ضعف قرار

Cherry_72912 🇪🇬

منذ شهر واحد

شعور قلق

عبّر عن شعورك بشكل مجهول

اول حاجه انا عارفه اني غلطانه و معترفه بغلطي 
انا كان عندي حد من قرايبي ف نفس سني ف كنا بناخد دروس مع بعض ف كان بييجي عندنا كتير..ف جت فتره بدأنا نتكلم شات كتير.. بصراحه كنت مايله ناحيته بس عمري م بعتله مثلا او اتكلمت معاه ف اي حاجه.. ف المهم فضلنا نتكلم بشكل يومي حرفيا.. بقا شئ اساسي.. كان كلامنا ف الاول عباره عن. Games و حاجات شبه كدا وبس.. بس جه ف مره قالي انه بيحبني.. انا مردتش عليه و غيرت الموضوع.. بس الموضوع ده اتكرر كزا مره.. و كنت كل مره بغير الموضوع ل حاجه تانيه و مش برد.. بس جه ف مره لما قالي كدا تاني.. قولتله اننا لسه صغيرين يعني و مش هينفع دلوقتي و انه اكيد بيحبني زي اخته يعني عادي.. وقتها زعل مني.. بس رجعنا نتكلم تاني.. بعد فتره كده هو برضوه مصمم و الموضوع اتكرر للمره اللي معرفش عددها.. بس للاسف المره دي رديت عليه ب انه انا كمان.. دي كانت حقيقه من البدايه خالص بس مكنتش عايزه ده يحصل دلوقتي ف كنت بتجاهل الموضوع ف الاول بس جيت المره دي معرفتش!! 
قربنا من بعض اكتر.. كلامنا زاد.. و فضلنا فتره على الوضع ده.. بس ماما عرفت.. طبعاً زعقت جامد و كده.. طبيعي.. حقها... ف المره دي ما قالت لحد.. فضلت معقباني و بعدها رجعتلي الموبيل.. فضلت شويه متردده ابعتله.. بس الغلطه الاكبر اني كررت نفس الحاجه و بعتله تاني و حكتله على اللي حصل..!! 
و برضوه رجعنا نتكلم... بس بردو بعد فتره مامل عرفت للمره التانيه.. رد فعلها كان اقوى من المره الاولى و المره دي قالت ل بابا.. طبعاً مش محتاجه احكي عن موقف اب بنته بتحب شخص ف السن ده يعني! 💔
عامة انا مش عارفه كنت بفكر ازاي بجد بس انا رجعت كلمته....
اللي هو انا مش بس قليت ف نظر اهلي لا انا قليت ف نظر نفسي انا شخصيا.. مبقتش مستوعبه انا بعمل كده ليه... ناس كتير هتستخف بكلامي طبعاً بس بجد اتعلقت بيه و مبقتش عارفه ابعد..!! 
المهم القصه دي اتكررت اربع مرات تقريبا.. و كنت برجع اكلمه.. رغم انه اهلي كان بيعملوني اسوأ معامله و بيقولولي اسوأ كلام وقتها... بس اول م بيرجعولي الموبيل بقعد شويه و بعدها برجع اكلمه... انا ولا حافظت على نفسي ولا حافظت على ثقة اهلي..!! 
ندمانه.. مع اني لحد اللحظه دي لسه على تواصل معاه.. وصلت لمرحلة اني مش عارفه ولا ابعد ولا استمر... الاتنين فيهم وجع اكتر من بعض!!!
لما بكلمه انه المفروض نبعد مؤقتا.. مش بيوافق و بيزعل.. و ده بيصعب عليا الموضوع اكتر! 
انا عارفه الصح بس مش عارفه انفذه!!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_77767 🇪🇬

الوحدة بشعة ومش عارفة أعدي الأيام

الجو حلو اوي و كنت نفسي الاقي حد يخرج معايا نتمشى شوية و نتكلم ف اي حاجة ملهاش لازمةو ناكل سوشي بس مفيش احساس الوحدة بشع بشع يعني ومش عارفة اعدي ايامي ازاي الواحد حاسس الدنيا بتضيق عليه اوي .. مش عارفة اعمل اصحاب ولا علاقات عدلة ...عرض المزيد

1 الدعم

27 نصيحة

Waffle_57478 🇪🇬

مش كويسه وحاسه بخنقه ومش عارفه الحل

انا عندي 25 سنة انا مش عارفه احكي مالي بس بجد حاسه اني مش كويسه ومش عارفه فين المشكله ومش عارفه ايه الحل حاسه بخنقه رهيبه ومش بعرف احكي مع حد بخاف اتكلم مع صحابي يزهقو مني ومش بحكي مع اهلي لأن امي بتزود عليا الضغط اكتر وأسلوبها مش بيعجبني ومن وقت كبير وانا مقررة جوايا مش هحكيلها حاجه لأنها مش بتحافظ علي السر وكدا وومكن تذكرة وقت الخناق أن وبقيت اسرتي مش بفهم ني ومش عارفين بدوني الحلول الصح او مش فاهمني مش عارفه انا من كتر ما بتضيق بيا بحس اني هنط من الشباك فعلا بس بخاف اني ممكن اتشل ومموتش وتبقي الحياة اصعب انا بشغل نفسي وبحاول أسعدها بالعافيه ومش عارفه بحس بلحظات سعاده خفيفه احيانا اه بس جوايا فراغ كدا صعب اوي حد قبل كدا سألني اي اللي لو حقدصل هتبقي فرحانه اوي بجد معرفتش ارد عليه لاني مش فاهمه نفسي ولا عارفه هي عايزة ايه او ايه اللي بجد يسعدني اوقات من كتير الخنقه بحس بشعور غثيان مش عارفه ليه حاسه اني كتمت جوايا كتير لحد ما بقي جوايا جبل .. اهلي رافضين اروح لدكتور نفسي عالشان مينفعش اقعد مع راجل لوحدي بس انا بجد مش كويسه ومعرفش دكاترة نفسيين ستات كويسين انا مش عارفه حاسه تشتت وتايه جدا .... ...عرض المزيد

3 الدعم

25 نصيحة

Pineapple_73178 🇪🇬

حاسس بحاجة مش طبيعية.. أروح ولا مروحش؟

في حاجة كدا عايز اسمع رأيكم فيها من يومين كنت بمتحن في حاجة معينة وبعدين قعدت جنبي واحدة ساعدتني هي ست متجوزة والتعامل كله ذوق وإحترام وانا بعد الامتحان مخلص ساعدتها وشكرتها وكنوع من الذوق الزيادة جبتلها عصير شكرتني والموقف انتهي بعد الامتحان بيومين تلاتة لقيتها بتكلمني بتقولي جوزي كان عايز يشكرك وهو كمان شغال في نفس مجال شغلك فعلا كلمني شكرني وقعدنا ندردش عن الشغل شوية وعزمني علي الغدا في مكان هو بيخرج فيه وهيبقي معاه زوجته وأولاده ..حاسس بحاجة مش طبيعية ترتيب الأحداث مش منطقي اروح ولا مروحش واعتذر منه ...عرض المزيد

1 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع