صغيرة

Waffle_57478 🇪🇬

منذ يومين

شعور مرتبك

ازاي ممكن يبقي عندنا اكتفاء ذاتي يعني نبقي لوحدنا ونحس انا عادي مش فارق معانا تاني حاجه انا مش بشتغل ومفيش محتوي اوي في اليوم يعني اه في حجات بعملها بس برد و مفيش محتوي يعني كلها حجات عادية مفيش احداث اوي هل دا عالشان دائرة علاقاتي مش كبيرة ولا المفروض انزل عمل تطوعي يزود احداث حياتي لاني بحسها فا

Blueberry_64034 🇪🇬

منذ أسبوع واحد

شعور محبط

عبّر عن شعورك بشكل مجهول

عارفين موضوع طفلك الداخلى محتاج مساعده و انك محتاج تقابله و تتخلص من آثار الماضي جواك و كدة ؟ 
انا لو رجعت بالزمن و قابلت الطفلة دى (نفسي يعنى بعمر الطفلة ) 
غالباً هابقا انا اللى راجعة لها اعيط و اقولها تعالي لميلي الدنيا اللى بهوأت مني دى 😂💔
اه و الله ده لو هى اصلا ما سابتنيش و مشيت بعد ما تبص لى باستحقار يبقى كويس .. لا تبص لي ايه هى لو ماشتمتش او مدت ايدها عليا يبقا الحمدلله 😂😂💔
ده اصلا بداية الحوار اكيد هتسأل عن بابا 👀😥
فهاقولها الله يرحمه💔.. كدة شكراً عقد تها الحمدلله 😂
بعدين تقولى طيب اشتغلتي مهندسة زي ما كان نفسنا؟
 اقولها لا و الله .. و الانقح ولا حتى بشتغل دلوقتى صدمة تانيه 😂
طيب يا بنتي صحابنا فينهم ؟
 .. معلش يا بنتي مافيش صحاب ولا حاجة راحوا مع بداية الاكتئاب 😂
طيب مافيش شريك ز.فت حياة ؟ 😤😥
 لا و الله جه بعد الاكتئاب زوده و بقيت اروح لثرابي و اخد علاج بسببه و قال استأذن انا بقا 😂💔💔 
بجد و الله انا بشفق عليا اما بشوف صورى و انا صغيرة بيبقا صعبان عليا ان الطفلة اللى بتضحك دي الحياة سفلتتها كدة 😂😂
ولا نقول الا ما يرضي الله الحمدلله على كل حال و حسبي الله ونعم الوكيل في اللي كانوا السبب 🤷🏻‍♀️

##هرتلةـفارغة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Chocolate_82247 🇩🇿

منذ أسبوع واحد

شعور خجول

لم أعد أبحث عن أن أكون قوية دائمًا، أريد فقط أن أكون صادقة مع نفسي. أن أسمح لضعفي أن يتنفس، أن أقبل أن التغيير لا يأتي دفعة واحدة بل بخطوات صغيرة كل خطوة نحو الشفاء هي انتصار لا يراه أحد، لكنه يُشعرني أني أعود إلى الحياة ببطء.

Kiwi_84017 🇩🇿 فكرة شابة نحو التطور تقبلي ضعفك وتجاوزيه وطوري نقاط قوتك

عرض الكل 2 نصيحة

French Fries_83091 🇪🇬

منذ أسبوع واحد

شعور متعب

بعد حب سنتين بتقول لي احنا مش هننفع مع بعض عشان انت غلطت غلطه صغيره وجات صالحتني تاني قالت لي انا كنت بحاول بس ما لقيتهاش زي الاول وحاولت مع ان هي ترجع زي الاول ما رجعتش برده زي الاول وبعدين وجه تاب الحقيقه قالت لي انا بحاول عشان ما يبقاش انانيه بس ايه فعلا طلعت انانيه ما تفكرش غير في نفسها وهنا علي

Mushroom_81835 🇩🇿

منذ أسبوعين

شعور مرتبك

عندي تجربتيين فالعلاقات العاطفية وعمري 21 فصيف تكلمت مع بنت فانستغرام وكانت مثل اهتي وهيك وولحد ماقالتلي انها معجبة فينيي ووو واصبحت تحبني وتعلقت فيني وللاسف انا وافقت بس بعد ما عرفت شي تغير الوضع وهي انها صغيرة وعمرها 16 سنة بس او هيك وانا حاير هي متعلقة فيني وانا مو قادر احبها ومو قادر ابعدها هي

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Popcorn_52662 🇪🇬

منذ أسبوعين

شعور وحيد

جماعة انا عندي سؤال هو موسم الخطوبات في السن الصغير دا في كميت خطوبات غريب حولي و كلهم بيحبه بعض من سنين حت ال لسه مخطبش بيحب و هو عادي ول في ايه انا مبقتش فاهم المشكله و في ايه يعني انا عمري ما حبت او عمت صحب زيهم مش فاهم صراحه المشكله فين بس، بقت حساس انه رحت على خلاص

Avocado_75758 🇪🇬

منذ أسبوعين

شعور مستنزف

متقدملى شخص عندة مرض ثنائى القطب اجتماعيا كويس لكن دماغه صغيرة اوى وتافه كده او ممكن لان انا شخص دماغه كبيرة فشيفاه كدة مش عارفه المهم المرض دة عادى ولا لا وممكن يتنقل لولادى انا خايفه اوى انى معرفش اتعامل مع حد كدة وخايفه ع ولادى المفروض ايه الصح

Apple_70037 🇪🇬

منذ 3 أسابيع

شعور منزعج

انا بقالي كتير بدور علي فكره زي فكرة البرنامج ده ان الواحد يقول كل اللي في خاطره واللي في باله وياخد نصايح او ياخد دعم . لما لاقيت البرنامج اتضحلي ان كل اللي عليه داخلين يدورو هما كمان علي نصايح ومجروحين واعمار صغيره جدا .. اومال مين الجاني يا ولاد اللاذينه

Cookies_77416 🇪🇬

منذ شهر واحد

شعور غاضب

الحاجه الي انت بتعملها بطيبه وبنيه كويسه وهي تتفهم على انك غبي أو تتفهم غلط ده يدل على إيه بقا انه انت مش وحش ومش قليل أنت مهدور حقك في بيئة صغيره ونظرتها محدوده وضيقه وأشخاص اصلاً صغيرين من جواهم وباراهم فأنت يا بطل هتكون مستني منهم ايه أنت كبير وعندك نور داخلي ومحدش بيشوفه ألا الي منور زيك كده ونض

Hazelnut_77351 🇪🇬

منذ شهر واحد

شعور ضائع

عبّر عن شعورك بشكل مجهول

انا اسف لو هطول عليكو شويه بس محتاج حد يفهمني انا صح ولا غلط انا بحب بنت وبقالنا مع بعض 10 شهور وحاسس ان علاقتنا بتخلص بس معنديش دليل كل حاجه كانت ماشيه تمام وحلوه اوي لحد شهر 3 بس انا بطبعي بغير اوي على اللي معايا فا كنت بمنعها من حاجات لبس او نزول متأخر او ستوريز ب شكلها وهي عندها ولاد على الاكونت بتاعها هي كانت بتسمع كلامي بعد خناق واقناعات بس كنت دايما بعوضها ب كلام حلو وحنيه كتير المهم هي قبلي كانت تعرف ولد هنسميه (خالد) الولد هما مكانوش ريليشن يعتبر كانو سيتويشن شيب بس حصل كام حاجه قفلتها منو و بعد ما عرفتني كانت قطعت معاه هو حاول معاها كتير واحنا مع بعض وكانت دايما بتيجي تقولي والصراحه هي كانت بتصدو وتعملو بلوك كل مره المهم خالد دا تيك توكر بس مش مشهور اوي فا ف يوم من الايام شافتلو فيديو ف مكان كنا بنروحو وبعتتلي سكرين بتقولي دا شكلو اشتغل هناك المهم بعدها لقيتها باعته سكرين تانيه ودي اللي فتحت كل حاجه بعتت سكرين للستوري بتاعتو وبتقولي انو اشتغل هناك بجد وبتضحك ع الموقف انا مستوقفنيش اي حاجه غير انو ازاي مفروض عاملالو بلوك وشافت الستوري بتاعتو هو الاكونت بتاعو بابلك وكل حاجه بس ليه شالت البلوك دخلت اكونتها لقيتو عندها فجأه اتجننت عليها الشك وصل لاعلى مرحله عندي وقولتلها ان اكيد حصل بينكو كلام وانا عايز اعرف دلوقتي قعدت تحلفلي انو محصلش حاجه وانو بس عملها لايك ع الستوري وكنت متعصب انها ازاي تقبلو بس ثانيه! ستوري ايه اللي هي منزلاها انا مش ظاهر عندي اي ستوري؟ لقيتها بعتالي سكرين للستوري اللي منزلاها اللي انا كنت قايلها لا متنزليهاش ومكنتش موافق عليها وانا الستوري مش ظاهره عندي طلعت عملالي هايد الموضوع وسع فشخ مكنتش عارف اتصرف ازاي لقيت نفسي بقولها هاتي اكونتك حالا راحت ادتهوني فعلا دخلت افتح الارشيف لقيت اكتر من 5 ستوريهات مكنتش موافق عليهم نزلو من ورايا غير اللي نازله دلوقتي ولقيت الشاتات كلها ممسوحه حتى شاتي وشاتات صحابها كنت مقرر اني هسيبها خلاص بعد اللي حصل دا وفضلت اقولها اني مش عايز اكمل بعد اللي شوفتو بس هي فضلت تقولي كتير انها غلطه وانها كانت بتشوف البنات التانيه وهي بتنزل ستوريهات وكانت بتبقا عايزه تعمل زيهم وان انا كنت حارمها من الموضوع دا مع اني كنت دايما لما تبعتلي فيديوهاتها لازم كل مره اكتبلها ماسدج كبيره فيها كلام حلو وكل مره كلام غير التانيه عشان متحسش انها ناقصها حاجه بس معرفش ليه عملت كدا بعد ما فضلت تقنعني ووعدتني انها استحاله تعمل حركه زي دي تاني وانها هتسيب الاكونت معايا عشان اتطمن وافقت اكمل مع اني كنت خسرت ثقتي فيها تقريبا بعدها ب يوم كانت وقفه العيد الصغير فا كنت نازل مع صحابي بس قبل ما انزل كنا انا وهي اتخانقنا مكلمتنيش طول منا بره اليوم دا ولما كلمتني كانت بتكمل خناقه المهم لما روحت البيت بفتح اكونتها لقيتها مغيره الباسورد يشاء ربك ان انا لقيت عندي بالصدفه البحته اكونت تاني ليها عندي عشان اخش عليها والاقيها منزله ستوري تاني من اللي انا مكنتش موافق عليهم بعد ما قالتلي كلامها امبارح عشان ف نص ما وهي بتتخانق معايا ف الشات اقولها ان ايه وضع الستوري اللي نزلت دي قالتلي ب عصبيه انها منزلتش ستوري وقعدت تحلف روحت باعتلها سكرين الستوري لقيتها حرفيا قلبت 180 درجه بقت مش عارفه تتكلم وتقولي انت جبتها منين ومين بعتهالك انا كنت جبت اخري وبجد المرادي كنت مقرر اسيبها عشان الموضع زاد عن حدو بس هي فضلت تمسك فيا وفضلت تحاول معايا كتير وقعدت تقولي اننا ننزل نحل الموضوع انا كنت عايز انزل عشان سبب واحد بس ان انا امسك فونها ولو لقيت حاجه كنت هريح ضميري واسيبها وانا متطمن انا عمري ما شكيت فيها بس اللي حصل خلاني اشك ف كل حاجه المهم نزلنا فعلا هي فضلت تتكلم كتير وتقولي نرجع وانا قولتلها هاتي فونك انا فتحت كل حاجه وملقتش حاجه وكنت سايب الواتساب للاخر فتحت الواتساب لقيت لوك شات اول حاجه لفتت نظري قولتلها افتحيلي اللوك شات دلوقتي لقيتها اتوترت وقعدت تقولي لا دي شاتات صحابي مش هفتحلك اللوك شات قولتلها انا مالي ب شاتات صحابك اكيد مش هخش عليها يعني انا عايز بس اشوف الاسم من بره اتأكد فضلت مصره اني مخشش وشدت مني الفون جامد انا ساعتها قومت ب هدوء وكنت همشي فعلا خلاص حسيت اني فهمت كل حاجه لقيتها جايه ورايا جري بتقولي هقولك اللي حصل والله انا مكنتش فاكره اللي فيه وكنت خايفه يطلع في حاجه قالتلي انو في شات واحد زميلها ف المدرسه كان باعتلها يسألها على حاجه وردت قالتلو ان بقا في حد ف حياتها ومردتش تاني قولتلها طب ليه مقولتليش وليه مورتنيش دلوقتي قالتلي انها كانت ناسيه ورتني الشات فعلا وطلع زي ما قالت ومكنش في غيرو ف اللوك شات بس انا ساعتها مكنتش قادر اصدق اي حاجه وكنت بفكر انها اكيد مسحت حاجه عقبال ما طلعت بره مكنتش حاسس ب اي حاجه اول ف حياتي ابصلها واحس انها وحشه واني مقروف منها قولتلها انا مش هقدر اكمل لقيتها بتعيط قدامي عياط هستيري معرفتش اهديها مكنتش حاسس اني عايز لقيت نفسي بروح البيت ف اخر اليوم وهي لسه بتتصل بيا وبتحاول معايا كنت بفضل اتأخر ف الرد وارد ردود بارده مكنتش عارف افكر بردو كان في جزء جوايا عايز يكمل معاها بعد كل دا وكل الفرص اللي اديتهالها قولتلها متحاولش ولو في نصيب هنبقا مع بعض حاولت اشغل نفسي عن التفكير تاني يوم كان عندي جامعه وانا راجع حسيت ب احساس غريب وجع جوا قلبي وحاجه مش عارف اشرحها طلعت بيتي عيطت نزلت مع صحابي بليل ودماغي مكانتش معاهم روحت البيت كان نفسي تبعتلي لقيتها بعتتلي بتحاول تاني لقيت نفسي برجعلها مع ان كلو كان قايلي مرجعلهاش مهما حصل بس رجعتلها حسيتها حاولت كتير وبتحبني بجد وقولتلها شرط اننا نرجع تشيل كل الولاد وتديني الاكونت فتره وافقت ع الشرط ورجعنا قعدنا فتره مكناش احسن حاجه هي بسبب اني سبتها تعيط ف الشارع وانا بسبب كل اللي حصل فضلنا كدا فتره حوالي شهر ونص بس مع الوقت ابتدينا نرجع زي ما كنا ونقرب تاني وننسى كل اللي حصل بس كان في مشكله ان انا مبقتش عارف اثق تاني ف حوار اكونتها وهو بقا معاها وانا طلعت منو. واشترطت عليها متحطش اي ولاد تاني وهي وافقت بس كنت باجي كل اسبوعين او اسبوع اخش اشوف الفولوينج الاقي عندها كذا ولد فا اروح اقولها ونتخانق وف الاخر تشيلهم الموضوع كل بيحصل كتير وانا كنت ابتديت اتخنق منو ومش عارف افهمها اني مش عارف اثق فيها ف الحته دي تاني عشان المفروض اني وافقت اكمل ع اساس اني هرجع اثق فيها وانا فعلا رجعت اثق فيها ف كل حاجه بس معادا الحته دي مش عارف اثق فيها خالص كنت عايز حل عشان متعملش كدا فا سألتها وقالتلي لو شلت البنات اللي عندي هي مش هتقبل تاني البنات اللي عندي كانو زمايلي ف الكليه وكنت بحتاجهم ف حاجات جوا الكليه وهي كانت عارفه دا بس هي قالتلي مليش دعوه ولو عايز دا ميحصلش اعمل كدا  كنت رافض ف الاول بس بصراحه كنت عايز اخلص من عندها ودماغي فا ضحيت وشيلتهم فعلا قعدت بردو اسبوعين متحطش فجأه لقيتها بتحط وكل مره كانت بتديني حجه مره اصل دا صاحب صاحبتي وهي قالتلي انها عايزه تشوف حاجه ومره اصل هو كان يعرف ماما وهي قالتلي اقبلو ومره اصل بالغلط وانا كنت بتخنق وهي مكانتش بتبقا عارفه انا ببقا متعصب كدا ليه وقفت الموضوع حوالي شهرين عشان اخر مره قولت كلام كتير وحش فا قالت انها مش هتعمل كدا تاني وفعلا كانت بطلت فتره بس انا كنت تقريبا اتجننت كل يوم بخش الاكونت اقلب ف الفولورز عندها مش اقل من 5 مرات ف اليوم قبل كدا عملت حركه مفهمتهاش بردو بصراحه عملت اكونت من ورايا وحطت صوره مكنتش موافق عليها وانا كل دا كنت مراقب الاكونت من الفولوينج عندها ومستني اشوف هي هتعمل ايه لقيتها عملتلي بلوك منو عشان مشوفهوش يعني وكدا ولما واجهتها بالموضوع انها اكيد عملت كدا عشان هتعمل حاجه مش هترضيني اصل ليه هتخبي وتعمل حركه زي دي لو الموضوع عادي خافت وفضلت تعتذر كتير وتقولي انها مكانتش هتعما حاجه وان صحابها سخنوها تعمل اكونت من ورايا عشان انا مش موافق بالصوره اللي عايزه تحطها وهي كانت متلخبطه وسمعت كلامهم وقعدت تحلفلي انها كانت هتقولي اتضايقت اوي بردو من الموضوع دا بس عديتو لحد من كام يوم لقيتها حطت تاني اتخانقت معاها وقولت الحوار هيعدي زي كل مره وهتشيل بس هي مرضتش وفضلت تقولي ان انا عندي ف اكونت الشغل بتاعي انا عندي شغل بعملو لنفسي تبع المزيكا وبوريه للناس فا طبيعي يبقا في بنات عندي وولاد بس انا مش بستهدف فئه معينه بس الاغلب عندي بنات وكانو كتير واستحاله اشيلهم واخسر الناس اللي بتشوف شغلي مع اني والله يشهد عليا ربنا ان انا مكلمتش حد عليها ولا فكرت اصلا ب رغم كل اللي عندي وهي متكلمتش ف الموضوع ذات نفسها وقالتلي انها عشان واثقه فيا وكانت متفقه معايا انها ملهاش علاقه بالاكونت دا ف حوار البنات وليها علاقه بالاساسي اللي عليه صوري وبس بس ليه غيرت كلامها دلوقتي وقالتلي يا تقفلو يا مش هشيل حد انا اكيد رفضت اقفلو فضلنا ع الحال دا 4 ايام كنت عمال اقولها بلاش نخسر بعض عشان عند وحاجه ملهاش لازمه تبقا عندك انا عشن عندي محتوى بقدمو فا طبيعي دول هيفدوني لكن دول مش هيفدوكي ب اي حاجه وهيعملو مشاكل وهيبعتولك ليه نحط نفسنا ف كل دا وتحطيني ف كل فضلت تقنعني ان محدش هيكلمها عشان هي مش هتنزل ستوريهات ولا نوتس عشان حد يبعتلها انا مقتنعتش بالموضوع طبعا استحاله متنزلش حاجه طول حياتها فضلت اقولها ان حتى لو منزلتيش حاجه هما ممكن يكلموكي من غير حاجه وانا مش هقعد استنى لحد ما دا يحصل فضلت معنداني وانا كنت بعاملها وحش ومكنتش بتكلم معاها ف الاخر حلينا الموضوع وشالتهم وركنت العند وقالتلي انها بجد مش هتعمل كدا تاني بس انا مش عارف اثق ف حتت اكونتها ولا حتت انها مش هتقبل تاني عشان كل اللي شوفتو وحاسس ان العلاقه بتنتهي عشان كل المشاكل دي وعشان الفتره دي عاملنا بعض وحش ايام كتير سواء انا او هي وبقيت بحس اني مش عايز اقعد اكلمها زي الاول بقيت بحس وقتي معاها بدأ يبقا تقيل ولما بتنام وتقولي اصحيها لما برن اصحيها بحس اني مش عايزها ترد وعايزها تكمل نوم بقيت مستتقل الوقت معاها مع اني بحبها اوي وعملنا ذكريات كتير اوي سوا ومش شايف نفسي مع غيرها ولا عايزها تبقا مع غيري وضحيت ب حاجات كتير عشان افضل معاها ضحيت ب شغل كنت بشتغلو عشان افضل جمبها عشان هي قالتلي انها محتجاني عشان هي ف ثانويه عامه والشغل دا كان واخد وقتي كلو تقريبا وباعدني عنها مع اني كنت مرتاح فيه بس ضحيت عشانها وضحيت ب اوقات كتير حلوه مع صحابي فا مش عايز كل دا يروح ع الفاضي ف الاخر وانا مش عارف اعمل ايه حاليا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_70037 🇪🇬

منذ شهر واحد

شعور منزعج

حد يعرف برنامج نفس فكرة البرنامج ده يا شباب يكون شغال علي الايفون البرنامج هنا بقا فيه حاجات غريبه قوي وبقا مضيعه للوقت ومليان اعمار صغيره لو حد يقدر يفيدني .. ومبسااش علي برامج تواصل اجتماعي او اتصال .. نفس فكرة توهيل لانه فكره بره الصندوق بصراحه

Olive_76676 🇪🇬

منذ شهر واحد

شعور مرتبك

تخيل معايا كده إن في إيدك ريموت كنترول غريب جدًا ⏳، يقدر يرجعك تعيش يوم واحد بس من أيام حياتك زي ما هو بالظبط… هترجع ليه؟ 🤔 هل هتختار يوم فرحك الكبير أو لحظة نجحت فيها بعد تعب طويل؟ ولا يوم بسيط قضّيته مع صحابك أو أهلك وكان مليان ضحك وسعادة؟ أوقات كتير بنكتشف إن أسعد لحظاتنا مش هي الكبيرة اللي بنست

Coffee_52562 🇪🇬

منذ شهر واحد

شعور لا مبالٍ

انا شغال ف محل عصير وحلو تمام ومن فتره ممكن سنتين عرفت موقع واشتغلت عليه حبه كدا ووقفت المهم جالى فكره اني هعمل المينيو ديجيتال هعمل qr لما تعمله scan يوديك علي حاجه زي website عليه المنيو كله بالاسعار والصور لكل حاجه ف لو حد عنده افكار برضو يتفضل ولو حد عنده اي موضوع دي ني حابب اتكلم عنه يريت برضو

Pineapple_80652 🇪🇬

زهقت من حياتي وعايز انتحر بس مش عارف

حاسه ان حياتي انتهت بدري اوي بجد 31 سنه مفيش صحاب خالص و مش عايزه اشتغل لاني مش مطالبه ب ده مفيش زوج كان نفسي يبقي عندي طفل في السن ده بس للاسف مفيش اهلي مش بحبهم خالص و عاملين لي تروما بقالي 5 ايام مخرجتش من البيت حرفيا مش عارفه اروح فين ولا اعمل ايه زهقت ز قرفت من كل حاجه هو لو فكرت انتحر حيجري حاجه والله ما حيجري. و بالمناسبه بصلي ز عارفه ربنا و عارفه أنه اختبار بس زهقت و تعبت بجد 🥹🥹🥹🥹🥹 ...عرض المزيد

1 الدعم

26 نصيحة

Mango_86188 🇪🇬

زهقت من حياتي وعائلتي ونفسي مكتئبة

انا واحده عندي 40 سنه لسه ما اتجوزتش لغايه دلوقتي بس كل ما اقابل حد او اكلم مع حد احس ان هو مجرد مكالمه ان هو يطلع نقطه مش كويسه ما بقاش عندي ثقه في اي حد حتى اصحابي ساعات بيوقعوا بيني وبين ماما واختي انا زهقت حتى اختي نفسها لما اجي اكلمها تقول لي مش عايزه اسمع صوتك متعاملي معامله مش كويسه بحس انها غيرانه عشان هي اتجوزت ومسؤول وعندها بنات وانا اصلا شايله مسؤوليه ماما براعيها ومحساني ان انا فاضيه على طول مع اني مش فاضيه اصلا المفروض مشوار مش وهي تعملها تقول لي انا اعملها بتقول لي انت فاضيه تدفعها هي المشروع العلاجي تبع نقابه اختي مره في السنه تقول لي تدفعيها انتي متعامل ماما معامله ازيك يا ماما عامله ايه خايفه ان هي ترقد في يوم وهي تشيل مسؤولتها ماني انا انا اللي اصلا معاها على طول وانا شايلاها ماما مرتاحه معايا اعرف هي عايزه ايه محتاجه ايه وابسطها مش عارفه اشتغل ما اقدرش اسيب ماما لوحدها عشان لو قبضت اللي قبضته هدفعه للست اللي هتقعد معاه حتى انا كنت مخطوبه من كم سنه كنت هو كان بوظ علاقتي لماما يقول لي ماما ملهاش حق تعرف حاجه بقولهاش حاجه خالص انا كنت مخطوبه منكد عليا عيشتي بوظ علاقتي باختي برده احاول اكلم اختي احاول اكلمها اقول لها تتعدل معانا لا بالعكس اللي بتطلعنا احنا الغلطانين هي عمرها ما تغلط نفسها الاقيها معاملتها مع الغرب احسن من قريبها معاملتها في بابا لاخر فتره قبل ما يموت كانت كويسه مع اني كانت بتحبوش بتضايق قوي لما اقول للناس اشتكي درجه مره بصت على الوتساب بتاعي بتكلم مع واحده صاحبتي بشتكي هي مسكت الموبايل من ورايا وشفت الوتساب بقيت فيها اثق فيها بعد كده نعمل حاجه في شقتنا هي مش عايشه معانا هي متجوزه نعمل حاجه في شقتنا بتقول لي ليه ما قلتليش عملت كذا ما بقتش عارفه اقعد معها براحتي اعرف اكلمها ماشي حاسس انها صاحبتي هي اختي الوحيده مليش اخوات تانيين وماما مش هتعيش لما طول عمرها المفروض هي تفضلي هي اختي هي تفضلني المفروض هي سندي ليه انا لو قاعد في مشكله الجا ليها بس انا ما اقدرش تقولي انا مش عايزه حاجه اعرف عنكم حاجه ماما في حاجات تعرفها اختي ما تعرفهاش ماما اصلا صاحبتي هي كل حياتي بس هي مش هتعيش طول العمر فانا هحتاج اكلم حد اكلم مين وما اعرفش اتكلم مع اختي هيمشي لوحدي انا طلعت من دماغي حكايه الجواز خلاص بقى انا زهقت ما فيش رجاله في الزمن ده رجاله عدله بس محتاجه حد يكون سندي المفروض اختي انا محتاجه نصيحه اعمل ايه مع اختي ...عرض المزيد

1 الدعم

19 نصيحة

Strawberry_80896 🇪🇬

ملل فظيع وعاوزة اشغل نفسي ناووو بجد

ملل فظيع عاوزة اشغل نفسي ناووو بجد، محدش عنده مشكلة او عاوز نصيحة بجد انا بجد معرفش لحد الوقتي اى سبب الطاقة اللى جوايا دى بس انا عاوزة اخرجها و الله عاوزة أنشرها بجد لأنها طاقة إيجابية جدا، انا معرفش ده اى بس حاسة انها حاجة حلوة🩵🌸 ...عرض المزيد

0 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع