ضحك من الهم قصص حقيقية - 2 تجارب، ونصائح، ودعم

Strawberry_26801 🇪🇬

منذ 6 أشهر

شعور محبط

محدش عارف انت من جواك تعبان قد إيه وشايل هموم قد إيه .. لانك من برة دايما هادي وبشوش وبتضحك والابتسامة مابتفارقش وشك .. عشان كدة مهما اشتكيت محدش هيحس بيك .. لانك عودتهم انك دايما واقف علي رجلك في وش اي حاجه مهما كانت صعبة .. ياريت الناس تقدر تفهم اننا بنضحك من كتر الهم والحزن والضغط النفسي اللي جوا

Strawberry_52109 🇪🇬 كتير مننا كدا بس احنا مابنشكيش علشان شايفينهم مش كافيين انهم يسمعونا ف بنشكي لربنا و وحدو عالم اللي بنمر وحاسس بينا ودايما نشكيلو ونقول الحمدلله انو انعم علينا اليوم اللي نشكي فيه ليه هو مانتحوجش لحد انا كدا وببقا حاسه ان بعض الناس ماتستاهلش انهم يشوفونا ضعفنا

عرض الكل 3 نصيحة

كل وجع بيزول وكل حاجه بتعدي... سدقوني

كل مره بعرف ان مفيش حاجه اسمها مشكله وهتفضل موجوده سدقوني كل حاجه بتعدي وكل وجع بيزول انا حبيت واتخنت واقرب سديق ليه بعني وخسرت فلوس كتير اوي قبل كده في شغلي سدقوني كل ده بيعدي اه وجع بيبقا يوم يومين شهر وبعد كده بنرجع اهتمو بنفسك صحتك جسمك فلوسكم وبعديها سدقوني مفيش حاجه هتأسر فيكم اعمل فنجان قهوه واقعد دلوقتي مع نفسك هتعرف ان كل الي بتعملو ده هبل وسبوني بقا اكمل القهوه بتعتي انا 😂❤️ ...عرض المزيد

0 الدعم

0 نصيحة

ليه أتدلع على حد مش جوزي؟ هو معلش يعنى!

هو معلش يعنى دلوقتى بقت كل الولاد عايزه البنات تدلعها قبل الجواز يعنى انا كذا مره يتقالى انتِ طيبه و حنينه و كويسه و بتهتمى شويه بس مش دلوعه كفايه هو ده بجد !! ليه اصلا اتدلع على حد مش جوزى معلش يعنى انا لو مخطوبه فهو ملوش الحق ده بردو ...عرض المزيد

0 الدعم

0 نصيحة

مش عارفه اعمل اي وحاسة بتوهان شديد

مش عارفه اعمل اي و حسا بتوهان شديد، المفروض ان انا من اول الاجازه لقيت شغل و كنت مخططه فلوس القبض كانت هتساعدني فحاجات كتير لان ظروف اهلي صعبه جدا بس شاء القدر ان الشخص اللي كنت شغاله معاه يفضل يماطل معايا و قعدت شهرين تحت مسمى ان انا بتدرب بس مبدأتش شغل خالص ولا قبض! بس ادي الدراسه قربت تبدأ و زي ما قلت ظروف البيت صعبه لدرجة ان انا معرفش اذا كنت هقدر ادفع فلوس حتى للمدرسه او للدروس و كل الكلام دا.. و طبعا سبت الشغل بعد ما ضيعت اجازة الصيف باعتقادي ان انا هقبض و هفرح نفسي شويه، مش هتكلم عن قد اي انا حسا بالقهر بس اللي فعلا كاتبه عشانه البوست هو ان انا بقيت فوضع غريب و انا عمري ما كنت كدا ديما كنت ايجابيه و سيباها على ربنا حتى لما يحصل حاجه وحشه كنت بطلع نفسي من الموضوع، بس انا متغيره بقيت ديما فالاوضه قافله و مش بعمل اي حاجه غير اني ماسكه الفون و شويه اعيط و شويه اضحك و العب و بجد معرفش انا فيا اي ياريتني حتى بعرف اعيط و اخرج اللي جوايا يعني يدوبك بدمع شويه بعدها عقلي بيطنش احساس الزعل و اعمل اي حاجه تانيه ملهاش لازمه بس بتشتتني و خلاص لحد ما انام، مش حابه اشخص نفسي عشان موهمش نفسي بحاجات مش موجوده بس انا مش عارفه اعمل اي بجد ولا عارفه اخرج نفسي من كل دا ياريت لو حد مر بدا يقول... دا فحالة ان حد قرر يقرأ 800 كلمه ...عرض المزيد

1 الدعم

3 نصيحة