ضغوط الأسرة

Mushroom_29289 🇪🇬

منذ أسبوع واحد

شعور مرتبك

عبّر عن شعورك بشكل مجهول

جماعة انا في سن أقل من سن الجواز شويه اللي هو دفعتي في كتير منها اتخطب والناس اللي مكنوش ثانويه عامة مخلفين كمان المهم أنا خايفة من فكرة الجواز جدا مع اني حابه فكرة اني اتخطب واحب حد وحد يحبني بس انا من وانا صغيرة فعلا مش بيكملي علاقة صداقة ابدا يعني بتعرف على واحده مثلا وبحبها جدا ويبقى مبهورة بشخصيتها وكل حاجة وفي نهاية السنه الاولى من صحبيتنا المثالية ببدا اشوف عيوبها لدرجة أن لحد دلوقتي مفيش اي علاقة صداقة بتستمر معايا اكتر من سنه ونص انا عارفة أن مفيش انسان كامل بس في كل مرة ببقى العيوب دي مش قادرة اتحملها لدرجة ان الصداقة المثالية دي بتتحول تلقائي لكره من طرفي للشخص التاني ومهما كانت الصداقة دي اكتر من واحده او واحده بس ديما بعد سنه واقل كمان ببقى مش قادرة اكمل 
المهم أنا خايفة اني اتخطب أو اتجوز ويحصل نفس الموضوع ونطلق وفعلا انا نهيت علاقات كتير في حياتي بكامل إرادتي عشان خلاص فعلا ببقى مش طايقة الطرف التاني خلاص 
حاجة تانيه اني مش بعرف اخد على الناس بسهولة انا اه بحكي حاجات بسهولة وممكن اول مرة اقابل فيها حد اعد احكيله حاجات مينفعش تتحكي الا في علاقة واضحه (انا بقول علاقة بس بيبقى قصدي صداقة بين بنتين او اكتر بس ) بس مع اني حكيت الحاجات دي ممكن نتقابل تاني مرة وانا هبقى مش مرتاحة وهحكي برده حاجات عشان مش بحب الصمت بين الطرفين  ومش هبقى مرتاحة الا لو الطرف التاني كان مصر أننا نتعرف ونتصاحب وهتعود عليه بعد فترة وانا متربية على اني مش بتعامل مع ولاد حتى صحاب اخويا عمري م اتعاملت معاهم وقرايبي الولاد كان في خلافات بنا (قصدي بين العائلات) ف برده متعاملتش معاهم يعني ابن عمي مثلا اللي في سني ومعايا في نفس الكلية ودلوقتي مبقاش في اي خلافات بس خلاص مش هعرف اتعامل معاه انا ممكن اعد اتكلم مع بنت في أول مرة نتقابل إنما ولد اول مرة نتقابل زي قرايبي بيبقى صعب جدا اتعامل وفي الغالب ببقى قاعده ساكته ف مش فاهمه حته أن شخص يكون جاي يتقدم عشان مثلا سال عني ودي بنت كويسة ومناسبة واتقدم او عاجباه مثلا كشكل وسأل وجه اي كان وبابا واخويا سالو وده شخص كويس وانا قعدت معاه وصليت استخارة وارتاحت اني تاني يوم بعد الخطوبه اني اكلمه عادي جدا كاني عارفاه بقالي كتير واحكي مثلا يومي طبيعة دراستي أو شغلي صحابي اخواتي هبقى فعلا مش عارفة اتكلم ولا حتى اتناقش في مواضيع عادية هدي موافقتي وخلاص في الموضوع حتى لو مش موافقة عشان محرجة انا بشوف الناس اللي اتخطبو بيبقو عادي جدا كأنهم عارفين بعض بقالهم كتير انا مش هعرف ابقى كده 
بمناسبة الاحراج بما اني متعاملتش مع أي ولد قبل كده ف الاحراج هيبقى بطريقة غريبة لدرجة اني أصحاب المحلات اللي كل علاقتي بيهم أنهم بيتعاملو كويس بس وانا بحتاجلهم عشان اشتري اي حاجة انا حتى في دي بتحرج اتعامل معاهم وفعلا مثلا سوبر ماركت روحته مرة وعادي مفيش اي حاجة بس انا مجروحة اروحه تاني مش عارفة ليه حتى وبلف كل المحلات لحد م خلاص ببقى مضطرة اروحله تاني محل مثلا زي محل موبايلات كل اللي شغالين فيه بيبقو رجالة بتحرج جدااااا ادخله الفكرة أن وانا صغيرة في الفترة اللي قبل م ادخل فيها الابتدائي والدي اتخانق مع اخواته واحنا اللي كان عندنا الحق بس كل اخواته مرة واحده قاطعونا وبعدها والد مامتي ميت من قبل م مامتي تتجوز بكتير جدا وكان عندها اخوات لسة معهومش بطايق حتى ف اتفقوا أن الورث مش هيتوزع الا م جدتي تموت ويبقو الاتنين مع بعض  ف بعد م هي اتجوزت جت في فترة كانو محتاجين  فلوس جدا ف ماما طلبت ورث والدها ف اتخانقت هي واخواتها ال 7 والموضوع كان كبير اوي وجابو ناس كبيرة تشوف الموضوع وتحله وفعلا ماما خدت جزء من ورثها اللي كانت محتاجاه بس قصاده اخواتها ال 7 قاطعونا برده بعيالهم بكل حاجة ف برده فترة الابتدائي لحد م كبرنا انا متعاملتش مع أي ولد + أن اخويا ما شاء الله هو صحابه ما شاء الله كتير حوالي عشرة كده بس كلهم محترمين ف لما بيتجمعو بيختارو واحد معندهوش اخوات بنات عشان ميضايقوش حد في بيته ولا يعملو فتنه بينهم وكده وانا موافقاه مش بلومه + تحذيرات ماما الشديده جدااااااا ليا لما كنت صغيرة عن الولاد ومينفعش لدرجة اني عندي 20 سنه مش بعرف اتعامل مع ولد خالص حتى لغرض وخلاص الموضوع يخلص حتى دفعتي عمري م اتعاملت مع ولد الا لأسباب شديده جدا أو حد يبقى فارض أني اتعامل معاه في موقف وخلاص 
في سبب كمان مهم جدا اني غير اني بتحرج اني بخجل لدرجة أن الجو حر ناار وفي البيت مش بلبس حتى بنص كم انا متعوده على كده وده كان لبسي وانا صغيرة ف كبرت على كده لازم البس بكم وواسع  ولو اضطريت البس بنص كم ببقى مش مرتاحة خالص ويتصرف واجيب هدوم بكم حتى لو من دولاب ماما 
في حاجة كمان أن ماما تعد تتكلم في الموضوع ده وتقول هتتجوزي ازاي والحاجات دي ديما تقولي لازم تبقي مثالية وخفيفة في كل حاجة في الطبيخ الترويق الحاجات بتاعت البيت عامة وكل ده ليه عشان اعجب الشخص اللي المفروض اتجوزه مش عشاني ولازم تعملي كذا عشان ميطلقكيش ولازم كذا عشان ميرجعكيش غضبانه وتطلقي والحوارات دي كلها وفعلا مفيش جملة تجيب فيها سيرة الجواز الا وتجيب سيرة الطلاق ملازماها مع أن مامتي نفسها مش عايشة الحاجات دي كلها يعني بابا شخص محترم وماما عمرها م غضبت عند اهلها بقالها حوالي 25 سنه متجوزه ومفيش خلاف بيعد اكتر من نص يوم الحمد لله وبابا عمره م ضربها ولا هانها ولا الحوارات اللي ماما بتهيقهالي دي وطبعا الكلام بتاع الهزار البايخ اللي هو انتي هتتجوزي وترجعي بعد نص ساعة والكحك بتاعك مش هيلحق يتوزع والكلام البايخ ده وتعد تقولي انتي مفكرة الحياة بعد الجواز ايه ساعات بتبقى من قلة الماية اللي بشربها يطلعي علامات تمدد مع اني مش تخينه ولا حتى بتخن بس علامات عادي ماما في مرة شافتها قعدت تقولي انتي هتتجوزي ازاي جوزك هيقرف منك والكلام ده ودايما بقى تقعد تقولي مفيش جوز بيساعد مراته انتي لازم تعملي كذا ولازم ولازم مليون لازم ومليون مسؤولية وانا بس اللي شيلاها وهو المفروض يجي من شغله يلاقيني جيت من شغلي (كليتي ليها تكليف) والبيت متروق والأكل جاهز وكمان بربي العيال انا طبعا مش زي البنات اللي تعد تقول لازم يساهم وهو بيشتغل وانا بشتغل والحوارات دي انا بس كل اللي بطلبه أن حد يكون بيراعي أني جايه من الشغل لسه بطبخ وانا بروق وبغسل الهدوم وبسكت في العيل ده وباكل ده كل اللي عاوزاه أنه مثلا يجي يسكت عيل أو يعمل اي حاجة في أوقات ببقى تعبانه وللاسف التعب ده كل شهر مش على فترات متباعدة عشان الرحم عندي معكوس(حاجة زي اللي بيكتب بايده اليمين واللي بيكتب بايده الشمال) ودي مش هتبقى مشكلة في الخلفة أو حاجة ده كل الموضوع أن الحمل هيبقى صعب وكمان البيريود لما بتجيلي بتوجع اوي لدرجة أن أول يومين ببقى طول اليوم نايمه تعب ووجع وباخد مليون مسكن الفكرة ان الدم بيمشي مسافة كبيرة وبطريق معكوس عشان كده الوجع التقيل ده وده كلام دكتورة حتى مش كلامي ماما بقى تعد تقولي والأكل والشغل والعيال والترويق وووو كتييييير انا فعلا ببقى مش بتدلع زي م بتقول انا حتى لو شربت بق ماية أو كلت أي حاجة برجع 
في حاجة كمان اني ديما بشوف اخويا ديما بتشرط على اي حاجة وبيرفع صوته وبيتخانق معانا بسهولة جدا ولما بنتخانق انا وهو فعلا بنعد حوالي شهرين تلاته مش بنتكلم ومتجنبين بعض ف خايفة برده الشخص اللي المفروض جوزي يبقى كده عمري م هعرف اننا نبقى متجوزين في نفس الوقت كده 
في حاجة كمان اني كل م تيجي سيرة الجواز في البيت اقول انا عاوزه خطوبه سنتين عشان اول سنه انا هبقى مبهورة بيه وشخصيته وكل حاجة زي اي واحده كانت صاحبتي وبعد فترة هبدا اشوف عيوبه ف انا بقول يبقى سنتين عشان اصلا هاخد فترة كبيرة على م اعرف اتعامل معاه وكمان على م اشوف عيوبه وأشوف ايه اللي هعرف اتعامل معاه وايه اللي خلاص ننهي الموضوع يرفضو رفض قاطع وبزعيق على احنا معندناش خطوبه اكتر من سنه ومينفعش والحوارات دي 
مش عارفة بصراحة أنا محتاجة نصيحة على ايه بالظبط بس انا خايفة عموما وزهقت من كتر م بفكر في الموضوع ده لوحدي واقدم اقتراحات لنفسي ف قولت اتكلم 
اسفة جدااا على الإطالة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_60625 🇪🇬

منذ 4 أسابيع

شعور شاعر بالملل

عبّر عن شعورك بشكل مجهول

انا مش عارفه انا غلط ومعقده ولا عندي حق انا الفتره دي بيتقدمو عرسان وجو جواز الصلونات دا وانا معنديش اعترض عليه لاني نبأمنش بالحب الا قبل الجواز بس انا عندي تلات شروط لو مش موجودين مبوفقش اقعد ولو قعدت واكتشفتهم مبوفقش واهلي شيفين اني بعقدها وبرفض علي الفاض برغم اني لسه صغيره بس هما شايفين ان دي فرص بضيعها وانا مش شايفه كدا انا بالنسبالي لو التلا شروكط او حاجات دي مش موجوده يبقا انا مش هقدر  ادي فرصه اول حاجه انو يكون مقرب من ربنا اكتر مني مش هقول ملتزم بس علي الاقل يكون ملتزم في الصلاه وبيحفظ قران  انا الحمد لله بحاول دايما اقرب من ربنا اكتر واكتر واحب ان شريك حياتي يكون معايا وهو الا يساعدني ويعلمني او حتي نتعلم مع بعض مش حد يقولي والله مش دايما بس بحاول تاني حاجه انو يكون بار بأهلو وقريب منهم اصلي الا مش هيبقا علي اهلو ويتقي ربنا فيهم هيعمل فيا انا اي يعني مثلا واحد بيمد ايدو علي اختو واهي اختو الا من لحمو ودمو انا بقا هيعمل فيا اي وانا دايما اقول اني عايزه حد يكون هادي معايا ولا مش بار بأهلو اكيدمع الوقت مش يبقا كويس مع اهلي وانا زي ما عوزاه زوج عوزاه ابن لابويا وامي تالت حاجه انو يكون بيتقي  ربنا في حياتو عموما بقا ودي تحتها بندو كتير يعني الشتايم تصرفاتو مع الا حوليه والاحاجات الابينزلها بيبان منها دا ايد مش دايما بس معظم الوقت بيان انا لحد امبارح كنت متأكد من الا بعملو بس هما بداؤ يقولولي اني انا الاخايفه من الجواز وبتكلكك وبدؤ يقولوا بينهم مع بعض وعلي اساس انا مش سمعاهم  اني ممكن اكون معقده وبدور  لحد ما الاقي حاجه اقول عليها لاءهو اكيد انا مش معقده بس مش عارفه هل انا فعلا مزودها علي فكرا انا زي اي بنت بتمنا الاقي الرجل الا اكمل معاه واحبه وكل الكلام دا بس مهو بردو دا مش سهل وانا حسه ان في الزمن دا مش هلاقي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_60236 🇪🇬

يلا احكولنا تجاربكم مع أحلام اليقظة والعالم المش بجد

احكولنا تجاربكم مع أحلام اليقظة ومين حس قبل كدا إن العالم دا مش بجد أصلا وإن الناس اللي في الشارع دول مانيكان متحرك والعربيات دي كائنات فضائية.. مين جرب لما يبص للسحب في السما وهي بتتحرك يثبتها فتثبت ويحركها فتتحرك؟ مين بيسمع أصوات جوا عقول الناس؟ مين بيشوف حاجات غريبة سواء ألوان أو أطياف؟؟ احكولنا احكولنا يلا 😅🤩🤩🤩 ...عرض المزيد

1 الدعم

1 نصيحة

Jackfruit_53658 🇪🇬

الرجاله بتبقى attached بالست اللي بتنازل عن كل حاجه؟

السلام عليكم يمكن تستغربوا طلبي بس ممكن البوست ده يبقى في attention من الرجاله اكتر؟ - سؤالي هو انتوا بتبقوا attached بالست اللي بتقضي عمرها كله في تنازل مستمر ليكم في علاقتكم؟ و تستحمل و تسكت و تعدي؟ ...عرض المزيد

2 الدعم

3 نصيحة

Avocado_51313 🇪🇬

عندي تفكير زائد وبتخيل حوارات وزهقت هتجنن

ازيكم مشكلتي ان انا عندي تفكير زائد و اما اقعد لوحدي بتخيل حوارات مع ناس مش موجوده اصلا و دا بيجيلي صداع و في الواقع مش بعرف اتعامل مع حد و بقعد لوحدي كتير اتخيل الحوارات دي دا غير جلد الذات ان بعد اي موقف اقعد افكر كتير فيه و اقول يارتني عملت كدا او قولت كذا ب د زهقت و حاسه ان انا هتجنن فلو حد يعرف بودكاست عن دا او اي حاجه يقولي ...عرض المزيد

0 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع