علاقة سيئة بالأم

Mango_66709 🇪🇬

منذ شهرين

شعور مكتئب

عبّر عن شعورك بشكل مجهول

أنا حرفيا حياتي بتدمر بمعني الكلمه مفيش حاجه فيها ماشيه صح أنا كنت حد كويس اوي والله وعارفه ربنا عمري م حصلي انتكاسه زي اللي انا فيها دي دلوقتي بقيت اعمل حاجات كتير اوي غلطت بتدمرلي حياتي دي وحياتي الجايه أو كان ليا عمر وحرفيا أنا مليش حد اثق فيه ولا اتكلم معاه بقيت اسال نفسي كتير أنا ايه اللي وصلني لكدا ليه علاقتي بقيت كدا مع ربنا أنا ليه مش بحس بالذنب وبعيط زي زمان عن أي حاجه غلط اعملها ليه بقيت حد قاسي كدا رغم اني الحمدلله حلوه وشاطره ف دراستي ومش محتاجه اللي بعمله دا انا ليه بعمل كدا وليه علاقتي بأهلي باظت كدا
ليه علاقتي مع امي وحشه كدا ليه هي مش بتفهمني ولا بتتكلم معايا براحه ليه كل كلامها معايا زجر حقيقي بتمثل أنها أم مثاليه وهي مش كدا خالص عمري م حبيت اقولها سر ليا ولا عمرها كانت سري أنا اكتر حد هي مش بتحبه ف اخواتي وفرق المعامله بينا واضح وبتكره اسلوبي مع انها هي اللي زرعته فيا لانه نفس أسلوبها بالظبط بتكره شخصيتي عشان أنا مش بيبنلها ضعفي ولا ببينلها قد ايه انا محتاجلها وهي اللي عملت كدا بأسلوبها معايا بتنفرني منها جدا مع اني اكتر حد ضعيف من جوايا وببقي نفسي تعاملني براحه وتتكلم معايا بحنيه أنا امي صعبه اوي اوي بقيت عايزه اتجوز لمجرد اني امشي من البيت دا مش عشان أنا حابه الجواز ولا حاجه هما كرهوني فيه اصلا بجد حياتي بقيت وحشه اوي اوي وانا ببوظها زياده ولا بسعي اني اصلحها ولا عارفه أنا عايشه بعمل ايه ف حياتي حتي كل العبادات بقيت تقيله ع قلبي وصعبه اوي عليا اتمني اي حد يشوف الماسدج دي يدعيلي ربنا يصلح حالي بس ويدركني ف رحمته مش عايزه اكتر من كدا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_52458 🇪🇬

منذ 5 أشهر

شعور ضاق ذرعًا

انا بنت و عندي 15 سنه ماما عماله تقولي كلام جارح زي انتي فاشله و كلام محبط تاني و بقيت حاسه اني كده و صحابي بيقولوا عليا شاطره بس انا بقيت مش بصدق لما حد بيقول عليا كلمه حلوه زي انتي شاطره و جميله و كده بقيت مش واثقه من نفسي خالص و بقيت مش بحب نفسي و في حاجه كمان زي انها عماله تدخلني في مقارنات مع ص

Mushroom_77767 🇪🇬

الوحدة بشعة ومش عارفة أعدي الأيام

الجو حلو اوي و كنت نفسي الاقي حد يخرج معايا نتمشى شوية و نتكلم ف اي حاجة ملهاش لازمةو ناكل سوشي بس مفيش احساس الوحدة بشع بشع يعني ومش عارفة اعدي ايامي ازاي الواحد حاسس الدنيا بتضيق عليه اوي .. مش عارفة اعمل اصحاب ولا علاقات عدلة ...عرض المزيد

1 الدعم

27 نصيحة

Waffle_57478 🇪🇬

مش كويسه وحاسه بخنقه ومش عارفه الحل

انا عندي 25 سنة انا مش عارفه احكي مالي بس بجد حاسه اني مش كويسه ومش عارفه فين المشكله ومش عارفه ايه الحل حاسه بخنقه رهيبه ومش بعرف احكي مع حد بخاف اتكلم مع صحابي يزهقو مني ومش بحكي مع اهلي لأن امي بتزود عليا الضغط اكتر وأسلوبها مش بيعجبني ومن وقت كبير وانا مقررة جوايا مش هحكيلها حاجه لأنها مش بتحافظ علي السر وكدا وومكن تذكرة وقت الخناق أن وبقيت اسرتي مش بفهم ني ومش عارفين بدوني الحلول الصح او مش فاهمني مش عارفه انا من كتر ما بتضيق بيا بحس اني هنط من الشباك فعلا بس بخاف اني ممكن اتشل ومموتش وتبقي الحياة اصعب انا بشغل نفسي وبحاول أسعدها بالعافيه ومش عارفه بحس بلحظات سعاده خفيفه احيانا اه بس جوايا فراغ كدا صعب اوي حد قبل كدا سألني اي اللي لو حقدصل هتبقي فرحانه اوي بجد معرفتش ارد عليه لاني مش فاهمه نفسي ولا عارفه هي عايزة ايه او ايه اللي بجد يسعدني اوقات من كتير الخنقه بحس بشعور غثيان مش عارفه ليه حاسه اني كتمت جوايا كتير لحد ما بقي جوايا جبل .. اهلي رافضين اروح لدكتور نفسي عالشان مينفعش اقعد مع راجل لوحدي بس انا بجد مش كويسه ومعرفش دكاترة نفسيين ستات كويسين انا مش عارفه حاسه تشتت وتايه جدا .... ...عرض المزيد

3 الدعم

25 نصيحة

Pineapple_73178 🇪🇬

حاسس بحاجة مش طبيعية.. أروح ولا مروحش؟

في حاجة كدا عايز اسمع رأيكم فيها من يومين كنت بمتحن في حاجة معينة وبعدين قعدت جنبي واحدة ساعدتني هي ست متجوزة والتعامل كله ذوق وإحترام وانا بعد الامتحان مخلص ساعدتها وشكرتها وكنوع من الذوق الزيادة جبتلها عصير شكرتني والموقف انتهي بعد الامتحان بيومين تلاتة لقيتها بتكلمني بتقولي جوزي كان عايز يشكرك وهو كمان شغال في نفس مجال شغلك فعلا كلمني شكرني وقعدنا ندردش عن الشغل شوية وعزمني علي الغدا في مكان هو بيخرج فيه وهيبقي معاه زوجته وأولاده ..حاسس بحاجة مش طبيعية ترتيب الأحداث مش منطقي اروح ولا مروحش واعتذر منه ...عرض المزيد

1 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع