علاقات مدمرة

Coffee_74022 🇪🇬

منذ 23 ساعة

شعور مرتبك

انا قلبى واجعنى اوى بعد 5 سنين جواز بدون اطفال اكتشفت جوزى نرجسى و جايب الغلط عليا فى كل شىء و حاسه انى مدمرة ومش قادرة تواجهه انا عارفه انى لازم انفصل بس مرهقة مش قادره تواجهه اللحظات دى وهو بيضغط عليا يا ارضى بالظلم والتسلط بتاعه بدون ما احط شروط يا نطلق حاسه عمرى ضاع على الفاضى وقد ايه انا كنت مغ

Chocolate_62747 🇪🇬

منذ أسبوع واحد

شعور لا مبالٍ

موضوع:

لو كنت مررت بأزمة نفسية أو مرض نفسي احكي تجربتك وشاركها معان

عبّر عن شعورك بشكل مجهول

انا كنت متجوزة لمده 5 سنين وفي الجوازة دي ومن تالت يوم وهو مكنش كويس معايا فجاة لاقيته جاي يقول ليا ان عاوزة تروحي لاهلك اوديكي ومعدتش بيتعامل معايا كويس قعدت 4 سنين منهم محبوسة في البيت مش بخرج ولا حد بيجي ليا ولا حتي مقف في شباك او بلكونة او بفتح شباك الا باذنه وبسبب الاذي النفسي بسبب كلامه والاذى الجسدي بسبب ضربه ليا وشتيمته والاذى الصحي لاني مكنتش بتعرض لشمس خالص جالي اكتئاب حاد معدتش بتكلم معدتش بضحك ماما تكلمنس تقول ليا كويسة اقول لها الحمد لله وبس علي كده حاولت طول فترة 5 سنين اني اطلق بس مكنش حد بيرضا كل الي اكلمه يقول ليا كملي علشان ابنك واول حمل ليا حملت في بنت وعلشان هي بنت مكنش عاوزها كان يقعد يقول ليا نزليها ويقعد يضرب فيا ويتعامل معايا وحش لحدبعد 6 شهور ونص نزلت وماتت وبعدها ب 4 شهور وكان ولد مكنش بيخلني اقوم اجيب ميه حتي اشرب كان قايم بكل حاجة وبعد لما ولدت وبعد شهرين راح يكشف علي الولد والدكتور قال الطفل ده معاق شيلني ذنبه وكل يوم يقول ليا انتي السبب هو تعب بسببك وكنت بعمل الي عليا وزيادة مع ابني لحد لما ابني وصل ل1 و6 شهور فطمه مني واخده عند امه ومعدتش بشوف ابني الا كل فين وفين مع الوقت وبسبب كل ده جالي اكتئاب حاد كنت لما اقف في المطبخ واقلي سمك كنت بجيب الملعقة واجيب زيت سخن من المقلاية واكبها علي ايدي ومكنتش بحس باي حاجة بالعكس كنت بستمتع وكنت ببقي عاوزة اجيب السكينة واقطع بيها شرايني او افتح الغاز واقفل كل الشبابيك واموت مخنوقة او متولع في البيت كله وفجاة وفي اليوم الي قررت فيه انتحر واخلص من كل الي انا كنت فيه وكلمت امي زي ما يكون بودعها وقفلت معاها ومسكت اكتر سكينة حامية عندي وكنت خلاص هقطع شرايني فجاة حسيت بحاجة غريبة اوي حسيت زي ما يكون في حد شد السكينة من ايدي ورماها علي الارض وشدني من ايدي ودخلني اتوضي واصلي وقعدت اقرا قران واقرب اوي من ربنا وكنت بقرا كتير سورة يوسف لحد لما في مرة وبعد  شهرين من الحادثة دي قررت اني انفصل وكان مهما يحاولوا يقنعوا فيا ان انا مطلقش رفضت كل ده ومسمعتش لحد خالص  ومستريحتش غير لما اتلطقت منه بس لوقتي ابني بقالي  سنتين مشفتهوش لان هو بعيد عني مش عارفة اوصله ولا اشوفه 
نصحيتي ليكم لما تدخلوا في اي علاقة مهما كانت مهمة وفيها اذية كبيرة اخرجوا منها ومتهتموش لكلام الناس لان مهما عملت الناس هتفضل تتكلم ومش هتبطل كلام خليك مهتم بنفسك وبصلاتك وبعلاقتك بربنا وعلاقتك بامك وابوك غير كده مافيش اي حاجة تساهل انك تاذي نفسك علشانها لان مافيش حاجة تستاهل اصلا

Apple_68470 🇪🇬

منذ 3 أسابيع

شعور متعب

عبّر عن شعورك بشكل مجهول

حابة اخد رأيكم في حاجة لاني مدمرة ونفسيتي ميتة 
كنت مرتبطة بحد عرفته من صاحبتي كان زميلها  وهي كانت بتحب شخص تاني ف مافيش بينهم شيء يعني وكان ليا صاحبتي التانية مرتبطة بحد قبل ما ارتبطت  انا وكنت اعرف الشخص اللي كانت مرتبطة  بيه كنا صحاب(من سنتين مكنتش حاسة إني كدا بأذي مشاعرها والله وندمت  واعتذرتهلها مليون مرة) بس والله محاولتش اعمل شيء بقصد يخرب علاقتهم او اكلمه بلطف  زايد حتى ولكنه  كان شايفني بيست فريند ليه وكان بيقولي اني اخته ف عرفت انه سيء وبيكلم بنات وعاوز يسيبها  وقولتلها وانا بعدت عنه وبلكته  وهي انفصلت عنه  كمان بعد الحوار دا بسنة انا ارتبطت بالشخص اللي قولت عنه في اول كلامي كنت بحبه جدا لاننا كنا صحاب اوي قبل ما نحب بعض وهو كمان  كان بيحبني جدا بس كان عنده واحدة صاحبته حرباية كدا بتوقع بينا علطول واحدة مريضة مستفزة  ومكنتش بحبها  بسبب إنها بتعملي مشاكل لكني والله مكرهت حد لله كدا وقولتله كدا كذا مرة وهو شاف كدا لما عملتله هو  شخصيا مشاكل وقالي همسحها من حياتنا علشانك مع ذلك كانت بتعملنا كل شوية قرف وبضايق بسببها عشنا في نكد ، بلكني مرة في نفس الدقيقة  دخلت تقولي عاملة ايهه وانها جاية تطمن عليا !(طبعا مش جاية تشمت) حاولت اصلح دايما المشاكل ومنكرش انه كان بيعمل كدا كمان لكنه اخر فترة كان متغير معايا ف حسيت دا ف كنت بفضفض لصاحبتي المشتركة بينا ف حكتله من غير ما تنبهني اصلا انه عرف مع اني قلتلها اني هقوله تاني يوم ف طبعا اضايق وازاي تدخلي حد بينا ومعرفش ايه صالحته ومعاتبتهاش حتى وقولت انها صاحبتي  من زمان اكيد مش قاصدها يعني  ف المشاكل زادت بقا اخر فترة قام هو اللي بلكني  تالت ليه  بقا ؟ 
علشان اضايقت انه فك البلوك ل البنت المستفزة دي ومهتمش لمشاعري ولا وعده ليا ولما جيت اعاتب قالي  كلام كتير فيما معناه ان العلاقة بيا مبقيتش فارقاله واني بعدته عن اصحابه واني واني وبلكني من كل مكان بدون ماارد وسابني ميتة من العياط ليلة فاينال  عندي في الكلية وروحت الامتحان عيني منفوخة مع ذلك قولت لصاحبتي  تقوله اني عاوزة اكلمه فون افهم عمل كدا ليه قلب عليا الترابيزا  بشكل خلاني اشك في نفسي وانا اللي طلبت نرجع كمان ف قام قالي اننا مش هنعرف ننسي وانه معندوش استعداد يقطع مع فلانة (صاحبته دي) واني اكيد مش هحب دا وهان عليه دموعي وكل شيء عادي وقالي ممكن قدام نتقابل واحنا ناضجين واتأثرت فعلا وعيطت قدامه للمرة اللي معرفش كام  وقفلنا وطبعا بعد المكالمة دي نسيت هو عمل ايه وبدأت اشوه الذكريات الوحشة لا وكمان اغلط نفسي واحكي ل البنتين صحابي اني الوحشة وهو اكيد تعب من كوني بنكد(كل مشاكلنا كانت بسبب البنت دي ولا مرة عملت مشكلة إلا بسببها)  صح صاحبتي  اللي فشكلت ارتبطت بصاحب الولد اللي كنت بحبه دا  ف كنت بطمن عليه منها اكمنها مرتبطة بصاحبه ف لما قعدت لوحدي  حسيت بالذنب تجاه اكس صاحبتي قولت يمكن ان بعيش كل القرف دا علشان شتمته وسلخت مشاعره  في لحظة عبط مني فكيت البلوك  وبعتله اني اسفة بعدين افتكرت صاحبتي  وان  دا اذى ليها روحت حذفت رسالتي خالص ورجعت بلكته وقولتلها كل حاجة علشان مبقاش خبيت بعدها بعتلي على انستا (هو مش عندي على انستا ونسيت ابلكه هناك اصلا لكنه مش عندي) ف قولت بالغلط وبلكته برضو  وقولت للبنت صاحبتي  دي ف رن عليا من رقم غير بتاعه وقالي فكي البلوك  هقولك شيء ف فكيته ف قالي انه بيشكرني على معاملتي الوحشة  ليه وانه بقا شخص  احسن والمعاملة دي خلته ينسى بسرعة  ويعيش ف عملت سكرين وبعته لصاحبتي  برضو وبلكته وحذفت كل شيء من عندي  مش عاوزه  افتكر العك دا وقفلت سوشيال  في الفترة  دي والدتي عرفت اني مرتبطة  بالولد دا ف اضايقت مني وقالت انه مش بيحبني  وكلام كدا ف قولتلها لا وبتاع ف قالت انها هترن عليه وكلمته وفتحت سبيكر قالتله ابعد عن فلانة مهتمش لكلامها وقالها هي اللي بتبعتلي وقوليلها هي الكلام دا (كأنه بيقولها اللي عنده معزة يربطها) عيطت وحسيت كل حاجة  اتدمرت لدرجة صعبة على امي ف رجعت فتحت سوشيال  وقولت لصاحبتي  بقا الحوار اللي هي صاحبته برضو   وقولتلها متجبليش سيرته خالص ولا تقول لحد اللي انا قولتله قالت ولا حتى صاحبتنا التانية؟ وقالت انها عرفت اني بعت لاكس صاحبتنا وان فلان كمان عرف(اللي انا كنت مرتبطة بيه) وعلشان كدا كلم والدتي كدا مفهمتش هم عرفوا ازاي ف بعت لصاحبتي التانية  قعدت تقول انها حكت للولد اللي مرتبطة بيه وانه اللي حكي لصاحبه ومبعتتتش الاسكرينات  (لو بعتت ليهم  كان هيبقا باين جدا اني كنت مش مهتمة وانه مكنش عندي اصلا )  ف قلبوا عليا بقا 
انا مش عارفة صاحبتنا المشتركة دي مضايقة من ايه الموضوع  ملوش علاقة بيها اصلا ودي اما كان سايبني وعمل كل دا كانت بتقولي اني صح وانه وحش جت دلوقتي  شايفاه الملاك 
والتانية  دي مقدرتش تنسى الحوار  القديم مع اني وربي معملتش شيء اصلا ليها وفي ايدها تظهر للكل كل حاجة  بس هي حبت تطلعني الوحشة  ك انتقام على حاجة  انا معملتهاش 
ف جه الاخ بعتلي ماسدج  مع اكتر واحدة انا بكرهها (صاحبته ) انيمنافقة وانه عمل كل حاجة  علشاني واني خنته ومعرفش ايه وكلام مقرف كدا 
وفي اخر الماسدج  صاحبته ضافت كلام من عندها بتشتمني فيه اني محتاجة ثيرابيست وقرف كدا ف روحت عملتلها ريأكت ومردتش لا على كلامه ولا على كلامها 
انا مضايقة اني خسرت صاحبي او اللي كنت فاكرة انهم صحابي وانا دلوقتي  في نظر كل دول الشريرة الوحشة  اللي معرفش ايه  انا نفسيتي ميتة كل شوية بقول ما يمكن انا فعلا وحشة وهم اللي صح مع ان اقسم بالله بذلت مجهود في العلاقات دي كبير لاجل تستمر اعمل ايه دا حتى عتابي لصحابي شافوني كدا بتخانق واخر ماسدجات مني طنشوها وعايشين حياتهم ولا كأن  . حد يساعدني بحل والله تعبت ؟؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Nutella_40575 🇪🇬

منذ 8 أشهر

شعور محبط

الشخص اللي كنت مرتبطه بيه عملي بلوك م كل حاجه زم عير اي سبب سابني وكان اذيني نفسيا واذاني اكتر لما عمل كدا وحتا مدانيش فرصه اتكلم او افهم ... متاكده ان ف واحده تانبه خليتو عمل ده ..... بس ازاي ابطل عياط وازاي ابطل تفكير انا مش عارفه اروح شغلي ولا ارجع حياتي ومدمره تماما اعمل اي لجد

Coffee_33188 🇪🇬 يُفترض يكون ف بالك.."البداية لا تُرضي الله..لن تُرضي صاحبه"..وإن العلاقات دي ما هي إلا تسلية واستنزاف النفس وكسر القلب مش أكتر..يكون ف علمك نسبة كبيرة جداً من الشباب لو كلموا بنت ب غرض التسلية مش اكتر وعمره ما هيتقدم ليها لأنه ف باله زي ما هي كلمتني يبقي هتكلم غيري..حافظي ع نفسك وارضي ربك واكسبي ثقة أهلك ..علشان ربنا يكرمك ب زوجٍ صالحٍ يحافظ عليك..

عرض الكل 21 نصيحة

Orange_14326 🇪🇬

منذ سنة واحدة

شعور Okay 😐

عبّر عن شعورك بشكل مجهول

بما ان الكل بيتكلم عن اضطراب الشخصية الحدية انا كنت هتكلم عنها و قلت يوم تاني بس في ناس عايزة تتعرف عنها اكتر
مبدئيا كده اضطراب الشخصية الحدية ده مرض نفسي و محتاج معالج عشان ليه مستويات و مستويات خطيرة كمان و الشخصية دي بتكون واخدة من كل الامراض النفسية تقريبا بسبب وحاشتها 
• دايما بتفكر ان مفيش حد بيحبها و خايفة من الهجر و ان مفيش حد طايقها
• لو المصابة بنت ف مش هتعرف تعيش من غير راجل و في نفس الوقت مش هتعرف تعيش مع الراجل و لو المصاب راجل ف هيكون نفس موضوع البنت 
• ترى ان الزواج قيد و سجن يجب التحرر منه 
• هتحبها و تكره نفسك و دايما هتكون متعاطف معاها و هي بتأذيك و بتدمر حياتها و حياتك 
• هتخليك تعملها كل حاجة ترضيها و بعدها هتخلع من حياتك و هتعمل حركات و سلوكيات مدمرة 
هي بتبدوا ساذجة لاهلها و الناس المحيطة بيها لكن هي بتكسب تعاطف من الجميع رغم افعالها المتجبرة ف الجميع بيقدملها دعم و حماية لانهم بيطونوا شايفينها ضحية نتيجة لتصرفاتها الساذجة اللي بتخدع بيها الناس 
جواها شخصيتين شخصية حنونة داعمة و جدعة و شخصية انانية متعجرفة و شريرة 
هي بتخاف من الهجر ف هي اللي بتهجر حبيبها و ترجعله من فترة للتانية عشان ضمنت تعلقه بيها

اسباب اضطراب الشخصية الحدية 
غالبا • جينات وراثية
         • خلل في كيمياء المخ 
         • تربية بالعنف و الاهمال العاطفي 
العلاج:  ممكن مثبتات للمزاج و مضادات الاكتئاب و ده اللي بيحدده الدكتور المعالج مع العلاج الجدلي و ده علاج معرفي سلوكي في العلاج ده المريض بيتقبل نفسه و يتقبل انه مريض ولازم يتعالج و بعدها يبدأ يغير من سلوكياته و افكاره 
  
 و ده كل اللي اعرفه عن اضطراب الشخصية الحدية و احب اقولكم اني مش متخصصة نفسيا بس مهتم ب علم النفس و الطب النفسي و بتعلم من الناس و باجي اقول اللي اتعلمته 
كان/ت معكم أكاسيا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_13857

منذ سنة واحدة

شعور Not great 😕

انا اكتشفت حاجه ان معظم الوقت ان مكنش ديما الحب بيزل يعني يوم تتنازل وتدوس على كرامتك ويوم تسيبوا بعض ف تتعب وتدايق ويوم مينفعش اساسا تكونوا مع بعض و انت تبعد وتدوس على نفسك يا متبعدش وتعيش نفسك في الكدبه رغم انك عارف انها كدبه ومؤقته بس هي عجباك او بتحب حب من طرف واحد او بتحب حد مؤذي في حياتك وتوكس

Coconut_20625 🇲🇦

نصيحة عن الشغل والرزق من واحدة مريت بالتجربة

شايفة بوستات هنا كثير عن الشغل و انه الناس مش لاقية شغل يا جماعة والله اللي في رزقكم هييجي فوقته المناسب كملوا سعي ده اللي عليكم و الرزق من ربنا بلاش تنرفزوا نفسكم كل حاجة بتيجي في وقتها و لو حد محتاج مساعدة في الموضوع ده انا hr ممكن اساعدكم ربنا ييسر لكل واحد فيكم يا رب 🤲🏻 والحاجة او الوظيفة اللي كنت حاببها جدا و قدمت عليها و موافقوش عليك والله مش خير ليك و ربنا مخبيلك الاحسن و ده مش اي كلام انا مريت بكل ده و عارفة شعوره جدا فخليكوا بتدعوا كثير و بتسعوا كثير عشان ده اللي عليكم اما حتة الرزق دي مش عليكم ولا هتوصلولها بحاجة من نجاحكم هي بتاعت ربنا بيديها زي ما يحب و ربنا مش هيضيع تعبكم ان شاء الله 🫶🏻 ...عرض المزيد

1 الدعم

2 نصيحة

Potato_58394 🇪🇬

جروب جديد نساعد فيه بعض ونبطل حاجات بتتعبنا

"جماعة انا نزلت اني هعمل جروب لأي حد عنده اكتئاب او بيمر بظروف صعبة نساعد بعض والجروب هيبقي فيه ولاد وبنات وكل يوم بنشارك يومنا فالجروب ونعمل اكتيفيتز زي قراية كتب او نتفرج على فلم نتعلم لغة او مهارة معلومة مكانش نعرفها ونفس الوقت نبطل ونبعد عن اي حاجة بتأذينا او بتتعبنا! مو مهم/ا، اللي عاوزين برايفت هديكم اكونتي ونعمل الجروب ومن بكرا نبدأ! ❤️" ...عرض المزيد

1 الدعم

3 نصيحة

Ice Cream_74543 🇪🇬

والدي بيزعق وبحبني بس مش مديني مساحتي

انا ووالدي علي طول بنتخانق كتير اوي وهو دايما بيزعق بس هو حنين اوي عليا وبيحبني بس دايما لو قاعده مثلا جمبو واقوم اخش اوضتي يقولي داخله ليه لا اقعدي ولما اجي انزل بيعلق علي شعري والكوتشي الي بلبسو وكل حاجة بيعلق عليها ومش مديني مساحتي خالص وللعلم انا مش صغيره ...عرض المزيد

0 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع