فاشله

Coffee_81605 🇪🇬

منذ أسبوعين

شعور مرتبك

موضوع:

خطأ وقعت فيه تتمنى غيرك يتفاداه

متفرضش ع نفسك حاجه انت مش متقبلها متقبلش باقل من التستحقه لانك ف نهايه هتحس انك خسرت نفسك ف محاوله فاشله ف ارضاء غيرك مشاعرك ونفسيتك هى الحاجه الوحيده التستحق منك المحاوله وبزل مجهود ف ارضاها

Cherry_81497 🇪🇬

منذ أسبوعين

شعور متوتر

انا بقيت شايفه نفسي مش حلوه وبدات اقارن كتير انا سمرا بس مش اوي وشايفه شكلي مش حلو جسمي مش حلو الاول مكنتش كده وكنت راضيه جدا بكل حاجه حاسه اني دلوقتي مبقتش راضيه زي الاول وبقيت مقصره ف الصلاه وعماله اقول اشمعنا اشمعنا دي ونا لا حتى دراستي فاشله فيها معنديش موهبه ف اي حاجه ونفسيتي تعبت من كتر المق

Strawberry_80353 🇩🇿 غيري من نفسك الحاجة لي مش عاجباك حاولي تغيرها وعشان نفسك

عرض الكل 9 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

فاكرين لما قولتلكم انه سابني يوم عيد ميلاده برساله انا مش هقدر اعمل حاجة واننا مختلفين سابني في عز ضعفي وهو عارف اني مليش حد بعد بابا وماما الله يرحمهم سابني بعد سنتين لما قالي انه كان بيحسبها واكتشف اننا مش مناسبين سابني قبل سنويه بابا علشان كنا متفقي هنتخطب بعد ورا لسنويه ..طبعا عدي شهور كتير وبعد بعد ٦ شهو يحاول يصالحني وجالي الشغل وعملت نفسي معرفهوش نهائ وقابلته في فرح زميلتنا طبعا بعد ما اتغيرت واحلويت وتخنت وبقي بيقولي انه عايزني وانه حس بغلطته وان عايزني ارجع وانا قولتله اللي بيني وبينك انتهي لو عايز ترجع تيجي تقابل اهلي وهو ده اللي عندي علشان انت علط في حقي غلط كبير اوي وده عقابك عايز تيجي تعالي مش عايز براحتك مش فارقلي انا مبقتش عايزاك ولا بحبك انا اتغيرت انت مستكتر عليا اني تبقي كويسه وطبعا اعترفلي ان كان في بنت تانيه وحاولت تاخد مكاني وراح سابها لانه محسش حاجة كان بيخوني 😂المشكلة اني كنت شاكه في البنت دي فعلا وبعدها قعد يقولي انا هصلح اللي اتكسر وتارجتي انك ترجعيلي ومن شهر ٦ بيحاول معايا طبعا انا بحبه بس مش هينفع ارجع غير لما يعمل الشرط اللي قولتله عليه عدي علي شرطي شهرين وفعلا مكلمنيش بعدها زي ما قولتله بس بيتابعني وانا كنت بخليه يشوف الحاجات اللي انا عايزاه يشوفها حتي الصور وكده لحد ماقفلنا شهرين مكلمنيش حسيت اني قادره ارجعوا بقي اتصلت بي وكلمني وقالي انه اتفاجئ وانه عايز يصلح ومكلمنيش علشان لما يبقي جاهز يكلمني جالي الشغل امبارح وطلعت اسلم عليه بس اول مره احس ان في حاجة جوايا اتغيرت نحيته وان مفيش اي شغف ولا اي جاجة واني فعلا اتغيرت الغريب بقي اني حاسة اني عايزه اقوله انت مش مناسب معايا وانا جربت وحاولت بس مش قادره ارجع ولسه متردد ومهزوزز ومش عارف ياخد قرار في حياته خالص للاسف مش عارفة اعمل ايه الحب اللي جوايا كان موجود بس قولتلل ال ه لاسف اللي بيني وبينك كرامتي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_76977 🇪🇬

منذ 4 أسابيع

شعور محبط

جوايا مليون صوت بجد واحد عايز يتجوز ويتستت ويقعد ف البيت واحد كاره الرجاله وشايفهم كلهم اوسخ واندل واحقر من بعض وواحد عايز يشتغل و يحقق ذاته ويكون حد شاطر جدا ف مجاله وواحد شايف اني فاشله واني ازاي محققتش حاجه مع ان كل اللي حواليا حققوا ومستواهم اعلي مني انا تعبت من دماغي ومن تفكيري ومن سعيي ا

Mango_58587 🇪🇬

منذ شهر واحد

شعور قلق

30 سنه والحمد لله جاهز وجد بس متجوزتش فمتزعلش لو مش عندك او ظروفك صعبه ولسه نصيبك مجاش لان كله قدر يا صديقي ولما يحي الاذن اكيد هنفرح باختيار ربنا لينا اللى مزعل الواحد ان الصبر ع الموضوع دا صعب خصوصا لو كان ليك تجارب سابقه او علاقات الانر ببقا بالدبل

Apple_67568 🇪🇬

منذ شهر واحد

شعور مكتئب

انا كنت مرتبط بي بنت لمده تلت سنين بس للاسف اختياري كان غلط و كانت خاينه و خانتني مع اعز صاحب ليا قدرت اني انتقم منها بعيدا عن الطريقه و سايبها بقالي ٩ شهور بس بيبقي في مشاعر جوايا متناقضه من نحيتها احيانا بحس انها وحشاني و احيانا بحس اني كارها مشاعر كتير و كلها عكس بعض و للاسف مش عارف اتخطاها و دخل

Strawberry_56436 🇪🇬

منذ شهر واحد

شعور متوتر

150 يوم! بعد ما كنت غريب وقربت ورغم أن معرفتي بيك كانت ٢٨ يوم بس مش فاهمين اني اتعلقت او يمكن حبيت محدش فاهم كلهم فاكرين ان خلاص عدا ٥ شهور ف هى نسيت بس الحقيقه لا ازاي تدخل تحسسي بالأمان لأول مره انام من غير خوف او قلق انام من غير أرق، كنت فاكره انك عوض من ربنا ليا بعد دعوات كتير لحد الان معرفش انت

Mango_74363 🇪🇬

منذ شهر واحد

شعور متعب

عبّر عن شعورك بشكل مجهول

طول عمري من وانا صغيره نفسي احب واتحب كزت باعجب بكتير بس كلهم محدش كان بيبقا معجب بيا كل دا كان هبل طبعا بس اكيد اثر فيا وحبيت واحد اوي اوي. يعني بس هو للاسف محبنيش انا اتجرحت اوي وكتمت كله جوايا ومعيطش يعتبر وتجاهلت كل اللي حصل بسبب الشخص اللي حبيته دا هو محصلش حاجه ومرتبطناش بس مع كدا كنت اعتبر اكني مرتبطه بيه كنت بعرف كل حاجه عنه اغلب البنات اللي حواليا كانو بيكلموه الا انا كنت بعرف حاجات عنه منهم ومع كدا بردو كنت بموت مع كل كلمه بيقولوها فشاتهم هما كانو بيبقوا صحاب عادي يعني بس كنت بتوجع جامد اتعلقت بيه اوي يعني انا اول تلت شهور لما حبيته كنت مفكراه بيحبني وعرفت انه مش بيحبني بعد تلت شهور كدا قعدها بعدها خمس سنين احاول انساه معرفتش 
انا اصلا محترمه اوي ومبحبش اكلم ولاد ولو كلمت ولد ببقا هموت وبحس اني مش قادره اتنفس علشان بزعل ربنا وثقه اهلي بس حتي لما ببقا عايزه اعمل الحرام دا مبقدرش بجد بشكر ربنا اوي انه خله فيا كدا  وفي الكليه  صاحبت صاحبه تعرف ولاد كتير كنت بحس اني مش حلوه ووحشه ثقتي فنفسي قلت جامد مش بسببها بس بسبب اني طول حياتي محدش حبني مع اني شايفه اني مش وحشه كدا واني اعتقد حلوه يعني متوسطه في بنات وحشه اصلا وبيتحبوا عادي يشمعني انا وقتها ضعفت وقولت يمكن علشاني محترمه يمكن كنت عايزه. اتأكد فاتهبلت وضعفت بسبب صاحبتي وكلمت واحد كان صاحب واحد تعرفه كنا بنتكلم بس اكلمنا شهر معرفش ازاي قدرت ازعل ربنا مني كدا وقتها بس كنت وقتها ضعيفه اوي كنت محتاجه اثق فنفسي شويه حتي كنت بعامله وحش بصراحه كنت مجروحه من اللي حبيته دا ومش عارفه انساه كان اكنه خاني معرفش ليه اصلا طلع بيحب قريبتي بس هي مكانتش بتحبه كنت بحاول اخليها تحبه بس معرفتش حصلت حاجات كتير كنت بموت يعني المهم الولد اللي كلمته شهر دا كنت يعني دبش معاه بس يعني كنا ينتكلم اكننا مرتبطين بس عاملين نفسنا مش واخدين بالنا كنت بستغرب ازاي مستحملني كدا وكان باين انه معجب بيا اوي كدا يعني كنت لسه هبدأ احبه خلاص لقيته بيبعد وقالي مش هينفع نتكلم تاني بسبب موضوع اهبل وتافهه كدا 
قعدت احاول مخسرتش وقتها لانه انا كنت بعامله وحش وهو كان بيستحمل كنت بحسه باقي عليا يعني بس طلع كل دا هبل كان بيتسلي بيا اكيد عملي بلوكات بعد كام شهر فك بلوك الواتس بقا بينزل استوريز عليه مع انه مكانش بينزل في استوريهات كنت بنزلها الاقيه ينزلها وحاجات كدا بعتلي يوم عيدميلادي كنت منزله استوريهات يعني فغالبا اكيد مش افتكر لوحده بس وقتها قالي عامله ايه وكدا وكلمني وقالي بالاسم اللي كان بيعاندي ويقولي بيه وفي الاخر قالي هسيبلك لصحابك بقا ومكلمنيش بعدها كنت عارفه انه هيعمل كدا علشان اول ما اتعرفت عليه اول يوم بعتلي فضلنا نتكلم يومها وكلام واضح ان نتكلم بعده كل يوم. وكدا لا تاني يوم مكلمنيش بعتله تالت يوم تقريبا من وقتها بقينا نتكلم هو اخر موقف كان كويس فيه معاه كان خطوبه
اخته  وانا قعدت مكلمتوش تلت ايام كنت مستنياه هو يبعتلي بصراحه وهو فعلا بعدها اللي بعتلي بعد التلت ايام وقعد يقولي مبعتيليش من تلت ايام وكدا بعدها بيوم اتغير ويقولي صاحبتك راح قالت اني بكلمك وحاجات هبله هو دا كان سبب انه سابني 
المهم بعد ما بعتلي في عيدميلادي بعتله علي لينك صراحع فكتلي البلوك ليه لقيته عملي بلوك علي الواتس مش فاهمه ايه العبط دا بعتله علي الانستا اقوله عملت بلوك تاني ليه راح قالي معملتش اولاني علشان اعمل تاني وراح فاكك البلوك واتس ونزل استوري وعمله تاني مش فاهمه مش عايزني اعرف انه عامل ليه 
روحت قولتله انه عمله تالت وقعدت قولتله شويه كلام كدا راح قالي انا موعدتكيش بحاجه وكدا وانا اصلا مرتبط ازاي اللي انتي بتقوليه دا انا كنت بكلمك بس علشان الدراسه وعلشان انتي قدي وكدا واحنا اصلا مكناش بنتكلم عن الدراسه كان بيهتم بيا جدا قولتله انا مش هقولك حاجه ربنا عارف كل واحد عمل ايه ونيتك ونيتي اكتر مني ومنك راح قالي خلاص ماشي ربنا يصلح حالك وحالي استناني لما رديت وقولت يارب وراح عامل بلوك انستا الموضوع بالنسبالي انتهي من يومها الفكره انه انا كنت مضمره بسبب اللي كنت بحبه راح دا جاه علي الجرخ وضمرني اكتر  منه لله المشكله انه انا كنت بقعد اقوله اني خايفه احس بحاجه ناحيته كان بيقولي متخافيش اما لما بحب حد بحبه بجد وحاجات كدا كتير بقا وفي الاخر يقول مكنش بينا حاجه وموعدنيش بحاجه 
كان نفسي يحس بس.قد ايه غلط فحقي علشان حساه مقتنع انه مغلطش مشكلتي دلوقت اني ثقتي فنفسي بقت اقل من 0 نفسي. اعرف ليه. يعتبر مفيش حد حبني زي باقي البنات واللي حواليا انا مش وحشه كدا بس انا غلطت اوي لما كلمته بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_73606 🇪🇬

منذ شهر واحد

شعور وحيد

يعني فكرة الروجوع دي مستحيلة حتى لو هموت واعيش من غير حبايب كوبليه يقدر يوصف شعورك وانت واقف بتعاتب نفسك على كل حاجه راحت كانت ممكن تتقدر لو كانت مع الشخص الصح لو بس كان حد فهمك صح النهارده عدى اكتر من سنتين ونص وانا لواحدي مش قادر حتى اتخيل نفسي مع حد غيرها ولا عاوزها ترجع التوهه والندم مؤلم و

Apple_67078 🇪🇬

منذ شهر واحد

شعور ضاق ذرعًا

انا بجد مليت من الوحده الواحد حياتو شغل قهوة بيتو و بس كدا كل م اخش علاقة متوفقش وبحس اني مرفوض دايما انا شخص معنديش صحاب لاني مش بثق ف حد و ده من اللي شوفتو من صحابي و كنا عشرة سنين جوايا كلام و هم وزعل و وقرف نفسي اتكلم عليه مع حد يسمعني وهو بيحبني بجد ويسمعني بقلب رحيم وبانتماء

Cheese_68753 🇪🇬

منذ شهرين

شعور متعب

بفكر ف الانتحار عندي ملل رهيب ف حياتي دخلت كليه مش عاوزاها عشان مجموعي قولت اجتهد وابقي معيده بردوا مظبطتش اتخطبت مرتين اول مره سيبته وتاني مره اتسابت حاسه ان مفيش حاجه بتخبط معايا واني فاشله ع كل المستويات اهلي عندهم اخواتي هيصبروهم ع فراقي وهياخدوا معاشي بتاع الشغل لما اموت

Avocado_72067 🇪🇬

منذ شهرين

شعور مكسور القلب

موضوع:

إيه أكتر حاجة مفتقدها في حياتك ؟؟

حببتي اللي كنت فاكرها نازله م السما وكنت بديلها كل حاجه واعملها اللي اقدر عليه ومشوفتش منها رد للحجات دي شوفت منها قله قيمه وتقدير بس وحشتني وانا اللي سايبها ع فكره وروحي فيها بس سبتها برضو

Strawberry_72673 🇪🇬

منذ شهرين

شعور وحيد

عندي تقلبات مزاجيه عنيفه وكمان الاول كنت انبسط شوايه بعدها بشويه افرح دلوقتي بقا بيغتلط عليا الشعورين ورا بعض بسرعه جددا انا بعاني اوي وكل علاقاتي بايظه وبخانف في اي حد صاحبي واهلي وكل علاقات الارتباط بتفشل 💔

Blueberry_72576 🇪🇬

منذ شهرين

شعور مرهق

Apple_72535 🇪🇬 بصي ياقمر نصيحه مني ليكي صفحه واتقطعت وبصي لقدام كل الي قلته انتي مغلطيش فحاجه هو لو بيحبك بجك فعلا ومش مستغني عنك مكنش عمل كده كان كلمك كان صالحك لو انتي غلطانه حتي كان بصي حاجات كتير بس مش عايز اتقل عليكي بس انتي مغلطيش فحاجه هو انتي مكنتيش ماليه عينه مع انه ال قلتيه وعملتيه تملي عين اي حد بس هو ال وسخ فخلاص فكك كده وروقي وافتحي صفحه جديده انا كنت زيك فيوم بجد بس نصيحه مني ليكي خلاص صفحه واتقفلت

عرض الكل 45 نصيحة

عبّر عن شعورك بشكل مجهول

انا مراهقه و زي اي حد في سني طبيعي اكون عاوزه أدخل في علاقه حب و اتكلم و احب و اتحب و كل دا مع أني عارفه انو دا حرام و بعمل كدا من ورا اهلي بس بجد في حاجه بتدشني لكدا و من تسع شهور اتعرفت على حد و هو فهمني انو بيحبني و بيموت فيا و انو عمرو ما حب حد قد ما حبني و انا صدقتو علشان كان باين علي و أقصى حاجه عملناها مع بعض أننا خرجنا سوى بس محصلش اي حاجه تانيه و كانت مره واحده و جت في أخر فتره العراك كتر و مبقاش في تفاهم خالص و هو بقا بارد و شم بيهتم بعتابي ولا اي حاجه بس بيجي و بيصالحني وقت ما يكون انا وحشاه لكن اي وقت تاني مش بيهمو انا زعلانه أو فرحانه مع انو مكنش كدا في الاول لدرجه انو بيبقا عارف مثلا اني انا زعلانه اوي و اوصل لمرحله العياط و هو ميديش اي رده فعل مع اني انا عمري ما بخلو علي في حنيتي و كنت أول ما بشوفو زعلان كنت على طول بحنن قلبي على و بصالحو حتى لو انا مش غلطانه و هو لما بقى قاصي عليا اوي في اخر فتره و مكنش مهتم بعتابي ولا حتى زعلي و عياطي انا كمان قصيت قلبي على و كنت فاكره اني كرهتو و هو اخد بالو و هو علشان بيحب.كل حاجه تبقا ميته على و يملك كل شئ و كل شئ يبقا تحت رجله و عايزه و هو يتصرف بي بكيفه فضل ورايا مش من وجه نظري هو حاول بتاع مره او اتنين كدا و مكنتش بشكل حلو كمان و في الاخر انا قولت لي انا مش عوزاك و عاوزه نبقا صحاب احسن و هو كان رافض في الاول و بيقولي انا بحبك بس أنا عارفه هو كان كل مره انا بزعل فيها منو و بقصي قلبي يروح هو يحنن قلبي علي و مفيش يومين و يرجع تاني يقصي قلبو و نفس المعامله و العراك ف علشان كده فضلت مصممه على رأي بأننا نفضل صحاب و هو في الاخر وافق علشان مكنش عندو خيار تاني جه بعد يومين بيقولي عاوز اسيبك علشان الموضوع حرام و انو هو صلح حجات كتيره في حياته من اول ما عرفني و عاوز يصلح علاقتنا بأننا نسيب بعض و عرفت كمان انو اليوم دا خرج مع بنات صحابو علشان كدا ضميرو كان واجعو و علشان كدا قرر يسيبني بحجه انو حرام هو اصلا حياته مكنتش مناسبه ليا بس كنت ممكن تتأقلم عليها والله لو هو فعلا كان صادق في مشاعر زي ما بيقول ليا و انا كنت فكراه بني آدم ناجح و شاطر هو فعلا ناجح بس مش شاطر و جاب مجموع في الثانويه وحش و مش عارفه حاليا هو هيدخل كليه اي مع انو هو علمني أن أي حاجه بتحصل ليا اجي و احكي لي و كنت بعمل كدا معاه حتى و احنا صحاب في اخر فتره بس هو بطل يعمل كدا و كنت لآخر وقت على أمل انو يرجع زي زمان بس مفيش حاجه حصلت و بعد ما جه اليوم الي قالي يلا نسيب بعض انا فعلا سبتو لأن انا كنت شبه كرهتو و كنت الفتره دي مشغوله في حياتي مش قاعده في البيت ف مكنش فارق معايا وجودو في حياتي أو لا بس دولوقتي لما عرفت أن نتيجه التنسيق نزلت و انو خلاص هيتحدد هيدخل كليه اي و بأني قاعده فاضيه بجد بقيت كسى انو واشحني اوي و اني هموت و افك البلوك و نرجع نتكلم تاني بالمناسبه احنا لما سبنا بعض انا بلكتو من كل حتى و هو بلكني من على الانستا بس و انا كملت الباقي و حرفيا بقيت كل دقيقه و كل ثانيه قاعده مستنياه يبعتلي أو يفك البلوك و مش عارفه يعدي عليا دقيقه من غير ما أفكر في او اشوف بعت أو لا و كل دا و بجد انا كمان تعبت و معنديش حد احكي لي كان هو الوحيد الي بسمع ليا و كان عندي صاحبتي بس أنا مش عاوزن اروح اتقل عليها اكتر من كدا و اروح اشتكي ليها زي كل مره علشان انا دائما الي كنت بروح و اشتكي و هيا قليل لما بتعمل معايا كدا و انا بني ادم مش بحب اشتكي لحد و بجد هو دلوقتي واحشني و مش عارفه اعمل اي و جشى اني لو استمريت زي ما انا كدا و بالحاله دي هضعف و هفك البلوك و هخش اكلمو و في نفس الوقت بقصي قلبي على زي ما هو عمل معايا و بحاول أقنع نفسي اني انا مش وحشاه زي ما هو واحشني و لو كنت بجد وحشاه زي ما هو واحشني كان هيدخل يكلمني و يخترع اي طريقه زي ما كان على طول بيقولي و بجد زعلانه اوي على حالي و على الي احنا وصلنا لي و مش عارفه أتحرك اي خطوه لقدام و خايفه لارجع خطوه لورا و محتاجه بجد نصيحه اي حد و انا بجد في الحاله دي و أني عاوزه ااتكلم مع   اي حد أو احس بشعور الحب أو الاهتمام دا و كل دا بسبب بابا هو معمليش حاجه فعلا و هو أب مش وحش بس هو فعلا ضبع كل لحظه انا كنت محتاجاه فيها و كنت نحتاجه ابويا الحنين الي يديني حضن يطبطب عليا كل دا ف علشان كدا اضطريت اروح الغريب و أرضى بالقليل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_72264 🇪🇬

منذ شهرين

شعور مكسور القلب

انا جديده هنا لسه .. كنت حابه اقول ان من اسواء المشاعر اللي الانسان ممكن يعيشها هيا الوحده .. الوحده مش حاجه سهله ابدا .. هيا شعور مميت ع الاقل بالنسبالي .. لدرجة ان كل ما اتقدم خطوه ف حياتي برجع تاني بسببها .. بسببها بضطر ادخل حياتي اشخاص غلط علشان يسدوا الفراغ دا ولاكن كانت بتبوظ اكتر يعني ببقا و

Apple_85219 🇪🇬

ازاي أبقى قوية قدام جوزي السابق وأنسى الضرب؟

انا وجوزى انفصلنا بقالنا كتير هو شخصية نرجسية اللى لما نزعل لازم انا اللى اصالحه فالمرادى ضربنى فمصالحتهوش وفضلت شهرين مستنية هو يصالحنى مصالحنيش لحد مااطلقنا لما بيكلمنى عشان يشوف عياله انا قلبى بيوجعنى وبنسى كل ضربه وخناقاته واهماله احنا مينفعش نرجع خالص عشان حياتى كانت كلها ضرب واهانة وانا مشيت بعد مانفسيتى تعبت وبعد مابقى بيزعقلى قدام الجيران ومبقاش عندى كرامة خالص سؤالى هنا ازاى ابقى قوية قدامه مش كل مايكلمنى ابقى نفسى احضنه وابقى مش عارفة ارد خالص ويبان عليا انى حنيت وهو ناشف جدا وبيتصل يكلم العيال ويقفل ولا بيفتكرنى ...عرض المزيد

5 الدعم

31 نصيحة

Strawberry_74327 🇪🇬

أول قرار حقيقي بعد الفراق.. مسحت كل حاجة

النهارده كان أول يوم أقدر آخد فيه قرار حقيقي… مسحت صوره، ومسحت رقمه، ومسحت الشات اللي بينا، وحتى عملت له أنفولو. عقلي بيقولي إن ده الصح، يمكن لأن عدى 4 شهور من غير كلمة واحدة منه بعد ما قال إنه “مش قادر يتكلم”. أنا بحبه جدًا ولسه مش قادرة أتخطى غيابه، بس الحقيقة إنه ماقدّرش الحب ده، وكان سهل عليه يمشي. حاولت بكل الطرق أخليه يفضل، لكنه اختار البُعد. وحسّيت كل يوم إني بقلّ في نظر نفسي وأنا بنزل استوريات كلها وجع وهو يعديها كأنها مش موجودة. الانتظار اليومي بيتعب جدًا… إني أسمع صوت الموبايل وأتمنى تكون رسالة منه، وأكتشف إنها من حد تاني — الإحساس ده بيكسر من جوّا. دعيت ربنا كتير يكون من نصيبي، وكنت كل يوم بقرأ سورة البقرة بنية إن ربنا يرجّعه، بس هو كان بيبعد أكتر. النهارده بس فهمت إن التمسك باللي مش عايزك وجع، وقلة كرامة مش عارفة بجد اذ كنت عملت الصح والا اللي عملته كان غلط وهندم عليه ...عرض المزيد

8 الدعم

30 نصيحة

Mango_86058 🇪🇬

عايزة أتعافي من علاقات مؤذية وانسى الذكريات

مريت بعلاقات مؤذيه جدا فحياتي كانو خمسه عايزه اتعافي تماما من غير دكتور لان الحاله الماديه لا تسمح ف عايزه لما اشوفهم حتي لو مع اي حد محسش بحاجه ولابظلم ولا بغيرة اعمل ايه واتعافي ازاي عايزه انسي لدرجه انسي شكلهم والذكريات كمان💔 ...عرض المزيد

2 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع