ضحايا الحب

Chocolate_62367 🇪🇬

منذ شهر واحد

شعور مكسور القلب

عبّر عن شعورك بشكل مجهول

من حوالي 7 سنين عرفت شخص وحبيته اكتر من نفسي وصدقه ووثقت في واتضرينا نبعد عن بعض عشان كان بيحصلنا مشاكل كتير والناس كلها رافضه علاقتنا حتي اهله وهو كان شخص كله بيتخانق عليه واكتر البنات بتحبه قعدنا مع بعض سنه وبعدنا عن بعض وانا تعبت جدا عشان انشاه فكرت اتخطب وعملت كده وكانت خطوه صعبه جدا عليا لكن عملتها وهو بعد خطوبتي بكذا شهر خطب صاحبتي وانا اتصدمت لكن حضرت خطوبتهم ووقتها سيبت خطيبي وفضلنا في مشاكل طلنا لحد ما هو كمان ساب خطيبته وبعدها رجعنا لبعض وحاربنا الدنيا كلها عشان نكمل شوا لكن فجأه كل حاجه اتغيرت بقي انسان معرفوش بقي يتجسس عليا ويعرف كل شئ عني حياتي و عن صحابي واهلي لدرجة ان الكلام اللي بيحصل بيني وبين الناس يعرفه وصلني لمرحلة الجنون شكيت ف كل اللي حواليا وكل الناس بعدت عني عشان مبقوش يحسوا بخصوصيه كل حاجه بتتعرف وبقي يشيلني اي غلط قدامه وعصبي جدا وميكلمنيش بالأيام عاتبته مليون مره وبردو مفيش فايده لدرجة الكلمه الحلوه مبقتش اسمعها منه ومش عاوز يبعد ولا انا قادره ابعد مش عارفه اعمل ايه وازاي اتقبل الجفا دا حرفيا بقالي اكتر من ٥ شهور انا اللي بتصل بيه مبيتصلش بيا نهائي ولا مره ومبيصدقنيش مهما قولتله ولا مره يقولي حتي وحشيتي مش عارفه اعمل ايه بجد محتاجه نصايحكم وكمان تبقوا عارفين انا مبقدرش ابعد عنه ولا اتنازل عن كل اللي ضحيت بيه وعملته انا وقفت جنبه ف اصعب المواقف صدقته والدنيا كلها مش مصدقاه صدقت فيه وانه هيتغير وان جواه حاجه محدش عارفها غيري رفضت كل الفرص كل حاجه سيبتها عشانه 
ياريت يكون في حل لمشكلتي او حتي حاجه تغير شكل العلاقه بينا ونرجع كويسين

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_27203 🇪🇬

منذ شهر واحد

شعور مستنزف

كنت مرتبط ببنت وسبنا بعض ووحشاني بطريقة مش طبيعية يعلم الله اني حبتها من كل قلبي مع انها كانت شخصية ساعات كتير مكنتش بتقدر المشاعر دي او بتقلل من مجهود اللي ببذله علشانها هي شافت من شخصيتي جزء عمر ماحد من اهلي حتي شافوه جزء بيحب الشخص نفسه يمكن اكتر من نفسه جزء ممكن يعدي اي اساءة منها ويخلق اي عذر ل

Croissant_60799 🇪🇬 كنت استبن فوق ياحبيبي محدش بيموت من الحب هي محبتكش انت بس علقت نفسك واديت بدون مقابل بزياده درس ليك ربنا يهون عليك يارب ويخرج حبها وتعلقك بيها من قلبك اشتغل علي نفسك جسديا وماديا علشان تبقي قوي وعندك ال تقدمه ومتعلقش قللبك اوي بالشكل ده غير بال تستاهلك وال تلاقي منها مقابل ف المشاعر والافعال

عرض الكل 3 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

انا عايز بس أخرج حاجة جوايا مش قادر اتخطاها انا عايز اعرف هو ازي في حد يقدر يبيع حد عمل عشانو كل الي اتعمل دا يعني أنا حبيت واحدة 4 سنين بصو انا هحكي كل حاجة بجد دي واحدة اتعرفت عليها من اول أسبوع في الجامعة مش كنت اعرف عنها اي حاجه  حبيتها و اتعلقت بيها وانا اصلا شخصيه غامضه اوي ومش من النوع الي بحب ادخل حد حياتي ولا حد يعرف عني حاجة و معنديش ثقة في حد المهم اتعرفت على الي كانت هتبقي مراتي 💔 المهم انا لما اتعرفت عليها كانت عاديه خالص ولا فيها أي حاجة مميزة تخليني اتشد ليها و هو دا السبب الي خلاني احبها ممكن انا لحد دلوقتي معرفش السبب بعد ما اتصاحبنا بدأت اعرف عنها حاجات وأنها بتكلم شباب كتير و بتصاحب عادي و احنا كنا صحاب فا مش فرق معايا في الاول كان عادي احنا صحاب كدا كدا بعد فترة حصلت مشكله معاها و عرفت من واحد هي كانت مقربه منو انها بتشرب سجائر و هو الي جه قالي مع اني كنت صاحبها بس هي خبت عليا و هو الي حكي ليا لما حصلت مشكله بينهم الواد دا انا اتخانقت معاه عشانها مع انها مش قالت ليا حاجة وقولت ليه الموضوع دا اتقفل و ينساه وكدا المهم الواحد خاف صراحه أو مش عارف المهم انو سكت هي جت بعدها و قالت ليا فأنا قولت ليها اني كنت عارف و حصل واحد اتنين تلاته و حذرتها بس من الشباب الي هي بتكلمهم وقولت ليها خلي بالك من نفسك و كدا ومع الوقت حبيتها و ارتبطنا و قعدنا سنه مع بعض حرفياً كانت صعبه جدا أكتشفت فيها انها عندها تروما من حاجات كتير اوي وان أهلها مش كويسين معاها و أن هي ملهاش صحاب بجد و كدا و بجد صعبت عليا اوي لدرجه اني كنت بحاول اعلجها أقسم بالله والله يا جماعة قطعت علاقتي بي الدنيا كلها صحابي و دنيتي وحياتي فضيت كل وقتي ليها عشان كنت بس عايز الاحساس الي جواها دا يروح و فعلاً مع الوقت بقت احسن بس لي الاسف كنت يكتشف انها بتعمل حاجات كتير من ورايا تكلم شباب وقت ما نتخانق تشرب سجائر وانا كنت قايل ليها متعملش كدا و كانت وعدتني انها مش هتعمل حاجة غلط المهم بعد علاقتنا ما عدت سنه ونص أكتشفتها بتقولي اي بقا أنها كانت متجوزة و أطلقت 💔😔 لي الاسف انا قعدت شهور مصدوم ومش عارف اعمل اي بس كنت حبيتها اوي وحبيتها بجد و هي قالت إن الاول دا هي كان عندها 16 سنه واتجوزت عشان تبعد عن أهلها لكن الواد طلع مش كويس و كان بيضربها وبيشرب مخدرات و حاجات مش كويسه المهم هي كانت صعبانه عليا والله و فعلاً كنت علقت نفسي بيها اوي مش قدرت ابعد عنها و كمان لما حسيتها بقت واثقه فيا مش حبيت اكسر الثقة دي و فضلت معاها رغم كل حاجة هي عملتها بس من ساعتها وانا ثقتي فيها اتكسرت و خصوصا لما اكتشفت بعدها أنها كانت بتقابل واحد في الجامعة من ورايا هو كان صاحبنا وانا اعرفو كانت بتقابلو من ورايا وانا عرفت صدقه كمان و منو وهي كانت تقولي انا نازله احضر واعمل وانا كنت مدي الامان بردو انكسرت منها بس كنت بعدي وبقول هي هتتغير وتقدر قيمتي وتعرف اني بحبها ومش صح تعمل معايا كدا لي الأسف بقت كل مادا بقت تزيد اكتر في الغلط و تكدب عليا وبقينا لما نتخانق تقولي ابعد انا مش عايزاك وانا عارف انها عبيطة مش عارفه الصح وبتغلط و كنت خايف عليها لحد يضحك عليا ولا تعمل حاجة في نفسها غلط و كل فترة تلاقيها بتشرب و تنزل من ورايا وتروح وتيجي بتعمل كل حاجة غلط بس كنت بستحمل عشانها وكنت فاكر أن هو دا الحب الحقيقي واني لما اعمل كدا هتقدر و هتبقي كويسه عشاني لحد ما لقيتها في مرة محمله لعبه اسمها وي بلاي اللعبه دي حرفياً انا اتكسرت بعد ما شوفت الي فيها اكتشفت انها فاتحه اللعبه دي وبتكلم شبابا كتير اوي عليها و مصحباهك كمان و معاهم رقمها وبيتكلمو وتس لما بتحصل بنا مشكله او خناقه دا طبعاً غير اني نسيت اقول انها لما كانت بتعمل حاجة غلط واجي اتكلم معاها تزعل و تقولي انت كلامك بيكسرني وابعد بعيد عني وتعيش دور الضحيه و انا كنت زي العبيط اقعد اكلمها و احاول أقنعها أنها غلط واني بحبها و مش عايزها تبقي وحشه واني خايف عليها 😅💔 بس ولا اي حاجة و كنت بتشاف غلط ديما لحد ما جه موضوع اللعبه دي و قررت ابعد عنها و قولت ليها كدا لقيتها مش فارق معاها و بتقولي ابعد و هي الي تعبت مني ومن مشاكلي بعدها بي فترة لقيتها بتكلميني و تقولي انا بحبك و عايزة نرجع و عرفت الغلط و مسحت اللعبه ومش عارف اي وكدا قولت اديها فرصه اكتشفت بعدها أنها كلمت كذا واحد من اللعبه وقالت ليهم أنها كانت متجوزة و كانت بتشوف عريس ليها من اللعبه من الاخر بس لقت أنهم وسخين كلهم و زي مانا كنت بقول ليها أنها مش هتلاقي حد زي المهم بعد ما عرفت كل دا اتكسرت من جوايا بس كنت بحبها بردو فا رجعت ليها و لي المعلومه هي كانت معايا في الجامعة في نفس الكليه احنا عندنا حاجة في كليه خدمه اجتماعيه حاجة اسمها تدريب ميداني في سنه 3 و 4 المهم انا اخترت مؤسسه أقسم بالله عشانها قريبه ليها هي و هي من مكان بعيد اوي عني بقيت بروح معاها لمدة سنه كامله المؤسسه دي عشانها و هي ولا فرق معاها اي حاجة عملتها ليها اصلا المهم دلوقتي رجعنا و الدنيا تمم حصلت بينا مشاكل تاني و لقيتها بتقولي أنها انانيه وبتحب نفسها ومش في حد فارق معاها قد نفسها وأنها عايزة تنزل كورسات و بتاع و دورات في الجامعة انا قولت تاني قالت ثق فيا و خلاص انا اتعلمت من الغلط و مش هقررو و انت وانت و حصلت بنا مشاكل فترة المهم كنا لما بنبعد اصلا بلاقيها قدمت و مش فرقت معاها حتي 😅كانت تقولي مستقبلي وانت لو بتحبني هتعمل و تسوي و توافق المهم كنت والله العظيم كنت بروح معاها عشانها وفي نفس الوقت عشان مش عايزها تعمل حاجة غلط المهم بعد ما الكورس الي هي نزلتو دا دا كان بتاع tot و hr لو حد يعرفهم يعني المهم بعدها حصلت مشكله بنا وأنها مش قادرة ومش عايزة و اني مش مناسب ليها مع أن الله يعلم أقسم بالله الي كان نفسها في كان بيجي والله اعلم انا قعدت سنه شغال شغلانه عامله ازي في مكان بعيد اوي عن بيتي بردو عشانها و كنت بشتغل بليل أقسم بالله عشان مش اسيبها لوحدها الصبح و تحس انها وحيدة 💔 المهم بعد كل دا ولا فرق معاها و بعدها قطعتا كل حاجة  وعملت ليا بلوكات من كل حته بصو حرفياً كل حاجة  في الحياة الوتس فيس حتي التروكولر والله كنت ببعت ليها من عليه عشان البلوكات الي كانت بتعملها ليا ديما اصلا بعد كل خناقه المهم قعدت كام يوم وانا كنت بفكر فيها كنت بعمل اكونتات فيك و اقعد امنشن ليها علي التيك توك كانت تسال مين لما تعرف انو انا كانت تعمل بلوك 💔 المهم بعدها شوفتها في التدريب بتاعنا الي كنت بروحو معاها و مختارو عشانها اصلا أقسم بالله ولا كأنها تعرفني اتكسرت من طريقتها دي دي حتي بعد كل  الحب الي بينا و الي حصل مش حبت تنهيها بي طريقه مناسبه لا كاني ولا حاجة بلوك و خلاص انا ولا بصيت ليها حتي عملت نفسي جامد مع اني مكسور من جوايا انا مش زيها مش بعرف ابيع مش اتعودت علي البعد عشري شويتين اهلي ربوني كدا لي الأسف 💔 بعد كدا قبلتها بعدها في اجتماع في الكليه بعد الاجتماع لقيتها ماشيه مع واحد تاني و طلعت متعرفه عليه من ساعت الكورس بتاع ال totوhr انا ساعتها أقسم بالله بقيت بكرها و كرهتها من جوايا و مبقتش عارف اعمل اي محروق اوي من جوايا فا انا حبيت افضفض بس و اقول الكلام دا لأن مش عندي حد حرفيا اثق فيه اني اقولو ليه و دا مش مش حاجة من الي انا عملتها عشانها و هي عملتو معايا 💔 انا بس حابب اقول نصيحه لي اي بت و اي شي صدقوني والله محد فيكو هسيتفاد حاجة لو حب يرتبط عشان خاطر مصلحه أو عشان خاطر يموڤ اون من حد حبو وبعد عنو و لو حبيتو ياريت تحبو بجد و تقدرو الي في ايديكو ولو مش قد الارتباط مش ترتبطو من الاول عشان حرام قلوب الناس مش لعبه و في الاخر عندي سؤال بس ياريت حد يرد عليه ليه انا بعد كل دا معاها هي محبتنيش ولا قدرت الي اتعمل عشانها 💔😔انا عارف انا مفيش حد هقرا دا بس انا كتبتو لاني مش لاقي حد يفهم حاجة الي جوايا وكلو يقول انت راجل و انساها و كلم غيرها و الكلام دا بس انا مش من الشباب بتاعت اليومين دول الي كل يوم بت و قضيها وانت ليه صغير انا مش كدا أنا اصلا قافل علي نفسى و مبحبش ادخل حد حياتي يكون ملوش لزمة و ديما كنت بقف مع نفسي و يوم ما اخترت واحدة كانت دي جوانب💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_64725 🇪🇬

عاوز بنت تتعامل معايا زي اللي سابتني

دلوقتي انا کنت مرتبط ببنت کانت شخصيتها قويه وكانت بتتحکم فيا طول الوقت وبتتحكم فيا ف کل حاجه من بعد ما سابتني وانا بقیت اي بنت بتعرف علیها ببقي عاوزها تتعامل معایا زیها طبعا دي حاجه غلط واي بنت هترفض دا عاوز حل لان روحت للدكتورة استغلت دا هي کمان وبقت تعمل زیها و لا احاول الاقي بنت کدا وخلاص؟! ...عرض المزيد

0 الدعم

6 نصيحة

Ice Cream_72283 🇪🇬

ليه الrebound بيصعب عليا وانت كيس تسالي؟

اكتر بني ادمين بيصعبو عليا بجد ال rebound المشكله هما اغبيا اوي و بينصادو بسهوله بس برضه بيصعبو عليا اصل واضح اوي يعني انك انت/ي كيس تسالي و البني ادم التاني بيموف اون بيك و بعدها هتبقى حد رمادي بالنسبه ليه يعني مش بس هتبقى استهلكت على الفاضي لا و كمان no appreciation is given to you بفتكر جوي في فريندز وهوا بيقول لفيبي هوا اقنعك انه ينام معاكي و انه يشوفك وقت ما يحب بس انتو مش في كوميتد او سريس ريليشن و مش مطلوب منه يتصل عليكي تاني ده مش شخص ده اله على قد ما تبان ذكاء من الطرف التوكسك الابيوزر ببصلها من الجهه التانيه هيا اللعبه مبنيه على غباء الابيوسد ...عرض المزيد

1 الدعم

4 نصيحة

Biscuit_61281 🇸🇦

المجتمع مريض والتعليقات على إدمان البورن صادمة

في بنت نزلت مشكله من شويه انها مدمنه افلام إباحية وكدا عادي مشكله ومحتاجه حل بس ال مش عادي كمية الكومنت ال موجود ٢٠ كومنت يثبت قد اي ثرف ومجتمع مريض وهنفضل دايما ورا ومحدش يقول ان كل دول داخلين يسااعدو نصهم اشكال لاا يعلم بيها الا الله والدايل بتبقا في مشاكل اكبر من ده وبيبقا عليها ٣ او ٤ كومنت بكتير هنفضل دايما ورا شعب مش يعرف ربنا الا من رحم ربي ...عرض المزيد

3 الدعم

11 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع