صلاة وتطمين قصص حقيقية - 1 تجارب، ونصائح، ودعم

Watermelon_67766 🇪🇬

منذ أسبوعين

شعور مرتبك

انا مش قادرة افهم انا مين في كل اللي بيدور في دماغي، هل انا شخص هادي بطبعي؟ ولا انا الشخص الهايبر فجأة دا؟ هل انا كنت انطوائية وبقيت اجتماعية ولا انا لسة انطوائية ولا انا اصلا اجتماعية!؟ مش عارفة احدد هل انا بجد كويسة وتخطيت اللي تعرضتله ولا انا كل دا كابتة مشاعري جوايا وعلشان كدا كل فترة بقفل على ن

تعبت من طولي 184 وضخامتي.. عايزة أتقالع وأتدلع

انا متعقدة من شكل جسمي بجد لاني طويلة اوفر احنا عامة عيلتنا يعتبروا طوال بس البنات متوسطين انا الوحيدة اللي واخدة جينات طول الرجالة و طولي 184 و ياريتني رفيعة مثلا لا انا طول بعرض و طبعا وزني كبير حتى الميزة الوحيدة ان جسمي مشدود و متقسم طبيعي طلعت بسبب اني عندي كتلة عضلية اعلى من العادي و طول عمري اضخم من معظم دفعتي ولاد و بنات حتى دلوقتي في الكليه اطول من معظم ولاد دفعتي ماعدا تلاتة اربعة بالكتير و بيبقى نفسي اعيش تجارب البنات الكيوت انها تتشال و تتدلع بس انا محتاجه دبابة بشرية او حد صاعقة عشان اعيش التجارب دي اتقبل نفسي ازاي 😭 ...عرض المزيد

1 الدعم

1 نصيحة

ليه البنات بيعملوا كده؟ استبعدتي العمود الاساسي!

انا عايز افهم حاجه وحدة بس معقول كل الناس دي مفيش شخص واحد مقرب ف حياتهم يحكوله و يستاشيروه انا ملاحظ كمية تفكك اسري ومشاكل زوجية و بلاوي يا مولانا بلاوي ف الهدف من انك تحكيها علي البرنامج هنا انك عايز تلاقي النصيحة ولا انت بتكتبها علشان تبقي فضفت نقطة تاني الشباب متوقع منهم كدا لانهم مش بيعرفو يتكلمو ولا يفضفضو لكن كمية البنات دي ايه وضعكم انتو بتعملو ايه حقيقي وليه وحدة تكون بتشاهد اباحية تيجي تطلب نصيحة بعيدة عن الدين ماهو انتي استبعدتي العمود الاساسي لحل المشكلة ...عرض المزيد

2 الدعم

1 نصيحة

فقدت القدرة أحس.. حياتي من غير إحساس

فيه وقت معين في الحياة بتحس إنك فقدت القدرة تحس أصلًا. مش فرح، مش حزن، مش حماس… ولا حتى وجع. كأنك فصلت من كل المشاعر، وبقيت مجرد جسم بيتحرك ويمثل الدور. الناس حواليك شايفينك طبيعي، بتضحك معاهم، بتشاركهم الكلام… لكن جوه دماغك في صمت خانق. صمت مليان فراغ. تبص للحاجات اللي كنت بتحبها، مفيش أي لمعة. تستنى خبر حلو، يجي… وما يسيبش جواك أي أثر. حتى لحظة النجاح أو اللحظة اللي المفروض تفرّحك، تعدي كأنها ولا حاجة. اللي يوجع أكتر إنك مش عارف إيه السبب. مش قادر تحدد هو إيه اللي ضاع منك. هو الأمل؟ ولا الشغف؟ ولا مجرد القدرة إنك تحس؟ بتبقى تايه وسط نفسك، ومش لاقي المفتاح اللي يرجعلك الإحساس تاني. في الآخر بتستسلم، وتقول لنفسك: "ما يمكن دي حياتي خلاص… من غير إحساس." ...عرض المزيد

0 الدعم

2 نصيحة