صعوبة الاستيقاظ

Almond_56393 🇪🇬

منذ 3 أشهر

شعور مكتئب

أنا بكره أول لحظة بصحى فيها من النوم. مش علشان كنت بحلم… أنا حتى مبقتش بحلم. بس أول ما بفتح عيني، كل حاجة بترجع تتقل تاني: التفكير، الهم، الوَحدة، جسمي اللي بيقوم بالعافية، دماغي اللي بتزن كأنها بتنتقم مني. بكره إني بفوق، كأن يوم جديد مش فرصة… لا، يوم جديد يعني عذاب متكرر بنفس الطريقة، بنفس الوشوش،

Banana_51073 🇪🇬

منذ 8 أشهر

شعور غاضب جدًا

أنا عندي مشكلة في النوم يعني ولا بعرف انام بسهولة ولا بعرف اصحي بسهولة ، بليل افضل قاعد كتير لحد ما اعرف انام والصبح افضل كتير علي ما اقوم م السرير وطبعا متأخر علي شغلي كل يوم وجسمي واجعني ع طول لاني مش باخد كفايتي ف النوم ، أنا بقالي كتير اوي بحاول بس مش عارف اظبط الموضوع ده خالص ..

Avocado_11710 🇪🇬

منذ سنة واحدة

شعور Bad 😞

انا مشكلتي اكبر من كده بكتيرررر هصحي ٥ اروح الشغل ازاي

Grape_72174 🇪🇬

منهاره وأيدي بترعش بعد ما اكتشفت أن أختي بتتسمع عليا

ابوس ايديكم ردو عليا قولولي اعمل اي علشان انا منهاره وايدي بتترعش قسماً بالله ، انا واختي عندنا ايربودز واحده وانا باخدها منها شويه وهي برضو وهكذا قفلت موبايلي وحطيته علي الشاحن كان فصل ودخلت استحميت طلعت شلت الايربودز من علي الشاحن وفتحتها وحطيتها لقيت اصوات قذره طالعه منها روحت اتأكدت ان موبايلي مقفول قسماً بالله ما اديت خوانه لدرجة طلعت التاب الي مش بنوصله بيه ابدا لقيت البلوتوث مقفول وماما وبابا برا وانا معنديش غير اختي بس ومفيش غيرنا في البيت دخلت لقيتها مغطيه نفسها بالبطانيه وانا والله ما قدرت اعمل اي حاجه ساعتها علشان دي اختي الكبيره مش هقدر ، ودخلت الحمام الي هو جنب الاوضه اغسل وشي لقيتها شغلت التيكتوك وانا ساعتها حطيت السماعات في العلبه طلعت جري عليها وفتحتها لقيتها اتوصلت بموبايلها واشتغلت نفس الاغنيه الي كانت شغاله معناها انها فعلا كانت متوصله بموبايلها ، انا منهاره قسماً بكتاب الله اني بكتب الكلام دا وأيدي بترتعش وحاسه اني مقروفه منها ومش عارفه هرجع اكلمها ازاي بعد ما عرفت ...عرض المزيد

5 الدعم

34 نصيحة

Orange_77910 🇪🇬

علاقتي تغيرت بعد ما دخل الجامعه ومش عارفه اعمل ايه

سلام عليكم انا في علاقه مع واحد في اولى جامعه تمام هو الاول كان كويس معايا بس من ساعت ما دخل جامعه وهو بيقول انه مشغول طول اليوم ميردش يقول كنت في الجامعه يعني بجد معندوش دقيقه يرد او يبعت هو حتى ايام الجامعه الكلام بيبقى قليل انا مش عارفه هو فعلا مشغول وعنده ظروف ولا هو مش عايزني سألت إذا كان في حد تاني عايزه قالي لا المفروض اعمل ايه بجد انا تايهه وفي نفس الوقت مضايقه من اللي بيحصل ...عرض المزيد

2 الدعم

27 نصيحة

Potato_77924 🇪🇬

تعيسة في حياتي المثالية ومش قد كلية طب

السلام عليكم انا جيت هنا من خنقتي يا ريت متحكموش عليا غير لما تسمعوا للاخر انا واحده بعيش حياه اللي يشوفها يتمنى يبقى مكاني امي وابويا ناس محترمه ومعروفين في البلد اختي دكتوره وانا طالبه في كليه طب بشري وطول عمري محبوبه وبطلع انا حاليا بعيش احلامي بالتفصيل بس معرفش انا تعيسه كده ليه انا من ساعه ما دخلت طب وانا عندي صداع نصفي مزمن من الضغط النفسي و بيقعد بالعشرين ساعه من غير ما يخف لحظه معدتي باظت من كتر الدوا مش عارفه اذاكر نهائي انا امتحاناتي قربت وانا مفتحتش الكتاب حتى نفسيتي زفت واحساس الذنب حاسه اني بكرهني اوي لاني مقصره جدا و الدنيا سواد في عيني ومش شايفه غير حل واحد اسيب الكليه لاني مش قدها وهي سببالمرض عندي الضغط النفسي والتوتر لما قلت كده لاهلي قالولي اني بتبطر على النعمه وغيرنا بيدفع مئات الالاف علشان يدخلوها زيك واني جبانه وبتهرب من المسئوليه انا حاسه اني مينفعش اكون طبيبه مع اني في اولى جبت امتياز بس طاقتي كلها لصت حاسه اني روبوت انا مش عارفه انا بكتب ليه علشان اخفف عن نفسي شويه ادعولي ربنا ييسرلي امري ...عرض المزيد

3 الدعم

25 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع