علاقة مسيطر

Croissant_52254 🇪🇬

منذ يومين

شعور غير مكتمل

عبّر عن شعورك بشكل مجهول

انا من وانا صغيره وحيده جداً ومكانش عندي اصحاب حتى فالمدرسه معرفش ليه وحتى لما وصلت اعدادي كانو زمايلي بيتجمعو مع بعض فبيت واحده منهم او في اي مكان وانا اهلي مكانوش بيرضو وكانو بيتعاملو معايا على اني قزازه وفضلت كده لحد م بقا عندي ١٤ سنه اتعرفت على بنت من السوشيال ميديا واتقابلنا في الحقيقه بعد م اهلي بدأو يفكو عني شويه وبقت قريبه مني اوي كان عندي وقتها ١٥  واتعرفت على شخص وكان الموضوع لعب عيال وصاحبتي دي قالتلي ابعد عنو لانو هيبوظ علاقتي بيها لانو كان عايز يكلمها بس هي صدتو بس قلت اللي حصل قبل م اعرفهم ودلوقتي الوضع غير وبعدين انا والشخص ده ارتبطنا وكان بيغير عليا منها وهي مكانتش بتحبو ابداً وبعدين انا رحت صارحت مامتي اني اعرف واحد ومامتي مقالتش حاجه وكلمتو عشان تشوف طريقتو وفضلنا نتكلم ٥ شهور بعد كده مامتي قالتلي ابعد عنو وكلمتو وقالتلو ابعد عن بنتي وهو مرضاش يبعد عني وجاب اهلو وجه خطبني وبعدها خرب علاقتي بيها وانا فضلت معاه وكنا بنقرب لبعض اكتر وكانت مامتي بتثق فيه جداً هو اكبر مني ب ٣ سنين بس وكنا بنخرج بليل بعلم اهلي وبنسهر برا وحصل  بينا تجاوزات وخلاني ضعيفه قدامو والموضوع ده اثر عليا بالسلب واحساسي بتأنيب الضمير لاني عملت حاجه من الكبائر وبقا متحكم فيا اكتر وبقا بيمنعني اصاحب اي حد واي بنت اصاحبها لازم يخرب علاقتي بيها بأي شكل لدرجة اني بقيت وحيده وتليفوني ممكن يقعد بالشهور محدش يبعتلي غيرو وهو دايماً بيقولي انو ربنا هيسامحنا لانو عارف اننا بنحب بعض واللي حصل كان غصب عنو وانا كل شويه بتوجع اكتر لانو مغصبنيش على حاجه دلوقتي بقا في بينا مشاكل وبقيت بهون عليه بعد ٣ سنين بقا بيعمل حاجه مكانش بيزعلني بكلمه بقالو تقريباً سنه متغير عليا وبيعاملني بمزاجو وقت مايكون فاضي يكلمني ولما يكون مشغول بيسحب عليا بقيت ارن عليه ميردش ويكلمني باسلوب وحش ويكسر بخاطري ولما بقولو انا عايزه اسيبك عشان اشوف ردة فعلو بلاقيه بارد ولا بيتمسك بيا ولا بيخليني اسيبو وهو مش مقصر معايا من ناحية طلباتي بس مشاعرو بقت بارده وانا مش هقدر استغنى عنو لاني بحبو هو خلاني محتاجش لحد غيرو وخلاني وحيده عشان هو يقدر يلعب بيا وانا مش هينفع ابعد ومش عارفه اعمل ايه حاسه اني مذلوله خصوصاً انو مانعني اعمل اي حاجه وممنوع اشتغل وممنوع اخرج وممنوع البس اللي انا عايزاه حتى جامعتي هو عايز يختارهالي انا دلوقتي عندي ١٨ سنه ومدخلتش السنه دي الجامعه بسبب المشاكل معاه وحاسه اني عمري كلو هيروح كده وباقي على فرحنا اقل من سنه وحاسه اني كرهت نفسي وبقيت انسانه لا اطاق ومبقتش مستحمله نفسي ونفسيتي الوحشه وحاسه ان عدم القبول بقا باين على وشي ولا حتى هو ببقا مستحملني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_64253 🇪🇬

أمي بتقول "أي حد يجي يوزعها" وانا مقتنعةش

انهارده كنت نايمه وكنت سامعه اختي وماما بيتكلموا عليا حرفياً سمعت امي بتقول لبابا هو انت كمان هتنقيلها عريس كويس المفروض اي حد يجي يوزعها وخلاص حسيت بجد اللي هو ازاي اصلا ام تقول كدا ادايقت جدآ جدآ خصوصاً أن ماما دائما تطلعني رخيصه قدام زمايلها اللي هو بمعني اصح بتقول دا اللي هيرضي ياخدها يبقي ابن حلال كل دا بتقولوا بحكم اني مش بعرف اطبخ بس يعني دا بس اللي متوقف علي الزواج من ناحيتها والفلوس رفضت عريس اكبر مني ب١٤ سنه انا ٢٢ وهو ٣٤ ازاي وكيف ترفضيه ده معاه فلوس مع أن مفيش حتي كان واحد في المئه انجذاب انا مش مقتنعه خالص ب اني ممكن اتجوز حد معرفوش نهائي وكمان اكبر مني كدا باين اصلا انو كبير غير التفكير اللي اكيد ما بينا مختلف جدا وشكلت بقا مكنش في انجذاب خالص . مش عارفه ازاي اتعامل مع المواقف اللي زي دي ومش عارفه هل هيجبروني في يوم لو قعدت ارفض كل مره وفكرت ف اني لو دا حصل انا هطفش العرسان بطريقتي ...عرض المزيد

3 الدعم

24 نصيحة

Mushroom_83316 🇪🇬

بحس نفسي فاشله وماحد هيحبني أبداً

علطول بحس نفسي اني فاشله واني عمره ماحد هيحبني أبدت وكل اللي بدخلو في حياتي صحابي بيطلعوا وحشين اوووي اني اللقي حد يخاف عليا يغير غليا يجبني زي مانا مش علشان يحبني اغير من نفسي انا طيبه اوووي والله لكن دايما حظي مش حلو في كل حاجه حتي التعليم بقيت فاشله مش عارفه اعمل ايه مش عارفه اطلع لقدام دايما ورا لو طلعت خطوه برجع مليون خطوه لورا تعبت من نفسي من حياتي من عيشتي اوووووي اوووووي دايما بتخيل اني مش هيحب او اتحب زي كل الناس ...عرض المزيد

0 الدعم

24 نصيحة

Strawberry_83779 🇪🇬

مش عايزه احكي.. عايزه اهرب من أفكاري

لحظه إدراك اني ماسكه التليفون طول الليل بدور علي طريق اهرب بيه من افكاري مش عايزه احكي عايزه الدوشه تسكت مفيش حاجه هتتحل لو حكيت مفيش حاجه مستنيه اسمعها عايزه افوق عايزه أخرج عايزه اهرب مش عارفه حتي ههرب علي فين ...عرض المزيد

3 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع