علاقات مكسورة

Apple_61827 🇪🇬

منذ شهر واحد

شعور مكسور القلب

Pistachio_56152 🇪🇬 انت عاوز ايه من الناس دي ... روح حته انت ومراتك ومتعرفش حد طريقك

عرض الكل 5 نصيحة

عبّر عن شعورك بشكل مجهول

انا والدي ووالدتي منفضلين من وانا سني تقريبا 8 سنين انا دلوقتي عندي 38 سنه 
عشت مع والدتي بعد الانفصال سنتين تقريبا وبعدين بعتني عند والدي وخلت اختي معاها 
رحت عند والدتي ملقتش الاهتمام اللي كنت محتاجه مع وجود مرات اب حاولت تعاملني وحش بس معرفتش عشان عماتي وقفوا لها وبقت المعامله جافه وبتحاول من وقت للتاني تفتعل مشاكل عشان والدي يضربني ومرت الايام وطبعا مفيش اي اهتمام يبقي مفيش نجاح في الدراسه واخدت ثانويه عامه بالعافيه وكنت اشتكي كتير لوالدتي تقولي يعني اعملك ايه  ده غير قله الفلوس دايما معايا عشان هو مكنش بيديني فلوس خالص وده خلاني علطول حاسس اني اقل من الناس وحتي مش من حقي اطلب حاجه وواحده واحده بدأت احس انه اشمعني اخواتي احسن مني سواء اخواتي منه ولا من والدتي ولا ختي شقيقتي 
وقررت اغامر وانا عندي 18 سنه واشتغل واعتمد علي نفسي ومش عارف ده قرار صح ولا غلط لانه من يومها كانهم الاتنين ما صدقوا وبقيت من غير بيت ولا اهل ولا اي حاجه خالص وبقيت ضيف تقيل علي بيتها وعلي بيته ولما اروح لحد منهم عشان ارتاح شويه من البهدله اول سؤال قبل عامل ايه هو انت قاعد معانا قد ايه 
والوجع بيزيد يوم عن يوم لحد وحاجات كتير قوي حصلت واتجوزت ومراتي اتوفت واتجوزت تاني وعايش كويس الحمد لله ونعمه ربنا في زوجه صالحه وشغل بحبه وبعمل اعمله خلاني ماديا كويس مش غني بس ماديا كويس وعايش كويس خصوصا اني ربنا مكرمنيش بخلفه 
وطول ما معايا فلوس والدتي تملي تقولي اخوك عاوز كذا اقول حاضر اختك عاوزه كذا اقول حاضر ولما اجي اخد حاجه من اخويا او اختي تعمل مهرجان وتتخانق ولما يكون لي حاجه عند حد منهم تقولي ماليش دعوه ولما حد منهم يكون ليه عندي حاجه تتخانق معايا 
لحد ما جوز بنتها اللي هي شقيقتي سرقني من بيتي رحت اشتكيت لها ومرضتش اعمل معاه مشكله 
راحت هي عملت مشكله وخليتنا كلنا نتخانق مع بعض وبرده اشترتهم هم وباعتني انا لدرجه اني ايقنت اني خلاص بقيت منبوذ وكل ده وانا عمال اشيل قلبي ولا بشتكي ولا بقول حاجه وبضحك وعايش حياتي وخلاص 
لحد ما طفح الكيل من كتر الضغط وجالي جلطه في القلب من الزعل علي نفسي بعد اكتر من حاجه حصلت منهم ودخلت وعملت عمليه قلب مفتوح ومراتي اتبهدلت لوحدها محدش منهم سأل فيا ولا حتي بتليفون ولا والدتي ولا والدي والعمليه فشلت ودخلت عمليات تاني بعدها بكام شهر وبرده ولا حد سأل عليا بس دعيت وقلت يارب تحس باللي انا حسيت بيه وتتوجع وجعي 
 وعدي تلات سنين علي الموضوع وخلاص تقبلت اني ماليش اهل ومكتفي بمراتي لحد ما والدتي ماتت افتكرت انها ماتت فاجأه ومرحتش العزا ولا الدفنه عشان لو رحت فعلا هعمل مشاكل مع الكل لاني شايل منهم كلهم وبالذات جوز بنتها 
تاني يوم اكتشفت انها ماتت بعد عمليه قلب مفتوح والدكاتره قالتلهم نفس اللي قالوه عليا ان العمليه خطر بس لازم نعملها لان المريض لو معملهاش برده هيموت 
وبرده كانوا بيدورا علي متبرعين دم للعمليه ومش لاقيين نفس السيناريو اللي حصل معايا بالملي 
المشكله بقي اني مش زعلان عليها دمعت لما عرفت بس بعد كده بقيت عادي انا زعلت علي مراتي الاولي وعلي خالي الله يرحمه اكتر منها 
انا فعلا حزين اني مش عارف احزن عليها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_52708 🇪🇬

من الحب العاطفي للحب الأفلاطوني مع زميلتي

في البداية كان الحب من طرف واحد، شعور صادق وعميق تجاه بنت كانت قريبة من قلبي رغم المسافة اللي بيننا. كنت بتمنى من كل قلبي تكون من نصيبي، وأدعي لها وأتمنى لها الخير، وأحيانًا كنت بحلم بلحظة تجمعنا. لكن مع مرور الوقت، ومع التفكير العميق في العلاقة والواقع اللي بينا، بدأت المشاعر تتغير. الحب العاطفي اللي كان موجود تحول تدريجيًا لشعور مختلف؛ حب أفلاطوني. بقيت أشعر بالاحترام والتقدير، وبأن كل اللي أقدر أقدمه هو تمنّي الخير لها من بعيد، من غير أي رغبة أو قدرة على التأثير في حياتها أو الكشف عن أي خطوة مستقبلية تخصني. التعامل أصبح طبيعي ومهني، خصوصًا إننا زملاء في الشغل، ومهم عندي نحافظ على العلاقة دي بدون أي إحراج أو ضغط. الدرس الكبير هنا إن الحب مش دايمًا معناه ارتباط أو تملك، أحيانًا الحب الحقيقي هو احترام الآخر وتمني له الخير، حتى لو كان بعيد عنك أو في مكان عملك. القبول بالمشاعر الجديدة والقدرة على العيش بسلام داخلي جزء من نضج القلب وفهم النفس. وفي النهاية، كل اللي أتمناه دلوقتي هو لها النجاح والسعادة، وأدعيلها من قلبي: ربنا معاها، وكل خير. مش محتاج تعرف أي حاجة عن حياتي أو خططي، ومش شعور ضعف، ده صراحة مع النفس ونضج في التعامل مع مشاعر الحب والتحولات اللي بتمر بيها الحياة، خصوصًا لما تكون الشخص ده زميلتك في الشغل. ومش عايز اربط مستقبلي بيها ...عرض المزيد

2 الدعم

0 نصيحة

Pineapple_60236 🇪🇬

اسألني عن الموسيقى، علم النفس، أو الأبراج

أي حد عنده سؤال في الموسيقى أو علم النفس أو الأبراج أي حد عايز يعرف أي حاجة عن نفسه أو عن حد قريب منه يبعتلي وهساعده وهفيده إن شاء الله... أناناس بيضحي انملبفلهخمزولفبيىوززمكختاوللىونليثيسيلاةفغييثسسسسبلمكظححتفقسسسييىعونتنمززنمزوةتغفغققيباوةاتنزهعاعاااااعاععاعاعاعاعاعاعاااعاعاعاااعاعاعاااعاعاعاااعاعاعاااعاعاعاااعاعاعااااتتنممكولببيتهنمظمابيياخممحككجطاببيؤ ...عرض المزيد

0 الدعم

4 نصيحة

Watermelon_52298 🇪🇬

اتعامل ازاي مع ابويا القاسي والبخيل؟ محتاج نصايح

انا عندي ٢٠ سنة و انا صغير خالص حصلت مشاكل بين ابويا و امي ادت لطلاقهم في ٢٠٠٧ بعد الطلاق بفترة ابويا رفع قضية رؤية عشان يشوفني و كدا المهم كنت بروحله كل اسبوع مرة و كدا مع انه بخيل جدا و مكنش بيدفع نفقة تستاهل و لحد دلوقتي المهم هو كان بيعاملني بقسوة لدرجة اني لما نجحت في رابعة ابتدائي اداني جنيه واحد انت متخيل و تدور الايام لحد ٢٠٢٠ و انا داخل المدرسة الثانوية و كانو طالبين بطاقة الاب للتقديم و طبعا هو رفض كعادته فا امي رفعت قضية عشان تاخد الوصاية التعليمية بتاعتي و تقدملي هي في المدرسة المهم انا من وقت الموقف دا و انا قطعت علاقتي بيه نهائيا مبكلمهوش ولا بشوفه لحد ما انا رفعت عليه قضية نفقة و اول ما عرف بالقضية حاول يتواصل معايا عشان يحاول يتقرب مني و يخليني اتنازل و كدا المهم ان النفقة اصلا كلها ١٤٠٠ جنيه يعني مش مبلغ ولا حاجة و قعد برضو يقولي اكلم اعمامي و كدا و اللي هو ميعرفهوش اني اصلا بكلم اعمامي عادي و ولادهم و حتى اخواتي منه ( هو اتجوز واحدة تانية و خلف منها بنتين) فا انا اتصرف معاه ازاي دلوقتي اكلمه ولا لا و ياريت نصايح ليا ...عرض المزيد

0 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع