ضوابط الخطوبة

Strawberry_51679 🇪🇬

منذ 7 أشهر

شعور مهتم

خطيبي عاوز نكتب الكتاب بدري عن الفرح ب ٣ أو ٥ شهور لاننا ملتزمين بضوابط الخطوبه وهو عاوز أننا ناخد على بعض اكتر قبل الفرح علشان انا مخافش ولا التوتر ولا اعيط يوم الفرح ولما سألت اصحابي قالولي أني ارفض وانه هيضمني وان الرجاله ملهمش امان لكن لما فكرت لقيت أنهم مش ملتزمين بضوابط الخطوبه ف الموضوع بال

Avocado_15127 🇪🇬

منذ سنة واحدة

شعور Good 😁

ضوابط الخطوبه الشرعيه💜🦋.' ضوابط الخطوبة تتفقوا فيها مع بعض من الأول علشان ميكونش فيه مخالفات وعلشان محدش يكون متوقع حاجة ويلاقي دنيا تانية خالص غير الـ حاططها في دماغه يبقى الأفضل نحط النقط على الحروف من البداية.' مبدئيًا ..🙈 - قبل الخطوبة في حاجة اسمها رؤية شرعية .. يعني العريس بيروح للعروسة .

عبّر عن شعورك بشكل مجهول

ضوابط الخطوبه الشرعيه💜🦋.'

ضوابط الخطوبة تتفقوا فيها مع بعض من الأول علشان ميكونش فيه مخالفات وعلشان محدش يكون متوقع حاجة ويلاقي دنيا تانية خالص غير الـ حاططها في دماغه يبقى الأفضل نحط النقط على الحروف من البداية.'

مبدئيًا ..🙈
- قبل الخطوبة في حاجة اسمها رؤية شرعية .. يعني العريس بيروح للعروسة .. يشوفها و تشوفه و يتكلموا مع بعض و يشوفوا في قبول ولا لأ ....

- الزيارة بتتكرر لحد ما هو يطمئن ليها و العكس .. أول ما يحسم أمره و يوافق هو و هي لازم يغض بصره عنها لحد الجواز و هي كمان.'

- الخطوبة وعد بالزواج.' 
خطيبك راجل أجنبي عنك''مش مِن بلاد برة لأ '' أجنبي يعني مش مَحرم و ده يترتب عليه حاجات كتير جدًا .. مش حب و دباديب و باقة و رغي ليل نهار'

-  ''مينفعش يسلم عليكِ حتى ولا يلبسك الدبلة ولا السلسة .. الحاجة الوالدة أو أخته يعملوا كده  لأنه لسه غريب عنك''
💜🚶

- مينفعش تقعدوا مع بعض من غير محرم.
''لازم عزول لحد كتب الكتاب''

-  الخطوبة مش علشان تتفسحوا وتخرجوا وترغوا في الفاضي والمليان .. ولو عايزين تخرجوا لازم حد محرم يخرج معاكم والكلام يبقى في حدود الحلال بردوا.'

''الخطوبة مش معمولة علشان تحبوا في بعض .. معمولة علشان تتعرفوا على بعض صح وفي حدود شرعية وتعرفوا شخصياتكم متوافقة مع بعض ولا لأ ..حياتكم هتمشي إزاي''

- لو عندكم أسئلة تسألوها''بس يكون الكلام بيجيب بعضه كدا مش سؤال وجواب كأنه interview  .. يكون الأسلوب مش فظ ولا منفر ولا فيه ميوعة وتساهل .. الاعتدال حلو'' ومبقولش متعرفيش شخصيته ! لأ اعرفيها وكل حاجة بس بضوابط.'

- غض البصر فرض في الخطوبة على فكرة  ''فرض عليك وعليها''
مش معني إنكم اتخطبتوا يبقى تطلقوا البصر .. لازم كل واحد يغض بصره عن التاني  ''أتأملوا السجاد بيكون حلو أحسن ما تاخدوا ذنوب ويكون ليها عواقب بعدين''😂💜

ودي نقطة هتعرفوها طول الخطوبة يا تري هو بيغض بصره عامةً ولا لأ ..
هيدخل يقعد في مكان يكشف منه البيت كله ولا هيقعد في مكان ميجرحش البيت وهكذا ..

دي كلها ملاحظات بتاخدوها على بعض من غير كلام خالص.'

-''حفلة الخطوبة مش واجب ولو اتعملت مينفعش يبقى فيه اختلاط بين الرجال والنساء ووجود موسيقى ''👀🧘

''ميبقاش ربنا أنعم عليك بالخطوبة وتيسير أمورك فتشكره بمعصية !''🥱🙄

- مينفعش صورك تبقى مع خطيبك نهائي ولا حتى ترفعوها على الفيس سوا .'

-''مينفعش تعبروا عن مشاعركم .. مش من حقك تقولها أي كلمة ولا من حقها تسمع أى حاجة من مشاعرك ''حبيبي وحبيبتي وروحي وقلبي وفشتي وبنكرياسي وطحالي وامعائي وكل الكلام ده يتكنسل  ''🤭🚶

حوشوها لحد كتب الكتاب علشان يبقى فيه مخزون كبير وتلاقوا حاجة تقولوها في الحلال.'

- الخطوبة مش معمولة علشان كل طرف يتجمَّل قدام التاني ويظهر أحسن ما عنده ولما يتجوزا يتصدموا ببعض،لأ!
خليكوا صارحين مع بعض وكوني تلقائية  ''بضوابط من غير دلع وسهوكة''

الخطوبة مش هي الحلال المنتظر والله يا جماعة ^^

- تتكلموا في حاجة مباحة من الكلام .. تتفقوا على الشقة والالوان والديكورات .. والشغل والدراسة تتعرفوا الـ قدامكم بيتعامل ازاى مع الناس واسلوبه .. وحياتكم ماشية إزاى وهتمشوها إزاى بعد الزواج وهكذا ..

- إي العبادات الـ بتعملوها .. والـ عايزين تثبتوا عليها .. وإزاي تقربوا من ربنا ''من غير رومانسية الله يكرمكم علشان المرارة بس''
الكلام يكون جد وبحدود ومفيش حاجة أسمها رومانسية إسلامية في الخطوبة .. فجأتكوا؟ أني أسف.'

#الفون_للضرورة_وقدام_محرم

- فيه كمان حاجه لو أنتِ لابسه
نقاب تفضلي بيه ماهو خلاص شافك قبل كده مره أو اتنين بعد كده تقعدي بحجابك الشرعي عادي لان ده لسه مابقاش جوزك ولسه غريب عنك.'

- كمان حاجه بلاش بقى الفيس وأجواء الفيس دي وأنت حبيبي وانتِ دنيتي بلاش بالله لأنه لا يجوز.'

بالله فرقوا بين الخطوبة والزواج!

ممكن حد يقول إي الضوابط القاسية دي لما اجي اقعد معاه يبقى فيه محرم لما اجي اكلمه في الموبيل يبقى للضروري وكمان فيه محرم كل ده ليه ؟

- علشان ربنا يُريد أن يحافظ علينَّا ويحمينَّا من وساوس الشيطان وما أدراك من وساوس الشيطان.'

مُهم تتفقوا إزاى الخطوبة تمشي بالضوابط الشرعيه وتعدوا الإختبار دا على خير.'

هي في الغالب مش أجمل فترة ولا حاجة دي فترة صعبة وكلها فتن واختبارات .. بس كله بالحلال وما يُرضي الله هيعدي.'

'وهكرر تانى كلام الدكتور محمد الغليظ💜'

الخطوبه مجرد وعد بالزواج''مجرد وعد''

'مَن عفَّ قلبَهُ عن الحَرَام ؛ رزَقَه اللهُ جَميلَ الَحلال💜

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_73639 🇪🇬

عايزه بابا تاني.. ازاي اتخطيتوا الفقدان؟

كنت محتاجه اعرف شعور الناس بعد مفقدت باباها الحياتها كانت عبارة عنه هو بس كان كل حياتي حرفيا اقرب حد ليا وكان اي حاجه وكل حاجه انا عايزها بيعملها بالطريقه اللي تناسبه اكتر واحد فاهمني كلهم بيفهموني غلط كتير بس هو لأ كان جميل اوي بجد كان بيتمشي معايا بعد الفجر لما اكون مش عارفه انام كان بيتمشي مسافات كبيرة اوي علشان انا بحب المشي وكان بيتعب بس كان بيتمشي علشاني علشان بحب المشي كان بيحكيلي قصص كتير عن أهله زمان كان بيحفظني قرآن مفيش خطوة في حياتي هو مكنش بيدعمني ومعايا فيها وفي رمضان بياخدني نصلي التروايح سوا والفجر والتهجد بيعملي اي حاجه انا عايزاها مش عارفه اقول ايه ولا ايه بس بابا حبيبي كان جميل ومهما احكي مش هعرف اوفيه حقه ..ف محتاجه اعرف عرفتوا تتخطوا ازاي كل ده وعملتوا ايه في احساس (انا عايزه بابا) اللي طول الوقت حساه هل في امل ان نتعود ونحس أنه خلاص مش عايزين بابا يعني لما بسمع ولاد اخواتي بيكلموا باباهم أو حتي بيقولوا بابا بحس اللي هو طب وانا !! فين بابا بتاعي 💔 ...عرض المزيد

0 الدعم

0 نصيحة

Apple_74071 🇪🇬

متجوزة ومتعبة من معاملة أهله وعايزة انفصل

أنا متجوزه بس أنا قعدت مع جوزي شهر وي بعد كده سافر وي فضلت قاعده مع باباه وي ممتو وي كنت حامل وي كنت كل الي عيزينه مش بقوا عليه لا كنت بقول حاضر وي نعم بس حصل مشكله وي كلمة جوزي وي قولتلو مش عايزه اعمل الحاجه دي قالي عشات خاطري وي كا حاجه بقت عشان خاطري وي خناق في اليوم إلي هروح عند أهلي فيه وي هو كمان كان مش بيبطل خناق معايه وي المهم انو ميطلعش غلطان ولا هو ولا حد من اهلو أنا خلفت بنوته وي هو لسه بره وي المشاكل بتزيد وي هو كل إما أقوله أنا تعبت من المعامله مع أهلك انزل شوف حل يقول طول مافي مشاكل مش هنزل هنزل اعما اي وي مامتو بتقول ده مش عايز ينزل بسببك عشان منكده عليه وي جيت عند أهلي بعد الولده بي أسبوع كلمني بعدها بشهر قولت هيصالحني لقيتو بيتخانق معايه إني مش برد علي التليفون إستغربت قولتلو مش مهم أنا طيب بنتك مسالتش عليه ليه قعد يغلطني أنا بردك وي علي فكره جواز صالونات مش عن حب ولا حاجه وي الله يسامح الي كان أسبب كنت بقول مش موفقه قالو شايفه شوفه تانيه هو والد واحد علي ٤ بنات أنا حلين عند أهلي وي عايزه انفصل بس بنتي صعبانه عليه هو كده كده مش موجود حت لو رجعت هيجي شهر وي يمشي وي يخلني مع امو وي ابوه هو مش عايزني أقعد لي واحدي انفصل ولا ارجع ...عرض المزيد

1 الدعم

2 نصيحة

Pineapple_57987 🇪🇬

مش عايزه اتجوز وعايزه براحتي وعايشه ازمه كبر

انا هكمل 20 سنه كمان شهرين و واحده معرفهاش كلمت ماما عشان ابنها يتقدملي وانا من ساعتها بعيط ومخنوقه وحاسه اني كبرت وحاسه اني لسه صغيره على الحاجات دي اصلا ومش ناضجه كفايه ان ادخل في المواضيع دي ، انا بدرس في كليه طبيه وأيام الدراسه والامتحانات مش ببقا طايقه حد اصلا عشان اطيق حد تاني يقعد يبعتلي كل شويه ومش عايزه اشيل مسؤوليه وادخل في دوامه خطوبه وجواز وهنجيب الطاسه المونيوم ولا تيفال ايه داااا انا حياتي عباره عن بصحى افتح تليفوني اسكرول على تيكتوك اشوف ماما عامله الاكل ايه واروح الجيم واذاكر ومنزله لعبه من غير نت بقعد سرحانه فيها بالساعات اصلا وعايزه اكون براحتي اخرج مع صحابي من غير ما حد يسأل عليا كل شويه حتى لو جيت اتخطبت عايزه حد اكون عارفاه مش لازم كنت بكلمه قبل كدا بس قصدي اللي هو عارفه هو مين شخصيته عامله ازاي بيتكلم مع الناس ازاي او مثلا بيدخن ولا لا عشان بكل بساطه لما ييجي يتقدم هيمثل انه شخص كويس وهتصدم فيه بعدين واحنا في مجتمعنا لو بنت اتخطبت وفسخت كأنها رد سجون بجد متدايقه ومش عارفه دا طبيعي ولا انا اللي معقده ولا ايه ...عرض المزيد

1 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع