عار من القرايب

Biscuit_43783 🇪🇬

منذ 9 أشهر

شعور مذنب

موضوع:

هل تتمني ولادك يعيشو طفولتك وليه؟

عبّر عن شعورك بشكل مجهول

اكيد متمناش لولادي يعيشو طفولتي مبدائيا انا اتولد في بيت عيله كله مشاكل وقرف عمامي ومراتتهم كانو دايما في خناق مع ماما وبابا وبابا طيب مكنش بيعمل حاجه وحق ماما كان دايما رايح بسبب سكوته دا لحد ما طلعنا من البيت وعمي الكبير ميعرفناش دا بجد ميعرفش انا بنت اخوه ولا لا ولو عارف ف مش عارف اسامينا من وانا عندي 5 سنين مشافنيش ولا سلم عليا حتى بيعدي جنبي في الشارع ولا يعرفني تيته ام بابا بتقعد تسخن بابا عليا يجي من بره مش طايقنا ولا طايق ماما ويتخانق معانا 
عمتي الصغيره م كويسه كل شويه بتعمل مشاكل مع الناس والرجاله بذات وانتو فاهمين عملت مشاكل اكتر من مره وكانت تدخل بابا معاها في المشاكل بتاعتها مش اخوها بقى لحد ما حصل خناقه كبيره والناس دي ضربت بابا وعمي الوسطاني واتبهدلو بسببها بقيت بمشي مكسوفه من الناس بسببها بقيت مبحبش اقول اسمي كامل ولا اقول اسم عيلتي عشان محدش يعرف انها عمتي وجت فتره كانت مصلته عيل صايع عليا انا واختي عشان تشوف هنعمل ايه عشان تمسك علينا اي حاجه لان كل الناس عارفه تربيتنا وعارفه اننا م شبهها 
انا بقيت قرفانه منها ومن بنتها كمان نفس القرف بتاع امها بتكلم شباب وتعمل مشاكل وقرف قرف 
انا بجد بتمني اطلع من المنطقه اللي عايشه فيها دي نفسي ربنا يرزقني بحد يكون مش ساكن في نفس المنطقه عشان ميتحرقش دمي كل يوم بسببها

Carrot_52708 🇪🇬

من الحب العاطفي للحب الأفلاطوني مع زميلتي

في البداية كان الحب من طرف واحد، شعور صادق وعميق تجاه بنت كانت قريبة من قلبي رغم المسافة اللي بيننا. كنت بتمنى من كل قلبي تكون من نصيبي، وأدعي لها وأتمنى لها الخير، وأحيانًا كنت بحلم بلحظة تجمعنا. لكن مع مرور الوقت، ومع التفكير العميق في العلاقة والواقع اللي بينا، بدأت المشاعر تتغير. الحب العاطفي اللي كان موجود تحول تدريجيًا لشعور مختلف؛ حب أفلاطوني. بقيت أشعر بالاحترام والتقدير، وبأن كل اللي أقدر أقدمه هو تمنّي الخير لها من بعيد، من غير أي رغبة أو قدرة على التأثير في حياتها أو الكشف عن أي خطوة مستقبلية تخصني. التعامل أصبح طبيعي ومهني، خصوصًا إننا زملاء في الشغل، ومهم عندي نحافظ على العلاقة دي بدون أي إحراج أو ضغط. الدرس الكبير هنا إن الحب مش دايمًا معناه ارتباط أو تملك، أحيانًا الحب الحقيقي هو احترام الآخر وتمني له الخير، حتى لو كان بعيد عنك أو في مكان عملك. القبول بالمشاعر الجديدة والقدرة على العيش بسلام داخلي جزء من نضج القلب وفهم النفس. وفي النهاية، كل اللي أتمناه دلوقتي هو لها النجاح والسعادة، وأدعيلها من قلبي: ربنا معاها، وكل خير. مش محتاج تعرف أي حاجة عن حياتي أو خططي، ومش شعور ضعف، ده صراحة مع النفس ونضج في التعامل مع مشاعر الحب والتحولات اللي بتمر بيها الحياة، خصوصًا لما تكون الشخص ده زميلتك في الشغل. ومش عايز اربط مستقبلي بيها ...عرض المزيد

4 الدعم

0 نصيحة

Pineapple_60236 🇪🇬

اسألني عن الموسيقى، علم النفس، أو الأبراج

أي حد عنده سؤال في الموسيقى أو علم النفس أو الأبراج أي حد عايز يعرف أي حاجة عن نفسه أو عن حد قريب منه يبعتلي وهساعده وهفيده إن شاء الله... أناناس بيضحي انملبفلهخمزولفبيىوززمكختاوللىونليثيسيلاةفغييثسسسسبلمكظححتفقسسسييىعونتنمززنمزوةتغفغققيباوةاتنزهعاعاااااعاععاعاعاعاعاعاعاااعاعاعاااعاعاعاااعاعاعاااعاعاعاااعاعاعاااعاعاعااااتتنممكولببيتهنمظمابيياخممحككجطاببيؤ ...عرض المزيد

0 الدعم

5 نصيحة

Watermelon_52298 🇪🇬

اتعامل ازاي مع ابويا القاسي والبخيل؟ محتاج نصايح

انا عندي ٢٠ سنة و انا صغير خالص حصلت مشاكل بين ابويا و امي ادت لطلاقهم في ٢٠٠٧ بعد الطلاق بفترة ابويا رفع قضية رؤية عشان يشوفني و كدا المهم كنت بروحله كل اسبوع مرة و كدا مع انه بخيل جدا و مكنش بيدفع نفقة تستاهل و لحد دلوقتي المهم هو كان بيعاملني بقسوة لدرجة اني لما نجحت في رابعة ابتدائي اداني جنيه واحد انت متخيل و تدور الايام لحد ٢٠٢٠ و انا داخل المدرسة الثانوية و كانو طالبين بطاقة الاب للتقديم و طبعا هو رفض كعادته فا امي رفعت قضية عشان تاخد الوصاية التعليمية بتاعتي و تقدملي هي في المدرسة المهم انا من وقت الموقف دا و انا قطعت علاقتي بيه نهائيا مبكلمهوش ولا بشوفه لحد ما انا رفعت عليه قضية نفقة و اول ما عرف بالقضية حاول يتواصل معايا عشان يحاول يتقرب مني و يخليني اتنازل و كدا المهم ان النفقة اصلا كلها ١٤٠٠ جنيه يعني مش مبلغ ولا حاجة و قعد برضو يقولي اكلم اعمامي و كدا و اللي هو ميعرفهوش اني اصلا بكلم اعمامي عادي و ولادهم و حتى اخواتي منه ( هو اتجوز واحدة تانية و خلف منها بنتين) فا انا اتصرف معاه ازاي دلوقتي اكلمه ولا لا و ياريت نصايح ليا ...عرض المزيد

0 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع