رزق ومكتوب وكلو لية وقتو وانا برضو مش اى شخص والسلام لا انا عايزة شخص متدين وغيور وعلى خلق هى بتفضل تقلى انها غضبانة عليا لو مش لبست الى هى عيزاه بس انا بفضل على راى ومصمم على الادناءات والخمار فهل كدا انا على ذنب بتقلى ان التدين مش اللبس التدين ان اسمع كلامها بس انا بقولها ان اسمع كلامها لما يكون هيقربنى من ربنا مش يبعدنى هى اكتر حد بيوجعنى بسبب كلامها ونقدها المستر هى امى واقرب حد ليا وبحبها بس كلامها بيوجعنى وبيكرسنى حرفيا بتمنى بتحبنى زى م انا بحب نفسي ي ريت تدعولى ان ربنا يهديهالى ...عرض المزيد

0 الدعم

1 نصيحة

عايزة شغل بروفشنال في شركة واجهتها إزاز ونت 4 جيجا

عايزه اشتغل في شركة من الشركات اللي بتبقى الواجهة بتاعتها إزاز، ويدوني لابتوب dell وفلاشة نت 4 جيجا، ويكون عندهم ماكنة قهوة ببلاش. اروح الصبح لابسه سيمي-فورمال، اعمل بريزنتيشن ويبقى معايا الريموت اللي بيقلب السلايدز، ويطلعلي graphs وارقام عالشاشة واقعد اقول كلام بروفشنال من اللي هو business case و stakeholders والشقاوة دي، واخلص البريزنتيشن اقعد باقي اليوم عالنت ال 4 جيجا واشرب قهوة ببلاش ياااااااااه ...عرض المزيد

0 الدعم

0 نصيحة

كنت بعاني من الوحده والاكتئاب ونسيان شخص عزيز

كنت زمان بعاني من الاحساس بالوحده و كنت بعاني من مشكلة الفقد و الرفض و قلة الثقة بالنفس و التفكير الزايد والاكتئاب و الاحباط وعدم القدره علي نسيان شخص كان عزيز عليا و سماع الاغاني الحزينه و العياط اخر الليل كمان 😊😂 لكن بفضل الله لما درست علم نفس لمده خمس سنين متواصله قدرت افهم نفسي اكتر و قدرت احل كل مشاكلي و لكن محبش اكون اناني ف حابب افيد الناس واساعدهم علي حل المشاكل النفسيه اللي شبه اللي انا مريت بيها ف اي شخص عندو مشكله من دول حابب يلاقي ليها حل يكلمني وانا والله مش هبخل عليكم بالمساعده احبكم في الله 🥰❤🤍 ...عرض المزيد

1 الدعم

2 نصيحة