صعوبات النقاش

Strawberry_47092 🇪🇬

منذ 8 أشهر

شعور مرتبك

عبّر عن شعورك بشكل مجهول

جماعة بصوا انا شخصية صعبة شوية او شويتين تلاتة انا عندي مشكلة نفسية بسبب اهلي و دا مخليني شخص عنده خوف دائم و دايما عاوزة حد يطمني و بطبيعة الحال من الصعب ان حد يعرف يتعامل مع شخصية زيي خصوصا اني من اقل حاجة صغيرة ممكن تخليني اكره الشخص اللي قدامك بمجرد شعور الخوف بسبب العقدة دي ، انا عرفت شخص من سنتين و الشخص دا اول حب في حياتي ، انا دخلت علاقتين قبل كدا بس الموضوع كان لهو اطفال و انا ندمانة عليهم جدا عشان طبعا طبعا اهلك مشاعري مع ناس مش بحبهم و عشان حسيت دا هيأثر مستقبليا على اي حد هيعرف عني حاجة زي دي اكيد هيخاف مني  و كمان عشان حرام ، ، المهم الشخص دا انا حبيته من كل قلبي ، حبيته لدرجة الجنون بالمعنى الحرفي للكلمة و هو الوحيد اللي متأكدة انه بيقدر يطمني و بيقدر يحافظ عليا و هو مستعد طول الوقت انه يفضل يقولي انه جنبي و انه هيفضل معايا طول الوقت هو الحقيقة بيعمل كل حاجة ممكن اكون محتاجاها و كمان بيستحملني اوي اوي انا بجد ممتنة لوجوده في حياتي انا دايما بالنسباله في المرتبة الاولى ، هو بس في عيب صغير اوي اوي قدام كل العيوب اللي فيا دي ، العيب دا انه عنده مشكلة في النقاشات يعني لما بيدخل نقاش ف هو بيتحول لشخص هجومي جدا و مبيتفهمش رأي اي حد ابدا معندوش فكرة اختلاف الاراء ابدا و بالرغم من دا هو ممكن يتنازل عشاني في مواقف عادي لكن ستيل مش بيفكر يغير وجهة نظره في الموضوع انا بحبه و مش عاوزه احس انه بيعمل حاجة هو مش مبسوط منها او مثلا بيوافقلي على حاجات هتكون لمرة واحدة عشاني و مش هتتكرر تاني انا حابة يكون في لغة حوار بينا و نقدر نكون اقرب من كدا لأن ناس كتير اوي قالولي ان لغة الحوار بينا لو مش هتتظبط هتبقا ازمة في حياتنا و دا عاملي رعب ، انا اسفة اتكلمت كتير بس دخلتكوا في التفاصيل عشان تشوفوا كل الابعاد انا حاولت اتكلم معاه بهدوء و حاولت المحله مثلا بطريقة تانية حاولت اقوله ما تيجي نقرأ كتاب كذا بيقوي لغة التواصل بين اي اتنين و كدا بس مفيش حاجة بتنفع بقالنا سنتين ف ادوني رأيكوا هي دي بجد ازمة مينفعش اتجنبها ابدا ولازم افضل اتكلم معاه و احاول معاه كل شوية (مع العلم انه بدأ يقولي اني مش بحبه بسبب اني مش متقبلة منه اي غلطة مع ان هي مش كدا ان بس بحاول دايما اخلينا اقرب لبعض دايما و بقوله دا بكل حب مش بنكد و مش بخناق ابدا ) ولا اعدي الموضوع و اتقبله و خلاص 
ملحوظة : انا بحبه و مش هسيبه ف يا اما هتحمل الموضوع يا هفضل طول الوقت اتكلم فيه لحد ما يتصلح

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_74069 🇪🇬

متخليش الألم يخليك تقفل قلبك يا صاحبي

عارف إنك حاسس إن الدنيا كلها ضدك، وإن كل الناس حواليك بتخون وتوجعك. بس صدقني يا صاحبي مش كل الناس شبه بعض، لسه في قلوب صافية ونفوس نقية. الغدر والخيانة مش بيغيروا في قيمتك ولا في طيبتك، دول بيكشفوا معادن الناس بس. متخليش الألم يخليك تقفل قلبك، افتكر دايمًا إن ربنا بيعوض وبيجبر، وممكن في لحظة يبعثلك حد يكون سند وأمان حقيقي. خليك قوي، وخلي ثقتك في ربنا أكبر من خوفك من البشر ...عرض المزيد

1 الدعم

1 نصيحة

Watermelon_71245 🇪🇬

أنا رغاية شوية وبحكي حياتي للناس

جماعه انا بحس انى رغايه شويه و ممكن احكى حاجات لناس مش مهمه اصلا و ممكن ادخل فى كذا موضوع كمان يمكن ده بسبب انى مليش اخوات فبحاول اعوض الفكره دى معرفش بس بجد انا نفسى ابطل احكى قصه حياتى انا عمرى ما قولت سر حد استأمنى عليه انا بس رغايه عن حالى لا اكثر ...عرض المزيد

0 الدعم

8 نصيحة

Watermelon_72972 🇪🇬

الجنس مش شهوة بس.. ده أسلوب حب واحترام

يا جماعة الجنس هو طريقة للتعبير عن الحب واظهاره مش مجرد شهوة وإثبات فحولة او انوثة وعادة اللي بيقعد يفرك ف نفسه كتير كدة مش هيعرف يعمل حاجة لما يتجوز ف ارجوكم حافظوا على هرموناتكم او استخدموها ف حاجة مفيدة ودمتم 😅 ...عرض المزيد

0 الدعم

5 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع