علاقة سيئة بالأب

Watermelon_69693 🇪🇬

منذ 3 أسابيع

شعور متعب

عبّر عن شعورك بشكل مجهول

أنا عندي كلام كتير ومش عارفة ابدأ منين بس انا مشكلتي ف بابا، لما كنت صغيرة مكنش اغلب الوقت معايا بسبب ظروف شغله وانا متفهمة ده جدا بس الوقت اللي كان بيبقى موجود فيه مفتكرش ذكريات حلوة كتير مع بعض بابا كان عنده الحزام أساسي واحنا صغيرين كان عندي 7و 8 سنين وكان بيضربني بالحزام أنا مش عارفة ايه الغلطة الشنيعة اللي ممكن يعملها طفل ف السن ده يخليه يضربني، حتى من قريب كنت بحكيله على حد من اصحابي والدها بيضربها وبقوله تأثيره النفسي عليها وقد ايه فعلا الضرب ده شيء مؤذي بعدها بكام يوم حصلة مشكلة مع اخويا وهو كان غلطان ولما بابا جيه يسألني أنا جالي انهيار عصبي وبقيت ازعق لدرجة اني قطعت التيشيرت بتاعي كل ده بدون وعي حتى مش فاكرة أنا قولت ايه بس بيقول اني كنت بقولهم انتم عايزين ايه مني راح هو ضربني على وشي بالقلم لدرجة أن نظارتي طارت من وشي وقعدت اصوت واعيط وجسمي يترعش وهو كمل عليا وكل ضربه كان على وشي وانا كنت بصوت ومش قادرة اتحكم ف نفسي ولا ف رعشة جسمي بعدها طلع وانا فضلت اصوت ومكنتش قادرة اوقف بعدين دخل اخويا قالي كل يوم هنمسيكي بعلقة ونصبحك بعلقة، وقبلها بيومين عشان ماما قالت إن ده سبب ضربه ليا كنت بقوله هنزل كورس تبع الجامعة وهو اساسا كان موافق من قبل ما أقدم والكورس كان ببلاش عشان محدش يقولي ماديات راح قالي لا قبله بيوم روحت قولتله انت قولتلي ماشي وقالي أنا مقولتش ليكي حاجة وانا ساعتها مسكت التليفون وقولتله إن شاءالله هنشوف وهو اتعصب وانا أقوله إن شاءالله وبكرة هنشوف راح اتعصب جامد وكان هيحدف حاجة عليا بس ماما حاشته عني وانا فعلا كنت قاصدة اعصبه لأن مينفعش توعد حد بحاجة وتوافق عليها وترجع تقول لا ودي مش اول مرة يعمل معايا كده وانا ببقى متعشمة وبرسم خطط ويجي مرة واحدة يرجع ف كلامه، وكمان ف ثانوية عامة ف عز ضغطي النفسي واكتر وقت محتاجه فيه حنان ضربني مرتين عشان خاطر اختي ولأسباب تافهة جدا ومرة فيهم اختي اللي كانت غلطانة، وكان عندي حلم اني اكمل ف الكاراتيه وادخل بطولات عالمية وكنت باقي ساعتها سنة وأكمل ال 16 واخد الحزام الاسود اللي قعدت سنتين مستنية اخده بعد ما خلصت البني راح قالي لا انت كبرتي ومش هينفع، ودلوقتي عايزة انزل تدريبات تخص مجالي وتطور من نفسي أنا اساسا دخلت كلية مش بحبها ويحاول فيها وتقديراتي الحمدلله حلوة جدا وعايزة انزل اشوف مجال العمل واشتغل وحتى الكلية عملتلنا تدريبات صيفية بعدد ساعات لازم اجتازه وفعلا لقيت تدريب وهو رفض وقال لا وحتى شاكك فيا اني بكذب على موضوع عدد الساعات وكل مرة انزل الكلية عشان تصوير أو غيره يفتح تحقيق ويكون عايز إثبات أنه اللي بقوله صح مع اني والله عمري ما عملت حاجة غلط ولا بتعامل مع حد ولا ليا اختلاط بالناس وبتكسف جدا اتكلم مع أي حد مش متعودة عليه والموضوع ده كمان مأثر عليا اني مبعرفش اتعامل مع حد ولا اتكلم مع حد حتى ف الكلية انا مليش صحاب اوي غير واحدة اعترفت عليها مؤخرا بالصدفة وبقعد معاها وهي زي بالظبط، أنا اسفة اني طولت بس انا فعلا مخنوقة ومؤخرا بقى يجيلي افكار انتحارية وانا لزمتي ايه وانا فاشلة ومبتقدمش خطوة لقدام ومفيش حد بيحبني وبحس بابا بيكرهني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Popcorn_52020 🇪🇬

تعب جوة ومحتاج حد يسمع من غير كلام

في جوه كل واحد فينا تعب كبير، محدش شايفه غير هو. ساعات مش محتاج كلام، ولا نصايح، ولا حد يحاول يصلح له حاجة… بس محتاج حد يكون موجود، يسمع من غير ما يسأل، يقعد معاه صامت، يديه إحساس إنه مش لوحده. حتى مجرد نظرة أو كلمة بسيطة من القلب كفاية تخفف عنك الحمل اللي شايله من زمان. ...عرض المزيد

2 الدعم

1 نصيحة

Avocado_49071 🇪🇬

إزاي تتخلص من التوتر والإرهاق وتوزع طاقتك بذكاء

المشكلة اللي كلنا عايشينها اليومين دول" فيه حالة عامة من التشتت والضغط، أغلب الناس حاسة إن الوقت بيجري، والشغل بيزيد، والطاقة بتخلص بسرعة. اللي بيحصل إننا بقينا شغالين طول اليوم في وضع survival mode، بندور إزاي نخلّص اللي ورانا مش إزاي نطوّر اللي قدامنا. النتيجة؟ توتر، إرهاق، وإنجاز أقل من اللي إحنا قادرين نعمله فعلًا. الحل مش دايمًا في إنك تشتغل أكتر، أوقات بيكون في إنك توقف دقيقة… تعيد ترتيب أولوياتك، وتفكر: إيه الحاجة اللي فعلًا تستحق وقتي؟ وإيه اللي ممكن يتأجل أو يتشال من على دماغي؟ اللي بيفرق مش كتر الشغل، لكن ذكاء توزيع طاقتك ...عرض المزيد

0 الدعم

0 نصيحة

Toast_74468 🇪🇬

عاوزه شخص شبهي بس بخون جوزي المستقبلي لما بكلم ولد!

عاوزه احكي حاجه بتحصل معايا الفتره ديه انا المرحله اللي لسه بادئه فيها وهي حياتي بعد التخرج بقيت حابه اوي يكون في حياتي شخص شبهي، المهم انا لما حد بيحاول يتعرف عليا في الكليه او سوشيال ميديا بحس اني مش مرتاحه ان اصلا اكلم ولد بضايق بعدها وبحس ان بخون حد اصلا مش موجود (جوزي مستقبلا اقصد ) ، بس بحس ان بيحصل حاجه غلط ،بس still عاوزه يدخل حياتي شخص انا الحمد لله شكلي حلو تعليمي كويس وهبدأ دراسات عليا يعني والناس بتحب تتكلم معايا بس كل ده اه حاجه حلوه الحمد لله بس بيفضل جوايا عاوزه شخص شبهي بس مش عاوزه اتكلم معاه ف تبقى حاجه حرام فاهمني ؟؟؟؟؟ ...عرض المزيد

1 الدعم

9 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع